,,აჭარის ავტონომიური რესპუბლიკის განათლების, კულტურისა და სპორტის სამინისტროს საქვეუწყებო დაწესებულების - სპორტის დეპარტამენტის შექმნისა და დებულების დამტკიცების შესახებ“ აჭარის ავტონომიური რესპუბლიკის მთავრობის 2010 წლის 7 დეკემბრის N49 დადგენილებაში ცვლილების შეტანის შესახებ

ა) დებულების მე-4 მუხლი ჩამოყალიბდეს შემდეგი რედაქციით:

„მუხლი 4. დეპარტამენტის სტრუქტურა 

დეპარტამენტის სტრუქტურული ერთეულებია:

ა) მაღალი მიღწევების სპორტის განყოფილება;

ბ) მასობრივი სპორტისა და მუნიციპალიტეტებთან ურთიერთობის განყოფილება;

გ) ადმინისტრაციული, სამართლებრივი უზრუნველყოფისა და სახელმწიფო შესყიდვების განყოფილება.“;

ბ) დებულების მე-7 მუხლის პირველი და მეორე პუნქტები  ჩამოყალიბდეს შემდეგი რედაქციით:

„1. მაღალი მიღწევების სპორტის განყოფილების ფუნქციებია:

ა) სპორტის სფეროში ღონისძიებათა ერთიანი კალენდარული გეგმის პროექტის შემუშავება;

ბ) სპორტულ ღონისძიებათა კალენდარული გეგმის განხორციელების უზრუნველყოფა;

გ) სპორტის სფეროში დაგეგმილი ღონისძიებების სხვა ადმინისტრაციულ ორგანოებთან კოორდინირებულად ჩატარება;

დ) მაღალი მიღწევების სპორტსმენთა ღონისძიებებზე მონაწილეობისათვის ხელშეწყობა;

ე) სპორტულ ფედერაციებთან, კავშირებთან, სპორტულ საზოგადოებებთან, სხვადასხვა სპორტულ ორგანიზაციასთან თანამშრომლობა, მათი საქმიანობის კოორდინაცია და ხელშეწყობა;

ვ) სპორტის სფეროში საპატიო წოდებების მინიჭების თაობაზე წინადადებების შემუშავება;

ზ) სპორტსმენების, მწვრთნელებისა და სპორტის     სხვა მუშაკთა მიერ მიღწეული მნიშვნელოვანი წარმატებებისათვის ჯილდოების დაწესების თაობაზე წინადადებების შემუშავება;

თ) ასაკოვანი ვეტერანი სპორტსმენებისა და სპორტის სხვა მუშაკების ღვაწლის დაფასების მიზნით მათ მიმართ სხვადასხვა სახის მატერიალური წახალისების ფორმების გამოყენების თაობაზე წინადადებების შემუშავება;

ი) სპორტის სფეროს წარმომადგენლების განახლებადი ელექტრონული ბაზის შექმნა;

კ) სკოლისგარეშე სასპორტო-საგანმანათლებლო დაწესებულებების შექმნის, რეორგანიზაციისა და ლიკვიდაციის თაობაზე წინადადებების მომზადება;

ლ) ოლიმპიური მოძრაობის განვითარების ხელშეწყობა;

მ) სპორტსმენთა მომზადების ორგანიზაციული და მეთოდური ხელშეწყობა;

ნ) სპორტის სფეროში დაფინანსების ალტერნატიული წყაროების მოძიება;

ო) საქართველოს კანონმდებლობით, ამ დებულებითა და დეპარტამენტის ხელმძღვანელობის მიერ განსაზღვრული სხვა უფლებამოსილებების განხორციელება.

2. მასობრივი სპორტისა და მუნიციპალიტეტებთან ურთიერთობის განყოფილების  ფუნქციებია:

ა) სპორტის მომსახერებაზე საზოგადოების, მათ შორის, ბავშვებისა და ახალგაზრ­დების, ასევე შეზღუდული შესაძლებლობების მქონე პირების ხელმისაწვდომობის გაზრდა და მასობრივი სპორტის მაქსიმალური ხელშეწყობა;

ბ) მასობრივი სპორტის, ასევე მუნიციპალიტეტებთან ურთიერთობის მიმართუ­ლებით გრძელვადიანი და მოკლევადიანი სამოქმედო გეგმების შემუშავება და განხორციელება;

გ) მასობრივი სპორტის მიმზიდველი სპორტის სახეობების განვითარების  პროგ­რამების შემუშავება და განხორციელება;

დ)კანონმდებლობით გათვალისწინებულ შემთხვევაში აჭარის ავტონომიური რესპუბლიკის ადმინისტრაციულ ტერიტორიაზე მოქმედი სასპორტო დაწესებულებების საქმიანობის კოორდინაცია, სამინისტროს მიერ დაფუძნებული სკოლისგარეშე სასპ­ორტო-საგანმანათლებლო დაწესებულებებისათვის (სპორტული სკოლები) მეთოდური დახმარების გაწევა, სპორტული სკოლების სასწავლო პროცესზე ზედამხედველობა თავისი კომპეტენციის ფარგლებში;

ე) სპორტის სფეროში დაგეგმილი ღონისძიებების სხვა ადმინისტრაციულ ორგანოებთან კოორდინირებულად ჩატარება;

ვ) სპორტულ-გამაჯანსაღებელი მატერიალურ-ტექნიკური ბაზისა და ინფრასტრუქ­ტურის განვითარების ხელშეწყობა;

ზ) სპორტულ-გამაჯანსაღებელი  და   ჯანსაღი   ცხოვრების   წესის   პროპა­განდა,  სპორტული ცხოვრების სტილის პრესტიჟული იმიჯის შექმნა;

თ) საქართველოს კანონმდებლობით, ამ დებულებითა და დეპარტამენტის ხელმძღვანელობის მიერ განსაზღვრული სხვა უფლებამოსილებების განხორციელება.“.