დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოში უცხოელთა დროებითი შემოსვლის, ყოფნისა და გასვლისა შესახებ“ საქართველოს კანონში ცვლილებებისა და დამატების შეტანის თაობაზე | |
---|---|
დოკუმენტის ნომერი | 389 |
დოკუმენტის მიმღები | საქართველოს პარლამენტი |
მიღების თარიღი | 13/08/2004 |
დოკუმენტის ტიპი | საქართველოს კანონი |
გამოქვეყნების წყარო, თარიღი | სსმ, 24, 25/08/2004 |
ძალის დაკარგვის თარიღი | 01/06/2006 |
სარეგისტრაციო კოდი | 010.140.000.05.001.001.555 |
საქართველოს კანონი
„საქართველოში უცხოელთა დროებითი შემოსვლის, ყოფნისა და გასვლის შესახებ“ საქართველოს კანონში ცვლილებებისა და დამატების შეტანის თაობაზე
მუხლი 1. „საქართველოში უცხოელთა დროებითი შემოსვლის, ყოფნისა და გასვლის შესახებ“ საქართველოს კანონში (საქართველოს პარლამენტის უწყებები, 1993, №9, მუხ.185) შეტანილ იქნეს შემდეგი ცვლილებები და დამატება:
1. მე-3 მუხლის:
ა) მე-2 პუნქტის „დ“ ქვეპუნქტი ამოღებულ იქნეს;
ბ) მე-3 პუნქტი ჩამოყალიბდეს შემდეგი რედაქციით:
„3. ამ მუხლის მე-2 პუნქტით განსაზღვრული ვიზის კატეგორიების სახეებია: შემოსვლის, შემოსვლა-გასვლის, გასვლის და სატრანზიტო. გასვლის ვიზა არ ესაჭიროებათ იმ უცხოელებს, რომლებსაც კანონმდებლობით დადგენილი წესით მოპოვებული აქვთ საქართველოში მუდმივად ცხოვრების უფლება.“.
2. მე-5 მუხლი ამოღებულ იქნეს.
3. კანონს დაემატოს შემდეგი შინაარსის 61 მუხლი:
„მუხლი 61
საქართველოში შემოსვლისათვის ვიზა არ ესაჭიროებათ იმ საკრუიზო გემის მგზავრებს, რომელთა ყოფნის ვადა საქართველოს ტერიტორიაზე არ აღემატება 72 საათს, გარდა საქართველოს კანონმდებლობით გათვალისწინებული განსაკუთრებული შემთხვევებისა.“.
მუხლი 2. ეს კანონი ამოქმედდეს გამოქვეყნებისთანავე.
საქართველოს პრეზიდენტი მ. სააკაშვილი
თბილისი,
2004 წლის 13 აგვისტო.
№389-რს
დოკუმენტის კომენტარები