„გორის მუნიციპალიტეტის 2013 წლის ბიუჯეტის დამტკიცების შესახებ“ გორის მუნიციპალიტეტის საკრებულოს 2012 წლის 21 დეკემბრის №43 დადგენილებაში ცვლილების შეტანის თაობაზე

,,მუხლი 1. მუნიციპალიტეტის ბიუჯეტის ბალანსი

განისაზღვროს გორის მუნიციპალიტეტის ბიუჯეტის ბალანსი თანდართული რედაქციით:

";

„მუხლი 2. მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

განისაზღვროს მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:

";

მუხლი 3. გორის მუნიციპალიტეტის ბიუჯეტის შემოსავლები

განისაზღვროს მუნიციპალიტეტის ბიუჯეტის შემოსავლები 17066.9 ათასი ლარის ოდენობით

";

„მუხლი 4. მუნიციპალიტეტის ბიუჯეტის გადასახადები:

";

„მუხლი 5. მუნიციპალიტეტის ბიუჯეტის გრანტები

განისაზღვროს მუნიციპალიტეტის ბიუჯეტის გრანტები 12166.9 ათასი ლარის ოდენობით:

";

„მუხლი 6. მუნიციპალიტეტის ბიუჯეტის სხვა შემოსავლები

განისაზღვროს მუნიციპალიტეტის ბიუჯეტის სხვა შემოსავლები 2600.0 ათასი ლარის ოდენობით

";

,,მუხლი 7. გორის მუნიციპალიტეტის ბიუჯეტის ხარჯები

განისაზღვროს გორის მუნიციპალიტეტის ბიუჯეტის ხარჯები 16,342.1 ათასი ლარის ოდენობით, თანდართული რედაქციით“:

";

„მუხლი 8. მუნიციპალიტეტის ბიუჯეტის არაფინანსური აქტივების ცვლილება

განისაზღვროს მუნიციპალიტეტის ბიუჯეტის არაფინანსური აქტივების ცვლილება 2,488.1  ათასი ლარის ოდენობით, მათ შორის:

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 2,888.1 ათასი ლარის ოდენობით თანდართული რედაქციით:

";

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 400.0 ათასი ლარის ოდენობით, მათ შორის:

";

„მუხლი 9. გორის მუნიციპალიტეტის ბიუჯეტის ხარჯებისა და არაფინანსური  აქტივების ზრდის ფუნქციონალური კლასიფიკაცია

განისაზღვროს გორის მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით“:

";

„მუხლი 10. მუნიციპალიტეტის ბიუჯეტის მთლიანი სალდო

განისაზღვროს მუნიციპალიტეტის ბიუჯეტის მთლიანი სალდო 1763,3 ათასი ლარის ოდენობით.";

„მუხლი 11. მუნიციპალიტეტის ბიუჯეტის ფინანსური აქტივების ცვლილება

1. განისაზღვროს მუნიციპალიტეტის ბიუჯეტის ფინანსური აქტივების ცვლილება  1,925.0 ათასი ლარის ოდენობით.

2. განისაზღვროს მუნიციპალიტეტის ბიუჯეტის ფინანსური აქტივების კლება 1,925.0 ათასი ლარის ოდენობით.".

„მუხლი 16. გორის მუნიციპალიტეტის ბიუჯეტის პროგრამები

1. თავდაცვა, საზოგადოებრივი წესრიგი და უსაფრთხოება  (პროგრამული კოდი 02 00)

უბედური შემთხვევების თავიდან აცილების მიზნით, აუცილებელია სახანძრო დაცვის სამსახურის ტექნიკური ინვენტარით და სატრანსპორტო საშუალებებით უზრუნველყოფა, პერსონალისათვის სათანადო წვრთნების ჩატარება და პროფესიული დონის ამაღლება. არსებული რესურსების ფარგლებში კომუნალური პირობების გაუმჯობესება და პერსონალის სიცოცხლის დაზღვევა. შეიარაღებული ძალების საბრძოლო მზადყოფნის ამაღლებისათვის წვევამდელთა გაწვევის პუნქტებამდე ტრანსპორტირების უზრუნველყოფა და სარეზერვო ძალების მობილიზება.

1.1. საგანგებო სიტუაციების მართვა  (პროგრამული კოდი 02 01)

ხანძრების და სხვა უბედური შემთხვევების პრევენციის მიზნით გორის მუნიციპალიტეტი უზრუნველყოფს სახანძრო დაცვის სამსახურს ტექნიკური ინვენტარით  და სატრანსპორტო საშუალებებით აღჭურვას, პერსონალისათვის სათანადო წვრთნების ჩატარებას მათი პროფესიული დონის ასამაღლებლად და ასევე უზრუნველყოფს პერსონალის სიცოცხლის დაზღვევას.

1.2. თავდაცვისუნარიანობის ამაღლების ხელშეწყობა (პროგრამული კოდი 02 03)

შეიარაღებული ძალების თავდაცვისუნარიანობის ამაღლების მიზნით ხორციელდება მოსწავლეთა პირველადი აღრიცხვა და წვევამდელთა გაწვევის პუნქტებამდე ტრანსპორტირება, ასევე სარეზერვო ძალების მობილიზება.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

გორის მუნიციპალიტეტის ეკონომიკური განვითარებისათვის აუცილებელ პირობას წარმოადგენს ინფრასტრუქტურის შემდგომი გაუმჯობესება და აღნიშნული მიმართება გორის მუნიციპალიტეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გრძელდება საგზაო ინფრასტრუქტურის რეაბილიტაცია და მოვლა-შენახვა, საცხოვრებელი კორპუსების სახურავების რეაბილიტაცია-კეთილმოწყობა. გორის მუნიციპალური ინფრასტრუქტურის  მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა-შენახვა და დაფინანსდება მის ექსპლოატაციასთან დაკავშირებული ხარჯები.

2.1.  საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01 )

პროგრამის ფარგლებში განხორციელდება სოფლებთან დამაკავშირებელი გზების მოვლა-შენახვა, ქ. გორში ცენტრალური ქუჩების დახაზვა, სიჩქარის შემზღუდველების მოწყობა, დამატებით  შუქნიშნების მოწყობა ქალაქის დაზიანებული ქუჩების ორმული შეკეთება, ქუჩების მოვლა ზამთრის სეზონზე და მიწისქვეშა გადასასვლელების რეაბილიტაცია.

2.1.1. გზების მშენებლობის, რეკონსტრუქციისა და მოვლა-შენახვის ხარჯები (პროგრამული კოდი 03 01 01)

პროგრამის ფარგლებში განხორციელდება სოფლებთან დამაკავშირებელი გზების მოვლა-შენახვა, ქ. გორში ცენტრალური ქუჩების დახაზვა, სიჩქარის შემზღუდველების მოწყობა, დამატებით შუქნიშნების მოწყობა ქალაქის დაზიანებული ქუჩების ორმოული შეკეთება, მიწისქვეშა გადასასვლელების რეაბილიტაცია.

2.1.2. ქუჩების მოვლა ზამთრის სეზონზე (პროგრამული კოდი 03 01 02)

პროგრამის ფარგლებში გათვალისწინებულია ზამთრის სეზონზე ტრანსპორტისა და ფეხით მოსიარულეთა უსაფრთხო გადაადგილების და ქუჩებში შეფერხებული მოძრაობის თავიდან აცილების მიზნით ტექნიკური მარილის შეძენა და ქუჩების დამუშავება.

2.2. კომუნალური ინფრასტრუქტურის მშენებლობა რეაბილიტაცია და ექსპლოატაცია (პროგრამული კოდი 03 02 )

პროგრამის ფარგლებში დაგეგმილია გარე განათების მოწყობა, რეაბილიტაცია და  ექსპლოატაცია, დასუფთავების ღონისძიებები,   სანიაღვრე არხების მოწყობა-მოვლა, წყლის სისტემის რეაბილიტაცია,  სარწყავი არხების მოწყობა-რეაბილიტაცია, საკადასტრო რუკების მომზადება, გორის მუნიციპალური და რეგიონული განვითარების სააგენტოს ხელშეწყობის,  ინფრასტრუქტურული პროექტების და ამხანაგობების თანადაფინანსება.

2.2.1. გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 01)

მოსახლეობის კომფორტული და უსაფრთხო გადაადგილების მიზნით პროგრამის ფარგლებში დაგეგმილია ქუჩების, შენობების, ხიდების, შადრევნების განათების სისტემის მოწყობა-რეაბილიტაცია.

დაგეგმილია მტკვრის, მეჯუდის, ლიახვის ხიდების განათების ექსპლოატაცია და ასევე თეატრის სკვერის, ჭალის, კვერნაკის, ვოლოგდის დასახლებების, ნადირაძის ქუჩის, რომელაშვილების სახელობის ცენტრალურ შადრევანთან, ბარათაშვილის, რუსთაველის, შიოს წყაროსთან სკვერების განათებების ექსპლოატაცია.

ქალაქის იერსახის შენარჩუნების და შემდგომი გაუმჯობესებისათვის გათვალისწინებულია შენობების და ნაგებობების დეკორატიული განათების მოწყობა-ექსპლოატაცია.

2.2.2. დასუფთავების ღონისძიებები (პროგრამული კოდი 03 02 02)

გორის მუნიციპალიტეტის ერთ-ერთ მთავარ ფუნქციას წარმოადგენს სანიტარიული მდგომარეობის უზრუნველყოფა, შესაბამისად, ქვეპროგრამის ფარგლებში დაგეგმილია ქალაქის ქუჩების დაგვა-დასუფთავება, მოსახლეობიდან და ორგანიზაციებიდან საყოფაცხოვრებო ნარჩენების გატანა, ურნების გათავისუფლება და სანიტარიული დამუშავება (პერიოდულად). ასევე გათვალისწინებულია დამატებით ურნების შეძენა ქალაქისათვის და   სოფლებისათვის.

2.2.3. სანიაღვრე არხების მოწყობა და გაწმენდა (პროგრამული კოდი 03 02 04)

ქვეპროგრამის ფარგლებში დაგეგმილია ქ. გორში სამეფოს, გურამიშვილის, დ. ამილახვრის, თამარ მეფის, აღმაშენებლის, ქ. წამებულის, ბაგრატიონის, ნინოშვილის, მელიქიშვილის, შარტავას, ეკ.ჯუღაშვილის, კახნიაშვილის, სტალინის, კეცხოველის, გაბაშვილის, გორიჯვრის, თრიალეთის და სხვა ქუჩების მიმდებარე სანიაღვრე არხების გაწმენდითი სამუშაოები (15 დღეში ერთხელ).

2.2.4. წყლის სისტემის რეაბილიტაცია (პროგრამული კოდი 03 02 05)

განხორციელდება დევნილთა დასახლებებში სასმელი წყლის ჭაბურღილების ფუნქციონირებისათვის საჭირო ელ.ენერგიის ღირებულების ანაზღაურება გორის მუნიციპალიტეტის მიერ და სოფელ ნიქოზში სასმელი წყლის ჭაბურღილის გაწმენდა.

2.2.5. სარწყავი არხების და ნაპირსამაგრი ნაგებობების მოწყობა-რეაბილიტაცია (პროგრამული კოდი 03 02 07)

პროგრამის ფარგლებში გათვალისწინებულია მდინარე ტორტლას კალაპოტის გაწმენდა და ნაპორსამაგრი სამუშაოების დაფინანსება. ასევე გათვალისწინებულია გასულ წელს აღებული ვალდებულების ფარგლებში ნიქოზის სარწყავი წყლის სისტემის მოწყობის სამუშაოების დასრულება.

2.2.6. საკადასტრო რუკების მომზადება (პროგრამული კოდი 03 02 08)

ქვეპროგრამის ფარგლებში დაგეგმილია გორის მუნიციპალიტეტის საკუთრებაში არსებულ სასოფლო-სამეურნეო დანიშნულების მიწის და არასასოფლო-სამეურნეო დანიშნულების მიწის ნაკვეთების და შენობა-ნაგებობების საჯარო რეესტრში რეგისტრაციის მიზნით და მათი ექსპლოატაციისათვის აუცილებელი ტექნიკური დოკუმენტაციის მომზადების უზრუნველყოფა.

2.2.7. გორის მუნიციპალური და რეგიონალური განვითარების სააგენტო (პროგრამული კოდი 03 02 10)

გორის მუნიციპალიტეტის მოსახლეობის სოციალური პრობლემების და მოთხოვნილებების შესწავლის, გორის მუნიციპალიტეტის განვითარებისათვის განსახორციელებელი პროექტებისათვის თანხების მოძიების, დემოგრაფიულ, სოციალურ და ეკონომიკურ სკითხებზე გამოკითხვების ჩატარების, ხელისუფლების და ბიზნესსექტორის მიერ საინვესტიციო შესაძლებლობების ანალიზის, უცხოურ ორგანიზაციებთან პარტნიორული ურთიერთობის დამყარების და განვითარების სხვა პროგრამების შემუშავების მიზნით დაგეგმილია სააგენტოს ადმინისტრაციული ხარჯების უზრუნველყოფა სუბსიდირების გზით.

რეგიონული განვითარების სტრატეგიის განსახორციელებლად ადგილობრივ თვითმმართველობასთან მჭიდრო თანამშრომლობით სამოქმედო გეგმის შემუშავებისა და კონკრეტული პროექტების განსახორციელებლად ფინანსური მხარდაჭერა.

2.2.8. ინფრასტრუქტურული პროექტების თანადაფინანსება (პროგრამული კოდი        03 02 11)

გორის მუნიციპალიტეტის ტერიტორაზე ინფრასტრუქტურული მდგომარეობის გაუმჯობესების და შემდგომში პრობლემის გადაჭრის მექანიზმის შექმნის მიზნით, გორის მუნიციპალიტეტი აცხადებს მზადყოფნას გარკვეული თანადაფინანსებით წაახალისოს ყველა ის ორგანიზაცია (საბიუჯეტო, არასამთავრობო, სათემო, არარეგისტრირებული კავშირი, არასამეწარმეო და სხვა), რომელიც საკუთარი სახსრებით ან დონორი ორგანიზაციებიდან გრანტის მიღების გზით მოახდენს წილობრივ თანადაფინანსებას პროექტის განხორციელებისათვის.

2.2.9. ამხანაგობების თანადაფინანსება (პროგრამული კოდი 03 02 12)

ქვეპროგრამის ფარგლებში დაგეგმილია  ბინათმესაკუთრეთა და ინდივიდუალური საცხოვრებელი სახლების მესაკუთრეთა  ამხანაგობების  თანადაფინანსება. თანადაფინანსების შემთხვევაში აღნიშნული პროექტი უნდა ითვალისწინებდეს მრავალსართულიანი სახლების, ორ ან ორზე მეტ მომიჯნავე მიწის ნაკვეთზე არსებული ინდივიდუალური საცხოვრებელი სახლების და მათი მიმდებარე ფართობების ინფრასტრუქტურის განვითარებას. გარდა ამისა, ქვეპროგრამით იგეგმება ბინათმესაკუთრეთა ამხაგაგობების თავმჯდომარეთა სტიმულირებისათვის შრომის ანაზღაურება.

2.3. სანერგე მეურნეობის ხელშეწყობა (პროგრამული კოდი 03 03)

პროგრამის ფარგლებში ხორციელდება გორის მუნიციპალიტეტის „გორის სანერგე მეურნეობის“ სუბსიდირება გარემოს და ბუნებათ სარგებლობის, მრავალფეროვნები, გადაშენების საფრთხის წინაშე და იშვიათი სახეობის შენარჩუნების და გაუმჯობესების მიზნით სარგავი მასალის(ნერგის) გამოყვანის უზრუნველსაყოფად.

2.4. კეთილმოწყობის სამუშაოები (პროგრამული კოდი 03 04)

პროგრამის ფარგლებში განხორციელდება გორის მუნიციპალიტეტში არსებული სკვერების და გაზონების მოვლა-შენახვა და რეკონსტრუქცია, ასევე შადრევნების, მოსაცდელების, მემორიალური დაფების, ეზოების, სპორტული მოედნების მოვლა-შენახვისა და რეკონსტრუქციის ღონისძიებები.

2.4.1. საახალწლოდ ქალაქის მორთვის სამუშაოები (პროგრამული კოდი 03 04 01)

წინა საახალწლო ღონისძიებების განსახორციელებლად, ქალაქ გორის  გაფორმების სამუშაოების უზრუნველყოფა, კერძოდ: ხელოვნური ნაძვისხის მონტაჟი და დემონტაჟი, შენობებზე, ხის ვარჯებზე და ქუჩებში გაბმულ სადენებზე სხვადასხვა სახის დეკორატიული სანათების მოწყობა და დემონტაჟი.

2.4.2. შადრევნის მოვლა-შენახვის სამუშაოები (პროგრამული კოდი 03 04 02)

პროგრამის ფარგლებში განხორციელდება შადრევნების გაწმენდა და საჭიროების შემთხვევაში მათი რეაბილიტაცია.

2.4.3. სკვერების და გაზონების ექსპლოატაცია, რეკონსტრუქცია და მოვლა-შენახვა (პროგრამული კოდი 03 04 03)

პროგრამის ფარგლებში დაგეგმილია „მუნიციპალიტეტის გამწვანების“ სამსახურის მიერ სკვერების და გაზონების მოვლა, ახალი მწვანე ნარგავების შეძენა, დარგვა და გამწვანების ზოლებში სხვა დეკორატიული მცენარეების განაშენიანება და საჭიროების შემთხვევაში სკვერების რეკონსტრუქცია.ასევე გათვალისწინებულია დაზიანებული ხეების გასხვლა-გადაბელვის სამუშაოები. ასევე დაგეგმილია გასულ წელს არსებული ვალდებულების ფარგლებში სტალინის სახლ-მუზეუმის მიმდებარე სკვერის რეაბილიტაციის სამუშაოების დასრულება.

გამწვანების სამუშაოების სრულყოფილად განხორციელების მიზნით, პროგრამის ფარგლებში გათვალისწინებულია მუნიციპალიტეტის მიერ სატვირთო ავტომანქანის შეძენა.

2.4.4. მოსაცდელების მოწყობა და მოვლა-შენახვა (პროგრამული კოდი 03 04 04)

გათვალისწინებულია ქალაქ გორის ტერიტორიაზე განთავსებული ავტოსატრანსპორტო საშუალებების მოსაცდელების მოვლა-პატრონობა და საჭიროების შემთხვევაში რეაბილიტაცია.

2.4.5. ქალაქ გორის მწვანე ნარგავების რეაბილიტაცია (პროგრამული კოდი 03 04 05)

გათვალისწინებულია ქალაქ გორის ტერიტორიაზე დაზიანებული მწვანე ნარგავების  ახლით შეცვლა.

2.4.6. მემორიალის მოწყობა (პროგრამული კოდი 03 04 06)

გათვალისწინებულია ქ. გორში ცნობილი და წარმატებული მოქალაქეების მემორიალური დაფების მოწყობა მათი სახელების უკვდავსაყოფად.

2.4.7. მრავალბინიანი საცხოვრებელი სახლების, სახურავების და ლიფტების რეაბილიტაცია და ეზოების კეთილმოწყობა(პროგრამული კოდი 03 04 07)

ქვეპროგრამის ფარგლებში დაგეგმილია გასულ წელს აღებული ვალდებულებების გათვალისწინებით ქ.გორში ყიფიანის ქუჩის №33-ში საცხოვრებელი კორპუსის რეაბილიტაციის დასრულება. ამასთან დაკავშირებით, დაზიანებული ბინის მაცხოვრებელთა ალტერნატიული ფართით უზრუნველყოფის ხარჯების ანაზღაურება (ბინის ქირა). ასევე, გათვალისწინებულია ლიფტების რეაბილიტაციის სამუშაოების  და სახურავების რეაბილიტაციის სამუშაოების დასრულება.

2.4.7. სპორტული მოედნების მოწყობა და მოვლა-შენახვა (პროგრამული კოდი 03 04 08)

დაგეგმილია სპორტული მინი-მოედნების მოვლა-პატრონობის ღონისძიებების დაფინანსება.

2.4.8. დეფექტური აქტების, პროექტებისა და  ხარჯთაღრიცხვების მომსახურება (პროგრამული კოდი 03 04 09)

გორის მუნიციპალიტეტში დაგეგმილი სამშენებლო-სარეაბილიტაციო სამუშაოების საფუძველს, მოქმედი სამშენებლო ნორმებისა და წესის გათვალისწინებით, შესაბამისი საპროექტო-სახარჯთაღრიცხვო დოკუმენტაცია წარმოადგენს, ასევე აუცილებელ შესრულებულ სამუშაოებზე ექსპერტიზის ჩატარება, რომლის ფარგლებშიც ხორციელდება სამუშაოების სახარჯთაღრიცხვო დოკუმენტაციასთან შესაბამისობის დადგენა. ქვეპროგრამების ფარგლებში დაგეგმილია ზემოთ აღნიშნული ღონისძიებების განხორციელებისათვის საჭირო ხარჯების დაფინანსება.

2.4.9. სოფლის მეურნეობის განვითარების ხელშეწყობის პროგრამის დაფინანსება (პროგრამული კოდი 03 04 10)

პროგრამის ფარგლებში გათვალისწინებულია გორის მუნიციპალიტეტის სოფლებში კოოპერატივების ხელშეწყობა.

2.5. სოფლის მხარდაჭერის პროგრამის ფარგლებში განსახორციელებელი პროექტები (პროგრამული კოდი 03 05)

პროგრამის ფარგლებში გათვალისწინებულია გასულ წელს აღებული ვალდებულებების ფარგლებში გაზიფიცირების სამუშაოების დასრულება, ასევე რიტუალების სახლებისათვის შენობის, ინვენტარისა და ჭურჭლის შეძენა და სანიაღვრე არხის მოწყობა.

3. განათლება  (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და, შესაბამისად, გორის მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია, ინვენტარით უზრუნველყოფა.

3.1. სკოლამდელი განათლების დაფინანსება (პროგრამული კოდი 04 01)

გორის მუნიციპალიტეტში ფუნქციონირებს 46 საბავშვო ბაგა-ბაღი, სადაც დაწყებით განათლებას იღებს საშუალოდ 2500 ბავშვი. სკოლამდელი დაწესებულებების დაფინანსება  გათვალისწინებულია ვაუჩერული სისტემით, კერძოდ: 1-დან  50 ბავშვის ჩათვლით თითოეულ ბავშვზე 50 ლარი თვეში, ხოლო ყოველ მომდევნო ბავშვზე 30 ლარი თვეში. იმ საბავშვო ბაღებში სადაც 10 ბავშვი ირიცხება ნაცვლად 500 ლარისა აუნაზღაურდება 750 ლარი. ვაუჩერის მთლიანი ოდენობა აუნაზღაურდება იმ შემთხვევაში თუ მშობლის მიერ გადახდილი იქნება დაწესებული გადასახადის სრული ოდენობა. ნახევარის გადახდის დროს აუნაზღაურდება ნახევარი ვაუჩერი. აღნიშნული ქვეპროგრამით გორის მუნიციპალიტეტი ხელს უწყობს დასაქმებულთა სტაბილურ შრომის ანაზღაურებას, კვების და მატერიალური ბაზის გაუმჯობესებას.

4. კულტურა, რელიგია, ახალგაზრდობის ხელშეწყობა  და სპორტი (პროგრამული კოდი 05 00)

გორის მუნიციპალიტეტის ინფრასტრუქტურული და ეკონომიკური განვითარების პარალელურად აუცილებელია  კულტურული ტრადიციების დაცვა და ღირსეული გაგრძელება. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, გორის მუნიციპალიტეტი განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება.

4.1. სპორტის განვითარების ხელშეწყობა (პროგრამული კოდი 05 01)

პროგრამის ფარგლებში დაგეგმილია ცენტრალური სასპორტო, ჭიდაობის კომპლექსური სპორტული და კრივის სპეციალიზებული სპორტული  სკოლების ფუნქციონირების ხელშეწყობა მომავალი სპორტული თაობის აღსაზრდელად. ასევე განხორციელდება სხვადასხვა სპორტული ორგანიზაციის  ფინანსური მხარდაჭერა ნიჭიერი სპორტსმენების აღზრდისა და  წახალისების მიზნით. განხორციელდება სხვადასხვა სპორტული შეკრებების და შეჯიბრების  ორგანიზება და დაფინანსება სპორტული ცენტრის მეშვეობით.

4.1.1. სპორტული ღონისძიებების დაფინანსება (პროგრამული კოდი 05 01 01)

გორის მუნიციპალიტეტის ტერიტორიაზე მოღვაწეობს მრავალი წარმატებული ადამიანი, რომელთა საქმიანობა მიმართულია სპორტული ცხოვრებისაკენ. გორის მუნიციპალიტეტი ახორციელებს გორის მუნიციპალიტეტის ტერიტორიაზე მცხოვრები და მოღვაწე წარმატებული ახალგაზრდა სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება. ასევე დაგეგმილია ჭიდაობის, კრივის,ფეხბურთის და სპორტის სხვა  სფეროში წარმატებული, გორის ტერიტორიაზე მცხოვრები და მოღვაწე სპორტსმენების და მწვრთნელების დაჯილდოება.

4.1.2. სპორტული სკოლები (პროგრამული კოდი 05 01 02)

ქვეპროგრამის ფარგლებში დაგეგმილია ცენტრალური სასპორტო, კრივის სპეციალიზებული და საჭიდაო კომპლექსური სკოლების ფუნქციონირების ხელშეწყობა, რათა მათ ჰქონდეთ შესაძლებლობა მომავალი სპორტული თაობის აღსაზრდელად.  სკოლებში 950-მდე მოსწავლე სწავლობს, რომლებიც აქტიურად მონაწილეობენ კალენარულ ტურნირებში და აღწევენ მაღალ შედეგებს. ასევე, გათვალისწინებულია კრივის სკოლის სახურავის  და საჭიდაო სკოლის დარბაზის სარეაბილიტაციო სამუშაოების დაფინანსება.

4.1.3. საჭიდაო დარბაზის მშენებლობა (პროგრამული კოდი 05 01 03)

სპორტული ტრადიციებიდან გამომდინარე, დაგეგმილია ქალაქში ჭალის დასახლების ტერიტორიაზე საჭიდაო დარბაზის მშენებლობა,რომელიც ხელს შეუწყობს არა მარტო ტრადიციების შენარჩუნებას, არამედ გაზრდის ამ სახეობის სპორტსმენთა რაოდენობას და სპორტულ შედეგებს.

4.1.4. საცურაო აუზის რეაბილიტაცია და მოცურავე თანრიგოსან ბავშვთა  სპორტული ჯგუფის ხელშეწყობა (პროგრამული კოდი 05 01 06)

ცურვის მიმართულებით გამორჩეული სპორტული მონაცემების მქონე მოზარდთა სპორტული წარმატებების გაუმჯობესების  მიზნით დაგეგმილია მოცურავეთა სპორტული ჯგუფის დაფინანსება, რათა მათ ჰქონდეთ სათანადო სავარჯიშო პირობები საცურაო აუზზე. სპორტული ჯგუფი დაკომპლექტებულია 34 თანრიგოსანი მოზარდით. ასევე, იგეგმება საცურაო აუზის სახურავის რეაბილიტაცია.

4.1.5. საფეხბურთო კლუბი „დილა“ (პროგრამული კოდი 05 01 07)

ქვეპროგრამის ფარგლებში დაგეგმილია საფეხბურთო კლუბ „დილას“ ადმინისტრაციის მიმდინარე ხარჯების სუბსიდირება. საფეხბურთო კლუბ „დილასთან“ ფუნქციონირებს ბავშვთა და მოზარდთა საფეხბურთო სპორტული სკოლა და სტადიონი, რომელთა მიზანია ბავშვთა და მოზარდთა მაქსიმალური რაოდენობის ჩაბმა სპორტულ ცხოვრებაში, ინტელექტუალური და სპორტული დონის ამაღლება აღსაზრდელებში, პერსპექტიული სპორტსმენების მზადება ნაკრები გუნდებისათვის და სათამაშო სპორტული ღონისძიებების მომზადება და ჩატარება.

4.1.6. სპორტული ცენტრის ხელშეწყობა (პროგრამული კოდი 05 01 08)

დაგეგმილია სპორტული ცენტრის სრულად აღჭურვა საჭირო მატერიალურ-ტექნიკური ბაზით, რათა სრულად განახორციელოს სპორტული ღონისძიებების და ცენტრალური სასპორტო სკოლის, საჭიდაო სკოლის, კრივის სკოლის  და ტურისტული ცენტრ „ტონთიოს“ აღსაზრდელთა  სხვა და სხვა ტურნირებში, ლაშქრობებში, ალპინიადებში და ჩემპიონატებში მონაწილეობის ორგანიზება.

4.2. კულტურის განვითარების ხელშეწყობა  (პროგრამული კოდი 05 02)

ქვეპროგრამის ფარგლებში გორის მუნიციპალიტეტი ახორციელებს 6 სამუსიკო სკოლის  და სამხატვრო სკოლის დაფინანსებას, რითიც ხელს უწყობს მოსწავლეთა მიერ მუსიკალური განათლების მიღებას სრული კურსით და უზრუნველყოფს მათი ფუნქციონირებისათვის საჭირო მატერიალური და ფინანსური ბაზის შექმნას. გორის მუნიციპალიტეტის კულტურული ტრადიციების დაცვის მიზნით პროგრამის ფარგლებში გრძელდება სხვადასხვა კულტურული და დასვენების ობიექტის ფინანსური მხარდაჭერა, ხორციელდება სხვადასხვა კულტურული ღონისძიება, მათ შორის სადღესასწაულო დღეებში სხვადასხვა გასართობი და სანახაობრივი ღონისძიება.

4.2.1. კულტურული ღონისძიებები  (პროგრამული კოდი 05 02 01)

ქვეპროგრამის ფარგლებში ასევე ახალგაზრდების მრავალმხრივი განვითარებისათვის და მათში ცხოვრების ჯანსაღი წესის დამკვიდრებისათვის გორის მუნიციპალიტეტი ახორციელებს დაფინანსებას ნიჭიერი ახალგაზრდებისა და ხელოვანების ხელშეწყობის მიზნით, რათა მათ შეძლონ შესაძლებლობების სრულად გამოვლენა.

4.2.2. სახელოვნებო სკოლები  (პროგრამული კოდი 05 02 02)

ქვეპროგრამის ფარგლებში გორის მუნიციპალიტეტი ახორციელებს 6 სამუსიკო სკოლის  და სამხატვრო სკოლის დაფინანსებას, რითიც ხელს უწყობს მოსწავლეთა მიერ მუსიკალური განათლების მიღებას სრული კურსით და უზრუნველყოფს მათი ფუნქციონირებისათვის საჭირო მატერიალური და ფინანსური ბაზის შექმნას. სამუსიკო სკოლები დაკომპლექტებულია 850-მდე მოსწავლით, ხოლო სამხატვრო სკოლა 130-მდე მოსწავლით. ასევე იგეგმება სამხატვრო სკოლის და ქალაქ გორის სამუსიკო სკოლის  შენობების რეაბილიტაცია.

4.2.3. ბიბლიოთეკების ხელშეწყობა (პროგრამული კოდი 05 02 03)

ქვეპროგრამის ფარგლებში ხორციელდება გორის მუნიციპალიტეტის მიერ  ინტელექტუალური დონის ამაღლების, ბიბლიოთეკის კულტურულ ფასეულობათა შენარჩუნების, გამდიდრების, რეგისტრაციისა და მათი საგანგებო რეჟიმით დაცვისათვის ხელშეწყობა. ასევე, მატერიალურ-ტექნიკური ბაზის განმტკიცება და არსებული წიგნადი ფონდის შევსება თანამედროვე ლიტერატურით. 

4.2.4. მოსწავლე-ახალგაზრდობის კულტურულ- საგანმანათლებლო ცენტრის და კულტურის სახლების ხელშეწყობა (პროგრამული კოდი 05 02 04)

ქვეპროგრამის ფარგლებში გორის მუნიციპალიტეტი ახორციელებს ახალგაზრდებისათვის იმ ცოდნისა და ქცევის ნორმების შეძენას, რაც უზრუნველყოფს მათ მზადყოფნას ყოველდღიური ცხოვრებისათვის, ხელს უწყობს მოზარდთა ინტერესების შესაბამიად სამეცნიერო-შემოქმედებითი, მოქალაქეობრივი და ესტეთიკური მიმართულებებით მოქნილი პროგრამების შემუშავება-განხორციელებას და აქტიური ინტელექტუალური ახალგაზრდების გამოვლენას. ასევე პროგრამა ხელს უწყობს მოსახლეობის დადებითი განწყობის შექმნას დღესასწაულების მიმართ, ქართული კულტურისა და ტრადიციების შენარჩუნებას. ცენტრი უზრუნველყოფს სხვადასხვა სადღესასწაულო დღეებში გასართობი სანახაობრივი ღონისძიებების ორგანიზებას. გარდა ამისა, გათვალისწინებულია სოფლის კულტურის სახლების რეაბილიტაციის სამუშაოების დაფინანსება.

4.2.5. ისტორიულ-ეთნოგრაფიული და სხვა მუზეუმების ხელშეწყობა   (პროგრამული კოდი 05 02 05)

ქვეპროგრამის ფარგლებში დაგეგმილია გორის ისტორიულ-ეთნოგრაფიული მუზეუმის დაფინანსება, რომელიც უზრუნველყოფს ეროვნული საგანძურის დაცვას, სამუზეუმო ექსპონატების გამოფენას, მოძიებას, კვლევა - შენახვასა და სამეცნიერო შესწავლას. გარდა ამისა იგეგმება მუზეუმში 9 სახელოსნოს მოწყობა, საპირფარეშოს მშენებლობა და ეზოს კეთილმოწყობა. ასევე ნიკო ლომოურის სახლ-მუზეუმის რეაბილიტაცია და სტალინის ძეგლის დადგმის ღონისძიებები.

4.2.6. ტურიზმის საინფორმაციო ცენტრის ხელშეწყობა  (პროგრამული კოდი 05 02 06)

ქვეპროგრამის ფარგლებში გათვალისწინებულია ცენტრის შენობის დაცვა.

4.2.7. მწერალთა სახლის ხელშეწყობის ღონისძიებები  (პროგრამული კოდი 05 02 07)

ქვეპროგრამის ფარგლებში ხორციელდება ლიტერატურული კონსულტაციების გაცემა, მწერალთა შემოქმედებითი საღამოების ორგანიზება, ლიტერატურული ნაშრომების პრეზენტაცია, მწერალთა შემოქმედების პოპულარიზაცია ბეჭდვითი და ელექტრონული გამოცემების მეშვეობით, ასევე გათვალისწინებულია ლიტერატურული ჟურნალის ინტერნეტ ვერსიის მომზადება.

4.2.8. საგამომცემლო საქმიანობის ხელშეწყობა (პროგრამული კოდი 05 02 08)

ქვეპროგრამის ფარგლებში გორის მუნიციპალიტეტი უზრუნველყოფს ადგილობრივი საინფორმაციო გაზეთის „გორის მაცნეს“ ყოველკვირეული გამოცემის ხელშეწყობას, რომელიც მოსახლეობას აცნობს გორის მუნიციპალიტეტის ტერიტორიაზე განვითარებულ მოვლენებს, მიღწეულ წარმატებებს და სიახლეებს სხვა და სხვა სფეროში.

4.2.9. გორის ციხის მიმდებარე ტერიტორიის დაცვა  (პროგრამული კოდი 05 02 09)

ქვეპროგრამის ფარგლებში ხორციელდება მიმდებარე ტერიტორიაზე არსებული ნაგებობების დაცვა.

4.2.10. კულტურული ღონისძიებების პროექტების ხელშეწყობა და თანადაფინანსება  (პროგრამული კოდი 05 02 10)

ქვეპროგრამის ფარგლებში გორის მუნიციპალიტეტი აცხადებს მზადყოფნას ქართული და არაქართული, არასამთავრობო ორგანიზაციების და მოქალაქეთა საინიციატივო ჯგუფების მიერ წარმოდგენილი პროექტების თანადაფინანსების განსახორციელებლად რომელიც ემსახურება კულტურული სფეროს გაუმჯობესებას.

4.2.11. გორის სახელმწიფო დრამატული თეატრის ხელშეწყობა (პროგრამული კოდი 05 02 11)

ქვეპროგრამის ფარგლებში ხორციელდება მსოფლიო და ეროვნულ ღირებულებათა განვითარების მიზნით მაღალხარისხოვანი სპექტაკლების დადგმა, მათი მეშვეობით თეატრალური ხელოვნების პროპაგანდა და მოსახლეობის ფართო ფენების მხატვრული აღზრდა, თეატრალური ხელოვნების განვითარება და  ტრადიციების აღორძინება. ასევე გათვალისწინებულია გასულ წელს აღებული ვალდებულის ფარგლებში თეატრის შენობის რეაბილიტაციის სამუშაოების დასრულება.

4.2.12. მუსიკალური კოლექტივების ხელშეწყობა  (პროგრამული კოდი 05 02 12)

ქვეპროგრამის ფარგლებში გორის მუნიციპალიტეტში დაგეგმილია სიმღერისა და ცეკვის ფოლკლორული ანსამბლ „გორის“  და ქალთა კამერული გუნდის ფინანსურიმ ხარდაჭერა, რადგან მათ მიერ ხდება ქართული სამუსიკო ტრადიციების პოპულარიზაცია როგორც მთელ საქართველოში ისე მის ფარგლებს გარეთ ჩატარებული მრავალი წარმატებული კონცერტის მეშვეობით.

4.2.13. კულტურისა და დასვენების პარკის „ახალბაღის“ ხელშეწყობა (პროგრამული კოდი 05 02 13)

ქვეპროგრამის ფარგლებში გათვალისწინებულია სუბსიდია კულტურისა და დასვენების პარკის „ახალბაღის“ ადმინისტრაციული ხარჯებისათვის რომელიც ახორციელებს დამსვენებლების მომსახურებას სხვა და სხვა გასართობი საშუალებებით.

4.3. ახალგაზდული პროგრამების დაფინანსება (პროგრამული კოდი 05 03)

პროგრამის ფარგლებში დაგეგმილია მომავალი თაობის ფიზიკური გაჯანსაღების მიზნით ტურისტული ლაშქრობების და ალპინიადების მოწყობა.

4.3.1. მოსწავლე-ახალგაზრდობის ტურიზმის ცენტრ „ტონთიოს“ ხელშეწყობა (პროგრამული კოდი 05 03 01)

მოსწავლე-ახალგაზრდობის ფიზიკური გაჯანსაღების მიზნით გორის მუნიციპალიტეტი გეგმავს მათ ჩართვას ტურისტულ ლაშქრობებში დანახვისში და  რკონში. ასევე მოსწავლეთა ალპინიადებში ხევსურეთში მწვერვალ „ვაჟა-ფშაველაზე“, ჭაუხის მასივზე ხევსურეთში, მწვერვალ „მყინვარწვერზე“ და ჭუთხაროს მასივზე რაჭა-ლეჩხუმში, რომლის ორგანიზება ხორციელდება სპორტული ცენტრის მიერ ტურიზმის ცენტრის სუბსიდირების გზით.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა გორის მუნიციპალიტეტის ერთ-ერთ მთავარ პრიორიტეტს წარმოადგენს. გორის მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათების უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიების განხორციელება, რაც უზრუნველყოფს არა მხოლოდ გორის მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებისაგან.

5.1. საზოგადოებრივი ჯანდაცვის მომსახურება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხვა, სასწრაფო შეტყობინების სისტემის დახვეწა და გაუმჯობესება;

დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება;

მუნიციპალიტეტის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;

სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში (კერძო სექტორის გარდა) და ამის საფუძველზე ქალაქ გორში ეპიდსიტუაციის გაუმჯობესება;

ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოშხამვების, აგრეთვე პროფესიული დაავადებების თავიდან აცილება;

გორის მუნიციპალიტეტში არსებული სანიტარიულ-ჰიგიენური მგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით გორის მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები.

5.2. მაწანწალა ცხოველებისათვის გალიების მოწყობა და მათი შენახვა (პროგრამული კოდი 06 03)

პროგრამის ფარგლებში იგეგმება მაწანწალა ცხოველებისათვის გალიების მოწყობა 100 ერთეულზე. იმ შემთხვევაში, თუ მუდმივად იქნება 100 ცხოველი,  განხორციელდება მათი შენახვა.

5.3. მოსახლეობის სოციალური უზრუნველყოფა (პროგრამული კოდი 06 05)

პროგრამის ფარგლებში დაგეგმილია გორის მუნიციპალიტეტის ტერიტორიაზე მცხოვრები მოსახლეობის სხვადასხვა ფენისათვის გარკვეული შეღავათებითა და სოციალური დახმარებებით უზრუნველყოფა, სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურება, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარება და სხვა სოციალური ღონისძიებები, რომლებიც მთლიანობაში უზრუნველყოფენ გორის მუნიციპალიტეტის მოსახლეობის სოციალური მდგომარეობის გაუმჯობესებას.

5.3.1. უხუცეს დღეგრძელთა (ასი და მეტი წლის ასაკის) დახმარება (პროგრამული კოდი 06 05 02)

ქვეპროგრამის ფარგლებში გათვალისწინებულია 100 და მეტი წლის ასაკის უხუცესების ერთჯერადი დახმარება 400 ლარის ოდენობით.

5.3.2. დედ-მამით ობოლი ბავშვების დახმარება (პროგრამული კოდი 06 05 03)

ქვეპროგრამის ფარგლებში გათვალისწინებულია:

დედ-მამით ობოლ 0-დან 18 წლამდე პაციენტის დახმარება ერთჯერადად, სტაციონარული მკურნალობისათვის ღირებულების 50%-ის ოდენობით, მაგრამ არა უმეტეს 700 ლარისა;

დედ-მამით ობოლი ბავშვების დახმარება ერთჯერადად ყოველ ბავშვზე 300 ლარის ოდენობით.

5.3.3. მრავალშვილიანი ოჯახების დახმარება (პროგრამული კოდი 06 05 04)

ქვეპროგრამის ფარგლებში გათვალისწინებულია:

ერთჯერადი დახმარება 500 ლარის ოდენობით ოჯახებისათვის, რომელთაც ჰყავთ 5 და მეტი შვილი 0-დან 18 წლის ჩათვლით.

5.3.4. მუნიციპალურ საბავშვო ბაგა-ბაღებში დევნილი და შეზღუდული შესაძლებლობების მქონე ბავშვების მომსახურების საფასურის თანადაფინანსება (პროგრამული კოდი 06 05 05)

ქვეპროგრამის ფარგლებში დაგეგმილია: თანადაფინანსება ყველა დევნილი და შეზღუდული შესაძლებლობების მქონე გორის მუნიციპალიტეტში მცხოვრები ბავშვისათვის რომელიც ირიცხება გორის მუნიციპალურ საბავშვო ბაღში. თანადაფინანსება განისაზღვრება  ქალაქის ბაგა-ბაღებში თვეში 15 ლარით, ხოლო სოფლებში თვეში 10 ლარით თითოეულ ბავშვზე.

5.3.5. ცერებრალური დამბლით დაავადებული ბავშვების სამკურნალო- სარეაბილიტაციო და სოციალური დახმარება (პროგრამული კოდი 06 05 07)

ქვეპროგრამის ფარგლებში გათვალისწინებულია:

ცერებრალური დამბლით დაავადებული ბავშვების (0-დან 18 წლამდე) დახმარება, ამბულატორიული, სტაციონალური და სარეაბილიტაციო მკურნალბისათვის ერთჯერადად 50%-იანი თანადაფინანსება არაუმტეს 500 ლარისა;

საცურაო-გამაჯანსაღებელი კურსის დაფინანსება თითოეულ ბავშვზე საცურაო აუზზე 12 პროცედურა;

ცერებრალური დამბლით დაავადებული ბავშვების სოციალური დახმარება ერთჯერადად 250 ლარის ოდენობით.

5.3.6. მიცვალებულთა სარიტუალო მომსახურება (პროგრამული კოდი 06 03 09)

ქვეპროგრამის ფარგლებში დაგეგმილია:

გორის მუნიციპალიტეტში რეგისტრირებულ მეორე მსოფლიო ომის მონაწილეთა გარდაცვალების სარიტუალო, საქართველოს ტერიტორიული მთლიანობისათვის მებრძოლთა და ავღანეთის ომის მონაწილეთა გარდაცვალების სარიტუალო მომსახურება თითოეულ ბენეფიციარზე 250 ლარის ოდენობით (მიზნობრივი ტრანსფერის ფარგლებში);

იძულებით გადაადგილებულ პირთა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით (მიზნობრივი ტრანსფერის ფარგლებში);

გორის მუნიციპალიტეტის ტერიტორიაზე მცხოვრები უპატრონო მიცვალებულთა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით;

5.3.7. ერთჯერადი სოციალური დახმარება (პროგრამული კოდი 06 05 11)

ქვეპროგრამის ფარგლებში გათვალისწინებულია:

მუნიციპალიტეტში მცხოვრებ ოჯახებზე, რომელნიც სხვადასხვა მიზეზების გამო განიცდიან უკიდურეს გასაჭირს, ერთჯერადი დახმარება არაუმეტეს 1500 ლარისა.

5.3.8. სოციალურად დაუცველი მოსახლეობის სამედიცინო დახმარება (პროგრამული კოდი 06 05 16)

ქვეპროგრამის ფარგლებში დაგეგმილია ერთჯერადი დახმარება:

სიღარიბის ზღვარს მიღმა მაცხოვრებლები, რომელთაც გააჩნიათ 0-დან 70 001-მდე სარეიტინგო ქულა და არ აქვთ მიღებული ან განახლებული სადაზღვევო პოლისი ოპერაციული მკურნალობის, სტაციონარული, ამბულატორიული მომსახურების, სამკურნალო-სარეაბილიტაციო ღონისძიებების თანადაფინანსება განისაზღვროს მანიპულაციის 2000 ლარამდე ღირებულების შემთხვევაში 50%-ით, მაგრამ არა უმეტეს 600 ლარისა, ხოლო 2001 ლარიდან ზემოთ  ღირებულების შემთხვევაში 30%-ით, მაგრამ არა უმეტეს 1500 ლარისა;

სიღარიბის ზღვარს მიღმა მაცხოვრებლები, რომელთაც გააჩნია 0-დან 70 001-მდე სარეიტინგო ქულა და არ აქვთ მიღებული ან არ აქვთ განახლებული სადაზღვევო პოლისი, ფიზიოლოგიური და საკეისრო მშობიარობის (ფორმა 100-ში საკეისრო კვეთის სამედიცინო ჩვენებით) თანადაფინანსება განისაზღვროს 50%-ით, არა უმეტეს 400 ლარის ოდენობისა;

სიღარიბის ზღვარს მიღმა მაცხოვრებლები 70 001-დან 100 000-მდე სარეიტინგო ქულით – ფიზიოლოგიური მშობიარობის და საკეისრო ოპერაციების (ფორმა 100-სში საკეისრო კვეთის სამედიცინო ჩვენებით) თანადაფინანსება  50%-ით, მაგრამ არა უმეტეს 400 ლარისა;

სიღარიბის ზღვარს მიღმა მაცხოვრებლები 70 001-დან 100 000-მდე სარეიტინგო ქულით – ოპერაციული მკურნალობის, სტაციონარული, ამბულატორიული მომსახურეობის, სამკურნალო-სარეაბილიტაციო ღონისძიებების თანადაფინანსება განისაზღვროს მანიპულაციის 2000 ლარამდე  ღირებულების შემთხვევაში 50%-ით, მაგრამ არა უმეტეს 600 ლარისა, ხოლო  2001 ლარიდან ზემოთ  ღირებულების შემთხვევაში 30%-ით, მაგრამ არა უმეტეს 1500 ლარისა.

5.3.9. ონკოლოგიური ავადმყოფების სამედიცინო დახმარება (პროგრამული კოდი 06 05 17)

ქვეპროგრამის ფარგლებში გათვალისწინებულია:

უფასო მედიკამენტებით უზრუნველყოფა ერთჯერადად, არა უმეტეს 300 ლარის ოდენობით, მუნიციპალიტეტში რეგისტრირებული ონკოლოგიური ავადმყოფები, აღნიშნულ დაავადებათა მკურნალობის ფარგლებში;

სტაციონარული, ქიმიო და სხივური თერაპიის თანადაფინანსება მოხდეს 2000 ლარამდე ღირებულების შემთხვევაში 50%-ით, მაგრამ არაუმეტეს 600 ლარისა;

სტაციონარული, ქიმიო- და სხივური თერაპიის თანადაფინანსება მოხდეს 2001 ლარიდან ღირებულების შემთხვევაში 30%-ით, მაგრამ არა უმეტეს 1500 ლარისა.

5.3.10. სკოლიოზით დაავადებული ბავშვების სამკურნალო-სარეაბილიტაციო დახმარება (პროგრამული კოდი 06 05 18)

ქვეპროგრამის ფარგლებში გათვალისწინებულია:

II-III ხარისხის სკოლიოზით დაავადებული ბავშვების (0-დან 18 წლამდე), რომელთაც გააჩნიათ 0-დან 70 001-მდე სარეიტინგო ქულა, დახმარება, ამ დაავადებათა მკურნალობის ფარგლებში, მოხდება ერთჯერადად 50%-ის თანადაფინანსებით. არაუმეტეს 500 ლარისა. დახმარება მოიცავს სამკურნალო მასაჟის 12 პროცედურას.

დაფინანსებას მიიღებენ საცურაო აუზზე II-III ხარისხის სქოლიოზით დაავადებული ბავშვები 18 წლამდე. თითოეულ ბავშვს დაუფინანსდება ერთთვიანი საცურაო-გამაჯანსაღებელი კურსი „არასამეწარმეო (არაკომერციული) იურიდიული პირის გორის მუნიციპალიტეტის საცურაო აუზზე“ თვეში 12 პროცედურა (კვირაში 3 დღე).

5.3.11. სოციალური პროექტების თანადაფინანსება (პროგრამული კოდი 06 05 19)

ქვეპროგრამის ფარგლებში დაგეგმილია:

საბიუჯეტო, არასამთავრობო, არარეგისტრირებული კავშირების, არასამეწარმეო და სხვა ოგანიზაციების თანადაფინანსება, რომლებიც საკუთარი სახსრებით ან დონორი ორგანიზაციებიდან გრანტის მიღების გზით მოახდენენ წილობრივ თანადაფინანსებას და პროექტის განხორციელებით ხელს შეუწყობენ მუნიციპალიტეტის ტერიტორიაზე სოციალური მდგომარეობის გაუმჯობესებას.

5.3.12. უფასო მედიკამენტებით უზრუნველყოფა (პროგრამული კოდი 06 05 20)

ქვეპროგრამის ფარგლებში გათვალისწინებულია:

გორის მუნიციპალიტეტში რეგისტრირებული ეპილეფსიით, პარკინსონიზმით და ბრონქიალური ასთმით დაავადებული პაციენტების ერთჯერადი დახმარება აღნიშნული დაავადებების მკურნალობის ფარგლებში არაუმეტეს 100 ლარისა.

5.3.13. ხანძრებისა და სტიქიური მოვლენებით საცხოვრებელ ბინებზე მიყენებული ზარალისათვის ოჯახისადმი დახმარება (პროგრამული კოდი 06 05 21)

ქვეპროგრამის ფარგლებში გათვალისწინებულია:      

ხანძრებისა და სტიქიური მოვლენების შედეგად საცხოვრებელ ბინებზე მიყენებული ზარალისათვის დაზარალებული ოჯახების ერთჯერადი ფულადი დახმარება დამდგარი ზიანის მიხედვით, მაგრამ არაუმეტეს 1000 ლარისა.

5.3.14. საქართველოს თავისუფლებისა და ტერიტორიული მთლიანობისათვის მებრძოლთა (ვეტერანთა) ოჯახების სოციალური დახმარება (პროგრამული კოდი 06 05 22)

ქვეპროგრამის ფარგლებში გათვალისწინებულია:

საქართველოს თავისუფლებისა და ტერიტორიული მთლიანობისათვის მებრძოლი ინვალიდების, ომის შედეგად გარდაცვლილთა ოჯახების, მეორე მსოფლიო ომის მონაწილეების  ერთჯერადი დახმარება 200 ლარის ოდენობით.

5.3.15. საზღვრისპირა სოფლებში შეშის ტრანსპორტირება (პროგრამული კოდი 06 05 23)

ქვეპროგრამის ფარგლებში გათვალისწინებულია:

 საზღვრისპირა სოფლებში 2008 წლის აგვისტოს ომის შედეგად დაზარალებული მოსახლეობისთვის საწვავი შეშის მიწოდება“.

„მუხლი17. გორის მუნიციპალიტეტის ბიუჯეტის ასიგნებები

განისაზღვროს გორის მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით თანდართული რედაქციით: