საქარველოს ადმინისტრაციულ სამართალდარღვევათა კოდექსში ცვლილებების შეტანის შესახებ

საქართველოს კანონი

საქართველოს ადმინისტრაციულ სამართალდარღვევათა კოდექსში ცვლილებების შეტანის შესახებ

    მუხლი 1.

საქართველოს ადმინისტრაციულ სამართალდარღვევათა კოდექსში (საქართველოს სსრ უმაღლესი საბჭოს უწყებები, №12-ის დანართი, 1984 წელი, მუხ. 421) შეტანილ იქნეს შემდეგი ცვლილებები:

1. 153-ე მუხლის მე-3–5 ნაწილები ამოღებულ იქნეს.

2. 159² და 159³ მუხლები ჩამოყალიბდეს შემდეგი რედაქციით:

     „მუხლი 159². თავისუფალი ვაჭრობისა და კონკურენციის სააგენტოს თანამდებობის პირთა მიწერილობის შეუსრულებლობა

თავისუფალი ვაჭრობისა და კონკურენციის შესახებ კანონმდებლობის დარღვევის შეწყვეტის თაობაზე თავისუფალი ვაჭრობისა და კონკურენციის სააგენტოს მიწერილობის შეუსრულებლობა, –

გამოიწვევს ფიზიკურ პირთა დაჯარიმებას სამასიდან ექვსას ლარამდე, საწარმოების, დაწესებულებებისა და ორგანიზაციების პასუხისმგებელი პირებისა – ათასიდან სამი ათას ლარამდე.

    მუხლი 159³. თავისუფალი ვაჭრობისა და კონკურენციის სააგენტოსათვის კანონმდებლობით განსაზღვრული ინფორმაციის მიუწოდებლობა

თავისუფალი ვაჭრობისა და კონკურენციის სააგენტოსათვის კანონმდებლობით განსაზღვრული ინფორმაციის მიუწოდებლობა, –

გამოიწვევს დაჯარიმებას ხუთასიდან ათას ლარამდე.“.

3. 239-ე მუხლის:

ა) მე-16 ნაწილი ჩამოყალიბდეს შემდეგი რედაქციით:

„16. ამ კოდექსის 153-ე, 153¹, 154¹, 154², 155¹, 158-ე, 158¹, 159-ე, 159¹, 159², 159³, 159⁴, 163-ე, 165³, 178-ე მუხლებით გათვალისწინებული ადმინისტრაციული სამართალდარღვევებისთვის ოქმს ადგენენ შინაგან საქმეთა ორგანოების მუშაკები ან სახელმწიფო მმართველობის ორგანოების მიერ ან თავისუფალი ვაჭრობისა და კონკურენციის სააგენტოს მიერ საამისოდ უფლებამოსილი პირები, ან საქართველოს ფინანსთა სამინისტროს საგადასახადო ორგანოები, კონტროლის პალატის ორგანოების უფლებამოსილი პირები.“;

ბ) 43-ე ნაწილი ამოღებულ იქნეს.

    მუხლი 2.

ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტი მ. სააკაშვილი

თბილისი,

2005 წლის 3 ივნისი.

№1555_Iს