დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ავტოსატრანსპორტო საშუალებებზე აირბალონიანი მოწყობილობის განთავსების, ტექნიკურ მოთხოვნებთან მისი შესაბამისობის შეფასების და უსაფრთხო ექსპლუატაციის შესახებ ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 15 იანვრის №80 დადგენილებაში ცვლილების შეტანის შესახებ | |
---|---|
დოკუმენტის ნომერი | 458 |
დოკუმენტის მიმღები | საქართველოს მთავრობა |
მიღების თარიღი | 16/09/2022 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 20/09/2022 |
სარეგისტრაციო კოდი | 300160071.10.003.023669 |
|
„ავტოსატრანსპორტო საშუალებებზე აირბალონიანი მოწყობილობის განთავსების, ტექნიკურ მოთხოვნებთან მისი შესაბამისობის შეფასების და უსაფრთხო ექსპლუატაციის შესახებ ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 15 იანვრის №80 დადგენილებაში ცვლილების შეტანის შესახებ
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „ავტოსატრანსპორტო საშუალებებზე აირბალონიანი მოწყობილობის განთავსების, ტექნიკურ მოთხოვნებთან მისი შესაბამისობის შეფასების და უსაფრთხო ექსპლუატაციის შესახებ ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 15 იანვრის №80 დადგენილებაში (www.matsne.gov.ge, 20/01/2014, 300160070.10.003.017699) შეტანილ იქნეს ცვლილება და დადგენილებით დამტკიცებული „ავტოსატრანსპორტო საშუალებებზე აირბალონიანი მოწყობილობის განთავსების, ტექნიკურ მოთხოვნებთან მისი შესაბამისობის შეფასებისა და უსაფრთხო ექსპლუატაციის შესახებ“ ტექნიკური რეგლამენტის მე-19 მუხლის:
1. მე-6 პუნქტის „ბ“ ქვეპუნქტი ჩამოყალიბდეს შემდეგი რედაქციით: „ბ) ჰიდრავლიკური გამოცდა 300 ბარი საგამოცდო წნევით შეკუმშულ ბუნებრივ აირზე მომუშავე ბალონისა და 25 ბარი გათხევადებულ აირზე მომუშავე აირბალონებისთვის. იმ აირბალონის ან/და ავტოსატრანსპორტო საშუალებაზე ქარხნულად განთავსებული აირბალონის საგამოცდო წნევა, რომელზეც წარმოდგენილია აირბალონის ან/და ავტოსატრანსპორტო საშუალების ქარხანა-დამამზადებლის მიერ გაცემული ოფიციალური დოკუმენტი, უნდა შეესაბამებოდეს ქარხანა-დამამზადებლის მიერ გაცემული ოფიციალური დოკუმენტით ასეთი აირბლონისთვის დადგენილ საგამოცდო წნევის ნორმას;“. 2. მე-8 პუნქტი ჩამოყალიბდეს შემდეგი რედაქციით: „8. აირბალონების მასა დგინდება მათი აწონით, ხოლო მოცულობა განისაზღვრება წყლით გავსებული და ცარიელი აირბალონის მასათა სხვაობით. თუ აირბალონის მასა შემცირებულია 7%-ზე მეტად იმასთან შედარებით, რაც აირბალონზეა აღნიშნული ან თუ მოცულობა 2%-ზე მეტადაა გაზრდილი, აირბალონი ითვლება უვარგისად. აირბალონი, რომელზეც წარმოდგენილია აირბალონის ან/და ავტოსატრანსპორტო საშუალების ქარხანა-დამამზადებლის მიერ გაცემული ოფიციალური დოკუმენტი, უვარგისად ითვლება იმ შემთხვევაში, თუ ჰიდრავლიკური გამოცდის შედეგად აირბალონის მოცულობა 2%-ზე მეტადაა გაზრდილი აირბალონის ან/და ავტოსატრანსპორტო საშუალების ქარხანა-დამამზადებლის მიერ გაცემული ოფიციალური დოკუმენტით, ასეთი აირბალონისთვის დადგენილი მოცულობის ზრდის ზღვრულ ნორმაზე.“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები