„უწყებრივი მედლისა და სამკერდე ნიშნის ნიმუშების და მათი გაცემის წესის დამტკიცების შესახებ“ საქართველოს თავდაცვის მინისტრის 2018 წლის 29 ივნისის №60 ბრძანებაში ცვლილების შეტანის თაობაზე

„ნიმუში 17. საიუბილეო მედალი „დიდგორი-900“

  ავერსი                               რევერსი

                        თამასა

1. საიუბილეო მედლით „დიდგორი-900“ დიდგორის ბრძოლის 900 წლის იუბილეს აღსანიშნავად ჯილდოვდებიან საქართველოსა და უცხო ქვეყნების მოქალაქეები, საქართველოს სამხედრო აღმშენებლობის საქმეში შეტანილი განსაკუთრებული დამსახურებისთვის.

2. მასალა – ლითონი ოქროს შეფერილობით.

3. მედლის ზოგადი აღწერილობა:

ა) ავერსი – ლითონის, მრგვალ, ოქროცურვილ ველზე, გამოსახულია რიცხვი „900“, რომლის ქვემოთ განთავსებულია წარწერა მხატვრული შრიფტით – „დიდგორი“. ველის ზედა ნაწილში ოქროცურვილ ველზე, შუაში ვერტიკალურ წარმოსახვით ხაზზე განთავსებულია ოქროს ფარაკი გადაჯვარედინებული ხმლისა და შურდულის რელიეფური გამოსახულებით. კომპოზიციის გარშემო ამოტვიფრულია წარწერა – ზედა ნახევარში – „საქართველო“, ქვემოთ – „ძლევაი საკვირველი“. წარწერები გამიჯნულია ოქროს შვიდქიმიანი ვარსკვლავებით;

ბ) რევერსი – ლითონის, მრგვალ, ოქროცურვილ ველზე, შუაში განთავსებულია სახელმწიფო გერბის ჩატვიფრული გამოსახულება, რომლის მარცხენა მხარეს ჩატვიფრულია რიცხვი „1121“, ხოლო მარჯვნივ – „2021“. ველის ქვედა ნაწილში გრავირდება მედლის გაცემის რიგითობის აღმნიშვნელი ნომერი – 0000;

გ) ბაფთა არის მუქი მეწამული-წითელი, ე.წ. „ქართული წითელი“ ფერი და გაყოფილია ვერტიკალური 9 თანაბარი ოქროსფერი ზოლით;

დ) მედლის ზომები: მედლის დიამეტრი – 34 მმ; მედლის სისქე – 3,5 მმ; ბაფთის სიმაღლე – 45 მმ; ბაფთის სიგანე – 32 მმ.

4. საიუბილეო მედლით „დიდგორი-900“ საქართველოსა და უცხო ქვეყნების მოქალაქეებს საქართველოს თავდაცვის მინისტრის წარდგინებით აჯილდოებს საქართველოს პრემიერ-მინისტრი.“.