,,ფარმაცევტული პროდუქტის რეალიზატორის მიერ სსიპ - წამლის სააგენტოსთვის საბითუმო და საცალო რეალიზაციის დაწყებისა და დასრულების შესახებ შეტყობინების ფორმისა და წესის დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2016 წლის 20 ივლისის N01-28/ნ ბრძანებაში ცვლილების შეტანის თაობაზე

,,1. დამტკიცდეს თანდართული:

ა) ფარმაცევტული პროდუქტის საბითუმო და საცალო რეალიზაციის დაწყებისა და დასრულების შესახებ საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოსთვის შეტყობინების წესი (დანართი №1);

ბ) ფარმაცევტული  პროდუქციის საბითუმო და საცალო რეალიზაციის დაწყებისა და დასრულების შესახებ საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოსთვის შეტყობინების   ფორმა (დანართი №2).“;

,,2^​​4.  გარდამავალ ეტაპზე,  2019 წლის 1 ივლისიდან 2022 წლის 1 იანვრამდე სამინისტროს სახელმწიფო კონტროლს დაქვემდებარებული სსიპ – სამედიცინო და ფარმაცევტული საქმიანობის რეგულირების სააგენტო (შემდგომში – სააგენტო) უფლებამოსილია, საბითუმო რეალიზატორის მოთხოვნისა და შესაბამისი საფასურის გადახდის საფუძველზე, უზრუნველყოს საბითუმო რეალიზატორის სამინისტროს მიერ აღიარებული/დამტკიცებული კარგი სადისტრიბუციო პრაქტიკის (GDP) სტანდარტისადმი შესაბამისობის დადგენა და, შესაბამისობის დადასტურების შემთხვევაში, GDP -ის სერტიფიკატის გაცემა.“.

,,ფარმაცევტული პროდუქტის საბითუმო და საცალო რეალიზაციის დაწყებისა და დასრულების შესახებ საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოსთვის შეტყობინების წესი“;

,,მუხლი 1.

წინამდებარე წესი ადგენს ფარმაცევტული პროდუქტის საბითუმო და საცალო რეალიზაციის დაწყებისა და დასრულების შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის –  სამედიცინო და ფარმაცევტული საქმიანობის რეგულირების სააგენტოსთვის (შემდგომში – სააგენტო)  სავალდებულო შეტყობინების წესსა და პირობებს.“;

,,3. ფარმაცევტული პროდუქტის საბითუმო/საცალო რეალიზატორი  ვალდებულია, ფარმაცევტული  პროდუქციის საბითუმო და საცალო რეალიზაციის დაწყებისა და დასრულების შესახებ საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოსთვის შეტყობინების ფორმით (დანართი №2) განსაზღვრული სხვა ინფორმაციის (მ.შ. დაინტერესებული პირის იურიდიული მისამართი, დაინტერესებული პირის საკონტაქტო ინფორმაცია) ცვლილების შემთხვევაში, ცვლილების განხორციელებიდან ერთი კვირის ვადაში სააგენტოს მიაწოდოს წერილობითი ინფორმაცია აღნიშნულ ცვლილებასთან დაკავშირებით.“;

,,მუხლი 3¹

იმ შემთხვევაში, თუ სააგენტოს მიერ ფარმაცევტული პროდუქტის რეალიზატორების შერჩევითი კონტროლის განხორციელებისას ფარმაცევტული პროდუქტის რეალიზატორი არ ფუნქციონირებს ფარმაცევტული პროდუქციის საბითუმო და საცალო რეალიზაციის დაწყებისა და დასრულების შესახებ საჯარო სამართლის იურიდიული პირისთვის – სამედიცინო და ფარმაცევტული საქმიანობის რეგულირების სააგენტოსთვის შეტყობინების ფორმაში მითითებულ ფაქტობრივ მისამართზე (ფარმაცევტული პროდუქტის რეალიზაციის ადგილი) და მას სააგენტოში წარდგენილი არ აქვს შეტყობინება რეალიზაციის დასრულების შესახებ, სააგენტო რეალიზატორის მიერ მითითებულ მისამართზე საბითუმო და საცალო რეალიზაციის დასრულების ფაქტს ასახავს ფარმაცევტული პროდუქტის რეალიზატორების რეესტრში.“.

„ფარმაცევტული პროდუქციის საბითუმო და საცალო რეალიზაციის დაწყებისა და დასრულების შესახებ საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოსთვის შეტყობინების ფორმა“.