„საქართველოს ეროვნულ ბანკში დასაქმებისთვის კონკურსის ჩატარების წესისა და პირობების, საკონკურსო კომისიის შექმნისა და საქმიანობის წესის დამტკიცების თაობაზე“ საქართველოს ეროვნული ბანკის პრეზიდენტის 2019 წლის 20 ივნისის N103/04 ბრძანებაში ცვლილების შეტანის შესახებ

1. მე-5 მუხლის მე-5 პუნქტი ჩამოყალიბდეს შემდეგი რედაქციით:

„5. იმ შემთხვევაში, თუ ამ მუხლის მე-4 პუნქტის შესაბამისად დახურული კონკურსის ფარგლებში  ვერ შეირჩა კანდიდატი, შესაძლებელია გამოცხადდეს ღია კონკურსი.“.

2. მე-6 მუხლის:

ა) პირველი პუნქტის პირველი აბზაცი ჩამოყალიბდეს შემდეგი რედაქციით:

„1. ღია და დახურული კონკურსის გამოცხადების შესახებ შეტყობინება უნდა შეიცავდეს აუცილებლად წარსადგენი დოკუმენტების ჩამონათვალს და შესაძლებელია მოიცავდეს შემდეგ მონაცემებს:“;

ბ) მე-3 პუნქტის პირველი აბზაცი ჩამოყალიბდეს შემდეგი რედაქციით:

„3. გამარტივებული კონკურსის გამოცხადების შესახებ შეტყობინება შესაძლებელია მოიცავდეს შემდეგ მონაცემებს:“.

3. მე-12 მუხლის მე-3 პუნქტი ჩამოყალიბდეს შემდეგი რედაქციით:

„3. კონკურსის მომდევნო ეტაპამდე 2 სამუშაო დღით ადრე, ადამიანური რესურსების მართვისა და განვითარების განყოფილება ვალდებულია აცნობოს კანდიდატს მის მიერ წარდგენილი განაცხადის ამ მუხლის პირველი პუნქტით განსაზღვრულ მოთხოვნებთან შესაბამისობისა და მომდევნო ეტაპის შესახებ ინფორმაცია.“.

4. მე-13 მუხლის მე-4 პუნქტი ჩამოყალიბდეს შემდეგი რედაქციით:

„4. საკონკურსო კომისიის მიერ  შერჩეული კანდიდატის შეფასების საბოლოო შედეგი აისახება საკონკურსო კომისიის სხდომის ოქმში.“.

5. მე-15 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. კონკურსის შედეგების მიხედვით, საკონკურსო კომისია ეროვნული ბანკის პრეზიდენტს წარუდგენს შერჩეულ კანდიდატს.

2. კანდიდატი პროფესიული საჯარო მოხელის ვაკანტურ თანამდებობაზე ინიშნება  პრეზიდენტის ბრძანებით, საკონკურსო კომისიის მიერ გადაწყვეტილების მიღების შემდეგ, კანდიდატსა და საკონკურსო კომისიას შორის შეთანხმებული მუშაობის დაწყების ვადის (თარიღის) გათვალისწინებით.“.

6. მე-16 მუხლს დაემატოს შემდეგი შინაარსის „გ“ ქვეპუნქტი:

„გ) საკონკურსო კომისიის მიერ შერჩეულმა კანდიდატმა უარი თქვა გამოცხადებული პოზიციის დაკავებაზე.“.

7. მე-17 მუხლის მე-2 პუნქტი ჩამოყალიბდეს შემდეგი რედაქციით:

„2. ეროვნული ბანკის პრეზიდენტი ნიშნავს საკონკურსო კომისიის თავმჯდომარეს.  ეროვნული ბანკის პრეზიდენტი არ შეიძლება იყოს საკონკურსო კომისიის თავჯდომარე.“.

8. მე-18 მუხლის:

ა) მე-3 და მე-4 პუნქტები ჩამოყალიბდეს შემდეგი რედაქციით:

„3. კანდიდატის შეფასების თაობაზე საკონკურსო კომისია გადაწყვეტილებას იღებს კენჭისყრის საფუძველზე. გადაწყვეტილება მიღებულად ითვლება, თუ მას მხარს დაუჭერს სხდომაზე დამსწრე წევრთა ნახევარზე მეტი. ხმების თანაბრად გაყოფის შემთხვევაში, გადამწყვეტად ითვლება სხდომის თავმჯდომარის ხმა.    

4. კომისია ასევე უფლებამოსილია, გადაწყვეტილება მიიღოს ქულათა სისტემის საფუძველზე (დანართი №1 და დანართი  №2).“.

ბ) მე-4 პუნქტის შემდგომ დაემატოს შემდეგი შინაარსის 4¹ პუნქტი:

„4¹. გარდა კანონმდებლობით განსაზღვრული ძირითადი და დამატებითი საკვალიფიკაციო მოთხოვნებისა, საკონკურსო კომისია უფლებამოსილია თითოეული პოზიციისთვის განსაზღვროს სპეციალური საკვალიფიკაციო მოთხოვნები.“;

გ) მე-8 პუნქტი ჩამოყალიბდეს შემდეგი რედაქციით:

„8. საკონკურსო კომისიის მიერ კანდიდატის შეფასების საბოლოო, დასაბუთებული შედეგი აისახება სხდომის ოქმში, რომელსაც ხელს აწერენ საკონკურსო კომისიის  სხდომის თავმჯდომარე და დამსწრე წევრები. საკონკურსო კომისიის წევრს უფლება აქვს თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი.

9. დანართი №1 ჩამოყალიბდეს თანდართული დანართი №1-ის შესაბამისად;

10. დანართ №1-ის შემდეგ დაემატოს დანართი №2 თანდართული დანართი №2-ის შესაბამისად.

დანართი № 1

კანდიდატის შეფასების ფურცელი

კანდიდატის სახელი:

თარიღი:
ვაკანტური პოზიცია:

შემფასებელი:

  მონიშნეთ შესაბამისი ციფრი (1- დამაკმაყოფილებელი, 2- კარგი, 3- ძალიან კარგი)

სასურველი ხელფასი:

ქულების ჯამი: _________

ხელმოწერა:

დანართი № 2

კანდიდატის შეფასების ფურცელი მენეჯერული პოზიციებისთვის

კანდიდატის სახელი:

თარიღი:
ვაკანტური პოზიცია:

შემფასებელი:

მონიშნეთ შესაბამისი ციფრი (1- დამაკმაყოფილებელი, 2- კარგი, 3- ძალიან კარგი)

ქულების ჯამი: _________

ხელმოწერა: