„სკოლამდელი აღზრდის დაწესებულებების ერთიანი სასწავლო-აღმზრდელობითი სისტემის მოქმედების წესებისა და სამუშაო რეჟიმის გარდამავალი დებულების დამტკიცების შესახებ“ ქალაქ გორის მუნიციპალიტეტის საკრებულოს 2014 წლის 26 აგვისტოს №25 დადგენილებაში ცვლილების შეტანის თაობაზე

ა) დადგენილებით დამტკიცებული დებულების მე-3 მუხლის 1-ლი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ქალაქ გორის მუნიციპალიტეტის მერთან ან/და ა(ა)იპ „ქალაქ გორის მუნიციპალიტეტის ადრეული და სკოლამდელი სააღმზრდელო  საჯარო დაწესებულებათა მართვის სააგენტოსთან“ (ს/კ 418469393) შეთანხმებით გადაწყვიტოს საბავშვო ბაგა-ბაღის საკადრო საკითხები და განსაზღვროს თანამშრომელთა დანიშვნის, გადაყვანის და განთავისუფლების წესი საქართველოს შრომის კოდექსის, „ადრეული და სკოლამდელი აღზრდისა და განათლების შესახებ“ საქართველოს კანონის, წესდების და შინაგანაწესის საფუძველზე;“;

ბ) დადგენილებით დამტკიცებული დებულების მე-3 მუხლის 1-ლი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ა(ა)იპ „ქალაქ გორის მუნიციპალიტეტის ადრეული და სკოლამდელი სააღმზრდელო  საჯარო დაწესებულებათა მართვის სააგენტოსთან“ (ს/კ 418469393) ან/და ქალაქ გორის მუნიციპალიტეტის მერთან შეთანხმებით განსაზღვროს საბავშვო ბაგა - ბაღის სასწავლო-აღმზრდელობითი პროგრამა და უზრუნველყოს ამ პროგრამის მიზნებისა და ამოცანების განხორციელება;“;

გ) დადგენილებით დამტკიცებული დებულების მე-3 მუხლის 1-ლი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ა(ა)იპ „ქალაქ გორის მუნიციპალიტეტის ადრეული და სკოლამდელი სააღმზრდელო  საჯარო დაწესებულებათა მართვის სააგენტოსთან“ (ს/კ 418469393) ან/და ქალაქ გორის მუნიციპალიტეტის მერთან შეთანხმებით დაამყაროს კავშირი ფიზიკურ და იურიდიულ პირებთან, მათ შორის, სხვა მსგავს დაწესებულებებთან თავისი საქმიანობის ფარგლებში, როგორც საქართველოში, ისე მის ფარგლებს გარეთაც;“;

დ) დადგენილებით დამტკიცებული დებულების მე-3 მუხლის 1-ლი პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) საბავშვო ბაგა-ბაღის სკოლამდელი ასაკის ბავშვთა სკოლისთვის მომზადების და სკოლამდელი ასაკის ბავშვთა განათლების ხელშეწყობის მიზნით შექმნას სასკოლო მზაობის ცენტრი და შეიმუშავოს სათანადო პროგრამა (სასწავლო-აღმზრდელობითი) ქალაქ გორის მუნიციპალიტეტის მერთან ან/და ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოსთან“ (ს/კ 418469393)  შეთანხმების საფუძველზე.

ე) დადგენილებით დამტკიცებული დებულების მე-3 მუხლის შემდეგ დაემატოს მე-3¹ მუხლი შემდეგი რედაქციით:

„მუხლი 3¹. საბავშვო ბაგა-ბაღის მართვა

1. საბავშვო ბაგა-ბაღების – ქალაქ გორის მუნიციპალიტეტის სკოლამდელი აღზრდის საჯარო დაწესებულებების მართვას, ფინანსურ უზრუნველყოფას და  მათი ავტორიზაციის სამართლებრივ პრინციპებთან შესაბამისობას უზრუნველყოფს ქალაქ გორის მუნიციპალიტეტის მერი ან/და ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტო“ (ს/კ 418469393)“.

2. ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოს“ (ს/კ 418469393) მიერ ამ მუხლის 1-ლი პუნქტით გათვალისწინებული ფუნქციების განსახორციელებლად საჭირო ის უფლება-მოვალეობები და განხორციელების წესი, რაც განსაზღვრული არ არის ამ დებულებით, განისაზღვრება ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოს“ (ს/კ 418469393) წესდებით.“;

ვ) დადგენილებით დამტკიცებული დებულების მე-4 მუხლის „ბ“ ქვეპუნქტი ჩამოყალიბდეს შემდეგი რედაქციით:

„ბ) განსაზღვრავს ბაღის საკადრო პოლიტიკას, ამტკიცებს საშტატო ნუსხას ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოსთან“ (ს/კ 418469393) შეთანხმებით.’’;

ზ) დადგენილებით დამტკიცებული დებულების მე-4 მუხლის „დ“ ქვეპუნქტი ჩამოყალიბდეს შემდეგი რედაქციით:

„დ) უზრუნველყოფს საბავშვო ბაგა-ბაღს საბავშვო ბაგა-ბაღის მიერ შეძენილი ან/და ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოს“ (ს/კ 418469393) მიერ მიწოდებული მატერიალურ-ტექნიკური ბაზით, სათამაშოებით, წიგნებით, საკვები პროდუქტებით, ასევე მათი გამართული ფუნქციონირებისთვის საჭირო ყველა სხვა საქონლით და მომსახურებით.“;

თ) დადგენილებით დამტკიცებული დებულების მე-4 მუხლის „ე“ ქვეპუნქტი ჩამოყალიბდეს შემდეგი რედაქციით:

„ე) პასუხს აგებს საბავშვო ბაგა-ბაღის გამართულ ფუნქციონირებაზე, მათ შორის რაიმე მიზეზით  ბაგა-ბაღის ფუნქციონირების პარალიზების შემთხვევაში ვალდებულია აცნობოს ქალაქ გორის მუნიციპალიტეტის მერიის განათლების, კულტურის, ტურიზმის, სპორტისა და ახალგაზრდულ საქმეთა სამსახურს ან/და ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოს“ (ს/კ 418469393);“;

ი) დადგენილებით დამტკიცებული დებულების მე-4 მუხლის „ნ“ ქვეპუნქტი ჩამოყალიბდეს შემდეგი რედაქციით:

„ნ) შრომითი საქმიანობის დასარეგულირებლად, ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოსთან“ (ს/კ 418469393) შეთანხმებით  ამტკიცებს საბავშვო ბაგა-ბაღის შინაგანაწესს; თავისი უფლებამოსილების ფარგლებში გამოსცემს ბრძანებებს, რომლის შესრულება ყველასთვის სავალდებულოა;

კ) დადგენილებით დამტკიცებული დებულების მე-9 მუხლის მე-5 პუნქტი ჩამოყალიბდეს შემდეგი რედაქციით:

„5. ახალი ჯგუფების დაკომპლექტების შემდეგ, საბავშვო ბაგა-ბაღის დირექტორი ვალდებულია გააგზავნოს მონაცემები, როგორც ახლად მიღებული აღსაზრდელთა რაოდენობის, ისე აღსაზრდელთა საერთო რაოდენობის შესახებ ქალაქ გორის მუნიციპალიტეტის მერიაში ან/და ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოში“ (ს/კ 418469393);“;

ლ) დადგენილებით დამტკიცებული დებულების მე-10 მუხლის მე-5 პუნქტი ჩამოყალიბდეს შემდეგი რედაქციით:

„5. ამ დებულებით გათვალისწინებული ნაკლოვანების აღმოჩენის შემთხვევაში საკითხი განიხილება იმ პირთან, ვისაც მოვალეობიდან გამომდინარე ეს პირდაპირ ეხება. იმ შემთხვევაში, თუ პრობლემა  ვერ დარეგულირდა, საკითხი განიხილება საბავშვო ბაგა-ბაღის დირექტორთან და თუ პრობლემა კვლავ ვერ დარეგულირდა, მშობელი უფლებამოსილია, წერილობით მიმართოს ქალაქ გორის  მუნიციპალიტეტის  მერიის შესაბამის სამსახურს ან/და ა(ა)იპ „ქალაქ გორის მუნიციპალიტეტის სკოლამდელი სააღმზრდელო საჯარო დაწესებულებათა მართვის სააგენტოს“ (ს/კ 418469393);“.