„საჯარო სამართლის იურიდიული პირის – დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2019 წლის 31 დეკემბრის №485 ბრძანებაში ცვლილების შეტანის თაობაზე

1. მე-4 მუხლს დაემატოს შემდეგი შინაარსის „ვ¹“ ქვეპუნქტი:

„ვ¹) უზრუნველყოს „სოციალური მუშაობის შესახებ“ საქართველოს კანონით განსაზღვრული ვალდებულებების შესრულება, მათ შორის, ბენეფიციართათვის გადაუდებელ შემთხვევებზე 24-საათიანი რეაგირება;“.

2. მე-5 მუხლის მე-2 პუნქტის „ო“ ქვეპუნქტი ჩამოყალიბდეს შემდეგი რედაქციით:

„ო) ამტკიცებს სისხლის სამართლის მედიატორთა რეესტრის წარმოებისა და მედიატორთა რეესტრში ჩარიცხვის წესს, შრომითი ხელშეკრულებით მედიატორად დასაქმების წესს და მედიატორთა საკვალიფიკაციო მოთხოვნებს, აგრეთვე, სისხლის სამართლის მედიატორთა საქმიანობის წესს და სამუშაო დოკუმენტაციის ფორმებს;“.