„რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვის და შეფასების წესისა და იმ სამედიცინო დაწესებულებების ან/და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2009 წლის 8 აპრილის №135/ნ ბრძანებაში ცვლილების შეტანის შესახებ

„7. სპეციალობის მაძიებელთა შერჩევის კრიტერიუმებს განსაზღვრავს პროგრამის განმახორციელებელი აკრედიტებული სამედიცინო დაწესებულება/ სასწავლებელი პროგრამაში აკრედიტაციით განსაზღვრულ რეზიდენტთა/მაძიებელთა რაოდენობის შესაბამისი ლიმიტის (კვოტის) მიხედვით. შერჩევის კრიტერიუმებს შორის გათვალისწინებული უნდა იქნეს ერთიანი დიპლომისშემდგომი საკვალიფიკაციო გამოცდის შედეგი (ქულა). სპეციალობის მაძიებელს, რომელიც აკმაყოფილებს შერჩევის კრიტერიუმებს, დაწესებულება/სასწავლებელი უფორმებს შესაბამის ხელშეკრულებას.“.

„6. კონკრეტული დიპლომისშემდგომი  განათლების (პროფესიული მზადების)/სარეზიდენტო პროგრამის ფარგლებში აკრედიტებულ დაწესებულებას/სასწავლებელს უფლება აქვს, განახორციელოს დამოუკიდებელი საექიმო საქმიანობის სუბიექტის მზადება შესაბამისი საექიმო სპეციალობის მომიჯნავე სპეციალობებისათვის დადგენილი დიპლომისშემდგომი განათლების (პროფესიული მზადების) კურსის ფარგლებში მინიჭებული კვოტის ზემოთ (გარდა იმ შემთხვევებისა, როცა დაწესებულებას/სასწავლებელს მოპოვებული აქვს აკრედიტაცია მომიჯნავე სპეციალობებში სერტიფიცირებული ექიმების გადამზადების მიზნით საექიმო სპეციალობებში: „გადაუდებელი მედიცინა“, „ბავშვთა გადაუდებელი მედიცინა“, „საოჯახო მედიცინა“). ამასთან, ზემოხსებული ადგილების რაოდენობა განისაზღვროს შემდეგი წესის გათვალისწინებით:

ა) საექიმო სპეციალობაში პრაქტიკული მუშაობის 5 წლამდე სტაჟის მქონე დამოუკიდებელი საექიმო საქმიანობის სუბიექტის შემთხვევაში:

ა.ა) აკრედიტაციით მინიჭებული ლიმიტის (კვოტის) რაოდენობა 1-2  (2-ის ჩათვლით) – არაუმეტეს აკრედიტაციით მინიჭებული ადგილების 100%-ისა;

ა.ბ) აკრედიტაციით მინიჭებული ლიმიტის (კვოტის) რაოდენობა 2 - 10 (3-დან 10-მდე) – არაუმეტეს აკრედიტაციით მინიჭებული ადგილების 50 %-ისა¹;

ა.გ) აკრედიტაციით მინიჭებული ლიმიტის (კვოტის) რაოდენობა 10 და მეტი – არაუმეტეს აკრედიტაციით მინიჭებული ადგილების 25 %-ისა¹.

ბ) საექიმო სპეციალობაში პრაქტიკული მუშაობის სულ მცირე 5 წლის სტაჟის (საექიმო სპეციალობებში – „გადაუდებელი მედიცინა“, „ბავშვთა გადაუდებელი მედიცინა“ გადამზადების შემთხვევაში – პრაქტიკული მუშაობის სულ მცირე 3 წლის სტაჟი) მქონე დამოუკიდებელი საექიმო საქმიანობის სუბიექტის შემთხვევაში:

ბ.ა) აკრედიტაციით მინიჭებული ლიმიტის (კვოტის) რაოდენობა 1-5  (5-ის ჩათვლით) – კონკრეტულ მოდულზე პასუხისმგებელი პირების რაოდენობის მიხედვით, მაგრამ არაუმეტეს აკრედიტაციით მინიჭებული ადგილების 100%-ისა;

ბ.ბ) აკრედიტაციით მინიჭებული ლიმიტის (კვოტის) რაოდენობა 5 - 10 (10-ის ჩათვლით) – კონკრეტულ მოდულზე პასუხისმგებელი პირების რაოდენობის მიხედვით, მაგრამ არაუმეტეს აკრედიტაციით მინიჭებული ადგილების 75%-ისა[1] ;

ბ.გ) აკრედიტაციით მინიჭებული ლიმიტის (კვოტის) რაოდენობა 10-20 (20-ის ჩათვლით) – კონკრეტულ მოდულზე პასუხისმგებელი პირების რაოდენობის მიხედვით, მაგრამ არაუმეტეს აკრედიტაციით მინიჭებული ადგილების 50%-ისა¹;

ბ.დ) აკრედიტაციით მინიჭებული ლიმიტის (კვოტის) რაოდენობა 20-ზე მეტი – კონკრეტულ მოდულზე პასუხისმგებელი პირების რაოდენობის მიხედვით, მაგრამ არაუმეტეს აკრედიტაციით მინიჭებული ადგილების 25%-ისა¹.“.

„6. ქირურგიული პროფილის მოდულზე პასუხისმგებელ პირზე არაუმეტეს 4 რეზიდენტის/მაძიებლისა; თერაპიული პროფილის მოდულზე პასუხისმგებელ პირზე არაუმეტეს 6 რეზიდენტის/მაძიებლისა; ანესთეზიოლოგია და რეანიმატოლოგიის მოდულზე პასუხისმგებელ პირზე არაუმეტეს 2 რეზიდენტის/მაძიებლისა; ბავშვთა ანესთეზიოლოგიის მოდულზე პასუხისმგებელ პირზე არაუმეტეს 2 რეზიდენტის/მაძიებლისა; ბავშვთა რეანიმატოლოგიის მოდულზე პასუხისმგებელ პირზე არაუმეტეს 3 რეზიდენტის/მაძიებლისა; რადიოლოგიური პროფილის მოდულზე პასუხისმგებელ პირზე არაუმეტეს 5 რეზიდენტის/მაძიებლისა; სტომატოლოგიური პროფილის მოდულზე პასუხისმგებელ პირზე არაუმეტეს 6 რეზიდენტის/მაძიებლისა; სამედიცინო გენეტიკის პროფილის მოდულზე პასუხისმგებელ პირზე არაუმეტეს 5 რეზიდენტის/მაძიებლისა; გადაუდებელი მედიცინის პროფილის მოდულზე პასუხისმგებელ პირზე არაუმეტეს 4 რეზიდენტისა /მაძიებლისა, ბირთვული მედიცინის პროფილის მოდულზე პასუხისმგებელ პირზე არაუმეტეს 2 რეზიდენტისა /მაძიებლისა.“;

„21. აკრედიტაციის სპეციფიკური კრიტერიუმები საექიმო სპეციალობისათვის – ბირთვული მედიცინა“:

ა) „ბირთვული მედიცინის“ სარეზიდენტო პროგრამის შესაბამისი მოდულ(ებ)ის განხორციელების მიზნით აკრედიტაციის მაძიებელ სამედიცინო დაწესებულებას/სასწავლებელს (სასწავლებლის აფილირებული დაწესებულებას)  უნდა გააჩნდეს  ბირთვული თერაპიისთვის აუცილებელი ბოქსირებული იზოლირებული პალატა;

ბ) „ბირთვული მედიცინის“ სარეზიდენტო პროგრამის/მოდულ(ებ)ის განხორციელების მიზნით აკრედიტაციის მაძიებელი სამედიცინო დაწესებულების/სასწავლებლის (აფილირებული დაწესებულებების ჩათვლით)  მინიმალური დატვირთვა ერთ რეზიდენტზე გადაანგარიშებით უნდა იყოს:

გ) გატარებული პაციენტების რაოდენობა 1 რეზიდენტზე/მაძიებელზე გაანგარიშებით უნდა შეადგენდეს საშუალოდ 150 პაციენტს (როგორც დიაგნოსტიკა, ასევე, ბირთვული თერაპია) წელიწადში;

დ) სტაციონარული სამედიცინო დაწესებულების საწოლის საშუალო დატვირთვის მაჩვენებლები წელიწადში (შესაბამისი პროფილის ფარგლებში, საწოლდღეებში) უნდა შეადგენდეს - ბირთვული მედიცინის პროფილი – 80.“.