„დუშეთის მუნიციპალიტეტში რეგისტრირებული მოქალაქეების სოციალური დახმარებისა და ჯანდაცვის 2020 წლის პროგრამის დამტკიცების შესახებ“ დუშეთის მუნიციპალიტეტის საკრებულოს 2020 წლის 17 იანვრის N1 დადგენილებაში ცვლილების შეტანის თაობაზე

„ადგილობრივი თვითმმართველობის კოდექსი“ საქართველოს ორგანული კანონის  61-ე მუხლის პირველი, მე-2 პუნქტების, „ნორმატიული აქტების შესახებ“ საქართველოს ორგანული კანონის მე-20 მუხლის მე-4  პუნქტის  და „საქართველოს ზოგადი ადმინისტრაციული კოდექსი“ საქართველოს კანონის 63-ე მუხლის შესაბამისად, დუშეთის მუნიციპალიტეტის საკრებულო ადგენს:

შეტანილი იქნეს ცვლილება „დუშეთის მუნიციპალიტეტში რეგისტრირებული მოქალაქეების სოციალური დახმარებისა და ჯანდაცვის 2020 წლის პროგრამის დამტკიცების შესახებ“ დუშეთის მუნიციპალიტეტის საკრებულოს 2020 წლის 17 იანვრის №1 დადგენილებაში (matsne.gov.ge ,20/01/2020, ს/კ 010250050, 35.152.016388). კერძოდ, დადგენილების დანართის სახით დამტკიცებული, „დუშეთის მუნიციპალიტეტში   რეგისტრირებული  მოქალაქეების  სოციალური დახმარებისა და ჯანდაცვის  2020 წლის პროგრამის“ მე-4 მუხლი შეიცვალოს და ჩამოყალიბდეს შემდეგი რედაქციით:

„მუხლი 4. დახმარების   გაცემის  პერიოდულობა  

1. მოქალაქეებს დახმარება  გაეწევათ თითოეული პროგრამის ფარგლებში წელიწადში ერთხელ.

2. ქვეყანაში საგანგებო მდგომარეობის მოქმედების პერიოდში ამ წესის მე-12 მუხლით გათვალისწინებული „ერთჯერადი სოციალური დახმარება“ შესაძლებელია გაიცეს ერთზე მეტად, მაგრამ არაუმეტეს სამისა.“.

დადგენილება ძალაშია გამოქვეყნებისთანავე.