„სახელმწიფო აუდიტის სამსახურის რეგლამენტის დამტკიცების შესახებ“ სახელმწიფო აუდიტის სამსახურის გენერალური აუდიტორის 2013 წლის 1 თებერვლის N14/37 ბრძანებაში ცვლილების შეტანის თაობაზე

1. მე-4 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. სამსახურის სტრუქტურული ერთეულებია:

ა) ადგილობრივი თვითმმართველი ერთეულების ბიუჯეტების აუდიტის დეპარტამენტი;

ბ) საერთო დანიშნულების სახელმწიფო მომსახურების სფეროს აუდიტის დეპარტამენტი;

გ) თავდაცვის, საზოგადოებრივი წესრიგისა და უსაფრთხოების სფეროს აუდიტის დეპარტამენტი;

დ) ეკონომიკური საქმიანობის სფეროს აუდიტის დეპარტამენტი;

ე) სოციალური სფეროს აუდიტის დეპარტამენტი;

ვ) აუდიტის დეპარტამენტი აჭარის ავტონომიურ რესპუბლიკაში;

ზ) აუდიტის დეპარტამენტი აფხაზეთის ავტონომიურ რესპუბლიკაში;

თ) ეფექტიანობის აუდიტის დეპარტამენტი;

ი) სახელმწიფო ბიუჯეტის ანალიზისა და სტრატეგიული დაგეგმვის დეპარტამენტი;

კ) ხარისხის უზრუნველყოფის დეპარტამენტი;

ლ) იურიდიული დეპარტამენტი;

მ) შიდა აუდიტის დეპარტამენტი;

ნ) პოლიტიკური პარტიების ფინანსური საქმიანობის მონიტორინგის სამსახური;

ო) ადმინისტრაცია;

პ) საფინანსო და ლოჯისტიკის დეპარტამენტი.

3. ამ მუხლის მე-2 პუნქტის „ო“ და „პ“ ქვეპუნქტებით განსაზღვრული სტრუქტურული ერთეულები წარმოადგენენ სამსახურის ადმინისტრაციული, ფინანსური და მატერიალურ-ტექნიკური რესურსებით მხარდაჭერის დეპარტამენტებს.“.

2. მე-5 მუხლის:

ა) მე-3 პუნქტი ჩამოყალიბდეს შემდეგი რედაქციით:

 „3. ამ რეგლამენტის მე-4 მუხლის მე-2 პუნქტის „ა“-„ი“ ქვეპუნქტებით განსაზღვრული სტრუქტურული ერთეულების ხელმძღვანელები, რეგლამენტისა და აუდიტის მეთოდოლოგიის (სახელმძღვანელოს) შესაბამისად, აგრეთვე:

ა) უფლებამოსილნი არიან განახორციელონ აუდიტი;

ბ)ამტკიცებენ აუდიტის ანგარიშს.“;

ბ) მე-5 პუნქტი ჩამოყალიბდეს შემდეგი რედაქციით:

„5. ამ რეგლამენტის მე-4 მუხლის მე-2 პუნქტის „ა“-„ი“ ქვეპუნქტებით განსაზღვრული სტრუქტურული ერთეულების ხელმძღვანელები და მათი მოადგილეები ითვლებიან ხელმძღვანელ აუდიტორებად.“.

3. მე-6 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

 „1. ამ რეგლამენტის მე-4 მუხლის მე-2 პუნქტის „ა“-„ი“ ქვეპუნქტებით განსაზღვრული სტუქტურული ერთეულები მათთვის განსაზღვრული ფუნქციურ-დარგობრივი მიმართულებების მიხედვით:

 ა) ახორციელებენ აუდიტს;

ბ) უზრუნველყოფენ აუდიტის განხორციელებისას მოპოვებული ინფორმაციისა და მონაცემების სისტემატიზაციასა და ანალიზს;

 გ) ადგენენ დეპარტამენტის სამუშაო გეგმების პროექტებს, უზრუნველყოფენ აუდიტის გეგმის შესრულებას;

დ) შეიმუშავებენ წინადადებებსა და რეკომენდაციებს გასატარებელ ღონისძიებათა შესახებ, მათ შორის, დარღვევა-ნაკლოვანებათა აღმოფხვრის, პრევენციის, აგრეთვე შესაბამისი ადმინისტრაციულ-სამართლებრივი აქტების სრულყოფის თაობაზე;

 ე) უფლებამოსილნი არიან განახორციელონ სახელმწიფო სახსრების, სახელმწიფოს სხვა მატერიალური ფასეულობების, სახელმწიფოს ქონებრივი ღირებულების არამატერიალური სიკეთეების ხარჯვის, გამოყენების, მართვისა და დაცვის მონიტორინგი;

ვ) აუდიტის პროცესში თანამშრომლობენ სამსახურის სხვა სტრუქტურულ ერთეულებთან და საფინანსო-ეკონომიკური კონტროლის განმახორციელებელ სხვა სახელმწიფო ორგანოებთან; ზ) ასრულებენ გენერალური აუდიტორისა და შესაბამისი ბრძანების არსებობის შემთხვევაში გენერალური აუდიტორის კურატორი მოადგილის დავალებებს.

2. სახელმწიფო ბიუჯეტის ანალიზისა და სტრატეგიული დაგეგმვის დეპარტამენტი:

ა) შესაბამისი სტრუქტურული ერთეულების მიერ მოწოდებული ინფორმაციის ანალიზის საფუძველზე, ამზადებს სამსახურის მოხსენებებს სახელმწიფო ბიუჯეტის შესრულების მიმდინარეობის და წლიური შესრულების შესახებ საქართველოს მთავრობის ანგარიშებთან დაკავშირებით;

ბ) ამზადებს სამსახურის დასკვნას საქართველოს სახელმწიფო ბიუჯეტის შესახებ კანონის პროექტზე;

გ) ახორციელებს სახელმწიფო ბიუჯეტის შესრულების მიმდინარეობის ანალიზს და  საბიუჯეტო პროცესის მონიტორინგის განხორციელების მეთოდოლოგიურ უზრუნველყოფას;

დ) ახორციელებს ინფორმაციული ტექნოლოგიების აუდიტს;

ე) ახორციელებს სამსახურის წლიური აუდიტორული საქმიანობის დაგეგმვის კოორდინაციასა და მეთოდოლოგიურ უზრუნველყოფას;

 ვ) ახორციელებს წლიური აუდიტორული საქმიანობის  გეგმის შესრულების მონიტორინგს;

ზ) შესაბამისი სტრუქტურული ერთეულების მიერ მოწოდებული ინფორმაციის საფუძველზე, ახორციელებს აუდიტის რეკომენდაციების შესრულების მდგომარეობის ანალიზსა და სისტემატიზაციას;

თ) კოორდინაციას უწევს სამსახურის საქმიანობის სტრატეგიული და სამოქმედო გეგმების მომზადებას;

ი) ამზადებს საქართველოს პარლამენტში წარსადგენად სამსახურის საქმიანობის ყოველწლიურ ანგარიშს სამსახურის სტრუქტურული ერთეულების მიერ მოწოდებული ინფორმაციის საფუძველზე.“;

ბ) მე-8 პუნქტი ჩამოყალიბდეს შემდეგი რედაქციით:

„8. შიდა აუდიტის დეპარტამენტი ფუნქციურად დამოუკიდებელია და ანგარიშვალდებულია გენერალური აუდიტორის წინაშე. იგი ეხმარება სამსახურს მიზნების მიღწევაში შემდეგი საქმიანობების განხორციელებით:

ა) სამსახურის წინაშე არსებული რისკების დადგენა და მათი მართვის ხარისხის შეფასება;

ბ) ფინანსური მართვისა და კონტროლის სისტემის ადეკვატურობისა და ეფექტიანობის შეფასება;

გ) სამსახურის ფინანსური, ადამიანური, მატერიალური და სხვა რესურსების გამოყენებისა და მართვის სფეროში განხორციელებული საქმიანობისა და მიღებული გადაწყვეტილებების კანონიერების, ეკონომიურობის, ეფექტიანობისა და პროდუქტიულობის ანალიზი და შეფასება;

დ) სამსახურის საქმიანობის ეკონომიურობის, ეფექტიანობისა და პროდუქტიულობის გაზრდის მიზნით რეკომენდაციების შემუშავება;

ე) სამსახურის აქტივების, სხვა რესურსებისა და ინფორმაციის ადეკვატურად დაცულობის შეფასება;

ვ) სხვა საქმიანობები, რომლებიც გამომდინარეობს სამსახურის ინტერესებიდან და მიზნებიდან და არ ეწინააღმდეგება საქართველოს კანონმდებლობასა და შიდა აუდიტორის დამოუკიდებლობის პრინციპებს.”.

4. მე-7 მუხლის:

ა) პირველი პუნქტი ჩამოყალიბდეს შემდეგი რედაქციით:

 „1. აუდიტის დაწყების საფუძველია ამ რეგლამენტის მე-4 მუხლის მე-2 პუნქტის „ა“-„ი“ ქვეპუნქტებით განსაზღვრული სტრუქტურული ერთეულების ხელმძღვანელების წარდგინებით გენერალური აუდიტორის ან მისი მოადგილის მიერ გაგზავნილი შესაბამისი წერილი აუდიტის დაწყების თაობაზე, რომელშიც უნდა აღინიშნოს აუდიტის ჩატარების ფარგლები (მოცულობა).“;

ბ) მე-3 და მე-4 პუნქტები ჩამოყალიბდეს შემდეგი რედაქციით:

„3. აუდიტის ობიექტი უფლებამოსილია, აუდიტის ანგარიშის შესახებ წერილობითი შენიშვნები და მოსაზრებები ანგარიშის გადაცემიდან 7 კალენდარული დღის ვადაში წარუდგინოს სამსახურს. თუ აუდიტის ობიექტი შენიშვნებს/მოსაზრებებს წარმოადგენს აღნიშნული ვადის გასვლის შემდეგ, მაგრამ აუდიტის ანგარიშის დამტკიცებამდე, მათი განხილვის საკითხს წყვეტს ამ რეგლამენტის მე-4 მუხლის მე-2 პუნქტის „ა“-„ი“ ქვეპუნქტებით განსაზღვრული  შესაბამისი სტრუქტურული ერთეულის ხელმძღვანელი.

4. ამ რეგლამენტის მე-4 მუხლის მე-2 პუნქტის „ა“-„ი“ ქვეპუნქტებით განსაზღვრული  შესაბამისი სტრუქტურული ერთეულის ხელმძღვანელი (მოადგილე), აუდიტის ჯგუფთან ერთად, აუდიტის ობიექტის მიერ შენიშვნების/მოსაზრებების წარმოსადგენად დადგენილი ვადის გასვლიდან  გონივრულ ვადაში იხილავს აუდიტის ანგარიშს და აუდიტის ობიექტის წერილობით შენიშვნებს/მოსაზრებებს (ასეთის არსებობის შემთხვევაში) და ამტკიცებს აუდიტის ანგარიშს.“.