საქართველოს საგადასახადო კოდექსში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

საქართველოს საგადასახადო კოდექსში ცვლილების შეტანის შესახებ
დოკუმენტის ნომერი	2949-Iს
დოკუმენტის მიმღები	საქართველოს პარლამენტი
მიღების თარიღი	12/12/2014
დოკუმენტის ტიპი	საქართველოს კანონი
გამოქვეყნების წყარო, თარიღი	ვებგვერდი, 23/12/2014
სარეგისტრაციო კოდი	200000000.05.001.017555

PDF გადმოწერა

საქართველოს საგადასახადო კოდექსში ცვლილების შეტანის შესახებ

მუხლი 1. საქართველოს საგადასახადო კოდექსში (საქართველოს საკანონმდებლო მაცნე, №54, 12.10.2010, მუხ. 343) შეტანილ იქნეს შემდეგი ცვლილება:

1. 185-ე მუხლის პირველი ნაწილის „გ“ ქვეპუნქტი ჩამოყალიბდეს შემდეგი რედაქციით:

„გ) თამბაქოს ნაწარმისათვის – თამბაქოს ნაწარმის რაოდენობით ან წონით ან/და საცალო სარეალიზაციო ფასის მიხედვით;“.

2. 188-ე მუხლის:

ა) პირველი ნაწილის ცხრილის პირველი, მე-2 და მე-3 გრაფები ჩამოყალიბდეს შემდეგი რედაქციით:

1	ლუდი
1	2203 00	ალაოს ლუდი	1 ლ	0.6
2	ეთილის სპირტი და ალკოჰოლური სასმელები
	2206 00	სხვა დადუღებული სასმელები (მაგალითად, სიდრი, პერი (მსხლის სიდრი), თაფლის სასმელი); ნარევები დადუღებული სასმელებისაგან და დადუღებული სასმელებისა და უალკოჰოლო სასმელების ნარევები, სხვა ადგილას დაუსახელებელი ან ჩაურთველი	1 ლ	5
	2207	ეთილის სპირტი არადენატურირებული, სპირტის კონცენტრაციით 80 მოც.% ან მეტი; ეთილის სპირტი და სხვა დენატურირებული სპირტები ნებისმიერი კონცენტრაციით	1 ლ	5.2
	2208 20	– სპირტის ნაყენები, მიღებული ყურძნის ღვინის ან ჭაჭის დისტილაციით (გამოხდით)	1 ლ	9.2
	2208 30	– ვისკი	1 ლ	10
	2208 40	– რომი და ტაფია	1 ლ	10
	2208 50	– ჯინი და ღვიის ნაყენი	1 ლ	10
	2208 60	– არაყი	1 ლ	6
	2208 70	– ლიქიორები	1 ლ	9.2
	2208 90 110 00	– – – არაკი (arrack) ჭურჭელში ტევადობით 2 ლ ან 2 ლ-ზე ნაკლები	1 ლ	5
	2208 90 190 00	– – – არაკი (arrack) ჭურჭელში ტევადობით 2 ლ-ზე მეტი	1 ლ	5
	2208 90 330 00	– – – ქლიავის, მსხლის ან ალუბლის სპირტიანი ნაყენები (ლიქიორების გარდა) ჭურჭელში ტევადობით 2 ლ ან 2 ლ-ზე ნაკლები	1 ლ	6
	2208 90 380 00	– – – ქლიავის, მსხლის ან ალუბლის სპირტიანი ნაყენები (ლიქიორების გარდა) ჭურჭელში ტევადობით 2 ლ-ზე მეტი	1 ლ	6
	2208 90 410 00	– – – – უზო	1 ლ	7
	2208 90 450 00	– – – – – – – კალვადოსი	1 ლ	8
	2208 90 480 00	– – – – – – – დანარჩენი	1 ლ	6
	2208 90 520 00	– – – – – – – კორნი	1 ლ	8
	2208 90 540 00	– – – – – – – ტეკილა	1 ლ	8
	2208 90 560 00	– – – – – – – დანარჩენი	1 ლ	6
	2208 90 690 01	– – – – – – სპირტის ფაქტობრივი კონცენტრაციით არაუმეტეს 7 მას.% -ისა	1 ლ	2
	2208 90 690 09	– – – – – – დანარჩენი	1 ლ	6
		– – – 2 ლ-ზე მეტი ტევადობის ჭურჭელში
	2208 90 710 00	– – – – – ხილისგან გამოხდილი	1 ლ	7
	2208 90 750 00	– – – – – ტეკილა	1 ლ	8
	2208 90 770 00	– – – – – დანარჩენი	1 ლ	6
	2208 90 780 00	– – – – დანარჩენი სპირტიანი სასმელები	1 ლ	6
		– – ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, ჭურჭელში ტევადობით
	2208 90 910 00	– – – 2 ლ ან 2 ლ-ზე ნაკლები	1 ლ	6
	2208 90 990 00	– – – 2 ლ-ზე მეტი	1 ლ	6
	თამბაქოს ნაწარმი (თამბაქოს ნედლეულის გარდა)
3	2402 10 000 01	– – სიგარები, სიგარები წაჭრილი ბოლოებით, თამბაქოს შემცველობით	1 ღერი	0.9
	2402 10 000 02	– – სიგარილები (წვრილი სიგარები), თამბაქოს შემცველობით	20 ღერი	1
	2402 20	ფილტრიანი სიგარეტები, თამბაქოს შემცველობით	20 ღერი	0.9
	2402 20	უფილტრო სიგარეტები, თამბაქოს შემცველობით	20 ღერი	0.25
	2403 11 000 00*	– – ყალიონით მოსაწევი თამბაქო, ამ ჯგუფის სუბპოზიციისათვის 1-ლი შენიშვნის შესაბამისად	1 კგ	20
	2403 19 000 00*	– – დანარჩენი	1 კგ	20
	2403 99 100 00	– – – საღეჭი ან საყნოსი (ბურნუთი) თამბაქო	1 კგ	20

ბ) პირველი ნაწილის შემდეგ დაემატოს შემდეგი შინაარსის 1¹ და 1² ნაწილები:

„1¹. საგარეო-ეკონომიკური საქმიანობის ეროვნული სასაქონლო ნომენკლატურის 2402 20 კოდში მითითებული ფილტრიანი სიგარეტებისათვის, თამბაქოს შემცველობით, 20 ღერზე და უფილტრო სიგარეტებისათვის, თამბაქოს შემცველობით, 20 ღერზე აქციზის განაკვეთია ამ მუხლის პირველი ნაწილით განსაზღვრული აქციზის განაკვეთისა და ამ საქონლის საცალო სარეალიზაციო ფასის 5 პროცენტის ჯამი. აქციზის თანხის გამოანგარიშების მიზნისათვის საქონლის საცალო სარეალიზაციო ფასი დგინდება ამ საქონლის მწარმოებლის/იმპორტიორის მიერ საგადასახადო ორგანოში წარდგენილი საცალო სარეალიზაციო ფასებისა და საგადასახადო ორგანოში არსებული სხვა ინფორმაციის საფუძველზე არაუგვიანეს ყოველი წლის 1 დეკემბრისა და გამოიყენება მომდევნო წლის 1 იანვრიდან ერთი წლის განმავლობაში.

1². საგარეო-ეკონომიკური საქმიანობის ეროვნული სასაქონლო ნომენკლატურის 2402 20 კოდში მითითებულ ფილტრიან და უფილტრო სიგარეტებზე აქციზის თანხის გამოანგარიშების მიზნისათვის საცალო სარეალიზაციო ფასს და მისი დადგენის წესს განსაზღვრავს საქართველოს ფინანსთა მინისტრი.“.

მუხლი 2. საგარეო-ეკონომიკური საქმიანობის ეროვნული სასაქონლო ნომენკლატურის 2402 20 კოდში მითითებულ ფილტრიან და უფილტრო სიგარეტებზე 2015 წლის 1 ივლისიდან 2016 წლის 1 იანვრამდე პერიოდისთვის აქციზის თანხის გამოანგარიშების მიზნისათვის საცალო სარეალიზაციო ფასი დადგინდეს არაუგვიანეს 2015 წლის 1 მაისისა.

მუხლი 3

1. ეს კანონი, გარდა ამ კანონის პირველი მუხლისა, ამოქმედდეს გამოქვეყნებისთანავე.

2. ამ კანონის პირველი მუხლის პირველი ნაწილი და მე-2 ნაწილის „ბ“ ქვეპუნქტი ამოქმედდეს 2015 წლის 1 ივლისიდან.

3. ამ კანონის პირველი მუხლის მე-2 ნაწილის „ა“ ქვეპუნქტით გათვალისწინებული საქართველოს საგადასახადო კოდექსის 188-ე მუხლის პირველი ნაწილის ცხრილის პირველი და მე-2 გრაფები ამოქმედდეს 2015 წლის 1 მარტიდან.

4. ამ კანონის პირველი მუხლის მე-2 ნაწილის „ა“ ქვეპუნქტით გათვალისწინებული საქართველოს საგადასახადო კოდექსის 188-ე მუხლის პირველი ნაწილის ცხრილის მე-3 გრაფა ამოქმედდეს 2015 წლის 1 იანვრიდან.

საქართველოს პრეზიდენტი გიორგი მარგველაშვილი

ქუთაისი,

12 დეკემბერი 2014 წ.

N2949-Iს