დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„აფთიაქის (სპეციალიზებული სავაჭრო ობიექტის) და საცალო რეალიზაციის სავაჭრო ობიექტის სანიტარიულ-ჰიგიენურ/ტექნიკური პირობების განსაზღვრის შესახებ" საქართველოს შრომის, ჯანმრთელობისა და სოციალური დაცვის მინისტრის 2009 წლის 24 ნოემბრის N387/ნ ბრძანებაში დამატების შეტანის თაობაზე | |
---|---|
დოკუმენტის ნომერი | 397/ნ |
დოკუმენტის მიმღები | საქართველოს შრომის, ჯანმრთელობისა და სოციალური დაცვის მინისტრი |
მიღების თარიღი | 07/12/2010 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | სსმ, 160, 07/12/2010 |
ძალის დაკარგვის თარიღი | 30/09/2014 |
სარეგისტრაციო კოდი | 470230000.22.035.016019 |
საქართველოს შრომის, ჯანმრთელობისა და სოციალური დაცვის მინისტრის
ბრძანება №397/ნ
2010 წლის 7 დეკემბერი
ქ. თბილისი
„აფთიაქის (სპეციალიზებული სავაჭრო ობიექტის) და საცალო რეალიზაციის სავაჭრო ობიექტის სანიტარიულ-ჰიგიენურ/ტექნიკური პირობების განსაზღვრის შესახებ” საქართველოს შრომის, ჯანმრთელობისა და სოციალური დაცვის მინისტრის 2009 წლის 24 ნოემბრის №387/ნ ბრძანებაში დამატების შეტანის თაობაზე
მუხლი 1
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, „აფთიაქის (სპეციალიზებული სავაჭრო ობიექტის) და საცალო რეალიზაციის სავაჭრო ობიექტის სანიტარიულ-ჰიგიენურ/ტექნიკური პირობების განსაზღვრის შესახებ” საქართველოს შრომის, ჯანმრთელობისა და სოციალური დაცვის მინისტრის 2009 წლის 24 ნოემბრის №387/ნ ბრძანებით (სსმ III, 2009 წელი, №145, მუხ.1690) დატკიცებული „აფთიაქის (სპეციალიზებული სავაჭრო ობიექტის) და საცალო რეალიზაციის სავაჭრო ობიექტის სანიტარიულ-ჰიგიენურ/ტექნიკური პირობების“ პირველ მუხლს დაემატოს შემდეგი შინაარსის მე-16 პუნქტი:
„16. აფთიაქს შიდა და გარე პერიმეტრზე უნდა გააჩნდეს ვიდეომეთვალყურეობის სისტემა, რომელიც შეესაბამება „აზარტული და სხვა მომგებიანი თამაშობების (გარდა წამახალისებელი გათამაშებისა) ადგილებზე და გარე პერიმეტრზე ვიდეომეთვალყურეობის სისტემებისა და მათი დამონტაჟება-ექსპლოატაციის წესის დამტკიცების შესახებ“ საქართველოს შინაგან საქმეთა მინისტრის 2007 წლის 29 აგვისტოს №1143 ბრძანებით განსაზღვრულ ვიდეომეთვალყურეობის სისტემებსა და მათი დამონტაჟება-ექსპლუატაციის წესებს.
შენიშვნა: „აფთიაქის (სპეციალიზებული სავაჭრო ობიექტის) და საცალო რეალიზაციის სავაჭრო ობიექტის სანიტარიულ-ჰიგიენურ/ტექნიკური პირობების“ პირველი მუხლის მე-16 პუნქტით გათვალისწინებული მოთხოვნა 2011 წლის 1 თებერვლიდან სავალდებულოა მხოლოდ ქ. თბილისში ფუნქციონირებადი აფთიაქებისათვის. სხვა ტერიტორიებზე ფუნქციონირებადი აფთიაქებისათვის შიდა და გარე პერიმეტრზე ვიდეომეთვალყურეობის სისტემის არსებობის მოთხოვნა შემოღებული იქნება ეტაპობრივად.”.
მუხლი 2
საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალმა სახელმწიფო საქვეუწყებო დაწესებულებამ – სამედიცინო საქმიანობის სახელმწიფო რეგულირების სააგენტომ ამ ბრძანების გამოქვეყნებიდან ერთი კვირის ვადაში უზრუნველყოს ქ. თბილისში ფუნქციონირებადი აფთიაქების ინფორმირება შიდა და გარე პერიმეტრზე ვიდეომეთვალყურეობის სისტემის არსებობის აუცილებლობის შესახებ.
მუხლი 3
ბრძანება ამოქმედდეს გამოქვეყნებისთანავე.
ა. ურუშაძე
დოკუმენტის კომენტარები