„სასმელი წყლის მიწოდებისა და მოხმარების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 26 ნოემბრის №32 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სასმელი წყლის მიწოდებისა და მოხმარების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 26 ნოემბრის №32 დადგენილებაში ცვლილების შეტანის შესახებ
დოკუმენტის ნომერი	10
დოკუმენტის მიმღები	საქართველოს ენერგეტიკისა და წყალმომარაგების მარეგულირებელი ეროვნული კომისია
მიღების თარიღი	29/08/2013
დოკუმენტის ტიპი	საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება
გამოქვეყნების წყარო, თარიღი	ვებგვერდი, 02/09/2013
სარეგისტრაციო კოდი	400020010.16.009.016071

PDF გადმოწერა

„სასმელი წყლის მიწოდებისა და მოხმარების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 26 ნოემბრის №32 დადგენილებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის და „ელექტროენერგეტიკისა და ბუნებრივი გაზის შესახებ“ საქართველოს კანონის მე-5 მუხლის პირველი პუნქტის საფუძველზე, საქართველოს ენერგეტიკისა და წყალმომარაგების მარეგულირებელი ეროვნული კომისია ადგენს:

მუხლი 1

„სასმელი წყლის მიწოდებისა და მოხმარების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 26 ნოემბრის №32 დადგენილებაში (სსმ III, 01.12.2008 წ., №170, მუხ. 1748) შეტანილ იქნეს შემდეგი ცვლილება:

1. დადგენილების პირველი პუნქტით დამტკიცებული „სასმელი წყლის მიწოდებისა და მოხმარების წესების“:

ა) პირველი მუხლის მე–4 პუნქტის შემდეგ, დაემატოს შემდეგი შინაარსის 4¹ პუნქტი:

„4¹. ამ წესების მიზნებისათვის ტერმინები „მიმწოდებელი“ და „წყალმომარაგების ლიცენზიატი“ – გულისხმობს ყველა იმ პირს, ვისაც „ელექტროენერგეტიკისა და ბუნებრივი გაზის შესახებ“ საქართველოს კანონის 24–ე მუხლის პირველი პუნქტის „ზ“ ქვეპუნქტისა და 39¹ მუხლის შესაბამისად, მიღებული აქვს წყალმომარაგების ლიცენზია.“;

ბ) მე–18 მუხლის:

ბ.ა) მე–6 პუნქტი ჩამოყალიბდეს შემდეგი რედაქციით:

„6. ახალი მომხმარებლის წყალმომარაგების სისტემაზე მიერთების საფასური დგინდება მისაერთებელი სასმელი წყლისა და წყალარინების მილების მოთხოვნილი დიამეტრის მიხედვით (დანართი №3).“;

ბ.ბ) მე–11 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) მისაერთებელი სასმელი წყლის/წყალარინების მილის დიამეტრი და წარმადობა;“;

ბ.გ) მე–12 პუნქტი ჩამოყალიბდეს შემდეგი რედაქციით:

„12. თუ საცხოვრებელი ბინის, საწარმოს ან სხვა ობიექტის მშენებლობის შედეგად ადგილი აქვს წყალმომარაგების სისტემაზე სამი ან სამზე მეტი ახალი მომხმარებლის (ახალი მოხმარებლის წყალმომარაგების ქსელის) მიერთებას, მიერთების საფასურის ოდენობა განსაზღვრული უნდა იქნეს ამ ობიექტის (ან ობიექტების) სამშენებლო-საპროექტო დოკუმენტაციით განსაზღვრული (დადგენილი) მისაერთებელი წარმადობის ოდენობის შესაბამისად.“;

გ) მუხლის მე–5 პუნქტი ჩამოყალიბდეს შემდეგი რედაქციით:

„5. წყალმომარაგების ლიცენზიატი უფლებამოსილია დაადგინოს წყალმომარაგების სისტემაზე ახალი მომხმარებლის მიერთების მოთხოვნის შესახებ განაცხადში ხარვეზი (მხოლოდ ამ წესებით გათვალისწინებული შემთხვევაში) და დატოვოს ის განუხილველად. აღნიშნულ განაცხადში ხარვეზის დადგენისა და მისი განუხილველად დატოვების საფუძველს შეიძლება წარმოადგენდეს: თუ განაცხადი არ არის სრულყოფილი ან/და შევსებულია ხარვეზით (მათ შორის, თუ განაცხადი არ არის შევსებული კომისიის გადაწყვეტილებით დამტკიცებული სტანდარტული ფორმის დაცვით) ან განმცხადებლის მიერ მოთხოვნილი სასმელი წყლისა ან/და წყალარინების მილების დიამეტრი შეუსაბამოა სამშენებლო-საპროექტო დოკუმენტაციით განსაზღვრული (დადგენილი) მისაერთებელი წარმადობის ოდენობებთან. ასეთ შემთხვევებში მოთხოვნილი მიერთება განხორციელდება მხოლოდ ახალი განაცხადის წარდგენის შემთხვევაში.“.

2. დადგენილების მე–2 პუნქტის „გ“ ქვეპუნქტით დამტკიცებული №3 დანართი ჩამოყალიბდეს შემდეგი რედაქციით:

„დანართი №3

ახალი მომხმარებლის წყალმომარაგების სისტემაზე მიერთების საფასური

1. ახალი მომხმარებლის წყალმომარაგების სისტემაზე მიერთების ვადები და საფასური:

ა) სასმელი წყლის წყალმომარაგების ქსელზე მიერთება:

სასმელი წყლის მილის დიამეტრი, მმ	სასმელი წყლის წარმადობა, მ³/დღეღამეში	მილის მაქსიმალური მისაერთებელი სიგრძე, მეტრი	მაქსიმალური მიერთების პერიოდი, დღე	სასმელი წყლის წყალმომარაგების სისტემაზე მიერთების ღირებულება დღგ-ის ჩათვლით, ლარი
15	0-15	40	30	500
20	16-30	40	30	550
25	31-48	40	30	600
32	49-87	40	30	650
40	88-108	100	40	3200
50	109-182	100	40	3300
63	183-302	100	40	3400
75	303-432	100	40	3500
90	432-579	150	50	5500
110	580-732	150	50	5700
150	733-1616	150	50	6000

ბ) წყალარინების ქსელზე მიერთება:

წყალარინების მილის დიამეტრი მმ	მილის მაქსიმალური მისაერთებელი სიგრძე, მეტრი	მაქსიმალური მიერთების პერიოდი, დღე	წყალარინების ქსელზე მიერთების ღირებულება დღგ-ის ჩათვლით, ლარი
100	40	30	1000
150	100	40	11500
200	150	50	20500

2. ახალი მომხმარებლის წყალმომარაგების სისტემაზე მიერთების სამუშაოების განსაზღვრულ ვადაში (პერიოდში) დაუსრულებლობის (წყალმომარაგების დაწყების განსაზღვრულ ვადაში შეუსრულებლობის) შემთხვევაში ახალი მოხმარებლის მიერთების საფასური შეადგენს პირველ პუნქტში მოცემული საფასურის 50%-ს.“.

მუხლი 2

დადგენილება ამოქმედდეს გამოქვეყნებისთანავე.

თავმჯდომარე გურამ ჩალაგაშვილი
კომისიის წევრი სერგო მესხი
კომისიის წევრი გოჩა შონია
კომისიის წევრი ზურაბ გაბელაია