On Approval of the State Programme for the Support of Investment Funds

Document structure

View explanations

Referenced documents

Document comments

Document Highlights

Return back
 

საქართველოს მთავრობის

დადგენილება №361

2026 წლის 30 ივლისი

   ქ. თბილისი

 
„საინვესტიციო ფონდების მხარდაჭერის სახელმწიფო პროგრამის“ დამტკიცების შესახებ

მუხლი 1
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ვ“ ქვეპუნქტის შესაბამისად, დამტკიცდეს თანდართული „საინვესტიციო ფონდების მხარდაჭერის სახელმწიფო პროგრამა“.
მუხლი 2
სს „საქართველოს ეკონომიკის განვითარების კორპორაციამ“ უზრუნველყოს ამ დადგენილებით დამტკიცებული პროგრამის ფარგლებში შესაბამისი ღონისძიებების განხორციელება.
მუხლი 3
დადგენილება ამოქმედდეს გამოქვეყნებისთანავე.

 


პრემიერ-მინისტრიირაკლი კობახიძე



საინვესტიციო ფონდების მხარდაჭერის სახელმწიფო პროგრამა

 

თავი I. ზოგადი დებულება

 

მუხლი 1. ტერმინთა განმარტება

ა) პროგრამა − საინვესტიციო ფონდების მხარდაჭერის სახელმწიფო პროგრამა;

ბ) კორპორაცია − სს „საქართველოს ეკონომიკის განვითარების კორპორაცია“;

გ) საბჭო − სს „საქართველოს ეკონომიკის განვითარების კორპორაციის სამეთვალყურეო საბჭო“;

დ) საინვესტიციო ფონდი − „საინვესტიციო ფონდების შესახებ“ საქართველოს კანონის შესაბამისად განსაზღვრული ავტორიზებული, აღიარებული, რეგისტრირებული ან/და უცხოური საინვესტიციო ფონდი;

ე) აქტივების მმართველი კომპანია − „საინვესტიციო ფონდების შესახებ“ საქართველოს კანონის შესაბამისად განსაზღვრული ლიცენზირებული, რეგისტრირებული, უცხოური ან/და აღიარებული აქტივების მმართველი კომპანია;

ვ) მცირე და საშუალო ზომის საწარმო/მეწარმე სუბიექტი − ამ პროგრამის მიზნებისათვის, „მეწარმეთა შესახებ“ საქართველოს კანონის შესაბამისად რეგისტრირებული იურიდიული პირი, რომლის წინა სამეურნეო წლის აკუმულირებული ჯამური შემოსავალი არ აღემატება 60 მლნ ლარს;

ზ) მოზიდული კაპიტალი (Committed Capital) − თანხა, რომლის საინვესტიციო ფონდის კაპიტალში შეტანის ვალდებულებას იღებს პარტნიორი;

თ) სამიზნე კაპიტალი (Target Fund Size) – საინვესტიციო ფონდის მიერ განსაზღვრული სავარაუდო კაპიტალის მოცულობა, რომლის მოზიდვა იგეგმება საინვესტიციო ფონდის კაპიტალის საბოლოო ფორმირების/ფონდის დახურვის (Final Closing) ეტაპზე;

ი) ბანკი − „კომერციული ბანკების საქმიანობის შესახებ“ საქართველოს კანონით განსაზღვრული კომერციული ბანკი ან „მიკრობანკების საქმიანობის შესახებ“ საქართველოს კანონით განსაზღვრული მიკრობანკი;

კ) ურთიერთდამოკიდებული პირი − „კონკურენციის შესახებ“ საქართველოს კანონის შესაბამისად განსაზღვრული ურთიერთდამოკიდებული პირები.

მუხლი 2. პროგრამის მიზანი და აღწერა

1. პროგრამის მიზანია საინვესტიციო ფონდების დაფუძნება და საქმიანობის სტიმულირება ფინანსებზე ხელმისაწვდომობის გაზრდისა და ეკონომიკური განვითარების ხელშეწყობისთვის.

2. პროგრამა მოიცავს შემდეგ ორ მიმართულებას:

ა) საინვესტიციო ფონდის საქმიანობის ხელშემწყობი მექანიზმების მიმართულება:

ა.ა) საინვესტიციო ფონდის დაფუძნებასთან დაკავშირებული საწყისი ხარჯების თანადაფინანსების კომპონენტი;

ა.ბ) საგარანტიო კომპონენტი;

ა.გ) საინვესტიციო ფონდის მართვის საკომისიოს თანადაფინანსების კომპონენტი;

ა.დ) ტექნიკური დახმარების კომპონენტი;

ბ) საინვესტიციო ფონდის კაპიტალში ინვესტირების მიმართულება.

3. საინვესტიციო ფონდის კაპიტალში ინვესტირება ხორციელდება კორპორაციის მიერ აღნიშნული ფონდის კაპიტალში წილობრივი მონაწილეობით (ერთეულის ფლობით), „საინვესტიციო ფონდების შესახებ“ საქართველოს კანონის მე-5 მუხლის 71 პუნქტის მოთხოვნების დაცვით.

4. საინვესტიციო ფონდი უფლებამოსილია, ისარგებლოს ამ მუხლის მე-2 პუნქტის „ა.ა“ ან/და „ა.ბ“ ან/და „ა.გ“ ან/და „ა.დ“ ქვეპუნქტებით განსაზღვრული კომპონენტით მხოლოდ ერთხელ.

თავი II. საინვესტიციო ფონდის საქმიანობის ხელშემწყობი მექანიზმების მიმართულება

მუხლი 3. საინვესტიციო ფონდის დაფუძნებასთან დაკავშირებული საწყისი ხარჯების თანადაფინანსების კომპონენტი

1. საინვესტიციო ფონდის დაფუძნებასთან დაკავშირებული საწყისი ხარჯების თანადაფინანსების კომპონენტის მიზანია საინვესტიციო ფონდების დაფუძნების ხელშეწყობა, დაფუძნებასთან დაკავშირებული ხარჯების (Initial Expenses) თანადაფინანსების გზით.

2. კომპონენტის ფარგლებში ასანაზღაურებელი ხარჯ(ებ)ის ტიპი განისაზღვრება კორპორაციის დირექტორის მიერ, საბჭოსთან შეთანხმებით.

3. კორპორაცია ახორციელებს, აქტივების მმართველი კომპანიის მიერ კომპონენტში ჩართვის შემდგომ, საინვესტიციო ფონდის დაფუძნებისთვის გაწეული/გასაწევი ხარჯ(ებ)ის 50%-ის ანაზღაურებას, მაგრამ არაუმეტეს          300 000 ლარისა.

4. კომპონენტის ფარგლებში არ განხორციელდება იმ საინვესტიციო ფონდის დაფუძნებასთან დაკავშირებული ხარჯების თანადაფინანსება, რომელიც დაფუძნებულია ბანკთან ურთიერთდამოკიდებული აქტივების მმართველი კომპანიის მიერ.

მუხლი 4. საგარანტიო კომპონენტი

1. საგარანტიო კომპონენტის მიზანია დაფუძნებული საინვესტიციო ფონდის ინვესტორებისთვის დანაკარგის (ზარალის) შემცირება იმ შემთხვევაში, როდესაც საინვესტიციო ფონდმა ვერ უზრუნველყო მოზიდული კაპიტალის ინვესტორებისთვის სრულად დაბრუნება.

2. საგარანტიო კომპონენტით სარგებლობას საინვესტიციო ფონდები/აქტივების მმართველი კომპანიები შეძლებენ საქართველოს მთავრობის 2019 წლის 29 მარტის №163 დადგენილებით დამტკიცებული „სახელმწიფო პროგრამაში − საკრედიტო საგარანტიო სქემაში“ შესაბამისი ცვლილების განხორციელების შემდეგ.

მუხლი 5. საინვესტიციო ფონდის მართვის საკომისიოს თანადაფინანსების კომპონენტი

1. საინვესტიციო ფონდის მართვის საკომისიოს თანადაფინანსების კომპონენტის მიზანია საინვესტიციო ფონდისთვის ისეთი საოპერაციო ხარჯების შემსუბუქება, რომელსაც მოიცავს საინვესტიციო ფონდის მართვის საკომისიო.

2. კორპორაცია განახორციელებს საინვესტიციო ფონდის მართვის საკომისიოს (შემდგომში − საკომისიო) არაუმეტეს 50%-ის თანადაფინანსებას, თუმცა არაუმეტეს მოზიდული კაპიტალის:

ა) წლიური 1.5%-ის ოდენობისა, თუ მოთხოვნის მომენტში ფონდის მოზიდული კაპიტალის მოცულობა 60 მილიონ ლარამდეა;

ბ) წლიური 1%-ის ოდენობისა, თუ მოთხოვნის მომენტში ფონდის მოზიდული კაპიტალის მოცულობა 60-იდან 150 მილიონ ლარამდეა;

გ) წლიური 0,7%-ის ოდენობისა, თუ მოთხოვნის მომენტში ფონდის მოზიდული კაპიტალის მოცულობა 150 მილიონი ლარი ან მეტია.

3. კორპორაცია განახორციელებს საინვესტიციო ფონდის კომპონენტში ჩართვის მომენტიდან მომდევნო 36 თვეზე დარიცხული და მომდევნო 40 თვეში მოთხოვნილი საკომისიოს თანადაფინანსებას.

4. კომპონენტის ფარგლებში თანადაფინანსების ჯამური მაქსიმალური მოცულობა ერთი საინვესტიციო ფონდის შემთხვევაში შეადგენს 3 მლნ ლარს.

5. კომპონენტის ფარგლებში აქტივების მმართველი კომპანია/საინვესტიციო ფონდი უფლებამოსილია, მიმართოს კორპორაციას თანხის ანაზღაურების მოთხოვნით ნებისმიერი, მაგრამ არაუმეტეს თვეში ერთხელ სიხშირით. ამასთან, კორპორაცია თანადაფინანსების თანხის ანაზღაურებას ახორციელებს იმ შემთხვევაში, თუ საინვესტიციო ფონდის ყველა პარტნიორის მხრიდან შესრულებულია მათი წილი საკომისიოს (კორპორაციის თანადაფინანსების გარეშე) გადახდის ვალდებულება საინვესტიციო ფონდის სადამფუძნებლო დოკუმენტის შესაბამისად.

6. კორპორაციის მხრიდან თანადაფინანსება ხდება საინვესტიციო ფონდის სადამფუძნებლო დოკუმენტში მითითებულ ვალუტაში ან/და ეროვნულ ვალუტაში, თუმცა კორპორაციის მიერ თანადაფინანსების გადარიცხვის დღისთვის არსებული საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად.

7. კომპონენტის ფარგლებში არ განხორციელდება იმ პარტნიორის მიერ გადასახდელი მართვის საკომისიოს თანადაფინანსება, რომელიც არის ბანკი ან/და ბანკთან ურთიერთდამოკიდებული პირი.

მუხლი 6. ტექნიკური დახმარების კომპონენტი (TA Facility)

1. ტექნიკური დახმარების კომპონენტი ითვალისწინებს საქართველოში დაფუძნებული იმ მცირე და საშუალო ზომის მეწარმე სუბიექტ(ებ)ისთვის ტრენინგის ან/და საკონსულტაციო მომსახურების თანადაფინანსებას, რომელშიც საინვესტიციო ფონდმა განახორციელა ინვესტიცია ამ კომპონენტში ჩართვის შემდგომ.

2. კორპორაცია უფლებამოსილია, კომპონენტის ფარგლებში განსაზღვროს ასანაზღაურებელი ხარჯის ყველა ტიპი, მომსახურების სახეობები და ანაზღაურებასთან დაკავშირებული სხვა დამატებითი მოთხოვნები.

3. კომპონენტის ფარგლებში კორპორაცია ახორციელებს გასაწევი/გაწეული ხარჯის არაუმეტეს 50%-ის ანაზღაურებას.

4. ერთი მეწარმე სუბიექტისთვის, ტექნიკური დახმარების კომპონენტით რამდენჯერმე სარგებლობის შემთხვევაში კორპორაციის თანადაფინანსების მაქსიმალური მოცულობა შეადგენს 150 000 ლარს.

5. ერთი საინვესტიციო ფონდისთვის კომპონენტის ფარგლებში თანადაფინანსების მაქსიმალური მოცულობა შეადგენს 3 მილიონ ლარს.

6. კორპორაცია ახორციელებს კომპონენტის ფარგლებში თანადაფინანსებას საინვესტიციო ფონდის კომპონენტში ჩართვის მომენტიდან არაუმეტეს 10 წლის განმავლობაში.

მუხლი 7. პროგრამაში ჩართული საინვესტიციო ფონდის მიმართ მოთხოვნები

1. ამ თავის კომპონენტ(ებ)ში ჩართვის მსურველი საინვესტიციო ფონდი, ამ პროგრამის მე-8 მუხლის პირველი პუნქტით განსაზღვრული მიმართვისას, უნდა აკმაყოფილებდეს შემდეგ კრიტერიუმებს:

ა) არის ამ პროგრამის ამოქმედების შემდეგ დაფუძნებული საინვესტიციო ფონდი;

ბ) არის არაუმეტეს ორი წლის წინ დაფუძნებული საინვესტიციო ფონდი, რომლის კორპორაციაში მიმართვის მომენტისთვის მოზიდული კაპიტალი არ აღემატება ფონდის სამიზნე კაპიტალის მოცულობის 50%-ს. აღნიშნული მოთხოვნა არ მოქმედებს პროგრამის მე-3 მუხლით განსაზღვრული კომპონენტისთვის, რადგან კორპორაციაში მიმართვისას საინვესტიციო ფონდი ჯერ არ უნდა იყოს დაფუძნებული;

გ) საინვესტიციო ფონდის კაპიტალის არანაკლებ 80%-ის ინვესტირება განხორციელდება საქართველოში დაფუძნებულ კომპანიებში;

დ) საინვესტიციო ფონდი არ მოახდენს ინვესტირებას იმ კომპანიებში, რომლებიც ახორციელებენ ამ პროგრამის დანართ №1-ში ჩამოთვლილ ეკონომიკურ საქმიანობებს;

ე) საინვესტიციო ფონდის კაპიტალის არანაკლებ 60%-ის ინვესტირება განხორციელდება კერძო კაპიტალში წილობრივი მონაწილეობის გზით (Equity Investments).

2. ამ მუხლის პირველი პუნქტით გათვალისწინებული მოთხოვნების გარდა კორპორაციის დირექტორი, საბჭოსთან შეთანხმებით, უფლებამოსილია, განსაზღვროს საინვესტიციო ფონდის ან/და აქტივების მმართველი კომპანიის კომპონენტებში ჩართვისათვის დამატებით კრიტერიუმებს/მოთხოვნებს.

3. ამ თავის კომპონენტ(ებ)ში ჩართვის შესაძლებლობა აქვს იმ საინვესტიციო ფონდ(ებ)საც, რომელშიც კორპორაცია მონაწილეობას იღებს, ამ პროგრამის III თავის შესაბამისად.

4. იმ შემთხვევაში, თუ საინვესტიციო ფონდი/აქტივების მმართველი კომპანია დაარღვევს ამ მუხლის პირველი პუნქტით განსაზღვრულ მოთხოვნებს, კორპორაცია უფლებამოსილია, მისცეს საინვესტიციო ფონდს/აქტივების მმართველ კომპანიას გონივრული ვადა დარღვევის აღმოსაფხვრელად, წინააღმდეგ შემთხვევაში კორპორაცია წყვეტს პროგრამის ფარგლებში მის მხარდაჭერას. დადგენილ ვადაში დარღვევის აღმოუფხვრელობის შემთხვევაში, საინვესტიციო ფონდი/აქტივების მმართველი კომპანია ვალდებულია, სრულად დააბრუნოს კორპორაციის მიერ პროგრამის ფარგლებში გადარიცხული თანხები.

მუხლი 8. საინვესტიციო ფონდის საქმიანობის ხელშემწყობი მექანიზმების მიმართულების განხორციელების წესი

1. ამ თავის კომპონენტ(ებ)ში ჩართვის მსურველი საინვესტიციო ფონდი/აქტივების მმართველი კომპანია მიმართავს კორპორაციას განაცხადით.

2. კორპორაციის დირექტორი, საბჭოსთან შეთანხმებით, ადგენს შემოსული განაცხადების შეფასების წესსა (მეთოდოლოგიას) და განაცხადის მიმართ მოთხოვნებს (მათ შორის, სავალდებულოდ წარმოსადგენი დოკუმენტების ნუსხა, მათი წარმოდგენის ფორმა და ა. შ.). ამასთან, კორპორაცია აკომპლექტებს განაცხადების შემფასებელ კომისიას, რომლის წევრებად ინიშნებიან კორპორაციის, საქართველოს ეკონომიკისა და მდგრადი განვითარების სამინისტროს (შემდგომში − სამინისტრო) და საქართველოს მთავრობის ადმინისტრაციის წარმომადგენლები.

3. შემფასებელი კომისია, ამ მუხლის პირველი პუნქტით განსაზღვრული მიმართვიდან 60 კალენდარული დღის ვადაში, აფასებს შემოსულ განაცხადს, ამოწმებს საინვესტიციო ფონდის/აქტივების მმართველი კომპანიის შესაბამისობას პროგრამის მოთხოვნებთან და იღებს გადაწყვეტილებას საინვესტიციო ფონდის კომპონენტ(ებ)ში ჩართვის თაობაზე.

4. ამ მუხლის მე-3 პუნქტის შესაბამისად, კომისიის მიერ განაცხადის დადასტურების შემთხვევაში კორპორაციასა და საინვესტიციო ფონდს ან/და აქტივების მმართველ კომპანიას შორის ფორმდება ხელშეკრულება, რომლითაც განისაზღვრება კომპონენტის განხორციელების წესი და სხვა არსებითი პირობები.

თავი III. საინვესტიციო ფონდის კაპიტალში ინვესტირების მიმართულება

მუხლი 9. საინვესტიციო ფონდის კაპიტალში ინვესტირების მიმართულების მიზანი და მისი განხორციელების ეტაპები

1. საინვესტიციო ფონდის კაპიტალში ინვესტირების მიმართულების ფარგლებში, საინვესტიციო ფონდის კაპიტალში ინვესტირება ხორციელდება კორპორაციის მიერ აღნიშნული საინვესტიციო ფონდის კაპიტალში წილობრივი მონაწილეობით (ერთეულის ფლობით), „საინვესტიციო ფონდების შესახებ“ საქართველოს კანონის მე-5 მუხლის 71 პუნქტის  მოთხოვნების დაცვით.

2. ამ თავით განსაზღვრული მიმართულების განხორციელების ეტაპებია:

ა) კორპორაციის მიერ აქტივების მმართველი კომპანი(ებ)ისგან/საინვესტიციო ფონდ(ებ)ისგან განაცხადების მიღება, რომელიც შეიძლება, განხორციელდეს შემდეგი ორი ფორმით:

ა.ა) კორპორაციის მიერ აქტივების მმართველი კომპანი(ებ)ის/საინვესტიციო ფონდ(ებ)ის შერჩევის მიზნით, კონკურსის გამოცხადება; ან

ა.ბ) აქტივების მმართველი კომპანიის/საინვესტიციო ფონდის მიერ კორპორაციისთვის საინვესტიციო ფონდის კაპიტალში წილობრივი მონაწილეობის შეთავაზება;

ბ) კორპორაცია ქმნის ამ მუხლის მე-2 პუნქტის „ა“ ქვეპუნქტის შესაბამისად შემოსული განაცხადების შემფასებელ კომისიას, რომლის წევრებად ინიშნებიან კორპორაციის, სამინისტროსა და საქართველოს მთავრობის ადმინისტრაციის წარმომადგენლები და, საჭიროების შემთხვევაში, შესაბამისი გამოცდილების მქონე დამოუკიდებელი წევრ(ებ)ი;

გ) კომისიის მიერ, აქტივების მმართველი კომპანი(ებ)ის/საინვესტიციო ფონდ(ებ)ის და მათ მიერ წარმოდგენილი წინადადების შეფასება;

დ) კორპორაციასა და აქტივების მმართველ კომპანიას/კომპანიებს/საინვესტიციო ფონდ(ებ)ს შორის მოლაპარაკებების წარმოება:

დ.ა) ამ პუნქტის „ა“ ქვეპუნქტის „ა.ა“ ქვეპუნქტის შესაბამისად გამოცხადებული კონკურსის შემთხვევაში კომისიის შეფასების შედეგების საფუძველზე დგინდება რანჟირებული სია, საიდანაც კორპორაციის დირექტორი, საბჭოსთან შეთანხმებით, წყვეტს რამდენი აქტივების მმართველი კომპანია/საინვესტიციო ფონდი მოიწვიოს მოლაპარაკების ეტაპზე;

დ.ბ) ამ პუნქტის „ა“ ქვეპუნქტის „ა.ბ“ ქვეპუნქტის შესაბამისად წარმოდგენილი შეთავაზების შემთხვევაში კომისიის მიერ აღნიშნული შეთავაზების შეფასების შედეგად წყდება აქტივების მმართველი კომპანიის/საინვესტიციო ფონდის მოლაპარაკების ეტაპზე მოწვევის საკითხი;

დ.გ) ამ ქვეპუნქტით განსაზღვრული მოლაპარაკებები შეეხება საინვესტიციო ფონდის დაფუძნებისა (იმ შემთხვევაში, თუ ფონდი ჯერ არ არის დაფუძნებული) და კორპორაციის აღნიშნულ ფონდის კაპიტალში წილობრივი მონაწილეობის პირობებს;

დ.დ) მოლაპარაკების ეტაპი უნდა იქნეს დასრულებული აქტივების მმართველი კომპანი(ებ)ის/საინვესტიციო ფონდ(ებ)ის მოლაპარაკებაზე მოწვევის დღიდან არაუგვიანეს 3 თვის ვადაში. კორპორაციის დირექტორი უფლებამოსილია, საბჭოსთან შეთანხმებით, გაახანგრძლივოს მოლაპარაკების ეტაპი არაუმეტეს 3 თვის ვადით. იმ შემთხვევაში, თუ კორპორაციამ და აქტივების მმართველმა კომპანიამ/საინვესტიციო ფონდმა ამ ვადებში ვერ მიაღწიეს შეთანხმებას, პროცესი წყდება;

ე) მოლაპარაკებების წარმატებით დასრულების შემთხვევაში აქტივების მმართველი კომპანია/საინვესტიციო ფონდი კორპორაციის მიერ დადგენილ ვადაში ვალდებულია წარუდგინოს კორპორაციას საინვესტიციო ფონდის სადამფუძნებლო ან/და კორპორაციის საინვესტიციო ფონდის კაპიტალში წილობრივი მონაწილეობისთვის განსაზღვრული  სრული დოკუმენტაცია;

ვ) კორპორაცია უზრუნველყოფს აქტივების მმართველი კომპანიის/საინვესტიციო ფონდის მიერ მომზადებული დოკუმენტაციის სამინისტროში წარდგენას შემდგომში საქართველოს მთავრობისთვის წარმოსადგენად;

ზ) საქართველოს მთავრობის მიერ წარმოდგენილი დოკუმენტაციის მოწონების შემთხვევაში კორპორაციას ეძლევა უფლებამოსილება მონაწილეობა მიიღოს დაფუძნებულ/დასაფუძნებელ საინვესტიციო ფონდის კაპიტალში წილობრივი მონაწილეობის გზით;

თ) კორპორაციასა და აქტივების მმართველ კომპანიას/საინვესტიციო ფონდს შორის ფორმდება შესაბამისი ხელშეკრულება კორპორაციის საინვესტიციო ფონდის კაპიტალში წილობრივი მონაწილეობის შესახებ;

ი) ამ პუნქტის „თ“ ქვეპუნქტის შემდგომ კორპორაცია საინვესტიციო ფონდის მრჩეველთა საბჭოში (Limited Partner Advisory Committee) ნიშნავს ერთ წარმომადგენელს.

3. კორპორაციის დირექტორი უფლებამოსილია, საბჭოსთან შეთანხმებით, ამ მუხლის მე-2 პუნქტის „ა“ − „ვ“ ქვეპუნქტებით განსაზღვრულ ნებისმიერ ეტაპზე მიიღოს გადაწყვეტილება პროცესის შეწყვეტის თაობაზე.

4. კორპორაციის დირექტორი, საბჭოსთან შეთანხმებით, ადგენს ამ მუხლის მე-2 პუნქტით განსაზღვრული ეტაპ(ებ)ის განხორციელების პირობებს, მათ შორის, აქტივების მმართველი კომპანიის/საინვესტიციო ფონდის შერჩევის/შეფასების წესს, შეფასების კრიტერიუმებს, განსახორციელებელ პროცედურებს, ვადებს, კომისიის საქმიანობის წესსა და სხვა პირობებს.

5. თუ ამ მუხლის მე-2 პუნქტის „ზ“ ქვეპუნქტის შესაბამისად საინვესტიციო ფონდისთვის შერჩეული აქტივების მმართველი კომპანია არის ბანკთან ურთიერთდამოკიდებული პირი, ასეთ შემთხვევაში საინვესტიციო ფონდმა არ უნდა განახორციელოს ინვესტირება ამავე ბანკთან ურთიერთდამოკიდებულ პირში.

6. საინვესტიციო ფონდი/აქტივების მმართველი კომპანია ვალდებულია უზრუნველყოს, რომ მასთან ურთიერთდამოკიდებული პირისაგან სესხის მიღება შეზღუდული ჰქონდეს კომპანიას, რომელშიც ის ან მისი მართვის ქვეშ მყოფი საინვესტიციო ფონდი ფლობს წილს.

თავი IV. პროგრამის დაფინანსების წყარო და მონიტორინგი

მუხლი 10. პროგრამის დაფინანსების წყარო და თანხების მართვის წესი

1. პროგრამის მიმართულებების დაფინანსების წყაროა სახელმწიფო ბიუჯეტით პროგრამისთვის გათვალისწინებული ასიგნებები ან/და საქართველოს მთავრობის 2019 წლის 29 მარტის №163 დადგენილებით დამტკიცებული „სახელმწიფო პროგრამის − საკრედიტო საგარანტიო სქემის“ ფარგლებში კორპორაციის მიერ აკუმულირებული ფულადი რესურსი (საერთო სახსრები, სახელმწიფო ბიუჯეტით პროგრამისათვის გამოყოფილი ასიგნებების გარეშე) ან/და ამ მუხლის მე-2 პუნქტის შესაბამისად აკუმულირებული თანხები ან/და კორპორაციის ბიუჯეტით გათვალისწინებული სხვა სახსრები.

2. პროგრამაში აკუმულირებული თანხები არის ამ პროგრამის ფარგლებში კორპორაციის მიერ მიღებული ნებისმიერი შემოსავალი, აქტივების მმართველი კომპანიის/საინვესტიციო ფონდის მიერ კორპორაციისთვის დაბრუნებული თანხები, ამ მუხლის მე-5 პუნქტის შესაბამისად ჩამორიცხული და აქტივების მმართველი კომპანიის/საინვესტიციო ფონდის მიერ პროგრამის ფარგლებში აუთვისებელი (გამოუყენებელი) თანხები. კორპორაცია უფლებამოსილია პროგრამაში აკუმულირებული თანხები გამოიყენოს ამ პროგრამის ან/და კორპორაციის წესდებით განსაზღვრული სხვა მიზნების მისაღწევად.

3. პროგრამის ფარგლებში განსახორციელებელი პროექტები ასევე შესაძლოა დაფინანსდეს საერთაშორისო ან/და დონორი ორგანიზაციების, ასევე საქართველოს კანონმდებლობით ნებადართული სხვა სახსრებით. ამ შემთხვევაში შესაძლებელია დაფინანსება სრული/ნაწილობრივი ოდენობით მოხდეს დონორი ორგანიზაციის მეშვეობით ან/და ჩაირიცხოს სახელმწიფო ხაზინაში კორპორაციის საკუთარი შემოსავლების ანგარიშზე (შემდგომში − ხაზინაში კორპორაციის შემოსავლების ანგარიში).

4. კორპორაციის დირექტორი, საბჭოსთან შეთანხმებით, განსაზღვრავს პროგრამის წლიურ ბიუჯეტს.

5. ამ პროგრამის მე-9 მუხლის მე-2 პუნქტის „თ“ ქვეპუნქტის შესაბამისად გაფორმებული ხელშეკრულებით განსაზღვრული, კორპორაციის მიერ საინვესტიციო ფონდის კაპიტალში განსახორციელებელი შენატანებისთვის განკუთვნილი თანხის მობილიზების მიზნით:

ა) იმავე წლის სახელმწიფო ბიუჯეტით პროგრამისთვის გათვალისწინებული ასიგნებების ფარგლებში − კორპორაციის ოფიციალური მიმართვის საფუძველზე, სამინისტრო უზრუნველყოფს სახელმწიფო ბიუჯეტით პროგრამისთვის  გათვალისწინებული თანხების გადარიცხვას  ხაზინაში კორპორაციის შემოსავლების ანგარიშზე;

ბ) მომდევნო წლის სახელმწიფო ბიუჯეტით პროგრამისთვის გათვალიწინებული ასიგნებების ფარგლებში, იმ შემთხვევაში, თუ ამ პუნქტის „ა“ ქვეპუნქტის შესაბამისად ჩარიცხული თანხა სრულად არ არის საკმარისი განსახორციელებელი შენატანების შესასრულებლად, კორპორაციის ოფიციალური მიმართვის საფუძველზე, სამინისტრო უზრუნველყოფს აღნიშნული თანხების გადარიცხვას ხაზინაში კორპორაციის შემოსავლების ანგარიშზე მომდევნო წლ(ებ)ის სახელმწიფო ბიუჯეტით პროგრამისთვის გათვალისწინებული ასიგნებების ფარგლებში. ამასთან, სამინისტროს მიერ ამ ქვეპუნქტით მომდევნო წელს (წლებში) თანხის ხაზინაში კორპორაციის შემოსავლების ანგარიშზე ჩარიცხვა არ ჩაითვლება წინა პერიოდის ვალდებულებების დაფარვად.

6. ამ პროგრამის მე-9 მუხლის მე-2 პუნქტის „თ“ ქვეპუნქტის შესაბამისად გაფორმებული ხელშეკრულებით გათვალისწინებული წესითა და ფორმით, საინვესტიციო ფონდის კაპიტალში შენატანის განხორციელების მიზნით, საინვესტიციო ფონდის/აქტივების მმართველი კომპანიის მიმართვის საფუძველზე, კორპორაცია უზრუნველყოფს თანხის გადარიცხვას:

ა) ამ მუხლის მე-5 პუნქტის შესაბამისად, საინვესტიციო ფონდისთვის მობილიზებული თანხებიდან;

ბ) იმ შემთხვევაში, თუ ამ პუნქტის „ა“ ქვეპუნქტით განსაზღვრული თანხა არ აღმოჩნდება საკმარისი მოთხოვნის სრულად დასაფარად, კორპორაცია უზრუნველყოფს საჭირო დამატებითი თანხის გადარიცხვას იმავე წლის სახელმწიფო ბიუჯეტით პროგრამისთვის გათვალისწინებული სახსრებიდან ან/და ამ მუხლით გათვალისწინებული დაფინანსების სხვა წყაროებიდან.

მუხლი 11. პროგრამის მონიტორინგი

1. კორპორაცია მის მიერ დადგენილი წესითა და ვადებში უზრუნველყოფს საინვესტიციო ფონდის/აქტივების მმართველი კომპანიის მხრიდან პროგრამით გათვალისწინებული ვალდებულებების შესრულების მონიტორინგს. საინვესტიციო ფონდი/აქტივების მმართველი კომპანია, თავის მხრივ, ვალდებულია ხელი შეუწყოს კორპორაციას ამ პუნქტით გათვალისწინებული მონიტორინგის ჩატარებაში.

2. პროგრამის ფარგლებში კორპორაცია უფლებამოსილია, საინვესტიციო ფონდისგან/აქტივების მმართველი კომპანიისგან მოითხოვოს განხორციელებულ ინვესტიციასთან დაკავშირებული დამატებითი ინფორმაციის/დოკუმენტაციის წარდგენა.

3. თუ კორპორაციის მონიტორინგის შედეგად დადგინდა მიზნობრიობის ან/და პროგრამით განსაზღვრული  სხვა ვალდებულებების დარღვევის შემთხვევა/შემთხვევები, კორპორაცია იმოქმედებს პროგრამის მე-8 მუხლის მე-4 პუნქტით განსაზღვრული ხელშეკრულებით გათვალისწინებული წესის შესაბამისად.

 

 დანართი №1

სექცია

განყოფილება

საქმიანობის დასახელება

A

01

01.15.0 თამბაქოს მოყვანა

C

12

12.00.0 თამბაქოს ნაწარმის წარმოება

C

25

25.40.0 იარაღისა და საბრძოლო მასალების წარმოება

C

30

30.40.0 სამხედრო საბრძოლო სატრანსპორტო საშუალებების წარმოება

G

46

46.35.0 საბითუმო ვაჭრობა თამბაქოს პროდუქტებით

G

47

47.26.0 საცალო ვაჭრობა თამბაქოს ნაწარმით სპეციალიზებულ მაღაზიებში

R

92

92.00.0 აზარტული თამაშების საქმიანობები

S

94

94.91.0 რელიგიური ორგანიზაციების საქმიანობები

S

94

94.92.0 პოლიტიკური ორგანიზაციების საქმიანობები.

 


 

 

Ordinance of the Government of Georgia No 361

 

On Approval of the State Programme for the Support of Investment Funds

 

30 July 2026

Tbilisi

  Article 1

 

In accordance with Article 5(f) of the Law of Georgia on the Structures, Powers and Procedures for the Activities of the Government of Georgia, the attached State Programme for the Support of Investment Funds shall be hereby approved.

 

Article 2

 

JSC Georgian Economic Development Corporation shall implement relevant measures within the framework of the programme approved by this Ordinance.

 

Article 3

 

This Ordinance shall enter into force upon its promulgation.

 

 

Prime Minister                                                               Irakli Kobakhidze  

 

   

State Programme for the Support of Investment Funds

 

Chapter I – General Provisions

 

Article 1 – Definition of terms

a) Programme − the State Programme for the Support of Investment Funds;

b) Corporation − JSC Georgian Economic Development Corporation;

c) Board − the Supervisory Board of the JSC Georgian Economic Development Corporation;

d) Investment Fund − an authorised, recognised, registered, and/or foreign investment fund as provided for by the Law of Georgia on Investment Funds;

e) asset management company − a licensed, registered, foreign and/or recognised asset management company as provided for by the Law of Georgia on Investment Funds;

f) small and medium-sized company/business entity − for the purposes of this Programme, a legal entity registered in accordance with the Law of Georgia on Entrepreneurs, whose accumulated total income for the previous business year does not exceed GEL 60 million;

g) committed capital – the amount that a partner undertakes to contribute to the capital of an investment fund;

h) target fund size – the estimated amount of capital determined by an Investment Fund, which is planned to be raised at the stage of final formation of the capital/final closing of the Investment Fund;

i) bank – a commercial bank as determined by the Law of Georgia on Commercial Bank Activities or a micro-bank as determined by the Law of Georgia on the Activities of Micro-banks;

j) related party – a related party as determined by the Law of Georgia on Competition.

 

Article 2 – Objective and description of the Programme

1. The Programme aims to establish investment funds and stimulate their activities in order to increase access to finance and to support economic development.

2. The Programme covers the following two directions:

a) the direction of mechanisms supporting the activities of the Iinvestment Funds:

a.a) a component for the co-financing of the initial expenses related to the establishment of an Investment Fund;

a.b) a guarantee component;

a.c) a component for the co-financing of the Investment Fund management fee;

a.d) a technical assistance component;

b) the direction of investments in the capital of Investment Funds.

3. Investments in the capital of the Investment Fund shall be made through the equity participation (holding units) by the Corporation in the Investment Fund capital, in compliance with the requirements of Article 5(71) of the Law of Georgia on Investment Funds.

4. An Investment Fund shall be authorised to use any component referred to in paragraph 2(a.a) and/or (a.b) and/or (a.c) and/or (a.d) of this article only once.

 

Chapter II – Direction of Mechanisms Supporting the Activities of the Investment Funds

 

Article 3 – Component for the co-financing of the initial expenses related to the establishment of an Investment Fund

1. The purpose of the component for the co-financing of the initial expenses related to the establishment of an Investment Fund is to facilitate the establishment of investment funds by co-financing the initial expenses related to their establishment.

2. The type of expense(s) to be reimbursed within the framework of the component shall be determined by the Director of the Corporation, in agreement with the Board.

3. Following the enrolment of the asset management company in the component, the Corporation shall reimburse 50% of the initial expense(s) incurred/to be incurred for the establishment of an Investment Fund, but not more than GEL 300 000.

4. The component shall not cover the co-financing of the initial expenses related to the establishment of the Investment Fund that has been established by an asset management company which is a related party to a bank.

 

Article 4 – Guarantee component

1. The purpose of the guarantee component is to reduce the loss (damage) for the investors of an established Investment Fund, in the case if the Investment Fund fails to fully repay the committed capital to the investors.

2. Investment Funds/asset management companies shall be able to use the guarantee component after the relevant amendments are made to the State Programme on the Credit Guarantee Scheme, approved by Ordinance No 163 of 29 March 2019 of the Government of Georgia.

 

Article 5 – Component for the co-financing of the Investment Fund management fee

1. The purpose of the component for the co-financing of the investment fund management fee is to mitigate the operational costs of the Investment Fund, which are included in the Investment Fund management fee.

2. The Corporation shall co-finance not more than 50% of the Investment Fund management fee (‘the management fee’), but by not more than:

a) 1.5% of the committed capital per annum, if at the time of the request, the amount of the committed capital of the Fund is up to GEL 60 million;

b) 1% of the committed capital per annum, if at the time of the request, the amount of the committed capital of the Fund is from GEL 60 million to GEL 150 million;

c) 0.7% of the committed capital per annum, if at the time of the request, the amount of the committed capital of the Fund is GEL 150 million or more.

3. The Corporation shall co-finance the management fee accrued over the subsequent 36 months and requested over the subsequent 40 months from the date of enrollment of the Investment Fund in the component.

4. Within the framework of the component, the total maximum amount of co-financing shall be GEL 3 million for one Investment Fund.

5. Within the framework of the component, an asset management company/Investment Fund shall be authorised to request from the Corporation the reimbursement of the amount at any intervals, but not more than once a month. In addition, the Corporation shall reimburse the co-financing amount if all partners of the Investment Fund have fulfilled their obligation to pay their share of the management fee (without the co-financing from the Corporation) in accordance with the founding document of the Investment Fund.

6. The Corporation shall provide co-financing in the currency specified in the founding document of an Investment Fund and/or in the national currency, however based on the official exchange rate established by the National Bank of Georgia on the date of transfer of the co-financing amount by the Corporation.

7. Within the framework of the component, co-financing of the management fee payable by a partner, that is a bank and/or a related party to a bank, shall not be co-financed.

 

Article 6 – Technical assistance component

1. The technical assistance component provides the co-financing of training and/or consulting services for small and medium-sized business entities established in Georgia, in which an Investment Fund has invested upon its inclusion in the component.

2. The Corporation shall be authorised to determine, within the framework of the component, all types of expenses to be reimbursed, types of services, and other additional requirements related to reimbursement.

3. Within the framework of the component, the Corporation shall reimburse not more than 50% of the expenses incurred/to be incurred.

4. In the case of multiple use of the technical assistance component by one business entity, the amount of co-financing by the Corporation shall not exceed GEL 150 000.

5. The amount of co-financing within the framework of the component for one Investment Fund shall not exceed GEL 3 million.

6. The Corporation shall provide co-financing within the framework of the component for not more than 10 years from the moment of inclusion of the Investment Fund in the component.

 

Article 7 – Requirements for Investment Funds particpatng in the Programme

1. An I nvestment Fund intending to particpate in the component(s) determined by this Chapter shall, upon submitting an application under Article 8(1) of this Programme, meet the following criteria:

a) it shall be an Investment Fund established after the entry into force of this Programme;

b) it shall be an Investment Fund established not more than two years ago, whose committed capital by the time of submission of application to the Corporation shall not exceed 50% of the target fund size. This requirement shall not apply to the component specified in Article 3 of the Programme, because an Investment Fund shall not have been established by the time of submission of application to the Corporation;

c) at least 80% of the capital of the Investment Fund will be invested in companies established in Georgia;

d) the Investment Fund will not invest in companies that carry out the economic activities listed in Annex No 1 to this Programme;

e) at least 60% of the capital of the Investment Fund will be invested through private equity investments.

2. In addition to the requirements set out in paragraph 1 of this article, the Director of the Corporation shall, in agreement with the Board, be authorised to determine additional criteria/requirements for the inclusion of Investment Funds and/or asset management companies in the components.

3. The Investment Fund(s) in which the Corporation participates in accordance with Chapter III of this Programme shall also be eligible to particpate in the component(s) determined by this Chapter.

4. If an Investment Fund/asset management company fails to comply with the requirements of paragraph 1 of this article, the Corporation shall be authorised to determine a reasonable time frame for the Investment Fund/asset management company to remedy the non-compliance, otherwise the Corporation shall terminate its support within the framework of the Programme. In the case of failure to remedy the non-compliance within the established time frame, the Investment Fund/asset management company is obliged to fully repay the funds transferred by the Corporation within the framework of the Programme.

 

Article 8 – Procedure for the implementation of the direction of mechanisms supporting the activities of the Investment Funds

1. An Investment Fund/asset management company intending to participate in the component(s) determined by this Chapter shall submit an application thereon to the Corporation.

2. The Director of the Corporation shall, in agreement with the Board, establish the procedure (methodology) for evaluating the submitted applications, and the requirements for such applications (including the list of mandatory documents to be submitted, the form of their submission, etc.). In addition, the Corporation shall form an application evaluation commission, the members of which shall be the representatives from the Corporation, the Ministry of Economy and Sustainable Development of Georgia (‘the Ministry’) and the Administration of the Government of Georgia.

3. The evaluation commission shall, within 60 calendar days from the date of submission of an application under paragraph 1 of this article, evaluate the submitted application, verify the compliance of the Investment Fund/asset management company with the Programme requirements, and make a decision on the inclusion of the Investment Fund in the component(s) of the Programme.

4. In accordance with paragraph 3 of this article, upon confirmation of the application by the commission, an agreement shall be concluded between the Corporation and the Investment Fund and/or asset management company, which shall determine the procedure for implementing a component and other material terms and conditions.

 

Chapter III – Direction of Investments in the Capital of Investment Funds

 

Article 9 – Purpose of the direction of investments in the capital of Investment Funds and the stages of its implementation

1. Within the framework of the direction of investments in the capital of Investment Funds, investments in the capital of the Investment Fund shall be made through the equity participation (by holding units) by the Corporation in the mentioned Investment Fund capital, in compliance with the requirements of Article 5(71) of the Law of Georgia on Investment Funds.

2. The stages of implementation of the direction determined by this Chapter shall be the following:

a) receiving applications by the Corporation from asset management company (companies)/Investment Fund(s), which may be carried out in the following two ways:

a.a) the announcement of a competitive selection process by the Corporation in order to select the asset management company(companies)/Investment Fund(s); or

a.b) the offering by the asset management company/Investment Fund to the Corporation of the equity participation in the capital of the Investment Fund;

b) the establishment by the Corporation of a commission for evaluating the applications submitted under paragraph 2(a) of this article, the members of which shall be the representatives from the Corporation, the Ministry, and the Administration of the Government of Georgia, and if necessary, independent member(s) with relevant experience;

c) the evaluation by the commission of the asset management company(companies)/Investment Fund(s) and the proposals submitted by them;

d) the conducting of negotiations between the Corporation and the asset management company(companies)/Investment Fund(s):

d.a) in the case of a competitive selection process announced under subparagraph (a)(a.a) of this paragraph, a ranked list shall be drawn up based on the results of the commission's evaluation, from which the Director of the Corporation shall, in agreement with the Board, decide how many asset management companies/Investment Funds will be invited to the negotiations stage;

d.b) in the case of an offer submitted under subparagraph (a)(a.b) of this paragraph, the commission shall decide, based on the evaluation of the mentioned offer, on the matter of inviting the asset management company/Investment Fund to the negotiations stage;

d.c) the negotiations referred to in this subparagraph shall concern the conditions for the establishment of an Investment Fund (if the Investment Fund has not yet been established) and for the equity participation of the Corporation in the capital of the mentioned Fund;

d.d) the negotiations stage shall be completed within not later than 3 months from the date of the invitation to the negotiations of the asset management company (companies)/Investment Fund(s). The Director of the Corporation shall be authorised, in agreement with the Board, to extend the negotiations stage for a period of not more than 3 months. If the Corporation and an asset management company/Investment Fund fail to reach an agreement within the mentioned time frame, the process shall be terminated;

e) in the case of successful conclusion of negotiations, the asset management company/Investment Fund shall, within the time frame established by the Corporation, submit to the Corporation the founding documents of the investment fund and/or the complete documents required for the equity participation of the Corporation in the capital of the Investment Fund;

f) the Corporation shall submit the documents prepared by the asset management company/Investment Fund to the Ministry, for the purpose of their subsequent submission to the Government of Georgia;

g) if the Government of Georgia approves the submitted documents, the Corporation shall be authorised to participate in the capital of the established Investment Fund/Investment Fund to be established, through equity participation;

h) a relevant agreement shall be concluded between the Corporation and the asset management company/Investment Fund on the equity participation of the Corporation in the capital of the Investment Fund;

i) after the stage referred to in subparagraph (h) of this paragraph, the Corporation shall appoint one representative to the Limited Partner Advisory Committee of the Investment Fund.

3. The Director of the Corporation shall be authorised, in agreement with the Board, to make a decision on the termination of the process at any stage referred to in paragraph 2(a)-(f) of this article.

4. The Director of the Corporation shall, in agreement with the Board, determine the conditions for the implementation of the stage(s) referred to in paragraph 2 of this article, including the procedure for selecting/evaluating asset management companies/Investment Funds, the evaluation criteria, the procedures to be implemented, the time frames, the rules of operation of the commission, and other conditions.

5. If the asset management company selected for the Investment Fund in accordance with paragraph 2(g) of this article is a related party to the bank, in such a case the I nvestment Fund shall not invest in a related party to the same bank.

6. An Investment Fund/asset management company shall ensure that the company, in which it or the Investment Fund under its management holds an equity interest, is restricted from obtaining a loan from a party related to the Investment Fund/asset management company.

 

Chapter IV – Source of the Financing of the Programme and Monitoring

 

Article 10 – Source of financing of the Programme and the rules of management of funds

1. The source of financing of the Programme directions shall be the appropriations allocated from the state budget for the Programme, and/or the monetary resources accumulated by the Corporation within the framework of the State Programme on the Credit Guarantee Scheme, approved by Ordinance No 163 of 29 March 2019 of the Government of Georgia (total funds, excluding the appropriations allocated for the Programme from the state budget), and/or the funds accumulated under paragraph 2 of this article, and/or other funds determined under the budget of the Corporation.

2. The funds accumulated within the Programme shall be any income received by the Corporation within the framework of this Programme, the funds repaid to the Corporation by an asset management company/Investment Fund, the funds paid under paragraph 5 of this article, and the funds not utilised by the asset management company/Investment Fund within the framework of the Programme. The Corporation shall be authorised to use the funds accumulated within the Programme for achieving other objectives specified in this Programme and/or the statute of the Corporation.

3. The projects to be implemented under the Programme may also be financed with the funds provided by international and/or donor organisations, as well as other funds permitted by the legislation of Georgia. In this case, full/partial financing may be provided through a donor organisation and/or transferred to the Corporation's own revenue account with the State Treasury (‘Corporation's revenue account with the Treasury’).

4. The Director of the Corporation shall, in agreement with the Board, determine the annual budget of the Programme.

5. In order to secure the funds intended for making contributions by the Corporation to the capital of the Investment Fund as determined by the agreement concluded in accordance with Article 9(2)(h) of this Programme:

a) within the framework of the appropriations allocated for the Programme from the state budget of the same year, based on the official application of the Corporation, the Ministry shall transfer the funds allocated for the Programme from the state budget to the Corporation's revenue account with the Treasury;

b) within the framework of the appropriations allocated for the Programme from the state budget of the following year, if the funds transferred under subparagraph (a) of this paragraph are not sufficient to fully make the planned contributions, based on the official application of the Corporation, the Ministry shall transfer the mentioned funds to the Corporation's revenue account with the Treasury within the framework of the appropriations allocated for the Programme from the state budget of the following year(s). In addition, the transfer of the funds by the Ministry to the Corporation's revenue account with the Treasury in the following year(s), as provided for by this subparagraph, shall not be considered as settlement of obligations of the previous period.

6. According to the procedures and form provided for in the agreement concluded under Article 9(2)(h) of this Programme, for the purpose of making a contribution to the capital of the Investment Fund, on the basis of an application of the Investment Fund/asset management company, the Corporation shall transfer funds:

a) from the funds secured for the Investment Fund, as provided for by paragraph 5 of this Article;

b) if the amount determined by subparagraph (a) of this paragraph is not sufficient to fully cover the required amount, the Corporation shall transfer the necessary additional amount from the funds allocated for the Programme from the state budget of the same year, and/or from other sources of financing referred to in this article.

 

Article 11 – Monitoring of the Programme

1. The Corporation shall monitor the fulfilment by the Investment Fund/asset management company of its obligations determined by the Programme in accordance with the procedure and within the time frame established by it. The Investment Fund/asset management company shall, in turn, assist the Corporation in conducting the monitoring referred to in this paragraph.

2. Within the framework of the Programme, the Corporation may require from the Investment Fund/asset management company to submit additional information/documents related to the investments made.

3. If, as a result of monitoring by the Corporation, a case/cases of non-compliance with the purpose and/or other obligations specified in the Programme is/are identified, the Corporation shall act in accordance with the rules set out in the agreement referred to in Article 8(4) of the Programme.

 

 

 Annex No 1

 

Section

Part

Name of economic activities

A

01

01.15.0  Growing of tobacco

C

12

12.00.0  Manufacture of tobacco products

C

25

25.40.0  Manufacture of weapons and ammunition

C

30

30.40.0  Manufacture of military combat vehicles

G

46

46.35.0  Wholesale trade in tobacco products

G

47

47.26.0  Retail trade in tobacco products in specialised stores

R

92

92.00.0  Gambling activities

S

94

94.91.0  Activities of religious organisations

S

94

94.92.0  Activities of political organisations