,,საქართველოს იუსტიციის სამინისტროს სისტემისა და მისის სტრუქტურული ერთეულების საჯარო მოხელეთა და მოსამსახურეთა კონკურსისა და ატესტაციის ჩატარების საკონკურსო საატესტაციო კომისიის დებულების დამტკიცების თაობაზე“ საქართველოს იუსტიციის მინისტრის 2000 წლის 19 აპრილის №49 ბრძანებაში ცვლილებების და დამატებების შეტანის შესახებ”

სახელმწიფო სარეგისტრაციო კოდი 010.240.030.11.106.005.796

საქართველოს იუსტიციის მინისტრის

ბრძანება №300

2003 წლის 18 აპრილი

ქ. თბილისი

,,საქართველოს იუსტიციის სამინისტროს სისტემისა და მისი სტრუქტურული ერთეულების  საჯარო მოხელეთა და მოსამსახურეთა  კონკურსისა და ატესტაციის ჩატარების საკონკურსო-საატესაციო კომისიის დებულების დამტკიცების  თაობაზე" საქართვლოს იუსტიციის მინისტრის 2000 წლის 19 აპრილის №49 ბრძანებაში ცვლილებებისა და დამატებების შეტანის შესახებ

 “საჯარო სამსახურის შესახებ” საქართველოს კანონის 33-ე, 82-ე და 83-ე მუხლების მოთხოვნათა შესაბამისად, ვბრძანებ:

,,საქართველოს იუსტიციის სამინისტროს სისტემისა და მისი სტრუქტურული ერთეულების  საჯარო მოხელეთა და მოსამსახურეთა  კონკურსისა და ატესტაციის ჩატარების საკონკურსო-საატესაციო კომისიის დებულებაში” (საქართველოს საკანონმდებლო მაცნე №39 5.05.2000 მუხლი 367) შეტანილ იქნეს შემდეგი ცვლილებები და დამატებები:

მუხლი 1.

1. მე-12 მუხლის პირველი პუნქტი ჩამოყალიბდეს შემდეგი რედაქციით:

 “1. კონკურსი შეიძლება ჩატარდეს ტესტირებული ან/და გასაუბრების ფორმით, რომლის შესახებ გადაწყვეტილებას იღებს მინისტრი”.

2. 21-ე მუხლის მე-4 პუნქტი ჩამოყალიბდეს შემდეგი რედაქციით:           “4. ატესტაცია ტარდება ზეპირი ან/და ტესტირებული ფორმით. ზეპირი ან/და ტესტირებული ატესტაციისათვის თემატიკას მოხელის მიერ დაკავებული თანამდებობის სპეციფიკის გათვალისწინებით განსაზღვრავს იუსტიციის მინისტრი”.

3. 24-ე მუხლი ჩამოყალიბდეს შემდეგი რედაქციით:

 “მუხლი 24. დავები ატესტაციასთან და კონკურსთან დაკავშირებით

1. დავები, რომლებიც წარმოიშობა ატესტაციასთან და კონკურსთან დაკავშირებით, წყდება საქართველოს კანონმდებლობის შესაბამისად.

2.  საქართველოს იუსტიციის მინისტრის ბრძანებით შეიძლება შეიქმნას საპრეტენზიო კომისია, რომლის მუშაობის წესს განსაზღვრავს საქართველოს იუსტიციის მინისტრი”.

მუხლი 2.

ეს ბრძანება ამოქმედდეს გამოქვეყნებისთანავე.

რ. გილიგაშვილი