„სკოლამდელი აღზრდის დაწესებულებების ერთიანი სასწავლო-აღმზრდელობითი სისტემის მოქმედების წესებისა და სამუშაო რეჟიმის გარდამავალი დებულების დამტკიცების შესახებ“ ქალაქ გორის მუნიციპალიტეტის საკრებულოს 2014 წლის 26 აგვისტოს № 25 დადგენილებაში ცვლილების შეტანის შესახებ

ა) დადგენილების  მე-6 მუხლის  მე-3 პუნქტი ჩამოყალიბდეს შემდეგი რედაქციით:

„3. საბავშვო ბაგა-ბაღის თითოეულ ჯგუფში აღსაზრდელთა რაოდენობა განისაზღვროს:

ა) 2-3 წლიან ასაკობრივ ჯგუფში – არაუმეტეს 25 ბავშვისა;

ბ) 3-4 წლიან ასაკობრივ ჯგუფში – არაუმეტეს 35 ბავშვისა;

გ) 4-5 წლიან ასაკობრივ ჯგუფში – არაუმეტეს 40 ბავშვისა;

დ) 5-6 წლიან ასაკობრივ ჯგუფში – არაუმეტეს 40 ბავშვისა;“  

ბ) დადგენილების მე-9  მუხლის მე-5 პუნქტი  ჩამოყალიბდეს შემდეგი რედაქციით:

„5. ახალი ჯგუფების დაკომპლექტების შემდეგ, საბავშვო ბაგა-ბაღის დირექტორი ვალდებულია გააგზავნოს მონაცემები, როგორც ახლად მიღებული აღსაზრდელთა რაოდენობის, ისე აღსაზრდელთა საერთო რაოდენობის შესახებ ქალაქ გორის მუნიციპალიტეტის მერიაში.“;

გ) დადგენილებას დაემატოს 9¹   მუხლი შემდეგი რედაქციით:

„მუხლი 9¹. აღსაზრდელის  ამორიცხვა

აღსაზრდელის ზედიზედ 5 სამუშაო დღის, ხოლო თვის პერიოდში 15 სამუშაო დღის განმავლობაში საბავშვო ბაგა-ბაღში გამოუცხადებლობა წარმოადგენს რეგისტრაციის შეჩერების საფუძველს, ხოლო მომდევნო 5 სამუშაო დღეში აღსაზრდელის მშობლის მიერ გამოუცხადებლობის საპატიო მიზეზის დამადასტურებელი დოკუმენტის წარმოუდგენლობა ამორიცხვის და რეგისტრაციის გაუქმების საფუძველს.“.