„საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს დებულების დამტკიცების შესახებ“ საქართველოს მთავრობის 2010 წლის 20 აგვისტოს №255 დადგენილებაში ცვლილების შეტანის თაობაზე

1. მე-7 მუხლში:

ა) „ზ“, „ნ“, „ო“, „პ“ და „ჟ“ ქვეპუნქტები ამოღებულ იქნეს;

ბ) დაემატოს შემდეგი შინაარსის „რ“, „ს“ და „ტ“ ქვეპუნქტები:

„რ) სასაქონლო ექსპერტიზის დეპარტამენტი;

ს)  ფინანსური ექსპერტიზის დეპარტამენტი;

ტ) ადმინისტრაციული დეპარტამენტი.“.

2. მე-16 მუხლი ჩამოყალიბდეს შემდეგი რედაქციით:

„მუხლი 16 

სასაქონლო ექსპერტიზის დეპარტამენტის ამოცანებია:

ა) სისხლის, სამოქალაქო ან ადმინისტრაციული სამართლის საქმეებზე სასამართლოს, პროკურორის, გამომძიებლის, საქმეში მონაწილე მხარის ან უფლებამოსილი პირის მიერ კანონით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტრაციული ორგანოს მოთხოვნის საფუძველზე საჭირო გარემოებების დასადგენად და საკითხების გადასაწყვეტად, სასაქონლო ექსპერტიზების ჩატარება და შესაბამისი დასკვნისა და დასკვნის შედგენის შეუძლებლობის შესახებ აქტის გაცემა;

ბ) გამომძიებლის ან პროკურორის დადგენილების, მოსამართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე, ექსპერტიზების ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება სასაქონლო ექსპერტიზების დარგში.“.

3. დაემატოს შემდეგი შინაარსის 16¹ მუხლი:

„მუხლი 16¹

ფინანსური ექსპერტიზის დეპარტამენტის ამოცანებია:

ა) სისხლის, სამოქალაქო ან ადმინისტრაციული სამართლის საქმეებზე სასამართლოს, პროკურორის, გამომძიებლის, საქმეში მონაწილე მხარის ან უფლებამოსილი პირის მიერ კანონით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტრაციული ორგანოს მოთხოვნის საფუძველზე საჭირო გარემოებების დასადგენად და საკითხების გადასაწყვეტად, ფინანსური ექსპერტიზების ჩატარება და შესაბამისი დასკვნისა და დასკვნის შედგენის შეუძლებლობის შესახებ აქტის გაცემა;

ბ) გამომძიებლის ან პროკურორის დადგენილების, მოსამართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე, ექსპერტიზების ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება ფინანსური ექსპერტიზების დარგში.“.

4.  21^3,, 21^4,, 21⁵  და  21⁶  მუხლები ამოღებულ იქნეს.

5. დაემატოს შემდეგი შინაარსის 21⁷  მუხლი:

„მუხლი 21⁷

ადმინისტრაციული დეპარტამენტის ამოცანებია:

ა)  ბიუროში საქმისწარმოების ერთიანი სტანდარტის დანერგვა და კონტროლი;

ბ) საჯარო ინფორმაციის ხელმისაწვდომობის უზრუნველყოფა;

გ) ინფორმაციის ანალიზი და კოორდინაცია;

დ) კომპეტენციის ფარგლებში, ბიუროს ურთიერთობების კოორდინაცია სხვა სახელმწიფო დაწესებულებებთან, საჯარო და კერძო სამართლის იურიდიულ პირებთან, არასამთავრობო ორგანიზაციებთან;

ე) ბიუროს უფროსის, ბიუროს უფროსის პირველი მოადგილისა და მოადგილეების საქმიანობის ორგანიზაციული ხელშეწყობა;

ვ) ადამიანური რესურსების მართვის ოპტიმიზაციის მიზნით, რეკომენდაციის შემუშავება;

ზ) საჯარო ინფორმაციის პროაქტიული გამოქვეყნება და კანონით გათვალისწინებული ინფორმაციის ვებგვერდზე განთავსების უზრუნველყოფა;

თ) კომპეტენციის ფარგლებში, ბიუროს მიერ დადებული ხელშეკრულების პირობების შესრულების კონტროლი;

ი) მასობრივი ინფორმაციის საშუალებებთან ურთიერთობა, საზოგადოების ინფორმირება ბიუროს კომპეტენციას მიკუთვნებული საქმიანობის განხორციელების თაობაზე;

კ) ბიუროს უფლებებისა და ინტერესების დაცვა სასამართლოსა და კერძო არბიტრაჟში;

ლ) ბიუროს კომპეტენციაში შემავალი საკითხების შესახებ სხვადასხვა სახელმწიფო დაწესებულების, აგრეთვე იურიდიული და ფიზიკური პირების განცხადებებისა და წერილების დადგენილი წესით განხილვა და მათზე რეაგირება;

მ) კანონმდებლობით გათვალისწინებული სხვა ფუნქციების განხორციელება.“.