,,რისკის შეფასებაზე დაფუძნებული შერჩევითი კონტროლის სახელმძღვანელოს დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2010 წლის 22 ნოემბრის N380/ნ ბრძანებაში ცვლილების შეტანის თაობაზე

,,5. სააგენტოს მიერ ნიმუშის შესყიდვა ხდება  არაუმეტეს სამი ანალიზისთვის საჭირო ოდენობით (მათ შორის ერთი საარბიტრაჟო).

6. რეალიზატორის მოთხოვნის შემთხვევაში ნიმუში შეიძლება აღებულ იქნეს დამატებით კიდევ ერთ ეგზემპლარად, რომელიც რჩება რეალიზატორთან (მისი შესყიდვა სააგენტოს მიერ არ ხორციელდება). ასეთ შემთხვევაში შესყიდვის ოქმში მიეთითება დამატებითი ეგზემპლარის აღების ფაქტი და ნიმუშების იდენტურობას რეალიზატორი ადასტურებს ოქმზე ხელმოწერით.“.

„6¹. ნიმუშის მეორეული შეფუთვა ან მისი არ არსებობისას, პირველადი შეფუთვა, ფორმდება სათანადო ეტიკეტით და ილუქება იმგვარად, რომ დაცულ იყოს არასანქცირებული გახსნისაგან.

6². თუ ერთი ანალიზისთვის საჭირო  მასალა განაწილებულია რამდენიმე კონტეინერში, მაშინ ეს კონტეინერები იფუთება ერთ ყუთში, ილუქება და უკეთდება ეტიკეტი, ხოლო თუ სინჯი ერთ კონტეინერშია მოქცეული, მაშინ ერთი საანალიზო და ორი სარეზერვო ნიმუში ილუქება დამოუკიდებლად, ხოლო კონტეინერს მიეკვრება ეტიკეტი, სადაც მიეთითება:

ა) აღებული მასალის სრული დასახელება და ოდენობა;

ბ) პარტიის/ სერიის ნომერი;

გ) ნიმუშის შერჩევისა და აღების ადგილი, თარიღი;

დ) ნიმუშის შემრჩევი და ამღები პირის სახელის ინიციალი, გვარი და ხელმოწერა.

6³. საარბიტრაჟო ნიმუში უნდა ინახებოდეს სათანადო პირობებში მინიმუმ 1 წლის განმავლობაში მისი შესყიდვის მომენტიდან, მაგრამ არაუმეტეს პროდუქტის ვარგისობის ვადის ამოწურვისა.“.