„საქართველოს შინაგან საქმეთა სამინისტროს საპატრულო პოლიციის სამსახურის მიერ პატრულირების განხორციელების წესების შესახებ“ ინსტრუქციის დამტკიცების თაობაზე“ საქართველოს შინაგან საქმეთა მინისტრის 2005 წლის 15 დეკემბრის №1310 ბრძანებაში ცვლილების შეტანის თაობაზე

1. პრეამბულა ჩამოყალიბდეს შემდეგი რედაქციით:

„პოლიციის შესახებ“ საქართველოს კანონის მე-5 მუხლის მე-3 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“  საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების შესაბამისად, ვბრძანებ:“.

2.  პირველი პუნქტით დამტკიცებული ინსტრუქციის:

ა) მე-6 მუხლის „ბ“ ქვეპუნქტი ჩამოყალიბდეს შემდეგი რედაქციით:

„ბ) საზოგადოებრივი უსაფრთხოებისა და მართლწესრიგის დაცვა“;

ბ) მე-9 მუხლის პირველი პუნქტი ჩამოყალიბდეს შემდეგი რედაქციით:

„1.  ავტოსატრანსპორტო საშუალებით პატრულირება ხორციელდება ეკიპაჟით, ერთი ან ორი პატრულ-პოლიციელის შემადგენლობით.“;

გ) მე-13 მუხლის:

გ.ა) მე-4 პუნქტი ჩამოყალიბდეს შემდეგი რედაქციით:

„4. განწესი შეიძლება შედგებოდეს ერთი ან რამდენიმე პატრულ-პოლიციელისგან.“;

გ.ბ) მე-6 პუნქტის შემდგომ დაემატოს შემდეგი შინაარსის მე-7 პუნქტი:

„7. განწესს, რომელიც პატრულირებას ახორციელებს ერთი პატრულ-პოლიციელის შემადგენლობით, დეპარტამენტის დირექტორის ან მისი დავალებით განწესისათვის ინსტრუქტაჟის ჩატარებაზე უფლებამოსილი პირის მიერ განესაზღვრება ამ ინსტრუქციით გათვალისწინებული პატრულ-პოლიციელის ცალკეული უფლება-მოვალეობები, ასევე სამსახურის ამოცანებისა და საქმიანობის კონკრეტული მიმართულებები.“.