ქ. ბათუმი „ქალაქ ბათუმში, ანდრია პირველწოდებულის ქუჩის I ჩიხის N16ა-ში მდებარე მიწის ნაკვეთზე (ს/კ N05.36.24.934) წარმოდგენილ გეგმარებით ერთეულზე განაშენიანების დეტალური გეგმის დამტკიცების შესახებ” ქალაქ ბათუმის მუნიციპალიტეტის საკრებულოს 2025 წლის 31 ივლისის N35 დადგენილებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ქალაქ ბათუმის მუნიციპალიტეტის საკრებულო ადგენს:

„ქალაქ ბათუმში, ანდრია პირველწოდებულის ქუჩის I ჩიხის №16ა-ში მდებარე მიწის ნაკვეთზე (ს/კ №05.36.24.934) წარმოდგენილ გეგმარებით ერთეულზე განაშენიანების დეტალური გეგმის დამტკიცების შესახებ“ ქალაქ ბათუმის მუნიციპალიტეტის საკრებულოს 2025 წლის 31 ივლისის №35 დადგენილებაში (გამოქვეყნების წყარო: საქართველოს საკანონმ­დებლო მაცნე, www.matsne.gov.ge, გამოქვეყნების თარიღი: 05/08/2025, სარეგისტრაციო კოდი: 330090020.35.132.016718) შეტანილ იქნეს ცვლილება და დადგენილებიდან ამოღებულ იქნეს მე-2 მუხლი.

დადგენილება ამოქმედდეს გამოქვეყნებისთანავე და გავრცელდეს 2025 წლის 5 აგვისტოდან წარმოშობილ სამართლებრივ ურთიერთობებზე.