„საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში ცვლილების შეტანის თაობაზე
დოკუმენტის ნომერი	671
დოკუმენტის მიმღები	საქართველოს მთავრობა
მიღების თარიღი	31/12/2019
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 31/12/2019
სარეგისტრაციო კოდი	040030000.10.003.021692

PDF გადმოწერა

„საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში (www.matsne.gov.ge, 20/08/2014, 040030000.10.003.018122) შეტანილ იქნეს ცვლილება და:

1. დადგენილების პირველ მუხლს დაემატოს შემდეგი შინაარსის „ჟ“ ქვეპუნქტი:

„ჟ) თევზჭერის სერტიფიკატის დამოწმებისა და თევზსაჭერი/თევზჭერასთან დაკავშირებული გემის ავტორიზაციის ტარიფები (დანართი №16).“.

2. დადგენილებას დაემატოს შემდეგი შინაარსის დანართი №16:

„დანართი №16

თევზჭერის სერტიფიკატის დამოწმებისა და თევზსაჭერი/თევზჭერასთან დაკავშირებული გემის ავტორიზაციის ტარიფები

1. თევზჭერის სერტიფიკატის დამოწმება – 200 ლარი.

2. უცხო ქვეყნის ტერიტორიულ ზღვასა და განსაკუთრებულ ეკონომიკურ ზონაში, ასევე ღია ზღვაში თევზჭერისათვის საქართველოს დროშის ქვეშ მცურავი თევზსაჭერი/თევზჭერასთან დაკავშირებული გემების ავტორიზაცია – 80 აშშ დოლარის ეკვივალენტს ლარში დამატებული:

გემის საერთო ტევადობა	საფასური საერთო ტევადობის 1 ერთეულზე (GRT-ბრუტო (მოცულობითი) რეგისტრული ტონა)
<=500 (GRT)	1.7 აშშ დოლარის ეკვივალენტი ლარში
501–5000 (GRT)	0.38 აშშ დოლარის ეკვივალენტი ლარში
5001–10000 (GRT)	0.22 აშშ დოლარის ეკვივალენტი ლარში
10001–50000 (GRT)	0.13 აშშ დოლარის ეკვივალენტი ლარში
>=50000 (GRT)	0.07 აშშ დოლარის ეკვივალენტი ლარში

3. თევზსაჭერი/თევზჭერასთან დაკავშირებული გემის მიერ სახელმწიფო დროშის შეცვლის შემთხვევაში, ავტორიზაციის საფასური განისაზღვრება ამ დანართის მე-2 პუნქტით განსაზღვრული საფასურის 50%-ის ოდენობით.

4. უცხო ქვეყნის დროშის ქვეშ მცურავი თევზსაჭერი/თევზჭერასთან დაკავშირებული გემების ავტორიზაცია საქართველოს ნავსადგურში შემოსვლისთვის – 200 აშშ დოლარის ეკვივალენტი ლარში.“.

მუხლი 2

1. ეს დადგენილება, გარდა ამ დადგენილების პირველი მუხლის მე-2 პუნქტით გათვალისწინებული მე-16 დანართის მე-2 – მე-4 პუნქტებისა, ამოქმედდეს გამოქვეყნებისთანავე.

2. ამ დადგენილების პირველი მუხლის მე-2 პუნქტით გათვალისწინებული მე-16 დანართის მე-2 – მე-4 პუნქტები ამოქმედდეს 2020 წლის პირველი მაისიდან.

პრემიერ - მინისტრი გიორგი გახარია