საქართველოს სისხლის სამართლის საპროცესო კოდექსში დამატებებისა და ცვლილების შეტანის თაობაზე

საქართველოს კანონი

საქართველოს სისხლის სამართლის საპროცესო კოდექსში დამატებებისა და ცვლილების შეტანის თაობაზე

    მუხლი 1

საქართველოს სისხლის სამართლის საპროცესო კოდექსში (პარლამენტის უწყებანი, №13-14, 08.04.1998) შეტანილ იქნეს შემდეგი დამატებები და ცვლილება:

1. 606-ე მუხლის მესამე ნაწილს სიტყვის „ინვალიდობის,“ შემდეგ დაემატოს სიტყვები „ხანდაზმულობის ასაკის“.

2. 608-ე მუხლის:

ა) სათაურში სიტყვის „ავადმყოფობის“ შემდეგ დაემატოს სიტყვები „ან ხანდაზმულობის ასაკის“;

ბ) პირველი ნაწილი ჩამოყალიბდეს შემდეგი რედაქციით:

„1. საქართველოს სისხლის სამართლის კოდექსის 74-ე და „პატიმრობის შესახებ“ საქართველოს კანონის 67-ე მუხლებით გათვალისწინებული პირობების არსებობისას, მსჯავრდებულის შუამდგომლობით ან/და სასჯელაღსრულების დაწესებულების დირექტორის წარდგინებით, ხანდაზმულობის ასაკს მიღწეული პირის, აგრეთვე სამედიცინო დასკვნის საფუძველზე მძიმე ან განუკურნებელი სენით დაავადებულის მიმართ სასამართლოს უფლება აქვს გამოიტანოს განჩინება (დადგენილება) მსჯავრდებულის სასჯელის შემდგომი მოხდისაგან გათავისუფლების შესახებ.“.

გ) მეორე ნაწილში სიტყვის „ავადმყოფობის“ შემდეგ დაემატოს სიტყვები „ან ხანდაზმულობის ასაკის“.

3. 616-ე მუხლის მესამე ნაწილში სიტყვის „ავადმყოფობის“ შემდეგ დაემატოს სიტყვები „ან ხანდაზმულობის ასაკის“.

4. 617-ე მუხლის მეოთხე ნაწილში სიტყვების „სასჯელის მოხდისაგან“ შემდეგ დაემატოს სიტყვები „ხანდაზმულობის ასაკის გამო ან“.

    მუხლი 2

ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტი ედუარდ შევარდნაძე.

თბილისი,

2002 წლის 4 ივლისი.

№1631–რს