საქართველოს ადმინისტრაციულ სამართალდარღვევათა კოდექსში დამატებისა და ცვლილებების შეტანის შესახებ

საქართველოს კანონი

საქართველოს ადმინისტრაციულ სამართალდარღვევათა კოდექსში დამატებისა და ცვლილებების შეტანის შესახებ

    მუხლი 1

საქართველოს ადმინისტრაციულ სამართალდარღვევათა კოდექსში (საქართველოს სსრ უმაღლესი საბჭოს უწყებები, 1984 წელი, №12-ის დანართი, მუხ. 421) შეტანილ იქნეს შემდეგი დამატება და ცვლილებები:

1. კოდექსს დაემატოს შემდეგი შინაარსის 44⁶ მუხლი:

     „მუხლი 44⁶. შესაბამისი სამედიცინო დაწესებულების მიერ შეზღუდული შესაძლებლობის სტატუსის დასადგენად ისეთი დოკუმენტის/დასკვნის გაცემა, რომელიც სოციალური გასაცემლებისა (მათ შორის, ფულადისა და არაფულადის) და შეღავათების არასწორი მიღების საფუძველია

სამედიცინო დაწესებულების მიერ შეზღუდული შესაძლებლობის სტატუსის დასადგენად ისეთი დოკუმენტის/დასკვნის გაცემა, რომელიც სოციალური გასაცემლებისა (მათ შორის, ფულადისა და არაფულადის) და შეღავათების არასწორი მიღების საფუძველია, –

გამოიწვევს დაჯარიმებას 1 000-დან 1 500 ლარამდე.“.

2. 208-ე მუხლი ჩამოყალიბდეს შემდეგი რედაქციით:

     „მუხლი 208. რაიონული (საქალაქო) სასამართლოების განსჯადი ადმინისტრაციულ სამართალდარღვევათა საქმეები

რაიონული (საქალაქო) სასამართლო განიხილავს ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 42¹-42² მუხლებით, 43-ე მუხლის მე-2 ნაწილით, 44-ე–44³, 44⁵, 44⁶, 45-ე–56-ე, 57-ე–69-ე, 71-ე–86-ე, 88-ე–91², 92², 94-ე–100², 103-ე–105¹, 125¹, 128¹, 128², 143-ე–144¹, 144³–144⁵, 145-ე, 146-ე, 146¹, 147¹, 148-ე–154², 155¹–156-ე, 157¹–158¹, 159-ე–159⁹, 163-ე, 164-ე, 164⁴, 165¹–165³, 166-ე, 167-ე, 170-ე მუხლებით, 171-ე მუხლის მე-3 ნაწილით, 171¹, 173¹⁰, 173¹¹, 174⁵, 174⁸–174¹⁴, 177⁸–178-ე, 179¹–183-ე, 187-ე–187², 189-ე, 191-ე მუხლებით (გარდა 191-ე მუხლის პირველი და 1¹ ნაწილებისა), 192-ე, 195-ე, 196²–196⁶, 197¹ მუხლებით.“.

3. 239-ე მუხლის 38-ე ნაწილი ჩამოყალიბდეს შემდეგი რედაქციით:

„38. ამ კოდექსის 44², 44⁵ და 44⁶ მუხლებით გათვალისწინებულ სამართალდარღვევათა შესახებ ოქმებს ადგენენ საქართველოს შრომის, ჯანმრთე-ლობისა და სოციალური დაცვის სამინისტროს, აფხაზეთისა და აჭარის ავტონომიური რესპუბლიკების სამედიცინო ან ფარმაცევტული საქმიანობის სახელ-მწიფო კონტროლისა და ზედამხედველობის განმახორციელებელი დაწესებულებები.“.

    მუხლი 2.

ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტი მ. სააკაშვილი

თბილისი,

2006 წლის 29 დეკემბერი.

№4305–რს