დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში ადმინისტრაციული მენეჯერის დასანიშნად მოსამზადებელი პროგრამის გავლის წესის დამტკიცების თაობაზე“ საქართველოს საგარეო საქმეთა მინისტრის 2022 წლის 19 სექტემბრის №01-334 ბრძანებაში ცვლილების შეტანის შესახებ | |
---|---|
დოკუმენტის ნომერი | 01-81 |
დოკუმენტის მიმღები | საქართველოს საგარეო საქმეთა მინისტრი |
მიღების თარიღი | 27/02/2024 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 28/02/2024 |
სარეგისტრაციო კოდი | 010240030.22.030.016289 |
|
,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში ადმინისტრაციული მენეჯერის დასანიშნად მოსამზადებელი პროგრამის გავლის წესის დამტკიცების თაობაზე“ საქართველოს საგარეო საქმეთა მინისტრის 2022 წლის 19 სექტემბრის №01-334 ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ: |
1.
,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში ადმინისტრაციული მენეჯერის დასანიშნად მოსამზადებელი პროგრამის გავლის წესის დამტკიცების თაობაზე’’ საქართველოს საგარეო საქმეთა მინისტრის 2022 წლის 19 სექტემბრის №01-334 ბრძანების (ვებგვერდი, 20/09/2022; სარეგისტრაციო კოდი 010240030.22.030.016245) ,,ა’’ ქვეპუნქტით დამტკიცებულ საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში ადმინისტრაციული მენეჯერის დასანიშნად მოსამზადებელი პროგრამის გავლის წესში შეტანილ იქნეს ცვლილება და მე-13 მუხლი ჩამოყალიბდეს შემდეგი რედაქციით: ,,მუხლი 13 1. საპატიო მიზეზით, გამოცდაზე გამოუცხადებლობის შემთხვევაში, გამოსაცდელს გამოცდის ჩაბარების შესაძლებლობა ეძლევა ერთი თვის ვადაში. 2. ამ მუხლის პირველი პუნქტით გათვალისწინებულ ვადაში გამოცდის განმეორებით ჩაბარების შესაძლებლობა ეძლევა: ა) გამოსაცდელს, რომელმაც ვერ ჩააბარა სასერტიფიკატო გამოცდა, მაგრამ დააგროვა ქულათა მაქსიმალური ოდენობის 60% ან მეტი; ბ) ამ წესის მე-8 მუხლის მე-3 პუნქტით გათვალისწინებულ პირებს.“. |
2.
ბრძანება ამოქმედდეს გამოქვეყნებისთანავე. |
|
დოკუმენტის კომენტარები