„სამედიცინო დოკუმენტაციის წარმოებისას სამედიცინო კლასიფიკატორების გამოყენების წესის დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2010 წლის 12 აპრილის №92/ნ ბრძანებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სამედიცინო დოკუმენტაციის წარმოებისას სამედიცინო კლასიფიკატორების გამოყენების წესის დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2010 წლის 12 აპრილის №92/ნ ბრძანებაში ცვლილების შეტანის შესახებ
დოკუმენტის ნომერი	01-55/ნ
დოკუმენტის მიმღები	საქართველოს შრომის, ჯანმრთელობისა და სოციალური დაცვის მინისტრი
მიღების თარიღი	05/11/2015
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 06/11/2015
სარეგისტრაციო კოდი	470230000.22.035.016364

PDF გადმოწერა

„სამედიცინო დოკუმენტაციის წარმოებისას სამედიცინო კლასიფიკატორების გამოყენების წესის დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2010 წლის 12 აპრილის №92/ნ ბრძანებაში ცვლილების შეტანის შესახებ

,,ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„სამედიცინო დოკუმენტაციის წარმოებისას სამედიცინო კლასიფიკატორების გამოყენების წესის დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2010 წლის 12 აპრილის №92/ნ ბრძანებაში (სსმ III, 16.04.2010 წ., №41, მუხ. 637) შეტანილ იქნეს შემდეგი ცვლილება:

1. ბრძანების პირველი პუნქტის შემდეგ დაემატოს,,1¹“ პუნქტი შემდეგი რედაქციით:

„1¹. სამედიცინო წარმოებისას გამოსაყენებელი სამედიცინო კლასიფიკატორები (პირველადი ჯანდაცვის საერთაშორისო კლასიფიკატორი ICPC-2-R, სკანდინავიური ქვეყნების ქირურგიული პროცედურების კლასიფიკატორის (NCSP), ლაბორატორიული ჩარევების კლასიფიკატორი, ავადმყოფობათა და ჯანმრთელობასთან დაკავშირებული პრობლემების საერთაშორისო სტატისტიკური კლასიფიკაცია (ICD-10) ხელმისაწვდომია საქართველოს შრომის, ჯანმრთელობისა და სოციალური დაცვის სამინისტროს ოფიციალურ ვებგვერდზე: (classifications.moh.gov.ge).“.

2. ბრძანებით დამტკიცებული:

ა) №1 დანართის (პირველადი ჯანდაცვის საერთაშორისო კლასიფიკატორის ICPC-2-R გამოყენების წესი):

ა.ა) მე-8 პუნქტის (პირველადი ჯანდაცვის საერთაშორისო კლასიფიკატორი, მეორე შესწორებული გამოცემა ICPC-2-R: ცხრილური ჩამონათვალი) ცხრილის ,,A - ზოგადი და სხვაგვარად დაუზუსტებელი”-დან ,,Z29 სოციალური პრობლემები სხვა გვარად არ არის დაზუსტებული“ - მდე (იგულისხმება: გარემოს პრობლემები, სიმულაცია - ჩათვლით) ამოღებულ იქნეს;

ა.ბ) მე-9 პუნქტი (ICD-10-ის შესატყვისი კოდები) ამოღებულ იქნეს;

ბ) №2 დანართის (სკანდინავიური ქვეყნების ქირურგიული პროცედურების კლასიფიკატორის (NCSP) გამოყენების წესი) მე-6 მუხლის (ტერმინოლოგიასთან დაკავშირებული საკითხები) №2 დანართი ამოღებულ იქნეს;

გ) №3 დანართის (ლაბორატორიული ჩარევების კლასიფიკატორის გამოყენების წესი) მე-3 მუხლის (კოდირების პრინციპები) მე-6 პუნქტი ამოღებულ იქნეს.

მუხლი 2

ბრძანება ამოქმედდეს გამოქვეყნებისთანავე.

საქართველოს შრომის, ჯანმრთელობისა და სოციალური დაცვის მინისტრი დავით სერგეენკო