დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საჯარო სამართლის იურიდიული პირის – სურსათის ეროვნული სააგენტოს დებულების დამტკიცების შესახებ“ საქართველოს სოფლის მეურნეობის მინისტრის 2011 წლის 14 იანვრის №2-3 ბრძანებაში ცვლილების შეტანის შესახებ | |
---|---|
დოკუმენტის ნომერი | 2-228 |
დოკუმენტის მიმღები | საქართველოს სოფლის მეურნეობის მინისტრი |
მიღების თარიღი | 30/11/2012 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 30/11/2012 |
ძალის დაკარგვის თარიღი | 27/02/2018 |
სარეგისტრაციო კოდი | 040030000.22.032.016094 |
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
მუხლი 1 |
„საჯარო სამართლის იურიდიული პირის – სურსათის ეროვნული სააგენტოს დებულების დამტკიცების შესახებ“ საქართველოს სოფლის მეურნეობის მინისტრის 2011 წლის 14 იანვრის №2-3 ბრძანებით დამტკიცებულ საჯარო სამართლის იურიდიული პირის – სურსათის ეროვნული სააგენტოს დებულებაში (ვებგვერდი, 140111 14.01.2011) შეტანილ იქნეს ცვლილება და დებულების: |
1.
მე-4 მუხლის მე-2 პუნქტს დაემატოს „ვ1“ ქვეპუნქტი და ჩამოყალიბდეს შემდეგი რედაქციით:
„ვ1) საზოგადოებასთან ურთიერთობის და ინფორმაციული უზრუნველყოფის დეპარტამენტი.“ |
2.
მე-5 მუხლის: |
ა)
მე-4 პუნქტის: |
ა.ა)
„გ“ ქვეპუნქტი ამოღებულ იქნეს. |
ა.ბ)
„ვ“ ქვეპუნქტი ამოღებულ იქნეს. |
ბ)
დაემატოს 61 პუნქტი და ჩამოყალიბდეს შემდეგი რედაქციით:
„61. საზოგადოებასთან ურთიერთობის და ინფორმაციული უზრუნველყოფის დეპარტამენტის ფუნქციებია: ა) სააგენტოს საქმიანობის გამჭვირვალობის უზრუნველყოფა; ბ) მასობრივი ინფორმაციის საშუალებებთან ურთიერთობა, საზოგადოების ინფორმირება სააგენტოს კომპეტენციას მიკუთვნებული საქმიანობის განხორციელების თაობაზე; გ) სააგენტოს ვებგვერდზე ინფორმაციის პერიოდული განახლება; დ) სააგენტოს საქმიანობის შესახებ რეკლამების, საგაზეთო სტატიებისა და ვიდეორგოლების მომზადებაში მონაწილეობა; ე) სააგენტოს კომპიუტერული ქსელისა და ტექნიკის შეუფერხებელი მუშაობის უზრუნველყოფა, ინფორმაციული ტექნოლოგიების ქსელის დანერგვა და განვითარება, პროფილაქტიკური სამუშაოების განხორციელება; ვ) მონაცემთა ბაზის რეგულარული განახლება და ეფექტური ადმინისტრირება. “ |
მუხლი 2 |
ბრძანება ამოქმედდეს გამოქვეყნებისთანავე. |
|
დოკუმენტის კომენტარები