დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
შპს „ენერგო ინვესტისთვის“ საქართველოს „წითელი ნუსხით“ დაცული მცენარეთა სახეობების ბუნებრივი გარემოდან ამოღებაზე თანხმობის მიცემის შესახებ | |
---|---|
დოკუმენტის ნომერი | 2089 |
დოკუმენტის მიმღები | საქართველოს მთავრობა |
მიღების თარიღი | 05/10/2017 |
დოკუმენტის ტიპი | საქართველოს მთავრობის განკარგულება |
გამოქვეყნების წყარო, თარიღი | ვებგვერდი, 17/10/2017 |
სარეგისტრაციო კოდი | 000000000.00.003.024734 |
საქართველოს მთავრობის
განკარგულება №2089
2017 წლის 5 ოქტომბერი
ქ. თბილისი
შპს „ენერგო ინვესტისთვის“ საქართველოს „წითელი ნუსხით“ დაცული მცენარეთა სახეობების ბუნებრივი გარემოდან ამოღებაზე თანხმობის მიცემის შესახებ
„საქართველოს „წითელი ნუსხისა“ და „წითელი წიგნის“ შესახებ“ საქართველოს კანონის 24-ე მუხლის პირველი პუნქტის „ვ“ ქვეპუნქტისა და ამავე მუხლის 23 პუნქტის შესაბამისად:
1. ყვარლის მუნიციპალიტეტის ტერიტორიაზე ავანი ჰესის მშენებლობის პროექტის განსახორციელებლად, შპს „ენერგო ინვესტს“ (ს/ნ: 404455898) მიეცეს უფლება, ბუნებრივი გარემოდან ამოიღოს მიწის ნაკვეთებზე (მიწის (უძრავი ქონების) საკადასტრო კოდი: №57.35.53.048; №57.35.53.050; №57.35.53.032; №57.35.53.028; №57.35.53.024; №57.35.53.051; №57.35.53.047; №57.35.53.029; №57.35.53.043; №57.35.53.033; №57.35.53.040; №57.35.53.042; №57.35.53.031; №57.35.53.041; №57.35.53.034; №57.35.53.030; №57.35.53.044; №57.35.53.039; №57.35.53.045; №57.35.53.037) მდებარე, საქართველოს „წითელ ნუსხაში“ შეტანილი მცენარეების შემდეგი სახეობები:
ა) ჩვეულებრივი წაბლი (Castanea sativa Mill.) – 18 (თვრამეტი) ინდივიდი;
ბ) ლაფანი (Pterocarya pterocarpa (Michx.) Kunth.) – 17 (ჩვიდმეტი) ინდივიდი.
2. შპს „ენერგო ინვესტი“ ვალდებულია:
ა) საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებას – გარემოსდაცვითი ზედამხედველობის დეპარტამენტს წინასწარ აცნობოს საქართველოს „წითელ ნუსხაში“ შეტანილი მცენარეთა სახეობების ბუნებრივი გარემოდან ამოღების დაგეგმილი ვადების შესახებ;
ბ) მოჭრილი მერქნული რესურსი, დაუკოტრავი სახით, სახეობების მიხედვით, დაასაწყობოს სსიპ – ეროვნული სატყეო სააგენტოს მიერ მითითებულ ტერიტორიაზე და გადასცეს მას მიღება-ჩაბარების აქტით.
3. ამ განკარგულების პირველი პუნქტით გათვალისწინებული, საქართველოს „წითელ ნუსხაში“ შეტანილი მცენარეების ბუნებრივი გარემოდან ამოღებაზე კონტროლი განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა.
პრემიერ-მინისტრი გიორგი კვირიკაშვილი
დოკუმენტის კომენტარები