“რეფერენდუმის შესახებ” საქართველოს კანონში დამატების შეტანის თაობაზე

 საქართველოს კანონი

„რეფერენდუმის შესახებ“ საქართველოს კანონში დამატების შეტანის თაობაზე

     საქართველოს პარლამენტი ადგენს:

I. „რეფერენდუმის შესახებ“ საქართველოს 1996 წლის 15 მაისის კანონს დაემატოს შემდეგი შინაარსის I¹ თავი:

„თავი I¹  პლებისციტი

 მუხლი 8¹.

 პლებისციტის დანიშვნა და ჩატარების წესი

1. პლებისციტი არის კენჭისყრით საერთო-სახალხო გამოკითხვა განსაკუთრებით მნიშვნელოვან სახელმწიფოებრივ საკითხებზე საქართველოს ამომრჩეველთა ან მისი ნაწილის აზრის გასაგებად.

2. პლებისციტს ნიშნავს საქართველოს პრეზიდენტი საკუთარი ინიციატივით.

3. პლებისციტის შედეგები სახელმწიფო ხელისუფლების ორგანოებისათვის სარეკომენდაციო ხასიათისაა.

4. პლებისციტის ჩატარებაზე ვრცელდება „რეფერენდუმის შესახებ“ საქართველოს კანონით დადგენილი წესები, გარდა მე-4 მუხლისა.“.

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი ედუარდ შევარდნაძე

თბილისი,

1996 წლის 29 ოქტომბერი

№460–Iს