„საქართველოს ეროვნული ბანკის ფინანსური გირაოს მართვის დებულების დამტკიცების შესახებ“ საქართველოს ეროვნული ბანკის საბჭოს 2018 წლის 4 აპრილის N3 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საქართველოს ეროვნული ბანკის ფინანსური გირაოს მართვის დებულების დამტკიცების შესახებ“ საქართველოს ეროვნული ბანკის საბჭოს 2018 წლის 4 აპრილის N3 დადგენილებაში ცვლილების შეტანის თაობაზე
დოკუმენტის ნომერი	9
დოკუმენტის მიმღები	საქართველოს ეროვნული ბანკის საბჭო
მიღების თარიღი	03/12/2018
დოკუმენტის ტიპი	საქართველოს ეროვნული ბანკის საბჭოს დადგენილება
გამოქვეყნების წყარო, თარიღი	ვებგვერდი, 04/12/2018
ძალის დაკარგვის თარიღი	10/04/2024
სარეგისტრაციო კოდი	220010070.11.004.016058

PDF გადმოწერა

„საქართველოს ეროვნული ბანკის ფინანსური გირაოს მართვის დებულების დამტკიცების შესახებ“ საქართველოს ეროვნული ბანკის საბჭოს 2018 წლის 4 აპრილის №3 დადგენილებაში ცვლილების შეტანის თაობაზე

„საქართველოს ეროვნული ბანკის შესახებ“ საქართველოს ორგანული კანონის მე-9 მუხლის „ვ“ ქვეპუნქტის, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე და საქართველოს ეროვნული ბანკის მიერ ფულად-საკრედიტო და სავალუტო პოლიტიკის ხელშეწყობის მიზნით, საქართველოს ეროვნული ბანკის საბჭო ადგენს:

მუხლი 1

„საქართველოს ეროვნული ბანკის ფინანსური გირაოს მართვის დებულების დამტკიცების შესახებ“ საქართველოს ეროვნული ბანკის საბჭოს 2018 წლის 4 აპრილის №3 დადგენილებით (www.matsne.gov.ge; 04/04/2018; ს/კ: 220010070.11.004.016052) დამტკიცებულ დებულებაში შეტანილ იქნეს შემდეგი ცვლილებები:

1. მე-4 მუხლის:

ა) მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹)სესხი უნდა შეესაბამებოდეს ფიზიკურ პირებზე სესხის გაცემის შესახებ ეროვნული ბანკის ნორმატიული აქტით განსაზღვრულ მოთხოვნებს.“;

ბ) მე-4 და მე-5 პუნქტები ჩამოყალიბდეს შემდეგი რედაქციით:

„4. სასესხო აქტივების დაგირავების მომენტში, კომერციული ბანკის სასარგებლოდ პირველი რიგის იპოთეკით დატვირთული უნდა იყოს უძრავი ქონება (ქონებები) და სესხის უზრუნველყოფის კოეფიციენტის მაქსიმალური მაჩვენებელი არ უნდა აღემატებოდეს 85%-ს.

5. მსესხებლისა და თანამსესხებლის (იმ შემთხვევაში, თუ სესხის გაცემის მომენტში გათვალისწინებულია თანამსესხებლის შემოსავლები) სესხის მომსახურების კოეფიციენტი არ უნდა აღემატებოდეს დანართი 1-ით განსაზღვრულ კოეფიციენტებს. ამასთან, სესხის მომსახურების კოეფიციენტის დათვლისას „ყოველთვიური გადასახდელები“ და „ყოველთვიური წმინდა შემოსავლები“ უნდა შეესაბამებოდეს ფიზიკური პირებზე სესხის გაცემის შესახებ ეროვნული ბანკის ნორმატიული აქტით განსაზღვრულ მოთხოვნებს.“.

2. მე-5 მუხლის:

ა) მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

ა) საქართველოს ფასიანი ქაღალდების ანგარიშსწორების სისტემაში – ეროვნული ბანკის, საქართველოს მთავრობის, საერთაშორისო საფინანსო ინსტიტუტების და კორპორატიული ბონდები ამავე სისტემის წესების შესაბამისად.“;

ბ) მე-2 პუნქტის „ბ“ ქვეპუნქტი ამოღებულ იქნეს;

3. მე-11 მუხლი ჩამოყალიბდეს შემდეგი რედაქციით:

„მუხლი 11. გარდამავალი დებულებანი

2018 წლის 4 აპრილის მდგომარეობით ეროვნული ბანკის სასარგებლოდ დაგირავებულ სასესხო აქტივებზე 2019 წლის 12 დეკემბრამდე არ ვრცელდება ამ დებულების მე-4 მუხლის მე-4-მე-6 პუნქტებით განსაზღვრული მოთხოვნები.“.

4. დანართი №1 ჩამოყალიბდეს თანდართული დანართის შესაბამისად.

მუხლი 2

ეს დადგენილება ამოქმედდეს გამოქვეყნებისთანავე

ეროვნული ბანკის საბჭოს თავმჯდომარე კობა გვენეტაძე

ყოველთვიური წმინდა შემოსავლების მოცულობა ლარში	სესხის მომსახურების კოეფიციენტი – მაქსიმალური მაჩვენებელი არა ჰეჯირებული მსესხებლებისათვის	სესხის მომსახურების კოეფიციენტი – მაქსიმალური მაჩვენებელი ჰეჯირებული მსესხებლებისათვის
<=1,000	20%	20%
1,000-3,000	20%	25%
3,000-5,000	20%	30%
5,000-7,000	25%	40%
7,000-10,000	30%	50%
თუ მსესხებლის/თანამსესხებლის ყოველთვიური წმინდა შემოსავლები აღემატება 10,000 ლარს, სესხის მომსახურების კოეფიციენტი შესაძლებელია განისაზღვროს სესხის გამცემი ორგანიზაციის შიდა პოლიტიკა-პროცედურების შესაბამისად, თუმცა ამან არ უნდა გამოიწვიოს მსესხებლის/თანამსესხებლის ჭარბვალიანობა.