“საბიუჯეტო ორგანიზაციებში ბუღალტრული აღიცხვის შესახებ ინსტრუქციის დამტკიცების თაობაზე"საქართველოს ფინანსთა მინისტრის 2003 წლის 26 ივნისის №341 ბრძანებაში ცვლილებებისა და დამატების შეტანის შესახებ"

სახელმწიფო სარეგისტრაციო კოდი 190.040.000.22.033.007.613

საქართველოს ფინანსთა მინისტრის

ბრძანება №729

2005 წლის 9 აგვისტო

ქ. თბილისი

„საბიუჯეტო ორგანიზაციებში ბუღალტრული აღრიცხვის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2003 წლის 26 ივნისის №341 ბრძანებაში ცვლილებისა და დამატების შეტანის შესახებ

„საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის „ლ” ქვეპუნქტის საფუძველზე, ვბრძანებ:

1. „საბიუჯეტო ორგანიზაციებში ბუღალტრული აღრიცხვის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2003 წლის 26 ივნისის №341 ბრძანებაში (სსმ III, 2003 წ., №70, მუხ. 629) შეტანილ იქნეს შემდეგი ცვლილება და დამატება:

ა) ბრძანების პრეამბულა ჩამოყალიბდეს შემდეგი რედაქციით:

„ბუღალტრული აღრიცხვისა და ანგარიშგების რეგულირების შესახებ” საქართველოს კანონის მე-5 მუხლისა და „საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-3 მუხლის „ც” ქვეპუნქტის საფუძველზე, ვბრძანებ:”.

ბ) ბრძანებას დაემატოს შემდეგი შინაარსის პირველი პრიმა პუნქტი:

„1¹ აღნიშნული ინსტრუქცია ვრცელდება ასევე საჯარო სამართლის იურიდიულ პირებზე.”.

2. ბრძანება ამოქმედდეს გამოქვეყნებისთანავე.

ა. ალექსიშვილი