დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
ქალაქ გორის მუნიციპალიტეტის სიმბოლოების - გერბის და დროშის დამტკიცების შესახებ | |
---|---|
დოკუმენტის ნომერი | 10 |
დოკუმენტის მიმღები | ქალაქ გორის მუნიციპალიტეტი |
მიღების თარიღი | 05/02/2016 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 12/02/2016 |
ძალის დაკარგვის თარიღი | 20/04/2018 |
სარეგისტრაციო კოდი | 010250000.35.174.016146 |
კონსოლიდირებული პუბლიკაციები |
პირველადი სახე (12/02/2016 - 13/04/2018)
|
საქართველოს ორგანული კანონის „ადგილობრივი თვითმმართველობის კოდექსი“ მე-8 მუხლის მე-2 პუნქტის, 24-ე მუხლის 1-ლი პუნქტის „ა.გ“ ქვეპუნქტის და 61-ე მუხლის 1-ლი და მე-2 პუნქტების შესაბამისად, ქალაქ გორის მუნიციპალიტეტის საკრებულო ადგენს:
|
მუხლი 1 |
დამტკიცდეს ქალაქ გორის მუნიციპალიტეტის გერბი №1, დანართის თანახმად (№1 დანართი თან ერთვის 1 ფურცლად).
|
მუხლი 2 |
დამტკიცდეს ქალაქ გორის მუნიციპალიტეტის დროშა №2, დანართის თანახმად (№2 დანართი თან ერთვის 1 ფურცლად).
|
მუხლი 3 |
დადგენილება ამოქმედდეს გამოქვეყნებისთანავე. |
|
დანართი №1
|
ქალაქ გორის მუნიციპალიტეტის გერბის აღწერილობა გერბის ფარი გადაკვეთილია ჰორიზონტალურად ქონგურისებურად ორ ნაწილად – ლაჟვარდის და მეწამულ ველებად. I ნაწილის ლაჟვარდის მეწამულ ველზე გამოსახულია ოქროს გასაღები და ვერცხლის მთა. II ნაწილის მეწამულ ველზე გამოსახულია ორი მდინარის შეერთება ვერცხლის სტილიზებული ტალღოვანი შემცირებული სარტყლით. ფარს ზემოთ მოთავსებულია საქალაქო ვერცხლის გვირგვინი – სამკოშკიანი ქონგურებიანი გალავანი ნახევრად ღია ჭიშკრით. ფარს გარს არტყია შესამკობელი – ვაზის ფოთლების ვერცხლის ორნამენტი. ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავით ჩაწერილია გერბის დევიზი ,,გორი“. სადევიზო ბაფთის ორივე მხარეს გამოსახულია ორი მცირე მეწამული ჰერალდიკური ჯვარი. |
დანართი №2
|
ქალაქ გორის მუნიციპალიტეტის დროშა აღწერილობა
მეწამულ ველზე გამოსახულია ვერცხლის მარჯვნივ გადაბრუნებული ორკაპისებრი ჰერალდიკური ჯვარი, რომელიც დროშას ჰყოფს სამ ნაწილად. დროშის მარჯვენა ნაწილში, ლაჟვარდის ველზე, ჯვრის მკლავებს შორის გამოსახულია ოქროს გასაღები. დროშის პროპორციები: 2:3
|
დოკუმენტის კომენტარები