სახელმწიფო ფინანსების აღრიცხვის მიზნით გასატარებელი ზოგიერთი ღონისძიების შესახებ

საქართველოს მთავრობის

დადგენილება № 111

2012 წლის 23 მარტი

ქ. თბილისი

სახელმწიფო ფინანსების აღრიცხვის მიზნით გასატარებელი ზოგიერთი ღონისძიების შესახებ

მუხლი 1. „ საქართველოს 2012 წლის სახელმწიფო ბიუჯეტის შესახებ“ საქართველოს კანონის 30 -ე მუხლის შესაბამისად , ყველა საჯარო სამართლის იურიდიულმა პირმა ბიუჯეტის შესრულების ანგარიშები წარუდგი ნოს საქართველოს ფინანსთა სამინისტროს, №3 -№7 დანართების მიხედვით.

მუხლი 2. ამ დადგენილების პირველი მუხლით გათვალისწინებული ვალდებულება არ ვრცელდება საქართველოს ეროვნულ ბანკზე, ადგილობრივ თვითმმართველ ერთეულებსა და იმ საჯარო სამართლის იურიდიულ პირებზე, რომლებიც წარმოადგენენ რელიგიურ ორგანიზაციებს ან მარეგულირებელ კომისიებს.

მუხლი 3 . ამ დადგენილების პირველი მუხლით გათვალისწინებულმა საჯარო სამართლის იურიდიულმა პირებმა, გარდა საჯარო სკოლებისა, საქართველოს ფინანსთა სამინისტროს წარუდგინონ მათი ბიუჯეტების 2012 წლის 3, 6 და 9 თვის შესრულების ანგარიშები საანგარიშო პერიოდის დასრულებიდან 15 დღე ში, №3 -№6 დანართების მიხედვით, ხოლო წლიური შესრულების ანგარიში – წლის დამთავრებიდან 45 დღეშ ი, №3 -№7 დანართების მიხედვით.

მუხლი 4 . საქართველოს განათლებისა და მეცნიერების სამინისტრომ თავი ს დაქვემდებარებაში მყოფი საგანმანათლებლო რესურსცენტრების მეშვეობით საქართველოს ფინანსთა სამინისტროში წარადგინოს რესურსცენტრების სამოქმედო ტერიტორიაზე არსებული საჯარო სკოლების 6 თვის ნაერთი ანგარიშები, საანგარიშო პერიოდის დასრულებიდან 20 დღე ში, ხოლო წლიური შესრულების ანგარიში – წლის დამთავრებიდან 2 თვე ში, ამ დადგენილების №3 -№6 დანართების მიხედვით.

მუხლი 5 . დამტკიცდეს იმ არასამეწარმეო (არაკომერციული) იურიდიული პირების ნუსხა (დანართი № 1), რომლებიც საქართველოს ფინანსთა სამინისტროს წარუდგენენ ბიუჯეტის შესრულების ანგარიშს ამავე დადგენილების მე-3 მუხლით გათვალისწინებულ ვადებში, ამავე მუხლში განსაზღვრული ფორმით .

მუხლი 6 . ამ დადგენილების მე-3 მუხლით გათვალისწინებულ ვადებში ბიუჯეტების შესრულების ანგარიშების წარდგენის ვალდებულება გავრცელდეს იმ საჯარო სამართლის იურიდიულ პირებზე, რომლებიც 2012 წლის განმავლობაში დაფუძნდებიან საქართველოს კანონმდებლობის შესაბამისად და არ აკმაყოფილებენ ამ დადგენილების მე-2 მუხლით გათვალისწინებულ პირობებს, ასევე – იმ საჯარო სამართლის იურიდიულ პირებზე, რომლებიც რეორგანიზებულ იქნებიან არასამეწარმეო (არაკომერციულ) იურიდიულ პირებად.

მუხლი 7. დამტკიცდეს იმ სახელმწიფო წილობრივი მონაწილეობით შექმნილი საწარმოების ნუსხა (დანართი №2), რომლებიც საქართველოს ფინანსთა სამინისტროში წარადგენენ ინფორმაციას მათი მოგება-ზარალის, ფულადი ნაკადების მოძრაობისა და მათი ფინანსური აქტივებისა და ვალდებულებების შესახებ, საქართველოს ფინანსთა სამინისტროს მიერ მოთხოვნილი ფორმების შესაბამისად.

მუხლი 8. ამ დადგენილების მე-7 მუხლით გათვალისწინებულმა სახელმწიფოს წილობრივი მონაწილეობით შექმნილმა საწარმოებმა ინფორმაცია მათი 2011 წლის მოგება-ზარალის, 2012 წლის ფულადი ნაკადების მოძრაობის გეგმებისა და მათი ფინანსური აქტივებისა და ვალდებულებების შესახებ საქართველოს ფინანსთა სამინისტროში წარადგინონ 2012 წლის 1 მაისამდე, ხოლო 2012 წლის ფულადი ნაკადების მოძრაობის დაზუსტებული გეგმების შესახებ ინფორმაცია – 2012 წლის მეორე და მესამე კვარტალების დასრულებიდან 15 დღეში.

მუხლი 9. ამ დადგენილების მე-7 მუხლით განსაზღვრული ინფორმაცია 2012 წლის წლიური ფაქტობრივი მაჩვენებლებისა და, ასევე, 2013 წლის ფულადი ნაკადების მოძრაობის გეგმების შესახებ, ამავე მუხლით განსაზღვრულმა სახელმწიფოს წილობრივი მონაწილეობით შექმნილმა საწარმოებმა საქართველოს ფინანსთა სამინისტროში წარადგინონ 2012 წლის დასრულებიდან 4 თვეში.

მუხლი 10 . დადგენილება ამოქმედდეს გამოქვეყნებისთანავე.

პრემიერ-მინისტრი           ნ. გილაური

დანართი №1

ზოგიერთი არასამეწარმეო (არაკომერციული) იურიდიული პირის ნუსხა

1. ა(ა)იპ – ახალქალაქის უმაღლესი საგანმანათლებლო დაწესებულება – კოლეჯი

2. ა(ა)იპ – ახალციხის სახელმწიფო სასწავლო უნივერსიტეტი

3. ა(ა)იპ – შოთა მესხიას ზუგდიდის სახელმწიფო სასწავლო უნივერსიტეტი

4. ა(ა)იპ – გორის სასწავლო უნივერსიტეტი

5. ა(ა)იპ – იაკობ გოგებაშვილის სახელობის თელავის სახელმწიფო უნივერსიტეტი

6. ა(ა)იპ – აკაკი წერეთლის სახელმწიფო უნივერსიტეტი

7. ა(ა)იპ – სოხუმის სახელმწიფო უნივერ სიტეტი

8. ა(ა)იპ – თბილისის სახელმწიფო სამედიცინო უნივერსიტეტი

9. ა(ა)იპ – საქართველოს აგრარული უნივერსიტეტი

10. ა(ა)იპ – საქართველოს ტექნიკური უნივერსიტეტი

11. ა(ა)იპ – ივანე ჯავახიშვილის სახელობის თბილისის სახელმწიფო უნივერ სიტეტი

12. ა(ა)იპ – პროფესიული კოლეჯი „ჰორიზონტი“

13. ა(ა)იპ – პროფესიული კოლეჯი „იკაროსი“

14. ა(ა)იპ – პროფესიული კოლეჯი „პრესტიჟი“

15. ა(ა)იპ – პროფესიული კოლეჯი „ორიენტი“

16. ა(ა)იპ – საზოგადოებრივი ჯანდაცვის ცენტრალური რეფერალური ლაბორატორია

17. ა(ა)იპ – თბილისის ვანო სარაჯიშვილის სახელობის სახელმწიფო კონსერვატორია

18. ა(ა)იპ – საქართველოს შოთა რუსთაველის თეატრისა და კინოს სახელმწიფო უნივერსიტეტი

19. ა(ა)იპ – თბილისის აპოლონ ქუთათელაძის სახელობის სახელმწიფო სამხატვრო აკადემია

დანართი №2

  ზოგიერთი სახელმწიფო წილობრივი მონაწილეობით შექმნილი საწარმოს ნუსხა

1. შპს „საქართველოს რკინიგზა“

2. ს ს „საქართველოს ნავთობისა და გაზის კორპორაცია“

3. სს „ელექტროენერგეტიკული სისტემის კომერციული ოპერატორი“

4. სს „საქართველოს სახელმწიფო ელექტროსისტემა“

5. შპს „ენერგოტრანსი“

6. შპს „ენგურჰესი“

7. შპს „საქაერონავიგაცია“

8. შპს „საქართველოს აეროპორ ტების გაერთიანება“

9. შპს „საქართველოს ფოსტა“

10. შპს „საქართველოს გაერთიანებული წყალმომარაგების კომპანია“

11. შპს „საგზაო ტექნიკა“

12. შპს „მტკვარი – მ“

13. შპს „სიონი – მ“

14. შპს „ალაზანი – მ“

15. შპს „კოლხეთი – მ“

16. შპს „აკურა“

17. შპს „გრუზვინპრომი“

 დანართი №3

პასუხისმგებელი პირის ხელმოწერა -------------------------------------------------

დანართი №4

პასუხისმგებელი პირის ხელმოწერა -------------------------------------------------

დანართი №5

პასუხისმგებელი პირის ხელმოწერა -------------------------------------------------

დანართი №6

პასუხისმგებელი პირის ხელმოწერა -------------------------------------------------

დანართი №7

ინფორმაცია სესხად აღებული ვალდებულებების შესახებ

                                                              ათასი

*თანხა ვალუტაში – მიეთითება სესხის მოცულობა იმ ვალუტაში, რა ვალუტითაც მოხდა მისი გაცემა, ლარის გრაფაში _ მიეთითება შესაბამისი ვალუტის ეკ ვივალენტი ლარში, ინფორმაციის წარმოდგენის დღისთვის არსებული კურსით

** სესხების შესახებ მთლიანი მოცულობა – წარმოდგენილი უნდა იქნეს ჯამური მონაცემები ყველა იმ ვალუტის მიხედვით, რა ვალუტაშიც აქვს ორგანიზაციას სესხი აღებული და ამ ჯამური მოცულობების ეკვივალენტური ოდენობები ლარში ჯამდება „თანხა ლარში“ სვეტის ბოლოს

*** გრაფიკში წარმოდგენილი უნდა იყოს სესხის გამცემისადმი არსებული ვალდებულებების დაფარვის მოცულობების მონაცემები ყოველწლიურად, ვალის სრულად დაფარვამდე

 ****მონაცემები წარმოდგენილი უნდა იქნეს იმ ვალუტაში, რა ვალუტაშიც ხორციელდება სესხის ძირითადი ნაწილის და მისი მომსახურების ხარჯების (პროცენტი) დაფარვა

პასუხისმგებელი პირის ხელმოწერა -------------------------------------------------