დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოს ჯანმრთელობისა და სოციალური დაცვის მინისტრის ბრძანება №87/ო „საქართველოს ჯანმრთელობისა და სოციალური დაცვის სამინისტროსთან არსებული უმწეოთა სოციალური დახმარების ფონდიდან ერთჯერადი ფულადი დახმარების გამოყოფისა და გაცემის წესის“ დამტკიცების თაობაზე | |
|---|---|
| დოკუმენტის ნომერი | 87/ო |
| დოკუმენტის მიმღები | საქართველოს შრომის, ჯანმრთელობის და სოციალური დაცვის მინისტრი |
| მიღების თარიღი | 25/05/2000 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | სსმ, 46, 26/05/2000 |
| ძალის დაკარგვის თარიღი | 28/12/2006 |
| სარეგისტრაციო კოდი | 000000220.01(2).004.000258 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (26/05/2000 - 21/12/2006)
სახელმწიფო სარეგისტრაციო კოდი 220.012.004.258
საქართველოს ჯანმრთელობისა და სოციალური დაცვის მინისტრის
ბრძანება №87/ო
2000 წლის 25 მაისი
ქ. თბილისი
„საქართველოს ჯანმრთელობისა და სოციალური დაცვის სამინისტროსთან არსებული უმწეოთა სოციალური დახმარების ფონდიდან ერთჯერადი ფულადი დახმარების გამოყოფისა და გაცემის წესისს „ დამტკიცების თაობაზე
„საქართველოს 2000 წლის სახელმწიფო ბიუჯეტის შესახებ „საქართველოს კანონის მე-7 მუხლის მოთხოვნათა შესრულების მიზნით „, ვბრძანებ:
1. დამტკიცდეს საქართველოს ჯანმრთელობისა და სოციალური დაცვის სამინისტროსთან არსებული უმწეოთა სოციალური დახმარების ფონდიდან ერთჯერადი ფულადი დახმარების გამოყოფისა და გაცემის წესი „ (თან ერთვის).
2. ბრძანების შესრულებაზე კონტროლი დაევალოს მინისტრის მოადგილეს მ. ხაჩიძეს.
ა. ჯორბენაძე
საქართველოს ჯანმრთელობისა და სოციალური დაცვის სამინისტროსთან არსებული სოციალური დახმარების ფონდიდან ერთჯერადი ფულადი დახმარების გამოყოფისა და გაცემის წესი
1. საქართველოს ჯანმრთელობისა და სოციალური დაცვის სამინისტროსთან არსებული უმწეოთა სოციალური დახმარების ფონდიდან სოციალური დახმარების თანხა გაიცემა ერთჯერადად უმწეო ოჯახებზე.
2. ერთჯერადი ფულადი დახმარების გამოყოფა და გაცემა მოხდება ყოველ კონკრეტულ შემთხვევაში განმცხადებლის ეკონომიკური და სოციალური მდგომარეობის შესწავლის საფუძველზე.
3. ერთჯერადი ფულადი დახმარების გაცემის საფუძველს წარმოადგენს მინისტრის ბრძანებით შექმნილი კომისიის დასკვნა. შეიძლება გამოყენებულ იქნეს სპეციალურად შემუშავებული კითხვარის მონაცემების ანალიზი.
4. ერთჯერადი დახმარების ოდენობა განისაზღვრება კომისიურად.
5. კომისიაზე ერთჯერადი ფულადი დახმარების გაწევის თაობაზე საკითხის შეტანის უფლება აქვს მინისტრს ან მინისტრის მოადგილეებს.
6. მოქალაქეთა წერილები და განცხადებები ერთჯერად ფულად დახმარებაზე, როგორც წესი, განიხილება კანონმდებლობით დადგენილ ვადებში, არა უგვიანეს ორი კვირისა. იმ ცალკეულ შემთხვევაში, თუ განცხადება ითხოვს შესწავლისათვის უფრო ხანგრძლივ ვადას, იგი გრძელდება კომისიის თავმჯდომარის ნებართვით.
7. ერთჯერადი ფულადი დახმარება შეიძლება გაეწიოს ოჯახის ეკონომიკური მდგომარეობის სიმძიმის გათვალისწინებით, როგორც გამონაკლისი, განცხადების მიღების დღეს, მისი ოპერატიული განხილვის საფუძველზე, კომისიაზე განხილვის გარეშე, მინისტრის განკარგულებით.
8. ერთჯერადი ფულადი დახმარების გაცემა განხორციელდება ბანკის საშუალებით, საქართველოს ჯანმრთელობისა და სოციალური დაცვის სამინისტროსთან დადებული ხელშეკრულების საფუძველზე.
9. ცალკეულ შემთხვევაში ჯანმრთელობისა და სოციალური დაცვის მინისტრის განკარგულებით თანხის გაცემა განხორციელდეს სამინისტროს ბუღალტერიიდან დადგენილი წესით განსაზღვრული სალაროს ლიმიტის ფარგლებში.
10. კომისიის სხდომები იმართება კვირაში ერთხელ – ოთხშაბათობით; კომისიის რიგგარეშე სხდომა იმართება თავმჯდომარის ინიციატივით.
11. თანხების გაცემის დღეებს ადგენს კომისია.
12. კომისიის მუშაობის საჯაროობისა და გამჭვირვალობის მიზნით მის საქმიანობაში მონაწილეობენ არასამთავრობო და საზოგადოებრივი ორგანიზაციების, პენსიონერთა და ვეტერანთა საბჭოების, საზოგადოებრივი სათათბიროს წარმომადგენლები.
დოკუმენტის კომენტარები