დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
“საქართველოს მოქალაქეობის შესახებ” საქართველოს რესპუბლიკის კანონში ცვლილებების შეტანის თაობაზე | |
---|---|
დოკუმენტის ნომერი | 277 |
დოკუმენტის მიმღები | საქართველოს რესპუბლიკის პარლამენტი |
მიღების თარიღი | 24/06/1993 |
დოკუმენტის ტიპი | საქართველოს რესპუბლიკის კანონი |
გამოქვეყნების წყარო, თარიღი | საქართველოს პარლამენტის უწყებები, 8, 30/06/1993 |
ძალის დაკარგვის თარიღი | 11/06/2014 |
სარეგისტრაციო კოდი | 010.110.000.05.001.000.068 |
საქართველოს რესპუბლიკის კანონი
„საქართველოს მოქალაქეობის შესახებ’’ საქართველოს რესპუბლიკის კანონში ცვლილებ ების შეტანის თაობაზე
საქართველოს პარლამენტი ადგენს:
1. „საქართველოს მოქალაქეობის შესახებ” საქართველოს რესპუბლიკის 1993 წლის 25 მარტის კანონის (საქართველოს პარლამენტის უწყებები, 1993 წ. №5, მუხ. 66) მე-3 მუხლის „ა” პუნქტში სიტყვები „სამი თვის ვადაში” შეიცვალოს სიტყვებით „ექვსი თვის ვადაში”. ამავე პუნქტიდან ამოღებულ იქნეს სიტყვები „და ოთხი თვის ვადაში მიიღებს საქართველოს მოქალაქეობის დამადასტურებელ დოკუმენტს”. ამის შესაბამისად მე-3 მუხლის „ა” პუნქტი ჩამოყალიბდეს შემდეგი რედაქციით:
„ა) პირი, რომელიც მუდმივად ცხოვრობდა საქართველოში არანაკლებ ხუთი წლისა და ცხოვრობს ამ კანონის სამოქმედოდ შემოღების დღისათვის, თუ ექვსი თვის ვადაში არ განაცხადებს უარს საქართველოს მოქალაქეობაზე .”.
2. ამავე კანონის 45-ე მუხლიდან ამოღებულ იქნეს სიტყვები:
„ან ვერ მიიღო მოქალაქეობის დამადასტურებელი დოკუმენტები” და იგი ჩამოყალიბდეს შემდეგნაირად:
„მუხლი 45. საპატიო მიზეზით გადაცილებული ვადის აღდგენა
თუ პირმა ამ კანონის მე-3 მუხლით დადგენილ ვადაში საპატიო მიზეზით ვერ განაცხადა უარი საქართველოს მოქალაქეობაზე, მას გადაცილებული ვადა აღუდგება კანონმდებლობით დადგენილი წესით .”.
3. ეს კანონი ძალაშია მიღებისთანავე.
საქართველოს პარლამენტის თავმჯდომარე – სახელმწიფოს მეთაური ედუარდ შევარდნაძე
საქართველოს პარლამენტის სპიკერის მოადგილე ვახტანგ რჩეულიშვილი
თბილისი,
1993 წლის 24 ივნისი .
№277-IIს
დოკუმენტის კომენტარები