,,სამხედრო სამსახურის გავლის შესახებ დებულების თაობაზე“ საქართველოს პრეზიდენტის 1998 წლის 26 ოქტომბრის №609 ბრძანებულებაში ცვლილების შეტანის შესახებ

საქართველოს პრეზიდენტის

ბრძანებულება №865

 2011 წლის 28 დეკემბერი

 ქ. თბილისი

,,სამხედრო სამსახურის გავლის შესახებ დებულების თაობაზე“ საქართველოს პრეზიდენტის 1998 წლის 26 ოქტომბრის №609 ბრძანებულებაში ცვლილების შეტანის შესახებ

1. ,,ნორმატიული აქტების შესახებ“ საქართველოს კანონის მე-20 მუხლის შესაბამისად, ,,სამხედრო სამსახურის გავლის შესახებ დებულების თაობაზე“ საქართველოს პრეზიდენტის 1998 წლის 26 ოქტომბრის №609 ბრძანებულებით (სსმ III, 1998 წ., №3, მუხ. 73) დამტკიცებულ დებულებას დაემატოს შემდეგი შინაარსის VI¹ თავი:

,,თავი VI¹. სამხედრო სარეზერვო სამსახურის გავლის თავისებურებანი

1. პირს, საკუთარი სურვილის შესაბამისად, სამხედრო სარეზერვო სამსახურის გავლის უფლება აქვს იმ შემთხვევებში, თუ იგი:

ა) ,,სამხედრო სარეზერვო სამსახურის შესახებ“ საქართველოს კანონის შესაბამისად:

ა.ა) ექვემდებარება სამხედრო სარეზერვო სამსახურის გავლას - სამხედრო სარეზერვო სამსახურში გამოძახებამდე;

ა.ბ) სარგებლობს სამხედრო სარეზერვო სამსახურის გავლის გადავადების ან გათავისუფლების უფლებით და კანონმდებლობა არ ზღუდავს მის მიერ საკუთარი სურვილით სამხედრო სარეზერვო სამსახურის გავლას;

ბ) არის სამხედრო სარეზერვო სამსახურისათვის გათვალისწინებულზე მეტი ასაკის.

2. ამ თავის პირველი პუნქტის მოქმედება არ ვრცელდება ,,სამხედრო სარეზერვო სამსახურის შესახებ“ საქართველოს კანონის მე-8 მუხლის პირველი პუნქტის ,,ზ“ და ,,მ“ ქვეპუნქტებით, მე-2 პუნქტით და მე-9 მუხლის ,,ზ“ ქვეპუნქტით განსაზღვრულ პირებზე.“.

2. ეს ბრძანებულება ამოქმედდეს გამოქვეყნებისთანავე და გავრცელდეს 2011 წლის 21 ნოემბრიდან წარმოშობილ სამართლებრივ ურთიერთობებზე.

მ. სააკაშვილი