„სატრანსპორტო საშუალებათა რეგისტრაციის ნომრის (სახელმწიფო სანომრე ნიშნები), შიდა ტრანზიტის, ტრანზიტული ნომრისა და „TEST“ ნომრის ნიმუშის დამტკიცების შესახებ“ საქართველოს მთავრობის 2014 წლის 8 აპრილის №278 დადგენილებაში ცვლილების შეტანის თაობაზე“ საქართველოს მთავრობის 2023 წლის 18 აგვისტოს №318 დადგენილებაში ცვლილების შეტანის შესახებ

1. დანართ №20-ის სათაური ჩამოყალიბდეს შემდეგი რედაქციით:

„ავტომობილის შიდა ტრანზიტისა და ტრანზიტული ნომრის ნიმუში“.

2. დანართ №21-ის სათაური ჩამოყალიბდეს შემდეგი რედაქციით:

„მოტოციკლის შიდა ტრანზიტისა და ტრანზიტული ნომრის ნიმუში“.

3. დანართ №27-ის მე-11 პუნქტი ჩამოყალიბდეს შემდეგი რედაქციით:

„11. შიდა ტრანზიტი და ტრანზიტული ნომერი:

ა) შიდა ტრანზიტისა და ტრანზიტული ნომრის ფირფიტა მზადდება ალუმინის შენადნობისაგან, რომელიც უნდა შეესაბამებოდეს ქვემოთ მოყვანილ ცხრილში მითითებულ მაჩვენებლებს:

ბ) შიდა ტრანზიტისა და ტრანზიტული ნომრის ფირფიტის წინა მხარეს დატანილი შუქამრეკლი ფირის ან თეთრი ფერის საღებავის (რომელიც უნდა იყოს შუქამრეკლი) ფოტომეტრული და ფერომეტრული მახასიათებლები,  5⁰-იანი შესვლის კუთხის გათვალისწინებით, უნდა აკმაყოფილებდეს ქვემოთ მოყვანილ ცხრილში მითითებულ მაჩვენებლებს:

გ) შიდა ტრანზიტისა და ტრანზიტული ნომრის ფირფიტების გვერდები უნდა დაიპრესოს ნახაზზე ნაჩვენები ფორმით:

დ) შიდა ტრანზიტსა და ტრანზიტულ ნომერზე:

დ.ა) საქართველოს დროშა, საქართველოს საერთაშორისო კოდი − „GE“ და წარწერა − „TRANSIT“:

დ.ა.ა) შუქამრეკლ ფირზე დაიტანება შრეებს შორის ბეჭდვის მეთოდით;

დ.ა.ბ) თეთრი ფერის საღებავით შესრულებულ ფონზე დაიტანება შესაბამისი ფერის (შავი, წითელი, თეთრი) საღებავებით;

დ.ბ) ე. წ. „2D ბარკოდი“ დაიტანება ლაზერის საშუალებით.

ცხრილი №1