დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ბორჯომ-ხარაგაულის დაცული ტერიტორიების მენეჯმენტის გეგმის დამტკიცების თაობაზე“ საქართველოს გარემოს დაცვის მინისტრის 2012 წლის 19 ივლისის № 186 ბრძანებაში ცვლილების შეტანის თაობაზე | |
---|---|
დოკუმენტის ნომერი | 90 |
დოკუმენტის მიმღები | საქართველოს გარემოსა და ბუნებრივი რესურსების დაცვის მინისტრი |
მიღების თარიღი | 09/12/2013 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 12/12/2013 |
ძალის დაკარგვის თარიღი | 14/01/2014 |
სარეგისტრაციო კოდი | 360050000.22.023.016215 |
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
მუხლი 1 |
„ბორჯომ-ხარაგაულის დაცული ტერიტორიების მენეჯმენტის გეგმის დამტკიცების თაობაზე“ საქართველოს გარემოს დაცვის მინისტრის 2012 წლის 19 ივლისის №186 ბრძანების (სსმ, ვებგვერდი, 25/07/2012, 360050000.22.023.016106) პირველი პუნქტით დამტკიცებულ „ბორჯომ-ხარაგაულის დაცული ტერიტორიების მენეჯმენტის გეგმაში' შეტანილ იქნეს შემდეგი ცვლილება: |
1.
34-ე მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:
„გ) ნეძვის აღკვეთილის ფართობია – 8 992,00 ჰა; გ.ა) მკაცრი დაცვი ზონის ფართობია – 1 814 ჰა; გ.ბ) ტრადიციულის გამოყენების ზონა – 7 178 ჰა;“. |
2.
35-ე მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:
„ბ) ვიზიტორთა ზონაში ,,დაცული ტერიტორიების სისტემის შესახებ” საქართველოს კანონის შესაბამისად, დაშვებულია შემდეგი საქმიანობები: ბ.ა) ტერიტორიაზე ეკოლოგიური წონასწორობის შენარჩუნება; ბ.ბ) ტერიტორიაზე არსებული ეკოსისტემებისა და მის ფარგლებში გავრცელებულ გარეულ ცხოველთა და ველურ მცენარეთა სახეობების კონსერვაცია, მოვლა და აღდგენა; ბ.გ) ტერიტორიის ჰიდროლოგიური სისტემის დაცვა და მონიტორინგი; ტყის ეკოსისტემების დაცვა და აღდგენა; ბ.დ) სამეცნიერო კვლევა; ბ.ე) საგანმანათლებლო საქმიანობა; ბ.ვ) აღდგენითი ღონისძიებების განხორციელება; ბ.ზ) სტიქიური უბედურების, კატასტროფის, საგანგებო მდგომარეობისა და აღდგენითი სამუშაოების დროს, სამსახურებრივი მოვალეობის განხორციელების მიზნით, ავტო - მოტო და საჰაერო სატრანსპორტო საშუალებებით შეზღუდული გადაადგილება; ბ.თ) მონიტორინგის სამუშაოთა განხორციელება; ბ.ი) საკადასტრო სამუშაოთა განხორციელება; ბ.კ) ვიზიტორთა კონტროლირებადი და რეგლამენტირებული დაშვება; ბ.ლ) დაცვისა და ეკოტურიზმისათვის აუცილებელი ინფრასტრუქტურის შექმნა და სარგებლობა; ბ.მ) გადაადგილება ფეხით და ცხენით, ნაწილობრივ სახეშეცვლილი ბუნების ტერიტორიაზე, ადმინისტრაციასთან შეთანხმებით ავტოსატრანსპორტო საშუალებებით; ბ.ნ) აქტიური დაცვის ღონისძიებების გატარება (სახანძრო პირსების მოწყობა, მავნებლებთან ბიოლოგიური მეთოდებით ბრძოლა); ბ.ო) მენეჯმენტის გეგმის დანართი 4-ის „ბ.ბ“ ნაწილით განსაზღვრულ ტერიტორიებზე, ხანძრების პრევენციის მიზნით, ყოველწლიურად 10 ივლისიდან 10 სეტემბრამდე ადგილობრივი მოსახლეობის მიერ თიბვა. ბ.პ) კანონმდებლობით დაშვებული სხვა საქმიანობა.“. |
3.
დანართი 4-ის „ბ.ბ“ და „გ.ა“ ქვეპუნქტები ჩამოყალიბდეს შემდეგი რედაქციით: |
მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები