საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ

1. კოდექსს დაემატოს შემდეგი შინაარსის 156¹ მუხლი:

„მუხლი 156¹. პიროტექნიკური ნაკეთობის არასრულწლოვნისთვის მიყიდვა

1. პიროტექნიკური ნაკეთობის არასრულწლოვნისთვის მიყიდვა −

გამოიწვევს ფიზიკური პირის დაჯარიმებას 100 ლარის ოდენობით, ხოლო იურიდიული პირისა − 200 ლარის ოდენობით.

2. ამ მუხლის პირველი ნაწილით გათვალისწინებული ქმედება, ჩადენილი განმეორებით, ადმინისტრაციული სახდელის დადებიდან 1 წლის განმავლობაში, −

გამოიწვევს ფიზიკური პირის დაჯარიმებას 200 ლარის ოდენობით, ხოლო იურიდიული პირისა − 400 ლარის ოდენობით.

შენიშვნა: ამ მუხლის მიზნებისათვის პიროტექნიკურ ნაკეთობაში იგულისხმება პიროტექნიკური შემადგენლობის ნაკეთობა, რომლის თავისუფალი გაყიდვა ნებადართულია და რომელიც განკუთვნილია სპეციალური სამუშაოების მიმდინარეობის, აგრეთვე მასობრივი, სადღესასწაულო (საზეიმო) ღონისძიებების ჩატარების დროს სინათლის, ხმის, კვამლის და კომბინირებული (მათ შორის, სასცენო) ეფექტების შესაქმნელად.“.

2. 209³ მუხლის:

ა) პირველი ნაწილი ჩამოყალიბდეს შემდეგი რედაქციით:

„1. ამ კოდექსის 55^​5, 77^​1 და 77^​2 მუხლებით, 82^​5 მუხლით (პლასტიკის და ბიოდეგრადირებადი პარკების რეალიზაციის ნაწილში), 103-ე და 107²−107⁴ მუხლებით, 114^​2 მუხლის მე-6 ნაწილით, 125-ე მუხლის მე-8 ნაწილით, 125²−125^​4 მუხლებით, 130-ე მუხლის მე-4 ნაწილის „ა“ ქვეპუნქტით, 135-ე−135⁴ და 146^​1 მუხლებით, 148-ე მუხლის მე-3 და მე-4 ნაწილებით, 150-ე−150³ მუხლებით, 151-ე მუხლის მე-3 ნაწილით, 151^​1, 151² და 152³ მუხლებით, 153⁶ მუხლის პირველი, მე-3 და მე-4 ნაწილებით და 153^​9, 156¹, 158^​3 და 158⁴ მუხლებით გათვალისწინებულ ადმინისტრაციულ სამართალდარღვევათა საქმეებს განიხილავს მუნიციპალიტეტის აღმასრულებელი ორგანოს შესაბამისი სამსახური ან მის მიერ უფლებამოსილი პირი.“; 

ბ) 2¹ და მე-3 ნაწილები ჩამოყალიბდეს შემდეგი რედაქციით:

„2¹.  ამ კოდექსის 82^​5 მუხლით (პლასტიკის და ბიოდეგრადირებადი პარკების რეალიზაციის ნაწილში), 119^​1 მუხლით, 153^​6 მუხლის პირველი, მე-3 და მე-4 ნაწილებით და 156¹ მუხლით გათვალისწინებულ ადმინისტრაციულ სამართალდარღვევათა ჩადენისას, თუ შესაბამისი სამართალდარღვევა არ საჭიროებს ადმინისტრაციულ გამოკვლევას, მუნიციპალიტეტის აღმასრულებელი ორგანოს შესაბამისი სამსახური ან მის მიერ უფლებამოსილი პირი ადგილზე განიხილავს ადმინისტრაციული სამართალდარღვევის საქმეს და სამართალდამრღვევს ადგილზევე შეუფარდებს ადმინისტრაციულ სახდელს (ჯარიმას).

3. ამ კოდექსის 55^​5, 77^​1, 77^​2 და 103-ე მუხლებით, 130-ე მუხლის მე-4 ნაწილის „ა“ ქვეპუნქტით, 135-ე−135^​4 მუხლებით, 148-ე მუხლის მე-3 და მე-4 ნაწილებით, 150^​2 და 150³ მუხლებით, 151-ე მუხლის მე-3 ნაწილით და 151^​1, 151^​2, 152^​3, 153^​9, 156¹, 158^​3 და 158^​4 მუხლებით გათვალისწინებულ ადმინისტრაციულ სამართალდარღვევათა ჩადენისას მუნიციპალიტეტის აღმასრულებელი ორგანოს შესაბამისი სამსახური ან მის მიერ უფლებამოსილი პირი, თუ სამართალდამრღვევის იდენტიფიცირებისათვის ან სხვა ფაქტობრივი გარემოებების დადგენისათვის ადმინისტრაციული წარმოება საჭირო არ არის, ადგილზე განიხილავს ადმინისტრაციული სამართალდარღვევის საქმეს და სამართალდამრღვევს ადგილზევე შეუფარდებს ადმინისტრაციულ სახდელს (ჯარიმას).“.

3. 239-ე მუხლის 27-ე ნაწილი ჩამოყალიბდეს შემდეგი რედაქციით:

„27. ამ კოდექსის 55^​5, 77^​1, 77^​2, 107^​2 და 107^​3 მუხლებით, 125-ე მუხლის მე-8 ნაწილით, 125^​2−125^​4 მუხლებით, 130-ე მუხლის მე-4 ნაწილის „ა“ ქვეპუნქტით, 135-ე−135^​4, 146^​1, 150^​1−150^​3, 151^​1, 152^​2 და 152^​3 მუხლებით, 153⁶ მუხლის პირველი, მე-3 და მე-4 ნაწილებით და 153^​9, 156¹, 158³ და 158⁴ მუხლებით გათვალისწინებულ ადმინისტრაციულ სამართალდარღვევათა ოქმებს ადგენს მუნიციპალიტეტის აღმასრულებელი ორგანოს შესაბამისი სამსახური ან მის მიერ უფლებამოსილი პირი.“.

მუხლი 2. ეს კანონი ამოქმედდეს გამოქვეყნებისთანავე.