„მცხეთის მუნიციპალიტეტის მერიის ზედამხედველობის სამსახურის დებულების დამტკიცების შესახებ“ მცხეთის მუნიციპალიტეტის საკრებულოს 2018 წლის 2 თებერვლის #11 დადგენილებაში ცვლილების შეტანის თაობაზე

ა) მე-2 მუხლის მე-2 პუნქტს დაემატოს შემდეგი შინაარსის „გ“ ქვეპუნქტი“:

„გ) საზედამხედველო მასალების დოკუმენტაციაზე მონიტორინგის განყოფილება“;

ბ) დებულების მე-6 მუხლის „ზ“ პუნქტი ჩამოყალიბდეს ახალი რედაქციით:

„ზ) მუნიციპალიტეტის ტერიტორიაზე ინფრასტრუქტურული პროექტების მშენებლობის მიმდინარეობაზე სრულ მონიტორინგსა და ზედამხედველობას“;

გ) დებულების მე-6 მუხლის „ნ“ პუნქტი ჩამოყალიბდეს ახალი რედაქციით:

„ნ) ფარული სამუშაოების შესრულებაზე დაკვირვებასა და შესაბამისი აქტის დამოწმებას“;

დ) დებულების მე-6 მუხლის „ჟ“ პუნქტი ამოღებულ იქნეს;

ე) დებულებას დაემატოს  შემდეგი შინაარსის 7¹ მუხლი:

„მუხლი 7¹. საზედამხედველო მასალების დოკუმენტაციაზე მონიტორინგის  განყოფილების ფუნქციები

1. განყოფილება უზრუნველყოფს:

ა)ინფრასტრუქტურულ პროექტებთან დაკავშირებით წარმოდგენილი დოკუმენტაციის, მათ შორის: საექსპერტო დასკვნების, ფორმა №2-ების, პროექტების და სხვა დოკუმენტაციის შეფასება/შესწავლას, ანალიზს, შესაბამისი დასკვნების/რეკომენდაციიების მომზადებას და სამსახურის უფროსისთვის, აგრეთვე მერიის სხვადასხვა სტრუქტურული ერთეულებისთვის წარდგენას;

ბ) კომპეტენციის შესაბამისად, შემოსული კორესპონდენციის/წერილების განხილვას და პასუხების მომზადებას; საჭიროების შემთხვევაში, მერის ბრძანების პროექტების მომზადებას;

გ) მიმდინარე ინფრასტრუქტურული პროექტების აღრიცხვას;

დ) კანონმდებლობის შესაბამისად, მუნიციპალიტეტის სამართლებრივი აქტებით განსაზღვრული სხვა ფუნქციების, ასევე სამსახურის უფროსის დავალებების შესრულებას“.