„საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციაში (კოტიფი)“ ცვლილებების შეტანის თაობაზე“ 1999 წლის 3 ივნისის ოქმთან („საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციის (კოტიფი) 1999 წლის 3 ივნისის ცვლილებების ოქმის ტექსტის თანახმად)“ საქართველოს შეერთების თაობაზე“ საქართველოს პარლამენტის დადგენილებაში ცვლილების შეტანის შესახებ

საქართველოს პარლამენტის დადგენილება

„საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციაში (კოტიფი)“ ცვლილებების შეტანის თაობაზე“ 1999 წლის 3 ივნისის ოქმთან („საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციის (კოტიფი) 1999 წლის 3 ივნისის ცვლილებების ოქმის ტექსტის თანახმად)“ საქართველოს შეერთების თაობაზე“ საქართველოს პარლამენტის დადგენილებაში ცვლილების შეტანის შესახებ

საქართველოს პარლამენტი ადგენს:

1. „საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციაში (კოტიფი)“ ცვლილებების შეტანის თაობაზე“ 1999 წლის 3 ივნისის ოქმთან („საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციის (კოტიფი) 1999 წლის 3 ივნისის ცვლილებების ოქმის ტექსტის თანახმად)“ საქართველოს შეერთების თაობაზე“ საქართველოს პარლამენტის 2011 წლის 1 ივლისის  №4984–რს დადგენილებაში შეტანილ იქნეს შემდეგი ცვლილება:

ა) დადგენილების სათაური ჩამოყალიბდეს შემდეგი რედაქციით:

„„საერთაშორისო სარკინიგზო გადაზიდვების შესახებ“ 1980 წლის 9 მაისის კონვენციასთან (კოტიფი) 1999 წლის 3 ივნისის ცვლილებების ოქმის ტექსტის თანახმად“ საქართველოს შეერთების თაობაზე“;

 ბ) პირველი–მე-3 პუნქტები ჩამოყალიბდეს შემდეგი რედაქციით:

„1. საქართველო შეუერთდეს „საერთაშორისო სარკინიგზო გადაზიდვების შესახებ“ 1980 წლის 9 მაისის კონვენციას (კოტიფი) 1999 წლის 3 ივნისის ცვლილებების ოქმის ტექსტის თანახმად“.

2. „საერთაშორისო სარკინიგზო გადაზიდვების შესახებ“ კონვენციის 28-ე მუხლის §3-ის შესაბამისად საქართველო იტოვებს უფლებას, სრულად არ გამოიყენოს 28-ე მუხლის §1-ის და §2-ის დებულებები.

3. „საერთაშორისო სარკინიგზო გადაზიდვების შესახებ“ კონვენციის 24-ე მუხლისა და „მგზავრთა საერთაშორისო სარკინიგზო გადაყვანის შესახებ ხელშეკრულების თაობაზე ერთიანი ნორმების (CIV – კონვენციის დანართი A)“ პირველი მუხლის §6-ის შესაბამისად საქართველო გამოიყენებს ამ ერთიან ნორმებს მხოლოდ სადგურ გარდაბნიდან სადგურ კარწახამდე სახელმწიფო საზღვრამდე ორივე მიმართულებით, ამ ხაზის ექსპლუატაციაში შესვლის შემდეგ.“;

გ) მე-5 პუნქტი ჩამოყალიბდეს შემდეგი რედაქციით:

„5. „საერთაშორისო სარკინიგზო გადაზიდვების შესახებ“ კონვენციის 42-ე მუხლის §1-ის შესაბამისად საქართველო სრულად არ გამოიყენებს შემდეგ დანართებს:

 ა) „ერთიანი ნორმები საერთაშორისო სარკინიგზო მიმოსვლაში ვაგონების გამოყენების შესახებ ხელშეკრულებებისათვის (CUV – კონვენციის დანართი D)“;

 ბ) „საერთაშორისო სარკინიგზო მიმოსვლაში ინფრასტრუქტურის გამოყენების შესახებ ხელშეკრულების ერთიანი ნორმები (CUI – კონვენციის დანართი E)“;

 გ) „ერთიანი ნორმები ტექნიკური სტანდარტების დამტკიცების და ერთიანი ტექნიკური ნორმების მიღების შესახებ, რომლებიც გამოიყენება საერთაშორისო გადაზიდვისათვის გამიზნული სარკინიგზო მოწყობილობებისათვის (APTU – კონვენციის დანართი F)“;

 დ) „საერთაშორისო მიმოსვლაში გამოყენებული სარკინიგზო მოწყობილობების ტექნიკური დაშვების შესახებ ერთიანი ნორმები (ATMF – კონვენციის დანართი G)“.“.

2. ეს დადგენილება ამოქმედდეს გამოქვეყნებისთანავე.

საქართველოს პარლამენტის

თავმჯდომარე                                                                    დ. ბაქრაძე

თბილისი,

2011 წლის 27 სექტემბერი.

№5062–IIს