„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2012 წლის 31 დეკემბრის №1032 ბრძანებაში ცვლილების შეტანის შესახებ

„მუხლი 69. სამინისტროს სისტემაში სამხედრო სამსახურში ჩარიცხვის, თანამდებობაზე დანიშვნის, თანამდებობიდან გათავისუფლების, შინაგან საქმეთა ორგანოებიდან და სამხედრო სამსახურიდან დათხოვნის, სამხედრო და სპეციალური წოდებების მინიჭებაზე უფლებამოსილი თანამდებობის პირები

1. საქართველოს შინაგან საქმეთა მინისტრის ბრძანებით თანამდებობაზე ინიშნებიან, თანამდებობიდან თავისუფლდებიან და შინაგან საქმეთა ორგანოებიდან დათხოვნილ იქნებიან:

ა) სამინისტროს დეპარტამენტის დირექტორი;

ბ) სამინისტროს დეპარტამენტის დირექტორის მოადგილე;

გ) სამინისტროს მთავარი სამმართველოს უფროსი;

დ) სამინისტროს მთავარი სამმართველოს უფროსის მოადგილე;

ე) სამინისტროს სამმართველოს უფროსი;

ვ) სამინისტროს სამსახურის უფროსი;

ზ) სამინისტროს აფხაზეთისა და აჭარის ავტონომიური რესპუბლიკების მთავარი სამმართველოების, ქ. თბილისის მთავარი სამმართველოსა და სამხარეო მთავარი სამმართველოების საქალაქო და რაიონული სამმართველოს უფროსები.

თ) სამინისტროს მმართველობაში მოქმედი საჯარო სამართლის იურიდიული პირის ხელმძღვანელი და მოადგილე (გარდა კანონით პირდაპირ დადგენილი შემთხვევებისა);

ი) სამინისტროს მმართველობის სფეროში არსებული სახელმწიფო საქვეუწყებო დაწესებულების ხელმძღვანელის მოადგილე.

2. ამ მუხლის პირველი პუნქტით განსაზღვრული თანამდებობის პირების დროებით არყოფნის შემთხვევაში აღნიშნული თანამდებობის პირების სამსახურებრივი მოვალეობის შესრულება სხვა თანამდებობის პირს შეიძლება დაევალოს საქართველოს შინაგან საქმეთა მინისტრის ან მინისტრის პირველი მოადგილის ბრძანებით, ხოლო მათი არყოფნის შემთხვევაში მინისტრის ერთ-ერთი მოადგილის ბრძანებით, თუ კანონმდებლობით სხვა რამ არ არის გათვალისწინებული.

3. სამინისტროს აფხაზეთისა და აჭარის ავტონომიური რესპუბლიკების მთავარი სამმართველოების, ქ. თბილისის მთავარი სამმართველოსა და სამხარეო მთავარი სამმართველოების საქალაქო და რაიონული სამმართველოს უფროსის დროებით არყოფნის შემთხვევაში აღნიშნული პირის სამსახურებრივი მოვალეობის შესრულება სხვა თანამდებობის პირს შეიძლება დაევალოს მთავარი სამმართველოს უფროსის ან მისი მოვალეობის შემსრულებლის ბრძანებით.

 4. საქართველოს შინაგან საქმეთა სამინისტროს სისტემაში უმცროს და უფროს ოფიცერთა სამხედრო სამსახურში ჩარიცხვა, სამხედრო სამსახურიდან დათხოვნა, ოფიცრის პირველადი სამხედრო წოდების, უმცროს და უფროს ოფიცერთა მორიგი სამხედრო წოდებისა და უფროსი სპეციალური წოდების, აგრეთვე, სამხედრო და სპეციალური წოდების ვადაზე ადრე მინიჭება (გარდა პოლკოვნიკის სამხედრო წოდებისა, რომელსაც ვადაზე ადრე ანიჭებს საქართველოს პრეზიდენტი) ხდება საქართველოს შინაგან საქმეთა მინისტრის ბრძანებით.

 5. სამინისტროს შტატგარეშე მოსამსახურეების (გარდა სამინისტროს მმართველობის სფეროში არსებული საჯარო სამართლის იურიდიული პირებისა და სახელმწიფო საქვეუწყებო დაწესებულების შტატგარეშე მოსამსახურეებისა) თანამდებობაზე დანიშვნა-გათავისუფლება ხდება საქართველოს კანონმდებლობით დადგენილი წესით მინისტრის მოადგილეების მიერ საკურატორო სფეროების მიხედვით, ხოლო მინისტრის საკურატორო სფეროში შემავალი დანაყოფების შტატგარეშე მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრის პირველი მოადგილე, ხოლო მისი არყოფნის შემთხვევაში მინისტრის ერთ-ერთი მოადგილე.

 6. საქართველოს შინაგან საქმეთა მინისტრის პირველი მოადგილისა და მინისტრის მოადგილეების (საკურატორო სფეროების მიხედვით) მიერ თანამდებობაზე ინიშნებიან, თანამდებობიდან თავისუფლდებიან და შინაგან საქმეთა ორგანოებიდან დათხოვნილ იქნებიან:

ა. სამინისტროს სამმართველოს უფროსის მოადგილე;

ბ. სამინისტროს სამსახურის უფროსის მოადგილე;

გ. სამინისტროს დეპარტამენტის მთავარი სამმართველოს უფროსი;

დ. სამინისტროს დეპარტამენტის მთავარი სამმართველოს უფროსის მოადგილე;                    

ე. სამინისტროს დეპარტამენტის სამმართველოს უფროსი;

ვ. სამინისტროს დეპარტამენტის სამმართველოს უფროსის მოადგილე;  

ზ. სამინისტროს დეპარტამენტის სამსახურის უფროსი;

თ. სამინისტროს დეპარტამენტის სამსახურის უფროსის მოადგილე;

ი. სამინისტროს მთავარი სამმართველოს სამმართველოს უფროსი;

კ. სამინისტროს მთავარი სამმართველოს სამმართველოს უფროსის მოადგილე;

ლ. სამინისტროს მთავარი სამმართველოს სამსახურის უფროსი;

მ. სამინისტროს მთავარი სამმართველოს სამსახურის უფროსის მოადგილე

ნ. სამინისტროს სამმართველოს განყოფილების უფროსი;

ო. სამინისტროს სამმართველოს განყოფილების უფროსის მოადგილე;

პ. სამინისტროს სამსახურის განყოფილების უფროსი;

ჟ. სამინისტროს სამსახურის განყოფილების უფროსის მოადგილე;

რ. სამინისტროს აფხაზეთისა და აჭარის ავტონომიური რესპუბლიკების მთავარი სამმართველოს, სამხარეო მთავარი სამმართველოებისა და ქ. თბილისის მთავარი სამმართველოს სამმართველოს უფროსი (გარდა საქალაქო და რაიონული სამმართველოს უფროსისა);

ს. აფხაზეთისა და აჭარის ავტონომიური რესპუბლიკის მთავარი სამმართველოების, სამხარეო მთავარი სამმართველოებისა და ქ. თბილისის მთავარი სამმართველოს სამმართველოს უფროსის მოადგილე; 

ტ. სამინისტროს აფხაზეთისა და აჭარის ავტონომიური რესპუბლიკების მთავარი სამმართველოების, სამხარეო მთავარი სამმართველოებისა და ქ. თბილისის მთავარი სამმართველოს სამმართველოს სამსახურის უფროსი; 

უ. სამინისტროს აფხაზეთისა და აჭარის ავტონომიური რესპუბლიკების მთავარი სამმართველოების, სამხარეო მთავარი სამმართველოებისა და ქ. თბილისის მთავარი სამმართველოს სამმართველოს სამსახურის უფროსის მოადგილე.

ფ. სამინისტროს დეპარტამენტის მთავარი სამმართველოს სამმართველოს უფროსი;

ქ. სამინისტროს დეპარტამენტის მთავარი სამმართველოს სამმართველოს უფროსის მოადგილე;

ღ. სამინისტროს დეპარტამენტის მთავარი სამმართველოს სამსახურის უფროსი;

ყ. სამინისტროს დეპარტამენტის მთავარი სამმართველოს სამსახურის უფროსის მოადგილე;

შ. სამინისტროს დეპარტამენტის სამმართველოს სამსახურის უფროსი;  

ჩ. სამინისტროს დეპარტამენტის სამმართველოს სამსახურის უფროსის მოადგილე;

ც. სამინისტროს დეპარტამენტის მთავარი სამმართველოს სამმართველოს სამსახურის უფროსი

ძ. სამინისტროს დეპარტამენტის მთავარი სამმართველოს სამმართველოს სამსახურის უფროსის მოადგილე;  

წ. სამინისტროს დეპარტამენტის განყოფილების უფროსი;

7. ამ მუხლის მე-6 პუნქტით განსაზღვრული თანამდებობის პირების დროებით არყოფნის შემთხვევაში აღნიშნული თანამდებობის პირების სამსახურებრივი მოვალეობის შესრულება სხვა თანამდებობის პირს შეიძლება დაევალოს კურატორი მონისტრის მოადგილის ბრძანებით, მათი არყოფნის შემთხვევაში მინისტრის ერთ-ერთი მოადგილის ბრძანებით.

8. მინისტრის საკურატორო სფეროში შემავალ დანაყოფებში ამ მუხლის მე-6 პუნქტით განსაზღვრული თანამდებობის პირების დროებით არყოფნის შემთხვევაში მოვალეობის დაკისრება ხდება მინისტრის პირველი მოადგილის ბრძანებით, ხოლო მისი არყოფნის შემთხვევაში მინისტრის ერთ-ერთი მოადგილის ბრძანებით.

9 სამინისტროს აფხაზეთისა და აჭარის ავტონომიური რესპუბლიკების მთავარ სამმართველოებში, ქ. თბილისის მთავარ სამმართველოში და სამხარეო მთავარ სამმართველოებში შემავალი ნუსხის ამ მუხლის მე-6 პუნქტით განსაზღვრული თანამდებობის პირების დროებით არყოფნის შემთხვევაში აღნიშნული თანამდებობის პირების სამსახურებრივი მოვალეობის შესრულება სხვა თანამდებობის პირს შეიძლება დაევალოს ამავე მთავარი სამმართველოს უფროსის ან მისი მოვალეობის შემსრულებლის ბრძანებით.

 10.  საქართველოს შინაგან საქმეთა სამინისტროს სისტემაში რიგითი და ეფრეიტორის შემადგენლობის სამხედრო სამსახურში ჩარიცხვა, სამხედრო სამსახურიდან დათხოვნა, რიგითი და ეფრეიტორის შემადგენლობისათვის მორიგი სამხედრო წოდების მინიჭება, აგრეთვე, საშუალო სპეციალური წოდების მინიჭება ხდება საქართველოს შინაგან საქმეთა მინისტრის პირველი მოადგილის და მინისტრის მოადგილეების მიერ, საკურატორო სფეროების მიხედვით (ამ მუხლით გათვალისწინებული სხვა შემთხვევების გარდა).

11. საქართველოს შინაგან საქმეთა მინისტრის საკურატორო სფეროში მყოფი სტრუქტურული ქვედანაყოფებისა და ტერიტორიული ორგანოების ყველა მოსამსახურეს (ამ მუხლის პირველი და მე-15 პუნქტით გათვალისწინებულ თანამდებობის პირთა გარდა) თანამდებობაზე ნიშნავს, თანამდებობიდან ათავისუფლებს და შინაგან საქმეთა ორგანოებიდან დაითხოვს, ამასთან რიგითი და ეფრეიტორის შემადგენლობას სამხედრო სამსახურში ჩარიცხავს, სამხედრო სამსახურიდან დაითხოვს, რიგითი და ეფრეიტორის შემადგენლობას მორიგ სამხედრო წოდებას მიანიჭებს, აგრეთვე, საშუალო სპეციალურ წოდებას მიანიჭებს სამინისტროს საკადრო დანაყოფის კურატორი მინისტრის მოადგილე. 

12. საჯარო სამართლის იურიდიული პირი - საქართველოს შინაგან საქმეთა სამინისტროს დაცვის პოლიციის დეპარტამენტის მოსამსახურეებს (ვადიანი სამხედრო საკონტრაქტო მოსამსახურეების გარდა) უმცროს და მორიგ საშუალო სპეციალურ წოდებებს ანიჭებს საჯარო სამართლის იურიდიული პირის ხელმძღვანებლი ან მის მიერ საამისოდ უფლებამოსილი პირი.

 13.  საჯარო სამართლის იურიდიული პირი - საქართველოს შინაგან საქმეთა სამინისტროს დაცვის პოლიციის დეპარტამენტში ვადიანი სამხედრო საკონტრაქტო სამსახურის გასავლელად მოქალაქეების ჩარიცხვას, უმცროს სპეციალურ წოდებას მიანიჭებს, ვადიანი საკონტრაქტო სამსახურიდან ამორიცხავს, სამსახურიდან დათხოვნისას ,,რიგითი”-ს სამხედრო წოდებას მიანიჭებს და ჩარიცხავს სამხედრო ძალების რეზერვში ამავე დეპარტამენტის კურატორი მინისტრის მოადგილე.

  14. საქართველოს შინაგან საქმეთა სამინისტროს სისტემაში მოქმედი საჯარო სამართლის იურიდიული პირების მოსამსახურეებს უმცროს სპეციალურ წოდებას ანიჭებს საჯარო სამართლის იურიდიული პირის ხელმძღვანელი ან მის მიერ საამისოდ უფლებამოსილი პირი.

15. სამინისტროს დეპარტამენტის ხელმძღვანელის (დირექტორი, გარდა განსაკუთრებულ დავალებათა დეპარტამენტის დირექტორისა, უფროსი), სამინისტროს მთავარი სამმართველოს უფროსის, სამინისტროს სამმართველოს უფროსის, სამინისტროს სამსახურის უფროსის მიერ თანამდებობაზე ინიშნებიან, თანამდებობიდან თავისუფლდებიან და შინაგან საქმეთა ორგანოებიდან დათხოვნილ იქნებიან:

ა) სამინისტროს დეპარტამენტის განყოფილების უფროსის მოადგილე; სამინისტროს დეპარტამენტის განყოფილების უფროსის მოადგილე - გამომძიებელი;

ბ) სამინისტროს მთავარი სამმართველოს განყოფილების უფროსი; სამინისტროს მთავარი სამმართველოს განყოფილების უფროსი - გამომძიებელი;

გ) სამინისტროს მთავარი სამმართველოს სამმართველოს განყოფილების უფროსი;

დ) სამინისტროს მთავარი სამმართველოს განყოფილების უფროსის მოადგილე;                   სამინისტროს მთავარი სამმართველოს განყოფილების უფროსის მოადგილე - გამომძიებელი;        

ე)    სამინისტროს მთავარი სამმართველოს სამმართველოს განყოფილების უფროსის მოადგილე;

ვ) სამინისტროს დეპარტამენტის მთავარი სამმართველოს განყოფილების უფროსი; სამინისტროს დეპარტამენტის მთავარი სამმართველოს განყოფილების უფროსი - გამომძიებელი;

ზ) სამინისტროს დეპარტამენტის მთავარი სამმართველოს განყოფილების უფროსის მოადგილე; სამინისტროს დეპარტამენტის მთავარი სამმართველოს განყოფილების უფროსის მოადგილე - გამომძიებელი;

თ) სამინისტროს დეპარტამენტის მთავარი სამმართველოს სამმართველოს განყოფილების უფროსი; სამინისტროს დეპარტამენტის მთავარი სამმართველოს სამმართველოს განყოფილების უფროსი - გამომძიებელი;

ი) სამინისტროს დეპარტამენტის მთავარი სამმართველოს სამმართველოს განყოფილების უფროსის მოადგილე; სამინისტროს დეპარტამენტის მთავარი სამმართველოს სამმართველოს განყოფილების უფროსის მოადგილე - გამომძიებელი; ასეულის მეთაური:

კ) სამინისტროს დეპარტამენტის მთავარი სამმართველოს სამსახურის განყოფილების უფროსი; სამინისტროს დეპარტამენტის მთავარი სამმართველოს სამსახურის განყოფილების უფროსი - გამომძიებელი;

ლ) სამინისტროს დეპარტამენტის მთავარი სამმართველოს სამსახურის განყოფილების უფროსის მოადგილე; სამინისტროს დეპარტამენტის მთავარი სამმართველოს სამსახურის განყოფილების უფროსის მოადგილე - გამომძიებელი;

მ) სამინისტროს დეპარტამენტის სამმართველოს განყოფილების უფროსი; სამინისტროს დეპარტამენტის სამმართველოს განყოფილების უფროსი - გამომძიებელი;

ნ) სამინისტროს დეპარტამენტის სამმართველოს განყოფილების უფროსის მოადგილე; სამინისტროს დეპარტამენტის სამმართველოს განყოფილების უფროსის მოადგილე - გამომძიებელი;

ო) სამინისტროს დეპარტამენტის მთავარი სამმართველოს სამმართველოს სამსახურის განყოფილების უფროსი; სამინისტროს დეპარტამენტის მთავარი სამმართველოს სამმართველოს სამსახურის განყოფილების უფროსი - გამომძიებელი;

პ) სამინისტროს დეპარტამენტის მთავარი სამმართველოს სამმართველოს სამსახურის განყოფილების უფროსის მოადგილე; სამინისტროს დეპარტამენტის მთავარი სამმართველოს სამმართველოს სამსახურის განყოფილების უფროსის მოადგილე - გამომძიებელი;

ჟ) დეტექტივი-გამომძიებელი;

რ) განსაკუთრებით მნიშვნელოვან საქმეთა უფროსი ინსპექტორი; განსაკუთრებით მნიშვნელოვან საქმეთა უფროსი ინსპექტორი - გამომძიებელი; მთავარი ექსპერტი.

ს) უფროსი ინსპექტორი; უფროსი ინსპექტორი - გამომძიებელი; ექსპერტი;

ტ) ქვეგანყოფილების უფროსი; ქვეგანყოფილების უფროსი - გამომძიებელი; ოცეულის მეთაური;

უ) ქვეგანყოფილების უფროსის მოადგილე; ქვეგანყოფილების უფროსის მოადგილე - გამომძიებელი; ათეულის მეთაური;

ფ) დეტექტივის თანაშემწე-გამომძიებელი;

 ქ) უფროსი ოპერატიული თანამშრომელი; უფროსი ოპერატიული თანამშრომელი - გამომძიებელი; უბნის უფროსი ინსპექტორი; მთავარი სპეციალისტი; უფროსი მოიერიშე; უფროსი ექსპერტი.

ღ) ინსპექტორი; ინსპექტორი - გამომძიებელი;  ოპერატიული თანამშრომელი; ოპერატიული თანამშრომელი- გამომძიებელი; უბნის ინსპექტორი; წამყვანი სპეციალისტი; მოიერიშე; ექსპერტი.

ყ) უმცროსი ინსპექტორი; უბნის უმცროსი ინსპექტორი; სპეციალიტი;

შ) თანამშრომელი;

ჩ) უმცროსი თანამშრომელი;

ც) დამხმარე მოსამსახურე.

 16. სამინისტროს დეპარტამენტის ხელმძღვანელის (დირექტორი, უფროსი), სამინისტროს მთავარი სამმართველოს უფროსის, სამინისტროს სამმართველოს უფროსის, სამსახურის უფროსის არყოფნისას, ამ მუხლის მე-15 პუნქტით გათვალისწინებულ თანამდებობაზე ინიშნებიან, თანამდებობიდან თავისუფლდებიან და შინაგან საქმეთა ორგანოებიდან დათხოვნილ იქნებიან კურატორი მინისტრის მოადგილის ბრძანებით.

17. ამ მუხლის მე-15 პუნქტით  განსაზღვრული პირების დროებით არყოფნის შემთხვევაში აღნიშნული პირების სამსახურებრივი მოვალეობის შესრულება სხვა პირს შეიძლება დაევალოს სამინისტროს დეპრტამენტის ხელმძღვანელის (გარდა განსაკუთრებულ დავალებათა დეპარტამენტის დირექტორისა) სამინისტროს მთავარი სამმართველოს, სამინისტროს სამმართველოს უფროსის, სამინისტროს სამსახურის უფროსის ბრძანებით, მათი არყოფნის შემთხვევაში ამავე დანაყოფის ხელმძღვანელის მოვალეობის შემსრულებლის ან დანაყოფის ხელმძღვანელის მოადგილის ბრძანებით. განსაკუთრებულ დავალებათა დეპარტამენტის თანამშრომლებს (ამ მუხლის მე-15 პუნქტით განსაზღვრულ პირებს) დროებით მოვალეობას აკისრებს კურატორი მინისტრის მოადგილე, ხოლო მისი არყოფნის შემთხვევაში დეპარტამენტის დირექტორი.

18. სამინისტროს მმართველობაში მოქმედი საჯარო სამართლის იურიდიული პირის მოსამსახურეთა (გარდა მოადგილეებისა) თანამდებობაზე დანიშვნა და თანამდებობიდან გათავისუფლება, თავისი ასიგნებების ფარგლებში შტატგარეშე მოსამსახურეთა დანიშვნა-გათავისუფლება (ხელშეკრულების გაფორმება-შეწყვეტა) ხდება საჯარო სამართლის იურიდიული პირის ხელმძღვანელის ან მის მიერ საამისოდ უფლებამოსილი პირის მიერ.

19. სამინისტროს მმართველობის სფეროში არსებული სახელმწიფო საქვეუწყებო დაწესებულების მოსამსახურეთა (გარდა მოადგილეებისა) თანამდებობაზე დანიშვნა და თანამდებობიდან გათავისუფლება, თავისი ასიგნებების ფარგლებში შტატგარეშე მოსამსახურეთა დანიშვნა-გათავისუფლება (ხელშეკრულების გაფორმება-შეწყვეტა)  ხდება სახელმწიფო დაწესებულების ხელმძღვანელის მიერ.

 20. ამ მუხლის მე-15 პუნქტით გათვალისწინებული მოსამსახურეებისათვის, უმცროსი სპეციალური წოდების მინიჭება ხდება დეპარტამენტის ხელმძღვანელის (დირექტორი, უფროსი), სამინისტროს მთავარი სამმართველოს უფროსის, სამინისტროს სამმართველოს უფროსის (გარდა სამინისტროს განსაკუთრებულ დავალებათა სამმართველოს უფროსისა) და სამინისტროს სამსახურის უფროსის მიერ.  

21. სამინისტროს განსაკუთრებულ დავალებათა დეპარტამენტის ყველა მოსამსახურეს (ამ მუხლის პირველი პუნქტით გათვალისწინებული თანამდებობების გარდა) თანამდებობაზე ნიშნავს, თანამდებობიდან ათავისუფლებს და შინაგან საქმეთა ორგანოებიდან დაითხოვს, ამასთან სამინისტროს განსაკუთრებულ დავალებათა დეპარტამენტის რიგითი და ეფრეიტორის შემადგენლობას სამხედრო სამსახურში ჩარიცხავს, სამხედრო სამსახურიდან დაითხოვს, რიგითი და ეფრეიტორის შემადგენლობას მორიგ სამხედრო წოდებას მიანიჭებს, აგრეთვე, უმცროს და საშუალო სპეციალურ წოდებას მიანიჭებს კურატორი მინისტრის მოადგილე.

22. მინისტრის მოადგილის საკურატორო სფეროში შემავალ დანაყოფებში სამინისტროს მოსამსახურეების თანამდებობრივი გადაადგილება (დანიშვნა-გათავისუფლება) განხორციელდეს კურატორი მინისტრის მოადგილის მიერ, თუ მოსამსახურის თანამდებობაზე დანიშვნა და/ან გათავისუფლება ამ ბრძანებით ერთდროულად განეკუთვნება კურატორი მინისტრის მოადგილისა და მის საკურატორო სფეროში შემავალი დანაყოფის ხელმძღვანელის ან სხვადასხვა დანაყოფების ხელმძღვანელების კომპეტენციას (ამ მუხლის პირველი პუნქტით გათვალისწინებული თანამდებობების გარდა).

23. მინისტრის ერთი მოადგილის საკურატორო დანაყოფიდან მინისტრის მეორე მოადგილის საკურატორო დანაყოფში სამინისტროს მოსამსახურის თანამდებობრივი გადაადგილებისას, შესაბამის ბრძანებას გამოსცემს მინისტრის ის მოადგილე, რომლის საკურატორო დანაყოფში ხდება მოსამსახურის თანამდებობაზე დანიშვნა.