დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„მექანიკური სატრანსპორტო საშუალებების სავალდებულო რეგისტრაციის წესების შესახებ“ საქართველოს შინაგან საქმეთა მინისტრის 2007 წლის 31 იანვრის №150 ბრძანებაში ცვლილებისა და დამატების შეტანის თაობაზე | |
---|---|
დოკუმენტის ნომერი | 390 |
დოკუმენტის მიმღები | საქართველოს შინაგან საქმეთა მინისტრი |
მიღების თარიღი | 28/04/2010 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | სსმ, 49, 28/04/2010 |
სარეგისტრაციო კოდი | 310150000.22.034.014562 |
სახელმწიფო სარეგისტრაციო კოდი 310.150.000.22.034.014.562
საქართველოს შინაგან საქმეთა
მინისტრის ბრძანება №390
2010 წლის 28 აპრილი
ქ. თბილისი
„მექანიკური სატრანსპორტო საშუალებების სავალდებულო რეგისტრაციის წესების შესახებ“ საქართველოს შინაგან საქმეთა მინისტრის 2007 წლის 31 იანვრის №150 ბრძანებაში ცვლილებისა და დამატების შეტანის თაობაზე
„ნორმატიული აქტების შესახებ” საქართველოს კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დატკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა” და „ნ” ქვეპუნქტების საფუძველზე, ვბრძანებ:
მუხლი 1.
„მექანიკური სატრანსპორტო საშუალებების სავალდებულო რეგისტრაციის წესების შესახებ” საქართველოს შინაგან საქმეთა მინისტრის 2007 წლის 31 იანვრის №150 (სსმ III, 01.02.2007წ., №14, მუხ.153) ბრძანებით დამტკიცებულ ინსტრუქციაში შეტანილ იქნეს შემდეგი ცვლილება და დამატება:
1. მე-8 მუხლის მე-4 პუნქტი ჩამოყალიბდეს შემდეგი რედაქციით:
„4. სააგენტოს მიერ სარეგისტრაციო მონაცემების დადგენა ხორციელდება კანონმდებლობით დადგენილი რეგისტრაციისათვის წარმოსადგენი დოკუმენტების, მექანიკური სატრანსპორტო საშუალების დათვალიერების ან/და საექსპერტო შემოწმების გზით, გარდა ამ ინსტრუქციის 172 მუხლის მე-3 პუნქტით გათვალისწინებული შემთხვევისა.“.
2. 171 მუხლის შემდეგ დაემატოს 172 მუხლი შემდეგი რედაქციით:
„მუხლი 172
1. „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ” საქართველოს კანონის მე-6 მუხლის „ე.ლ“ ქვეპუნქტით განსაზღვრული სახელმწიფო სანომრე ნიშნის შემძენ პირს უფლება აქვს მოითხოვოს სანომრე ნიშნის მინიჭება უცხო სახელმწიფოში რეგისტრირებულ და მყოფ მექანიკურ სატრანსპორტო საშუალებაზე.
2. ამ მუხლის პირველი პუნქტით განსაზღვრული გარემოება მექანიკური სატრანსპორტო საშუალების საქართველოს ტერიტორიაზე შემოყვანის შემთხვევაში უფლებას აძლევს მესაკუთრეს:
ა) საბაჟო ვალდებულების შესრულების ვადის დადგომამდე საქართველოს ტერიტორიაზე ჩაერთოს საგზაო მოძრაობაში;
ბ) საქართველოს კანონმდებლობით განსაზღვრულ საბაჟო დამუშავების ოპერაციის განხორციელების შემდგომ ამ ინსტრუქციის შესაბამისად ისარგებლოს რეგისტრაციის შედეგად მესაკუთრისათვის მინიჭებული უფლებამოსილებით.
3. უცხო სახელმწიფოში რეგისტრირებულ და მყოფ მექანიკურ სატრანსპორტო საშუალებაზე ამ მუხლის პირველი პუნქტით განსაზღვრული წესით სანომრე ნიშნის მინიჭების შემთხვევაში სააგენტოს მიერ ხორციელდება მექანიკური სატრანსპორტო საშუალების სარეგისტრაციო მოწმობის გაცემა. ამასთან, რეგისტრაციისათვის სავალდებულო არ არის მექანიკური სატრანსპორტო საშუალების დათვალიერების აქტის შედგენა ან საექსპერტო შემოწმების ჩატარება.
4. ამ მუხლის მე-3 პუნქტით განსაზღვრული წესით სანომრე ნიშნის მინიჭებისას მექანიკური სატრანსპორტო საშუალების უცხო ქვეყანაში აღიცხვიდან მოხსნა, საქართველოს ტერიტორიაზე შემოყვანა ან/და უცხო ქვეყნის სარეგისტრაციო ნიშნების წარმოდგენა სავალდებულო არ არის.
5. ამ მუხლის მე-3 პუნქტით დადგენილი წესით რეგისტრირებულ მექანიკურ სატრანსპორტო საშუალებაზე დადებული გარიგება საქართველოს ტერიტორიაზე იურიდიულ ძალას იძენს მხოლოდ საქართველოს კანონმდებლობით განსაზღვრულ შესაბამისი საბაჟო დამუშავების ოპერაციის განხორციელების შემდეგ.
6. ამ მუხლის მე-3 პუნქტით დადგენილი წესით მექანიკური სატრანსპორტო საშუალების რეგისტრაციის შესახებ სააგენტო ინფორმაციას აწვდის საქართველოს შინაგან საქმეთა სამინისტროს საინფორმაციო-ანალიტიკურ დეპარტამენტსა და საქართველოს ფინანსთა სამინისტროს მმართველობის სფეროში შემავალ საჯარო სამართლის იურიდიულ პირს – შემოსავლების სამსახურს.“
მუხლი 2.
ბრძანება ამოქმედდეს გამოქვეყნებისთანავე.
ი. მერაბიშვილი
დოკუმენტის კომენტარები