„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე

        ვბრძანებ:

          1. 78¹ მუხლს  დაემატოს შემდეგი შინაარსის მე-9  პუნქტი: 

„9. ცალკეულ შემთხვევებში, შემოსავლების სამსახურთან წერილობითი შეთანხმების  საფუძველზე, არააქციზური საქონლის სავალდებულო მარკირება შესაძლებელია განხორციელდეს ამ მუხლის მე-7 პუნქტისაგან განსხვავებული წესით.“.

          2. 79³ მუხლის:

„ა) მე-5 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) მე-3 სვეტში მიეთითება – მომხმარებლის მიერ წარმოებული/იმპორტირებული პროდუქციის სახეობა (ალკოჰოლური სასმელი, ლუდი, ფილტრიანი თამბაქო, უფილტრო თამბაქო, სიგარა, სიგარელა, არააქციზური საქონელი);“;

          ბ) მე-6 პუნქტის:

          ბ.ა) „ა“ ქვეპუნქტი ჩამოყალიბდეს შემდეგი რედაქციით:  

„ა) მე-2 სვეტში მიეთითება – მომხმარებლის მიერ წარმოებული/იმპორტირებული საქონლის სეს ესნ-ის კოდი, „საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) დამტკიცების თაობაზე“ საქართველოს ფინანსთა მინისტრის 2012 წლის 11 ივლისის №241 ბრძანების შესაბამისად;“;

          ბ.ბ) „გ“ ქვეპუნქტი ჩამოყალიბდეს შემდეგი რედაქციით:  

„გ) მე-4 სვეტში მიეთითება – მომხმარებლის მიერ წარმოებული/იმპორტირებული აქციზური/არააქციზური პროდუქციის ერთეულის ლიტრაჟი, თამბაქოს ნაწარმზე – კოლოფში განთავსებული ღერების რაოდენობა;“.           

          3. დაემატოს შემდეგი შინაარსის 79⁴ მუხლი:

„მუხლი 79⁴. შემოსავლების სამსახურის საქართველოს კანონმდებლობით დადგენილი წესით შერჩეული პირის მიერ არააქციზური საქონლის სავალდებულო მარკირებისას გაცემული მატერიალური ფორმის მარკების ფონური ფერები და შეფუთვის ფორმები

1. შერჩეული პირის მიერ ადგილობრივი და იმპორტული  არააქციზური საქონლის სავალდებულო მარკირებისას გაცემული მატერიალური ფორმის მარკების ფონური ფერია  წითელი ან  წითელი-ლურჯი.

2. შერჩეული პირის მიერ არააქციზური საქონლის სავალდებულო მარკირებისას გასაცემი მატერიალური ფორმის მარკების გაცემა ხორციელდება შეფუთული სახით, 1000-ცალიანი, 5000-ცალიანი ან 6000-ცალიანი რულონის (თვითწებადი) ფორმით.

3. შერჩეული პირის მიერ გაცემული მატერიალური ფორმის მარკების საიდენტიფიკაციო ინფორმაცია დაშიფრულია უხილავი მატრიცის/კოდის საშუალებით.

4. რულონური ტიპის თვითწებად მარკებზე დატანილია სერიული ნომერი საქონლის მარკირების შესახებ საინფორმაციო ბაზაში მათი გამოყენების ასახვისათვის (გააქტიურებისათვის).

5. შემოსავლების სამსახურისა და შერჩეული პირის მიერ განსაზღვრულ შემთხვევებში, შერჩეული პირი მარკების გაცემას ახორციელებს ნაწილობრივი ფორმით.“.

          4.  მე-80 მუხლის მე-14 პუნქტი ჩამოყალიბდეს შემდეგი რედაქციით:

 „14. შემოსავლების სამსახური უფლებამოსილია, შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტის შესაბამისად, გასცეს არსებული სხვა სახეობისა და სეს ესნ-ის სხვა კოდის  საქონლისათვის განკუთვნილი აქციზური მარკა, ხოლო პროდუქციის სახეობის ფარგლებში, სეს ესნ-ის შესაბამისი კოდის მქონე იმპორტული ალკოჰოლური სასმელისათვის განკუთვნილი აქციზური მარკების მარაგის ამოწურვის შემთხვევაში, მარკირების/ნიშანდების მოთხოვნების (მათ შორის, ფიზიკური პირის მიერ საკუთარი მოხმარების ან/და საკოლექციო მიზნით საქართველოში შემოტანილი) სრულად დაკმაყოფილების მიზნით, შემოსავლების სამსახური უფლებამოსილია, შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტის შესაბამისად, გასცეს სეს ესნ-ის სხვა კოდის საქონლისათვის განკუთვნილი იგივე, ხოლო მისი არარსებობის შემთხვევაში მარაგში არსებული ყველაზე დაბალი ტარის მოცულობისათვის განკუთვნილი აქციზური მარკა.“.

          5.  81¹ მუხლი  ჩამოყალიბდეს  შემდეგი  რედაქციით:

„მუხლი 81¹. შერჩეული პირის მიერ მატერიალური ფორმის აქციზური/არააქციზური მარკის დაბრუნება

1. იმპორტირებული და ადგილობრივი ნაწარმისათვის განკუთვნილი გამოუყენებელი მატერიალური ფორმის აქციზური/არააქციზური მარკის უკან დაბრუნების მიზნით,  გადასახადის გადამხდელი ელექტრონული განაცხადით მიმართავს შერჩეულ პირს. გამოუყენებელი მატერიალური ფორმის აქციზური/არააქციზური მარკის უკან დაბრუნება ხორციელდება შემოსავლების სამსახურის დასტურის საფუძველზე.

2. გამოუყენებული მატერიალური ფორმის აქციზური/არააქციზური მარკის უკან დაბრუნება ხორციელდება შერჩეული პირის მიერ მარკების შესწავლის შედეგების შემოსავლების სამსახურისთვის შეტყობინების შემდეგ, შემოსავლების სამსახურისგან მიღებული დასტურის შესაბამისად, როგორც ნაწილობრივი, ასევე 79² მუხლის მე-2 პუნქტით და 79⁴ მუხლის მე-2 პუნქტით დადგენილი შეფუთვების ფორმით. თამბაქოსათვის განკუთვნილი აქციზური მარკების დაბრუნების შემთხვევაში, უკან დაბრუნებული აქციზური მარკების შეფუთვების ფორმები უნდა შეესაბამებოდეს მის გაცემისას არსებულ ფორმებს, გარდა 79² მუხლის მე-2 პუნქტის „დ“, „ე“ და „თ“ ქვეპუნქტებით გათვალისწინებული შემთხვევებისა.

3. დაბრუნებული მატერიალური ფორმის აქციზური/არააქციზური მარკის ნომინალური ღირებულების საფასური დაბრუნებას არ ექვემდებარება.

4. დაზიანებული მატერიალური ფორმის აქციზური/არააქციზური მარკა უკან დაბრუნებას არ ექვემდებარება.

5. შერჩეული პირი ახდენს უკან დაბრუნებული აქციზური/არააქციზური მარკის აღრიცხვასა და უტილიზაციას. უტილიზაცია ხორციელდება შემოსავლების სამსახურთან შეთახმებით, უფლებამოსილი პირების თანდასწრებით.“.

          6. 112-ე მუხლს დაემატოს შემდეგი შინაარსის მე-13 და მე-14 პუნქტები:

„13. 2016 წლის 1 იანვრამდე, შერჩეულ პირს  არააქციზური საქონლის სავალდებულო მარკირების ნომინალური ღირებულება აუნაზღაურდება შემოსავლების სამსახურის მიერ, შერჩეულ პირთან გაფორმებული ხელშეკრულების საფუძველზე.

14. ამ მუხლის მე-13 პუნქტით გათვალისწინებულ შემთხვევაში,  არააქციზური საქონლის სავალდებულო მარკირების ნომინალური ღირებულება განისაზღვროს 1000 ცალ ერთეულზე 10 ლარის ოდენობით (დღგ-ის გარეშე).“.