„სახელმწიფო შესყიდვის ელექტრონული საშუალებით განხორციელების შესახებ დროებითი წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2010 წლის 22 ოქტომბრის N9 ბრძანებაში ცვლილებების შეტანის თაობაზე

სახელმწიფო შესყიდვების სააგენტოს თავმჯდომარის

ბრძანება №12

2010 წლის 30 ნოემბერი

ქ. თბილისი

„სახელმწიფო შესყიდვის ელექტრონული საშუალებით განხორციელების შესახებ დროებითი წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2010 წლის 22 ოქტომბრის №9 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

1. „სახელმწიფო შესყიდვის ელექტრონული საშუალებით განხორციელების შესახებ დროებითი წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2010 წლის 22 ოქტომბრის №9 ბრძანებაში შეტანილ იქნეს შემდეგი ცვლილებები:

ა) ბრძანების მე-2 პუნქტი ჩამოყალიბდეს შემდეგი რედაქციით:

„2. ბრძანება ამოქმედდეს გამოქვეყნებისთანავე და მისი მოქმედების ვადა განისაზღვროს 2011 წლის 1 თებერვლამდე.“;

ბ) ბრძანებით დამტკიცებული „სახელმწიფო შესყიდვის ელექტრონული საშუალებით განხორციელების შესახებ დროებითი წესის“:

 ბ.ა) პირველი მუხლის მე-2 პუნქტი ჩამოყალიბდეს შემდეგი რედაქციით:

„2. წესი შემუშავებულია სახელმწიფო შესყიდვების ელექტრონული საშუალებით განხორციელების პილოტური რეჟიმის (შემდგომში – პილოტური რეჟიმი) გაშვების ხელშეწყობის მიზნით. პილოტური რეჟიმი მიზნად ისახავს სახელმწიფო შესყიდვების სააგენტოს დახმარებითა და ზედამხედველობით სახელმწიფო შესყიდვების პროცედურებში მონაწილე პირთა ადაპტაციას შესყიდვების ერთიან ელექტრონულ სისტემასთან.“.

ბ.ბ) მე-2 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) შესყიდვების ერთიანი ელექტრონული სისტემა – სახელმწიფო შესყიდვების სააგენტოს (შემდგომში – სააგენტო) მიერ ადმინისტრირებადი სახელმწიფო შესყიდვების პორტალი, www.procurement.gov.ge რომელიც უზრუნველყოფს სახელმწიფო შესყიდვის განხორციელებას გამარტივებული ელექტრონული ტენდერის ან ელექტრონული ტენდერის მეშვეობით ღია, გამჭვირვალე და კონკურენტუნარიან გარემოში (შემდგომში – სისტემა);“.

2. ბრძანება ამოქმედდეს გამოქვეყნებისთანავე.

ტ. ურჯუმელაშვილი