საქართველოს საბაჟო კოდექსში ცვლილების შეტანის თაობაზე

საქართველოს კანონი

საქართველოს საბაჟო კოდექსში ცვლილების შეტანის შესახებ

საქართველოს პარლამენტი ადგენს:

I. საქართველოს საბაჟო კოდექსის (პარლამენტის უწყებანი, №47-48, 31.12.1997) 176-ე მუხლის „გ“ ქვეპუნქტში სიტყვები „გარდა საქართველოს კანონმდებლობით გათვალისწინებული, ინსპექტირებას დაუქვემდებარებელი საქონლისა“ შეიცვალოს სიტყვებით „გარდა იმ საქონლისა, რომელიც სახელმწიფოსა და მის მიერ უფლებამოსილ პირს შორის გაფორმებული ხელშეკრულების შესაბამისად არ ექვემდებარება ინსპექტირებას, აგრეთვე საქართველოს კანონმდებლობის ან/და საერთაშორისო რატიფიცირებული ხელშეკრულებების საფუძველზე, საქონლის იმპორტის შემთხვევაში გათვალისწინებული ყველა გადასახადისგან გათავისუფლებული საქონლისა“.

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი  ედუარდ შევარდნაძე.

თბილისი,

2000 წლის 13 ივლისი.

№474-რს