დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„დროებითი შრომისუუნარობის ექსპერტიზის ჩატარების და საავადმყოფო ფურცლის გაცემის წესის შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 25 სექტემბრის N281/ნ ბრძანებაში ცვლილების შეტანის თაობაზე | |
---|---|
დოკუმენტის ნომერი | 01-43/ნ |
დოკუმენტის მიმღები | საქართველოს შრომის, ჯანმრთელობისა და სოციალური დაცვის მინისტრი |
მიღების თარიღი | 24/09/2015 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 24/09/2015 |
სარეგისტრაციო კოდი | 470230000.22.035.016352 |
|
„დროებითი შრომისუუნარობის ექსპერტიზის ჩატარების და საავადმყოფო ფურცლის გაცემის წესის შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 25 სექტემბრის №281/ნ ბრძანებაში ცვლილების შეტანის თაობაზე
|
„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:
|
მუხლი 1 |
„დროებითი შრომისუუნარობის ექსპერტიზის ჩატარების და საავადმყოფო ფურცლის გაცემის წესის შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 25 სექტემბრის №281/ნ ბრძანებით დამტკიცებულ „დროებითი შრომისუუნარობის ექსპერტიზის ჩატარების და საავადმყოფო ფურცლის გაცემის წესში“ (დანართი 1) შეტანილ იქნეს ცვლილება:
|
1.
მე-3 მუხლს დაემატოს მე-3 პუნქტი შემდეგი რედაქციით:
,,3. საავადმყოფო ფურცლის დაბეჭდვა/გაცემას შესაბამის ფიზიკურ და იურიდიულ პირებზე უზრუნველყოფს საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი, კანონმდებლობით დადგენილი წესით.“. |
2.
მე-12 მუხლის მე-4 პუნქტი ჩამოყალიბდეს შემდეგი რედაქციით:
„4. საავადმყოფო ფურცელში ჩანაწერები კეთდება სახელმწიფო ენაზე, გარკვევით: ა) გრაფებში – „პირველადი”, „გაგრძელება” – სათანადოს გაესმება ხაზი, ხოლო გაგრძელებისას ახლად გაცემული საავადმყოფო ფურცლის გრაფაში – „პირველადი”, ჩაიწერება პირველადი საავადმყოფო ფურცლის ნომერი; ბ) გრაფაში – „გაცემის თარიღი”, გაცემის რიცხვი და თვე აღინიშნება სიტყვებით; გ) გრაფაში – „შრომისუუნარობის სახეობა”, შრომისუუნარობის სათანადო სახეობას გაესმება ხაზი; დ) გრაფაში – „სამედიცინო-სოციალურ ექსპერტიზაზე გაგზავნის თარიღი” აღნიშნული თარიღი იწერება ექიმის მიერ; ე) გრაფაში – „სსე დასკვნა”, ჩანაწერს ახდენს სამედიცინო-სოციალური ექსპერტიზის ჩატარებაზე პასუხისმგებელი შესაბამისი სამედიცინო დაწესებულება; ვ) გრაფაში – „სამუშაოდან განთავისუფლება”, „რომელი რიცხვიდან” – რიცხვი, თვე და წელი იწერება ციფრებით, ხოლო გრაფაში – “რომელი რიცხვის ჩათვლით” – რიცხვი და თვე იწერება სიტყვებით; ზ) საავადმყოფო ფურცლის დახურვისას, გრაფაში – „შეუდგეს მუშაობას” – რიცხვი და თვე იწერება სიტყვიერად, ხოლო საავადმყოფო ფურცლის გაგრძელების შემთხვევაში ამავე გრაფაში ჩაიწერება – „შრომისუუნარობა გრძელდება” და ახლად გაცემული საავადმყოფო ფურცლის ნომერი და სერია; თ) სხვა სამუშაოზე დროებით გადაყვანის დროს არ შეივსება გრაფა „სამუშაოდან განთავისუფლება” და შეივსება გრაფა „გადაყვანილ იქნეს დროებით სხვა სამუშაოზე”; ი) გრაფაში „ექიმის თანამდებობა და გვარი” მიეთითება ექიმის დაკავებული თანამდებობა და გვარი გარკვევით. გრაფაში „ექიმის ხელმოწერა” – ხელს აწერენ ექიმები, რომლებსაც ამ წესის შესაბამისად ევალებათ საავადმყოფო ფურცლის გაცემისა და გაგრძელების გადაწყვეტილების მიღება.”. |
3.
ბრძანების დანართი 11 (საავადმყოფო ფურცლის ფორმა) ჩამოყალიბდეს თანდართული რედაქციით.
|
მუხლი 2 |
ამ ბრძანების ამოქმედებამდე საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ –
ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დაბეჭდილი ფორმების გამოყენება განხორციელდეს არსებული მარაგების სრულად ამოწურვამდე.
|
მუხლი 3 |
ბრძანება ამოქმედდეს გამოქვეყნებისთანავე.
|
|
დოკუმენტის კომენტარები