საჩხერის მუნიციპალიტეტის 2025 წლის ბიუჯეტის დამტკიცების შესახებ

ათას ლარში

მუხლი 2. მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

ბიუჯეტის შემოსულობები, გადასახდელები და ნაშთის ცვლილება განისაზღვროს შემდეგი რედაქციით:

ათას ლარში

მუხლი 3. მუნიციპალიტეტის ბიუჯეტის შემოსავლები

ბიუჯეტის შემოსავლები განისაზღვროს 26921,4  ათასი  ლარით:

ათას ლარში

მუხლი 4. მუნიციპალიტეტის ბიუჯეტის საგადასახადო შემოსავლები

ბიუჯეტის გადასახადები განისაზღვროს 23646.0 ათასი ლარით:

ათას ლარში

მუხლი 5. მუნიციპალიტეტის ბიუჯეტის გრანტები

ბიუჯეტის გრანტები განისაზღვროს 285.8 ათასი ლარით:

ათას ლარში

მუხლი 6. მუნიციპალიტეტის ბიუჯეტის სხვა შემოსავლები

ბიუჯეტის სხვა შემოსავლები განისაზღვროს 2,989.6 ათასი ლარით:

ათას ლარში

მუხლი 7. მუნიციპალიტეტის ბიუჯეტის ხარჯები ეკონომიკური კლასიფიკაციით

ბიუჯეტის ხარჯები განისაზღვროს  21757.7 ათასი ლარით:

ათას ლარში

მუხლი 8. მუნიციპალიტეტის ბიუჯეტის არაფინანსური აქტივების ცვლილება

ბიუჯეტის არაფინანსური აქტივების ცვლილება განისაზღვოროს 5089.3 ათასი ლარით. მათ შორის, არაფინანსური აქტივების ზრდა 5224.3 ათასი ლარით, ხოლო არაფინანსური აქტივების კლება  135.0 ათასი ლარით:

ათას ლარში

ათას ლარში

მუხლი 9. მუნიციპალიტეტის ბიუჯეტის ხარჯებისა და არაფინანსური აქტივების ფუნქციონალური კლასიფიკაცია

განისაზღვროს ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში შემდეგი რეადაქციით:

ათას ლარში

მუხლი 10. მუნიციპალიტეტის ბიუჯეტის  საოპერაციო და მთლიანი სალდო

ბიუჯეტის მთლიანი სალდო განისაზღვროს 74,4 ათასი ლარით, ხოლო საოპერაციო სალდო 5163.7 ათასი ლარით:

ათას ლარში

მუხლი 11. მუნიციპალიტეტის ბიუჯეტის ფინანსური აქტივების ცვლილება

ბიუჯეტის ფინანსური აქტივების ცვლილება განისაზღვროს 0,0 ათასი ლარით:

ათას ლარში

მუხლი 12. მუნიციპალიტეტის ბიუჯეტის ვალდებულებების ცვლილება

მუნიციპალიტეტის ვალდებულებების მომსასხურება და დაფარვა.

მუნიციპალიტეტის ბიუჯეტის ვალდებულებების მომსახურება და დაფარვა განისაზღვროს 92,9 (პროცენტი 18,5 ათასი ლარი; ძირი 74.4 ათასი ლარი) ათასი ლარის ოდენობით. აღნიშნული წარმოადგენს მუნიციპალური განვითარების ფონდიდან მიღებულ "საქართველოს მყარი ნარჩენების მართვის პროექტის" ქონების გადაცემის ხელშეკრულების ფარგლებში მიღებული სასესხო ვალდებულებების (ძირი) ძირითადი თანხის დაფარვას.

2018 წლიდან 2024 წლის დღეის მდგომარეობით გადახდილია სასესხო ვალდებულებები  (ძირი) 409068 ლარი.

2025 წლისათვის იგეგმება 74,4 ათასი ლარის ოდენობით ვალის (ძირი) შემცირება.

თავი II. საჩხერის მუნიციპალიტეტის ბიუჯეტის პრიორიტეტები, პროგრამები, ქვეპროგრამები

განისაზღვროს საჩხერის მუნიციპალიტეტის ბიუჯეტის ძირითადი პრიორიტეტები (პროგრამული კლასიფიკაციის პირველი დონე), მათ ფარგლებში განსახორციელებელი პროგრამები (მეორე დონე) და ქვეპროგრამები (მესამე და შემდგომი დონეები) შემდეგი რედაქციით:

1. ინფრასტრუქტურის მშენებლობა, რეაბილიტაცია და ექსპლოატაცია;
2. დასუფთავება და გარემოს დაცვა;
3. განათლება;
4. კულტურა, რელიგია,  ახალგაზრდული და სპორტული ღონისძიებები;
5. მოსახლეობის ჯანმრთელობის დაცვა და სოციალური უზრუნველყოფა;
6. მმართველობა და საერთო დანიშნულების ხარჯები.

მუხლი 13. ინფრასტრუქტურის მშენებლობა, რეაბილიტაცია და ექსპლოატაცია

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება საჩხერის მუნიციპალიტეტის ბიუჯეტის ერთ-ერთ მთავარ პრიორიტეტს წარმოადგენს.

ინფრასტრუქტურის მშენებლობა, რეაბილიტაცია და ექსპლოატაციის პრიორიტეტის დაფინანსებისათვის განისაზღვროს 6386,7 ათასი ლარი. ინფრასტრუქტურის განვითარების პრიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რედაქციით:

ათას ლარში

1. პრიორიტეტი -ინფრასტრუქტურის  მშენებლობა,  რეაბილიტაცია  და  ექსპლოატაცია   (პროგრამული  კოდი  02 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალიტეტის ინფრასტრუქტურის შემდგომი გაუმჯობესება და აღნიშნული მიმართულება კვლავაც ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება მუნიციპალიტეტის  ინფრასტრუქტურის მშენებლობა და რეაბილიტაცია, რაც გულისხმობს  საგზაო ინფრასტრუქტურის, წყლის სიტემების, ქალაქის კეთილმოწყობის სამუშაოებს  და სხვა.

1.1  პროგრამა -საგზაო ინფრასტრუქტურის მშენებლობა,  რეაბილიტაცია და მოვლა-შენახვა  (პროგრამული კოდი 02 01)

პროგრამის ფარგლებში განხორციელდება საჩხერის მუნიციპალიტეტში არსებული რეაბილიტირებული ცენტრალური გზების მდგომარეობის შენარჩუნება, გზის საფარის თოვლისგან გაწმენდა საჭიროების შემთხვევაში, საყრდენი კედლების მოწყობა, დაგეგმილია  გზებზე ვიდეო სამეთვალყურეო კამერების მოვლა-პატრონობა, ქალაქ საჩხერეში ქუჩების რებილიტაცია,  მისასვლელი და საუბნო გზების კეთილმოწყობა.

პროგრამის მიზანია: მოწესრიგებული საგზაო ინფრასტრუქტურა და მოსახლეობის გადაადგილებისათვის უსაფრთხო გარემოს შექმნა. საბავშვო ეტლით მოსარგებლეებისათვის და შშმ პირებისათვის ადაპტირებული, ქალების, ბავშვების, ხანდაზმულთა კომფორტული, უსაფრთხო და შეუფერხებელი გადაადგილება, მგზავრობის დროის და სატრანსპორტო დანახარჯების დაზოგვა, ფეხით გადაადგილებისას მაღალი კომფორტის შექმნა და სხვა.

პროგრამა კავშირშია მდგრადი განვითარების შემდეგ მიზანთან: SDG 3, SDG 9, SDG 11.

1.1.1 ქვეპროგრამა -საყრდენი კედლის მოწყობა  (პროგრამული კოდი 02 01 01)

ქვეპროგრამით ძირითადად საქმე გვაქვს, როგორც მეწყერული მოვლენების პრევენციასთან, ასევე რომ არ მოხდეს მიწის ჩამოშლა სავალ ნაწილზე. აღნიშნული ღონიძიებების გატარება საჭიროა  მოსახლეობის უსაფრთხოების და მათი შეუფერხებელი გადაადგილების მიზნით. ქვეპროგრამის ფარგლებში განხორციელდება სოფელ სარეკში საყრდენი რკ/ბეტონის კედლის მოწყობა; კორბოულის, საირხის, ჭალის, ჩიხის ადმინისტრაციულ ერთეულებში საყრდენი კედლის მოწყობა.

ქვეპროგრამის მიზანია:  საყრდენი კედლების მოწყობით უსაფრთხო და შეუფერხებელი გადაადგილება.

ქვეპროგრამა კავშირშია მდგრადი განვითარების შემდეგ მიზანთან: SDG 9, SDG 11.

1.1.2 ქვეპროგრამა -თოვლისაგან გზის გაწმენდის სამუშაოები (პროგრამული კოდი 02 01 02)

ქვეპროგრამის ფარგლებში განხორციელდება ზამთრის პერიოდში ცენტრალურ საავტომობილო  და საუბნო გზებზე  საჭიროებიდან გამომდინარე  თოვლის საფარისაგან გზების გაწმენდა მძიმე ტექნიკის საშუალებით, ასევე მოყინულ გზებზე მარილისა და ქვიშის ნაზავის მოყრა.  აღნიშნული ღონიძიებების გატარება საჭიროა, ვინაიდან არ მოხდეს დასახლებული პუნქტის მოწყვეტა რაიონულ ცენტრს და ასევე ხელმისაწვდომი იყოს კონკრეტული დასახლებებისათვის სასწრაფო სამედიცინო თუ სხვა გადაუდებელი დახმარების მომსახურება, აღნიშნული ემსახურება მოსახლეობის უსაფრთხო და  შეუფერხებელ გადაადგილებას.

ქვეპროგრამის მიზანია:  საავტომობილო ტრანსპორტისა და ფეხით მოსიარულეთა შეუფერხებელი და უსაფრთხო გადაადგილება.

ქვეპროგრამა კავშირშია მდგრადი განვითარების შემდეგ მიზანთან: SDG 3, SDG 9, SDG 11.

1.1.3 ქვეპროგრამა -საგზაო ნიშნების დამონტაჟება და ქუჩების მონიშვნითი სამუშაოები (პროგრამული კოდი 02 01 05)

ქვეპროგრამის ფარგლებში განხორციელდება საჩხერის მუნიციპალიტეტის ტერიტორიაზე არსებული ვიდეო სათვალთვალო კამერების (სატრანსპორტო საშუალებების სახელმწიფო ნომრის ამომცნობი და ზოგადი ხედვის) მოვლა-პატრონობის მომსახურების შესყიდვა; ვიდეო-სამეთვალყურეო სისტემის მოსაწყობად საჭირო ტექნიკის შეძენა-მონტაჟი-ინსტალაცია.

ქვეპროგრამის მიზანია: როგორც ფეხით მოსიარულეთა ასევე ავტოტრანსპორტის გადაადგილების მოწესრიგება და უსაფრთხოების გაზრდა.

ქვეპროგრამა კავშირშია მდგრადი განვითარების შემდეგ მიზანთან: SDG 3, SDG 9, SDG 11.

1.1.4 ქვეპროგრამა -ქალაქ საჩხერეში ქუჩების რეაბილიტაცია (პროგრამული კოდი 02 01 06)

ქვეპროგრამის ფარგლებში გათვალისწინებულია ქალაქ საჩხერის ქუჩების  რეაბილიტაცია, ასევე რგპფ-ის თანადაფინანსება.

ქვეპროგრამის მიზანია: გამართული და მოწესრიგებული ქუჩები და ტროტუარები.

ქვეპროგრამა კავშირშია მდგრადი განვითარების შემდეგ მიზანთან: SDG 9, SDG 11.

1.1.5  ქვეპროგრამა -მისასვლელი და საუბნო გზების კეთილმოწყობა (პროგრამული კოდი 02 01 07)

ქვეპროგრამა ითვალისწინებს 12 ადმინისტრაციულ ერთეულში ადგილობრივი მნიშვნელობის გზებზე რკინა-ბეტონის საფარის მოწყობას, დაახლოებით 26500 კვ.მ. ასევე სანიაღვრე სისტემების მოწყობა. იგეგმება საჩხერის მუნიციპალიტეტის ყველა სოფელში საუბნო გზებზე რკ-ბეტონის საფაროს მოწყობა. ქვეპროგრამით განხორციელდება გარდამავალი ინფრასტრუქტურული სამუშაოების რგპფ -ის თანადაფინანსება.

ქვეპროგრამის ფარგლებში მოეწყობა: სარეკის, ცხომარეთის, ჩიხის, ჭალის, არგვეთის, გორისის, საირხის, ქორეთის, ჯალაურთის, კორბოულის, მერჯევის, ჭალოვანის ადმინისტრაციულ ერთეულებში საუბნო გზებზე რკინა-ბეტონის გზის მოწყობა.   

ქვეპროგრამის მიზანია: პროექტების განხორციელების შედეგად შემცირდება გამოფრქვევები და გზის გაუმართაობის შედეგად გზაზე წარმოქმნილი მტვერი, გზის რეაბილიტაცია დადებითად იმოქმედებს სოფლებიდან ადგილობრივი მოსახლეობის მიგრაციის შემცირებაზე.

ქვეპროგრამა კავშირშია მდგრადი განვითარების შემდეგ მიზანთან: SDG 3, SDG 9, SDG 11

1.2 პროგრამა- წყლის სიტემების განვითარება (პროგრამული კოდი 0202)

პროგრამა ითვალისწინებს მუნიციპალიტეტის ტერიტორიაზე არსებული წყალმომარაგების ქსელის შპს ,,საჩხერის წყალკანალი“-ის (მათ შორის, წყლის სათავე ნაგებობების, წყლის მაგისტრალების და სხვა) განვითარების ხელშეწყობას.  წყლის სისტემების განვითარების პროგრამა შედგება ორი  ქვეპროგრამისაგან: 1) მუნიციპალიტეტის მოსახლეობის წყალმომარაგება, რეაბილიტაცია, მშენებლობა, 2)საკანალიზაციო სისტემის, კოლექტორების და გამწმენდი ნაგებობების მშენებლობა.  საჭიროების შემთხვევაში ასევე ხორციელდება ახალი წყალმომარაგების ქსელის მოწყობის სამუშაოები. ქვეპროგრამა ფინანსდება როგორც ადგილობრივი  ბიუჯეტის სახრებით ასევე სახელმწიფო ბიუჯეტის ფონდებიდანაც. 

წყალმომარაგების სისტემის მოწესრიგების პროცესში გათვალისწინებული იქნება გენდერული საჭიროებები და სამუშაოების განხორციელების შედეგად მოეწყობა გენდერულად მგრძნობიარე ინფრასტრუქტურა. წყალმომარაგების სისტემის მოწყობისა და მოსახლეობისთვის სასმელი წყლის მიწოდების შედეგად გაუმჯობესდება საცხოვრებელი პირობები, რაც განსაკუთრებით მნიშვნელოვანია მუნიციპალიტეტში მცხოვრები ყველა კატეგორიისათვის.

პროგრამის მიზანია: წყლის სისტემების და სანიაღვრე არხების გამართული ფუნქციონირება, მოსახლეობის წყალმომარაგების მომსახურების გაუმჯობესება, წყლის მოხმარების დონის ამაღლება ოჯახებში. წყლის სისტემების გამართული მუშაობის უზრუნველყოფა. უწყვეტი და მოთხოვნის შესაბამისი წყალმომარაგების უზრუნველყოფა.

პროგრამა კავშირშია მდგრადი განვითარების შემდეგ მიზანათან: SDG 6, SDG 11.

1.2.1 ქვეპროგრამა -მუნიციპალიტეტის მოსახლეობის წყალმომარაგება, რეაბილიტაცია, მშენებლობა (პროგრამული კოდი 020201)

წყლის სისტემის განვითარების პროგრამა შინაარსის მიხედვით არის როგორც კაპიტალური/ინფრასტრუქტურული (წლის სისტემის რეაბილიატაცია, ახლის მოწყობა), ასევე მომსახურების (წლის სისტემის ექსპლოტაცია), რაც შეეხება მის ხანგრძლივობას იგი ინფრასტრუქტურულ ნაწილში წარმოადგენს მრავალწლიანს, ამ ეტაპზე ქვეპროგრამა გულისხმობს მუნიციპალიტეტის კონკრეტული დასახლებებისათვის წყალმომარაგებას. პროგრამით ხორციელდება შპს ,,საჩხერის წყალკანალის“ სუბსიდირება. შ.პ.ს ,,საჩხერის წყალკანალის“ მომხმარებლის არიალში ამ ეტაპზე შედის ქ. საჩხერე და მუნიციპალიტეტის 28 სოფელი: იცქისი, არგვეთი, სავანე, მერჯევი, ივანწმინდა, გორისა, გამოღმა  არგვეთი, უზუნთა, ბაჯითი, სარეკი, საირხე, ჭორვილა, სხვიტორი,  ჩიხა, ზედა და ქვედა ორღული, დუნთა, ჭალა, სპეთი, დარყა, ჯრია, პერევი, ცხამი, მახათაური, შალაური, მოძვი, ქორეთი, კალვათა, ქვემოხევი.

პროგრამის ფარგლებში განხორციელდება: სასმელი წყლის სისტემის მოწყობის გარდამავალი სამუშაოების რგპფ-ის თანადაფინანსება.

ქვეპროგრამის მიზანია: 24 საათიანი წყალმომარაგება, სუფთა და ხარისხიანი წყლის  უწყვეტი მიწოდება ქალებისათვის, მამაკაცებისათვის, ბავშვებისათვის, შშმ პირებისათვის. (არსებული ლაბორატორიის გადაიარაღება); წყლის დანაკარგების არსებულ ნიშნულზე შენარჩუნება; არსებული ძირითადი საშუალებების ექსპლუატაციის ნორმების, მისთვის განსაზღვრული პირობების შენარჩუნებით და თავისდროული მიმდინარე შეკეთებით; მოწესრიგებული წყლის სიტემები, ასევე წყლის სისტემების გაზრდილი რაოდენობა.

ქვეპროგრამა კავშირშია მდგრადი განვითარების შემდეგ მიზანათან: SDG 6.

1.2.2 ქვეპროგრამა -საკანალიზაციო სისტემების, კოლექტორების და გამწმენდი ნაგებობების რეაბილიტაცია (პროგრამული კოდი 020202)

ქვეპროგრამა ითვალისწინებს ყველა კატეგორიის დასახლებებში საწარმოო და საყოფაცხოვრებო ჩამდინარე წყლების, საკანალიზაციო სისტემების გამწმენდი ნაგებობების, წყალარინების და სანიაღვრე სისტემების მოწესრიგებას და განვითარებას. პროგრამით დაგეგმილია კანალიზაციის სისტემის მოწყობის გარდამავალი სამუშაოების  რგპფ-ის თანადაფინანსება. იგეგმება: ქ. საჩხერეში ე.წ  ,,გელბახიანების ტბის'' სადრენაჟო სისტემის მოწყობა.

ქვეპროგრამის მიზანია: მოწესრიგებული საკანალიზაციო სისტემები.

ქვეპროგრამა კავშირშია მდგრადი განვითარების შემდეგ მიზანათან: SDG 6, SDG 11

1.3. პროგრამა -გარე განათება (პროგრამული კოდი  02  03 )

ღამის საათებში მოსახლეობის, განსაკუთრებით ქალების, ბავშვების, ხანდაზმულ და შშმ პირთა კონფორტული და უსაფრთხო გადაადგილებისათვის მნიშვნელოვანია გარე-განათების სისტემის მოწყობა და მისი გამართული ფუნქციონირება. პროგრამა ითვალისწინებს საჩხერის მუნიციპალიტეტის ტერირორიაზე გარეგანათების ორგანიზებას და სრულყოფილ ფუნქციონირებას, კერძოდ; ქალაქის ქუჩების, სკვერების, ბაღების (დასვენების პარკები), სატრანსპორტო და საფეხმავლო ხიდების განათების ქსელის მოვლასა და ექსპლოატაციას. ასევე მუნიციპალიტეტში შემავალი სოფლების ცენტრალური გზების გარეგანათების ქსელის მოვლა-ექსპლოატაცია.

პროგრამის მიზანია: ღამის პერიოდში განათებული საჩხერის მუნიციპალიტეტი.

პროგრამა კავშირშია მდგრადი განვითარების შემდეგ მიზანათან: SDG 11.

1.3.1 ქვეპროგრამა - გარე განათების ქსელის მოწყობა-რეაბილიტაცია (პროგრამული კოდი 02 03 01)

ღამის პერიოდში მუნიციპალიტეტში უსაფრთხო გადაადგილებისთვის და კომფორტული გარემოს შექმნისთვის მნიშვნელოვანი ადგილი უკავია გამართული გარე განათების ქსელის ფუნქციონირებას. პროგრამის ფარგლებში სწორედ გარე განათების სისტემის განვითარებისა და ექსპლოტაციისათვის საჭირო ხარჯები ფინანსდება.  დღეის მდგომარეობით მუნიციპალიტეტის ტერიტორიაზე გარე განათების ქსელი ფუნქციონირებს ქ. საჩხერეში (ქუჩები, მოედნები, პარკები, სკვერები) და 8 ადმინისტრაციულ ერთეულში  (დასახლებულ პუნქტში, საუბნო გზებზე), გარე განათების ქსელით მოცულია მუნიციპალიტეტის დასახლებული ტერიტორიის 20%. იგეგმება: მუნიციპალიტეტის ტერიტორიაზე ქ. საჩხერე, საირხე, ქორეთი, პერევი, სარეკი, არგვეთის, გორისა გარე განათების ქსელის ახლის მოწყობისა და არსებულის სარემონტო სამუაოები.

ქვეპროგრამის მიზანია: ღამის პერიოდში განათებული საჩხერის მუნიციპალიტეტი.

1.3.2 ქვეპროგრამა - გარე განათების ქსელის ექსპლოატაცია (პროგრამული კოდი  02 03 02)

ღამის საათებში მოსახლეობის, განსაკუთრებით ქალების, ბავშვების, ხანდაზმულ და შშმ პირთა კონფორტული და უსაფრთხო გადაადგილებისათვის მნიშვნელოვანია გარე-განათების სისტემის მოწყობა და მისი გამართული ფუნქციონირება, პროგრამა ითვალისწინებს საჩხერის მუნიციპალიტეტის ტერირორიაზე გარეგანათების ორგანიზებასა და სრულყოფილ ფუნქციონირებას კერძოდ; ქუჩების, სკვერების, ბაღების (დასვენების პარკები), სატრანსპორტო და საფეხმავლო ხიდების განათების ქსელის მოვლასა და ექსპლოატაციას. ასევე მუნიციპალიტეტის სოფლების: სხვიტორის, ჩიხის, ორღულის, პერევის, სავანის, არგვეთის, ჭორვილის, კალვათის, ივანწმინდის, საირხის, მერჯევის, იცქისის, სარეკის, ბაჯითის, გამოღმა არგვეთის, ქვემოხევის, ჭალის, კორბოულის  მიმართულებით ცენტრალური გზებისა და გომი-საჩხერე-ჭიათურის გზის საჩხერის მონაკვეთზე განლაგებული გარეგანათების ქსელის მოვლა-ექსპლოატაცია.

ქვეპროგრამის მიზანია: ღამის პერიოდში განათებული საჩხერის მუნიციპალიტეტი.

1.4 პროგრამა -მუნიციპალიტეტის კეთილმოწყობის ღონისძიებები  (პროგრამული კოდი  02  04 )  

 კეთილმოწყობის პროგრამაში  იგულისხმება მუნიციპალიტეტში არსებული საზოგადოებრივი სივრცეების მოწყობა რეაბილიტაცია, სასაფლაოების მოვლა-პატრონობა, ასევე კეთილმოწყობის ობიექტების (პარკები, სკვერები) მშენებლობა-რეაბილიტაცია.

პროგრამის მიზანია: მოწესრიგებული მუნიციპალიტეტის იერსახე, მიმზიდველი გარემოს შექმნა  მაცხოვრებლებისათვის  და სტუმრებისათვის.

პროგრამა კავშირშია მდგრადი განვითარების შემდეგ მიზანათან: SDG 11.

1.4.1 ქვეპროგრამა -სასაფლაოების მოვლა-პატრონობა (პროგრამული კოდი  02  04 01)  

ქვეპროგრამის ფარგლებში იგეგმება მუნიციპალიტეტის სოფლებში არსებული სასაფლაოების შემოღობვის სამუშაოები. კერძოდ: ჩიხისა და არგვეთის ადმინისტრაციულ ერთეულში შემავალ სოფლებში  სასფლაოების შემოღობვის აღდგენა.

ქვეპროგრამის მიზანია: დაცული სასაფლაოები.

1.4.2 ქვეპროგრამა -ქალაქის კეთილმოწყობა (პროგრამული კოდი  02  04 03)

ქვეპროგრამის ფარგლებში ხორციელდება ქ. საჩხერეში არსებული პარკებისა და სკვერების მოვლა-პატრონობა. ასევე მუნიციპალიტეტის ტერიტორიაზე სკვერების მოწყობა, იმ ტეროტრიაზე რომელიც წარმოადგენს მუნიციპალიტეტის საკუთრებას. დაგეგმილია: ქ. საჩხერეში სკვერებისა და ფანჩატურების მოწყობა;  გარდამავალი სამუშაოების რგპფ-ის თანადაფინანსება.

ქვეპროგრამის მიზანია: დასასვენებელი და გასართობი სივრცის შექმნა ქალაქის ტერიტორიაზე, გაუმჯობესებული მუნიციპალიტეტის იერსახე.

1.5 პროგრამა -სოფლის მხარდაჭერის პროგრამის ფარგლებში განხორციელებული პროექტები (პროგრამული კოდი  02  07)

პროგრამა ითვალისწინებს ადმინისტრაციულ ერთეულებში ადმინისტრაციული შენობებისა  და სარიტუალო დარბაზების კეთილმოწყობას, ამბულატორიებისა და ბიბლიოთეკების სარემონტო სამუშაოებს. დასასვენებლი ფანჩატურების მოწყობა. დაგეგმილია: სოფელ ჯალაურთაში ადმინისტრაციული შენობისა და სოფლის ბიბლიოთეკის რემონტი; არგვეთისა და ქორეთის ადმინისტრაციულ ერთეულში ფანჩატურების  მოწყობა; არგვეთისა და ქორეთის ადმინისტრაციულ ერთეულში სარიტუალო დარბაზების კეთილმოწყობა; კორბოულის, ჩიხის, გორისის ადმინისტრაციულ ერთეულში დასასვენებელი სივრცეებისა და ფანჩატურების  მოწყობა.

პროგრამის მიზანია: სოფლის კატეგორიის დასახლებების კავშირის გაძლიერება  ურბანულ დასახლებებთან და მათთვის საჭირო ხარისხიანი მომსახურეობის ადგილზე მიწოდება. სოფლის კატეგორიის დასახლებებში მაცხოვრებელი მოსახლეობის სოციალურ-ეკონომიური მდგომარეობის გაუმჯობესება.

პროგრამა კავშირშია მდგრადი განვითარების შემდეგ მიზანათან: SDG 11.

1.6 პროგრამა -საპროექტო-სახარჯთაღრიცხვო დოკუმენტაციის შეძენა (პროგრამული კოდი  02  08)

პროგრამა ითვალისწინებს სხვადასხვა ინფრასტრუქტურული სამუშაოების მოწყობის მიზნით საპროექტო სახარჯთაღრიცხვო დოკუმენტაციის შესყიდვას.

პროგრამის მიზანია: მუნიციპალიტეტის ინფრასტრუქტურის განახლება-განვითარების კუთხით ხარისხიანი საპროექტო-სახარჯთაღრიცხვო დოკუმენტაციის შეძენა.

1.7 პროგრამა -სამშენებლო სამუშაოების ტექნიკური ზედამხედველობა (პროგრამული კოდი  02  09)

ამ პროგრამით ხორციელდება ინფრასტრუქტურული ობიექტების სამშენებლო სამუშაოების დოკუმენტაციის ინსპექტირების ანგარიში და სამშენებლო სამუშაოებზე საზედამხედველო მომსახურება.

პროგრამის მიზანია: ხარისხიანად შესრულებული ინფრასტრუქტურული სამუშაოები.

პროგრამა კავშირშია მდგრადი განვითარების შემდეგ მიზანათან: SDG 9.

მუხლი 14. დასუფთავება და გარემოს დაცვა

დასუფთავება და გარემოს დაცვის პრიორიტეტის დაფინანსებისათვის განისაზღვროს 1786,0 ათასი ლარი. დასუფთავება და გარემოს დაცვის პიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რედაქციით:

ათას ლარში

2. პრიორიტეტი -დასუფთავება და გარემოს დაცვა (პროგრამული კოდი  0300)

პრიორიტეტის ფარგლებში ეკოლოგიური მდგომარეობის შენარჩუნება-გაუმჯობესების და ეპიდემიური დაავადებებისგან თავის დაცვის მიზნით, განხორციელდება მუნიციპალიტეტის ტერიტორიის დაგვა-დასუფთავება, საყოფაცხოვრებო ნარჩენების შეგროვება და ნაგავსაყრელ პოლიგონამდე ტრანსპორტირება, დამატებითი ურნების დადგმა, არსებული მწვანე საფარის მოვლა, ერთწლიანი და მრავალწლიანი ნარგავების დარგვა, სკვერებში ბალახის გათიბვა. უპატრონო ცხოველების მოვლითი ღონისძიებები.

2.1 პროგრამა -დასუფთავება და ნარჩენების გატანა (პროგრამული კოდი  0301)

საჩხერის მუნიციპალიტეტში დასუფთავების ღონისძიებების განხორციელება ერთ-ერთი მნიშვნელოვანი პრიორიტეტია. ა(ა)იპ ,,ზურმუხტი" ახორციელებს საჩხერის მუნიციპალიტეტის ქუჩებისა და სკვერების დასუფთავებას, ქალაქისა და მუნიციპალიტეტში შემავალი ადმინისტრაციული ერთეულებიდან საყოფაცხოვრებო ნარჩენების შეგროვება-გატანას, რომელსაც ყოველდღიურად ემსახურება 7 ერთეული ნაგავმზიდი სპევ/ავტომანქანა. სამუშაოები ხორციელდება მუნიციპალიტეტის შემდეგ სოფლებში: სარეკის, ბაჯითის, ქვემოხევის, მოხვის, ცხომარეთის, უზუნთის, გაღმა მთის, ქორეთის, პასიეთის, სხვიტორის, კვერეთის, გორისის, გამოღმა არგვეთის, ივანწმინდის, მერჯევის, არგვეთის, სავანის, იცქისის, მახათაურის, შალაურის, ბახიოთის, იტავაზის, დურევის, ცხამის, ზედა და ქვედა ორღულის, ჩიხის, დუნთის, ჭორვილის, საირხის, კალვათის, მოძვის, ჯალაურთის, ჭალის, პერევის, ღონის, სპეთის, ჭურნალის, იფხორის, კორბოულის, შომახეთის, ნიგვზარის, ხვანის, ჭალოვანის, ლიჩის, ღოდორის საუბნო გზების პირზე  დაგროვილი და ბუნკერში შეგროვილი საყოფაცხოვრებო ნარჩენის გატანა არანაკლებ კვირაში ორჯერ. ქ. საჩხერის ცენტრალურ ქუჩებზე: ივ. გომართლის ქუჩა-აგრარული ბაზრის მიმდებარე ტერიტორია, ცენტრალური საავადმყოფოს მიმდებარე ტერიტორია, მ. კოსტავას ქუჩა-რკინიგზის სადგურის მიმდებარე ტერიტორია, საავტომობილო და საცალფეხო ხიდების მიმდებარე ტერიტორია, თავისუფლების ქუჩიდან საყოფაცხოვრებო ნარჩენების გატანა ყოველდღიურად დღეში სამჯერ. გომი-საჩხერე-ჭიათურის გზის საჩხერეის მონაკვეთზე შეგროვილი და ნაგვის ბუნკერებში დაგროვილი ნაგვის გატანა კვირაში ორჯერ. სანიაღვრე არხებიდან ამოღებული ნარჩენების გატანა საჭიროებისამებრ. მუნიციპალიტეტის ტერიტორიიდან ყოველდღიურად ნაგავსაყრელზე გადის 350-400 მ³ საყოფაცხოვრებო ნარჩენი. ნაგავშემკრებ ურნებს კვირაში ერთჯერ უტარდებათ სანიტარული დასუფთავება.

პროგრამის მიზანია: კარგად დასუფთავებული მუნიციპალიტეტის ტერიტორიები.

პროგრამა კავშირშია მდგრადი განვითარების შემდეგ მიზანათან: SDG 11.

2.2 პროგრამა -მწვანე ნარგავების მოვლა-პატრონობა, განვითარება (პროგრამული კოდი  0302)

საჩხერის მუნიციპალიტეტში მწვანე ნარგავების მოვლა პატრონობა მნიშვნელოვანია. ა(ა)იპ ,,ზურმუხტი" პროგრამის ფარგლებში ახორციელებს: სკვერების, გაზონების, ბაღების (დასვენების პარკების) მოვლა-პატრონობას, სატრანსპორტო მაგისტრალური გზის პირების მწვანე საფარის გაკრეჭვას, მწვანე ნარგავების განაშენიანება და მოვლა-პატრონობას, მუნიციპალიტეტის ტერიტორიაზე ხეების გადაბელვას, გამხმარ და ნახევრად გამხმარ ხეებზე ტარდება შესაბამისი ღონისძიებები. ინტენსიურად ტარდება მწვანე საფარისა და ნარგავების მორწვა (მწვანე საფარის შენარჩუნება),  საჭირო შხამ-ქიმიკატებით დამუშავება.   განხორციელდება ქალაქის ქუჩების კეთილმოწყობის სამუშაოები, კერძოდ: სკვერებისა და ხიდების მოაჯირების შეღებვა, ქალაქის ტერიტორიაზე არსებული სასაფლაოების მოვლა-პატრონობა.  სისტემატიურად მოხდება სანიაღვრე არხების გაწმენდა.

პროგრამის მიზანია: გამწვანებული მუნიციპალიტეტი, მოსახლეობისთვის შექმნილი დასასვენებელი გარემო.

პროგრამა კავშირშია მდგრადი განვითარების შემდეგ მიზანათან: SDG 11.

2.3 პროგრამა -უპატრონო ცხოველების მოვლითი ღონისძიებები (პროგრამული კოდი  0303)

შესაბამის ლიცენზირებულ ორგანიზაციასთან ხელშეკრულებით ხორციელდება უსახლკარო ცხოველთა იზოლირება ჰუმანური/უმტკივნეულო მეთოდით ლასოთი/ბადით, დეჰელმენტიზაცია (დამუშავება ჭიებზე, პარაზიტებზე), სტერილიზაცია/კასტრაცია, ანტირაბიული და კომპლექსური ვაქცინაცია, იდენტიფიკაცია (სპეციალური ცხოველისათვის განკუთვნილი ქარხნული დანომრილი საჭდით, ბირკით), თითოეული მონაცემის ასახვა სარეგისტრაციო შესაბამის ბლანკში და ყველა სხვა პროცედურის შესრულება, რაც საჭიროა ამ სფეროში არსებული ნორმებითა და დამკვიდრებული საუკეთესო პრაქტიკით; გაყვანილი ძაღლები ბრუნდებიან უკან ბუნებრივ არიალში მუნიციპალიტეტის ტერიტორიაზე.

პროგრამის მიზანია: უპატრონო ცხოველებისგან მუნიციპალიტეტის მოსახლეობის დაცვა.

პროგრამა კავშირშია მდგრადი განვითარების შემდეგ მიზანათან: SDG 11

მუხლი 15. განათლება

განათლების პრიორიტეტის დაფინანსებისათვის განისაზღვროს 4543,2 ათასი ლარი. განათლების პიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რედაქციით:

ათას ლარში

3.  პრიორიტეტი -განათლება (პროგრამული კოდი  0400)

მომავალი თაობების აღზრდის მიმართულებით დაწყებითი და ზოგადი განათლების გარდა, ასევე მნიშვნელოვანი როლი ენიჭება სკოლამდელ აღზრდას, რაც თვითმმართველი ერთეულის საკუთარ უფლებამოსილებას განეკუთვნება და შესაბამისად მუნიციპალიტეტის პრიორიტეტს წარმოადგენს, რომლის ფარგლებში განხორციელდება საბავშვო ბაღების გამართული ფუნქციონირება და სკოლამდელი აღზრდის დაწესებულებების რეაბილიტაცია მშენებლობა. სკოლამდელი განათლების გარდა პრიორიტეტის ფარგლებში ხდება მოსწავლე-ახალგაზრდობის სკოლისგარეშე განათლების დონის ამაღლების ხელშეწყობა.

3.1 პროგრამა -სკოლამდელი აღზრდის დაწესებულებების ფუნქციონირება (პროგრამული კოდი  0401)

საჩხერის მუნიციპალიტეტში ფუნქციონირებს 23 საბავშო ბაღი, ბაღის 4 განყოფილება ქალაქის ტერიტორიაზეა, ხოლო 19 მუნიციპალიტეტის ადმინისტრაციულ ერთეულებშია განლაგებული, დაწესებულებაში დასაქმებულია 350 თანამშრომელი, მათგან 301 ქალი და 49 კაცი. მთლიანად რეგისტრირებულია 1044 აღსაზრდელი, რომელთაგან 504 არის გოგო, ხოლო 540 ბიჭი, რომელთა აღზრდას ემსახურება 67 აღმზრდელი ქალბატონი, მათგან 64 არის სერთიფიცირებული აღმზრდელ-პედაგოგი, ერთი ფლობს მარტოხელა მშობლის სტატუსს, ერთი, კი არის შშმ პირი. აღმზრდელებთან ერთად მსახურობენ 67 აღმზრდელის თანაშემწე ქალბატონი: ხოლო სტანდარტის შესაბამისი მენიუს კერძების მომზადებას უზრუნველყოფს ჰასპის (HASP) სერთიფიკატის მქონე 23 მზარეული და 15 მზარეულის თანაშემწე.  

პროგრამის მიზანია: სკოლამდელი ასაკის  ბავშვების სკოლისთვის მზაობა, საბავშვო ბაღის აღსაზრდელების ბავშვებისთვის იმ უნარ-ჩვევების მიცემა, რომელიც განსაზღვრულია შესაბამისი სტანდარტებით. სკოლამდელი ასაკის ბავშვებისათვის ხარისხიანი საგანმანათლებლო და სააღმზრდელო სერვისების მიწოდება.

პროგრამა კავშირშია მდგრადი განვითარების შემდეგ მიზანათან: SDG 4.

3.2 პროგრამა -განათლების დაწესებულების ხელშეწყობა (პროგრამული კოდი  0403)

საჩხერის მოსწავლე-ახალგაზრდობის სახლში გაერთიანებულია სხვადასხვა მიმართულებები: საგნობრივი, მხატვრულ-შემოქმედებითი, სპორტული, ესტეთიკური ციკლის წრეები, ქორეოგრაფიული სტუდიები, ფოლკლორული ანსამბლი "საწერეთლო", ბავშვთა საესტრადო წრეები, საბავშვო თეატრი "თე-არტი", თოჯინების თეატრი  "კოკროჭინა", ფოლკლორის  მუნიციპალური კლუბი "თავთუხები",  ბიოლოგიის მუნიციპალური კავშირი და ჭადრაკის მუნიციპალური კლუბი, ასევე ფუნქციონირებს საბალეტო სტუდია. საგნობრივ წრეებში, კლუბებსა და სტუდიებში გაერთიანებულია დაახლოებით 490-მდე მოსწავლე. აქედან გოგონების რაოდენობა შეადგენს 310, ხოლო ბიჭების რაოდენობა 180.

პროგრამის მიზანია: მოსახლეობაში ტრადიციული კულტურის პოპულარიზაცია, ბავშვთა და მოზარდთა შემოქმედებითი უნარების განვითარება, თეატრალური სფეროსადმი ახალგაზრდა თაობის დაინტერესების ზრდა, სპორტში მოსწავლეთა ჩართულობა.

პროგრამა კავშირშია მდგრადი განვითარების შემდეგ მიზანათან: SDG 4.

3.3 პროგრამა - სკოლამდელი აღზრდის დაწესებულებების მშენებლობა რეაბილიტაცია (პროგრამული კოდი 04 04)

ქვეპროგრამის ფარგლებში ხოორციელდება მუნიციპალიტეტის მაშტაბით არსებულ 23 ერთეულ სკოლამდელი აღზრდის დაწესებულებებში საჭიროების მიხედვით განხორციელდება სარეაბილიტაციო და კეთილმოწყობითი სამუშაოები.

პროგრამის მიზანია: ბავშვებისათვი კომფორტული და უსაფრთხო გარემო.

პროგრამა კავშირშია მდგრადი განვითარების შემდეგ მიზანათან: SDG 4.

მუხლი 16. კულტურა, რელიგია, ახალგაზრდული და სპორტული ღონისძიებები

კულტურა, რელიგია, ახალგაზრდული და სპორტული ღონისძიებების პრიორიტეტის დაფინანსებისათვის განისაზღვროს 4819,7 ათასი ლარი. კულტურა, რელიგია, ახალგაზრდული და სპორტული ღონისძიებების  პრიორიტეტის ფარგლებში დაფინანსებული პროგრამების, ქვეპროგრამების მიზნები და მოსალოდნელი შედეგები განისაზღვროს შემდეგი რდაქციით:

ათას ლარში

4. პრიორიტეტი -კულტურა, რელიგია ახალგაზრდული და სპორტული ღონისძიებები (პროგრამული კოდი  0500) 

მუნიციპალიტეტი საკუთარი უფლებამოსილების ფარგლებში აგრძელებს კულტურული, ახალგაზრდული, სპორტული ღონისძიებების ხელშეწყობას. პრიორიტეტი გულისხმობს კულტურულ-საგანმანათლებლო, სასპორტო სფეროს პოპულარიზაცია-განვითარებას. კულტურის სფეროში წარმატებული შემოქმედებითი ჯგუფების და ახალგაზრდების ხელშეწყობას, კულტურული მემკვიდრეობის დაცვასა და შენარჩუნებას. კულტურულ, სახელოვნებო და საგანმანათლებლო დაწესებულებებში მომავალი თაობის შემეცნებით- საგანმანათლებლო დონის ამაღლებას, კულტურული  ცხოვრების მუნიციპალიტეტის კულტურული ტრადიციების შენარჩუნებას და პოპულარიზაციას, სპორტის განვითარების ხელშეწყობას და პოპულარიზაციას, სპორტული ღონისძიებების დაფინანსებას და მათ მრავალფეროვნებას. ტურიზმის განვითარებას ადგილობრივ და საერთაშორისო  დონეზე.

4.1 პროგრამა -სპორტის განვითარების ხელშეწყობა (პროგრამული კოდი  0501)

სპორტსმენებისათვის ხელშეწყობისა და შესაბამისი პირობების შექმნის მიზნით განხორციელდება სპორტის სხვადასხვა სახეობების ხელშეწყობა, მატერიალურ-ტექნიკური ბაზის განვითარება, სპორტული ინვენტარის შეძენა და თანამედროვე სტანდარტებთან მიახლოება, პერსპექტიული სპორტსმენების მომზადების წლიური საწვრთნელი პროცესის ორგანიზება და ნაკრები გუნდებისათვის მომზადება, სხვადასხვა შეჯიბრებებისა და სახელობითი ტურნირების ჩატარება. ასევე, წარმატებული  სპორტსმენების წახალისება.

პროგრამის მიზანია: ხელი შეუწყოს მოზარდებში ჯანსაღი ცხოვრების წესის დამკვიდრებას, მეტი მოზარდის ჩართვას, განსაკუთრებული ყურადღება დაეთმოს მეტი გოგონას ჩართვას სპორტის სხვადასხვა სახეობებში. ახალგაზრდა თაობებში ცხოვრების ჯანსაღი წესის დამკვიდრება და ხელშეწყობა.

პროგრამა კავშირშია მდგრადი განვითარების შემდეგ მიზანათან: SDG 3, SDG 11

4.1.1 ქვეპროგრამა -სპორტული ღონისძიებების დაფინანსება (პროგრამული კოდი  050101)

ადამიანისათვის ფიზიკური აქტივობა აუცილებელია, იგი პირდაპირ გავლენას ახდენს მის როგორც ფიზიკურ, ისე გონებრივ განვითარებაზე, ის აძლიერებს იმუნიტეტს და ანვითარებს ტვინის უჯრედებს. სპორტი ხელს უწყობს სულიერად და ფიზიკურად ჰარმონიულად განვითარებული პიროვნების ფორმირებას. სპორტს გააჩნია როგორც აღმზრდელობითი, ისე გამაჯანსაღებელი ფუნქცია. სპორტით დაკავება საუკეთესო საშუალებაა ჭარბი წონის, სიგარეტზე დამოკიდებულების, თუ სხვა მანკიერი თვისების თავიდან ასარიდებლად. აღნიშნულის გათვალისწინებით, მუნიციპალიტეტისათვის მნიშვნელოვანია მოსახლეობაში და განსაკუთრებით მოზარდ  თაობაში ფიზიკური აქტივობისა და განათლების ხელშეწყობა, ჯანსაღი ცხოვრების წესის პრინციპების დამკვიდრება, მასობრივი და მაღალი მიღწევების სპორტის პოპულარიზაცია.

 საჩხერლებისათვის საყვარელი, წარსულში პოპულარული სპორტსმენების სახელების უკვდავსაყოფად მოეწყობა სპორტული ღონისძიებები და გაიხსნება მემორიალური დაფები. მოხდება საჩხერელი ახალგაზრდებისა და ზოგადად მოსახლეობის სპორტულად გააქტიურება. ვეტერანი სპორტსმენების მოტივირება, მათი საზოგადოებრივი აქტიურობა. მათ შორის: ჩემპიონისა და პრიზიორების წახალისება. (შენიშვნა: ყველა აქტივობა განხორციელებულდება გენდერეული თანასწორობის პრინციპით, მათ შორის ადაპტირებული შშმ და სსმ პირებისათვის).

ქვეპროგრამის მიზანია: ახალგზრდების სპორტიულ ცხოვრებაში ჩართვა. სპორტის სხვადასხვა სახეობების პოპულარიზაცია და ჯანსაღი ცხოვრების წესის დამკვიდრება.

4.1.2 ქვეპროგრამა -სპორტული დაწესებულებების ხელშეწყობა (პროგრამული კოდი 050102)

ქვეპროგრამით ხორციელდება მუნიციპალიტეტში სპორტის განვითარება. წარმატებული და ნიჭიერი სპორტსმენების წახალისება და ხელშეწყობა. ქვეპროგრამის ფარგლებში გათვალისწინებულია როგორც ბიჭების, ასევე გოგონების ჩართულობა სპორტის სხვადასხვა სახეობაში.

ქვეპროგრამის მიზანია: მუნიციპალიტეტში სპორტის განვითარება; სპორტისა და ჯანსაღი ცხოვრების წესის პოპულარიზაცია; ახალგაზრდობის სულიერი და ფიზიკური ჰარმონიული განვითარება; სპორტული ტრადიციების დაცვა-გაღრმავება, სპორტის ხელმისაწვდომობის უზრუნველყოფა.

4.1.2.1 ღონისძიება -საჩხერის სპორტული სკოლა (პროგრამული კოდი  05010201)

საჩხერის სასპორტო სკოლა აერთიანებს 13 სპორტულ სახეობას, ესენია: ფეხბურთი, კალათბურთი, ფრენბურთი, ძიუდო, სამბო, ქართული ჭიდაობა, ბერძნულ-რომაული ჭიდაობა, თავისუფალი ჭიდაობა, კარატე, ტაეკვონდო, ჭადრაკი, რაგბი, კრივი. სულ სასპორტო სკოლაში სპორტის სახეობებს ეუფლება ყველა სახეობაში 790 მოზარდი, აქედან 148 გოგონა, რომელთა საწვრთნელი ვარჯიშები უტარდებათ ყოველ დღე კვირის გარდა. სკოლის სპორტსმენები მონაწილეობას ღებულობენ რეგულარულად საქართველოს ჩემპიონატებზე და საერთაშორისო ტურნირებზე, სადაც არაერთი საპრიზო ადგილები აქვთ დაკავებული. აგრეთვე სპორტსმენები რეგულარულად გადიან საწვრთნელ შეკრებებს. სასპორტო სკოლა ფუნქციონირებს მთელი წლის განმავლობაში შეუფერხებლად, ყველა მსურველი დაკმაყოფილებულია სკოლის მომსახურებით, საჩხერის მუნიციპალიტეტში მცხოვრები მოზარდებისათვის ყველა სპორტული წრით სარგებლობა უფასოა. საპრიზო ადგილზე გასული სპორტსმენები ჯილდოვდებიან სპორტული პრიზებით.

ღონისძიების მიზანია:  ხელი შეუწყოს მოზარდებში ჯანსაღი ცხოვრების წესის დამკვიდრებას, მეტი მოზარდის ჩართვას (განსაკუთრებული ყურადღება დაეთმოს მეტი გოგონას ჩართვას) სპორტის სხვადასხვა სახეობებში; მუნიციპალიტეტის სპორტული შედეგების წარმოჩენა ქვეყნის მასშტაბით.

4.1.2.2 ღონისძიება - -საჩხერის საცურაო აუზი (პროგრამული კოდი  05010202)

ახალგაზრდობა საზოგადოების უმნიშვნელოვანესი ნაწილია, რომელმაც მომავალში ცვლილებებისა და განვითარების პროცესში დიდი როლი უნდა  ითამაშოს. მათი განვითარებისთვის  სპორტი ისეთივე მნიშვნელობისაა, როგორც  სხვა ნებისმიერი ფორმალური თუ არაფორმალური განათლება.

ახალგაზრდების დაინტერესება, ხელშეწყობა სპორტსმენებად ჩამოყალიბებაში და ცხოვრების ჯანსაღი წესის პოპულარიზაცია, როგორც  სახელმწფოს, ასევე ადგილობრივი მუნიციპალიტეტისთვისაც ერთ ერთი პრიორიტეტია.

 საცურაო აუზზე არსებული სპორტულ ჯგუფებში მთლიანობაში   95 სპორტსმენია.

სპორტსმენების რაოდენობა  სპორტული სახეობების მიხედვით:

- წყალბურთი-  45 ბიჭი.

- ცურვა და თანამედროვე ხუთჭიდი  - 50,  მათ შორის: 20  ბიჭი და  30 გოგონა;

- გენდერულ ჭრილში, რომ განვიხილოთ სპორტსმენი გოგონები საერთო რაოდენობის 32% შეადგენს.

გარდა სპორტული დატვირთვისა აუზი ასევე წარმოადგენს გამაჯანსაღებელ ცენტრს და ემსახურება წელიწადში საშუალოდ 10000 -დან 14000  მომხმარებელს. გენდერულ ჭრილში  სტატისტიკით მომხმარებელთა უმრავლესობა არის  კაცი/ბიჭი 55% ხოლო 45% ქალი/გოგონა. თუ რატომ არის ქალი/გოგონა მომხმარებელი ნაკლები ვიდრე კაცი/ბიჭი ამაზე კვლევა არ ჩაგვიტარებია. თუმცა ინფრასტრუქტურულად, იქნება ეს საშხაპეები, ტუალეტები, გასახდელები, კარადები თუ სხვა, ერთნაირადაა მოწყობილი ორივე სქესის წარმომადგენლებისთვის.  სპორტსმენები პერიოდულად გადიან სპორტულ შეკრებებს,  მონაწილეობას იღებენ სპორტულ შეჯიბრებებში და ტურნირებში. მეტწილად არიან საპრიზო  ადგილების მფლობელები.

ღონისძიების მიზანია: ახალგაზრდა თაობებში ცხოვრების ჯანსაღი წესის დამკვიდრება და ხელშეწყობა; საწყალოსნო სპორტის სახეობათა განვითარების ხელშეწყობა; სპორტის  ისეთი სახეობების განვითარება  როგორიცაა:  წყალბურთი, ცურვა და თანამედროვე ხუთჭიდი,  თანამედროვე ხუთჭიდი  მოიცავს სპორტის შემდეგ მიმართულებებს:  ცურვა, მიზანში სროლა, სირბილი, ფარიკაობა და ცხენოსნობა.

4.1.2.3 ღონისძიება  -საჩხერის ძალოსნობის დარბაზი (პროგრამული კოდი  05010203) 

ა(ა)იპ ოლიმპიურ ჩემპიონ ლაშა ტალახაძის სახელობის საჩხერის ძალოსნობის დარბაზი სპეციალიზებულია სპორტის სახეობა ძალოსნობის მიმართულებით, რომელიც აერთიანებს 5 ასაკობრივ ჯგუფს. მოსწავლეთა რაოდენობა შეადგენს 132 მოზარდს მათ შორის 5 გოგონა. დარბაზის აღსაზრდელები რეგულარულად მონაწილეობენ ჩემპიონატებში და ტურნირებში, როგორც რეგიონალური, ასევე საერთაშორისო მაშტაბით. გვყავს საქართველოს ჩემპიონატზე ძალოსნობაში  41 მედალოსანი ბიჭი,  ევროპის ჩემპიონი 7 ბიჭი, ექვსგზის ევროპის ჩემპიონი 1 ბიჭი, მსოფლიო ჩემპიონი 2 ბიჭი,  სხვადასხვა რეგიონალურ ტურნირებში გამარჯვებული 50 ბიჭი, რომლებიც დაჯილდოვებულნი არიან მედლებით, თასებით, დიპლომებით და სხვადასხვა სპორტული პრიზებით (სუვენირებით).

ღონისძიების მიზანია: ძალოსნობის მასობრიობის ზრდა, რაც შეიძლება მეტი მოზარდის, მათ შორის გოგონების ჩაბმა. ჯანსაღი ცხოვრების წესის დამკვიდრება, მომსახურების ახალი ფორმების დანერგვა და მისი ხელმისაწვდომობის მიღწევა ქალაქისა და სოფლების მოსახლეობისათვის.

საქართველოს ასაკობრივი ნაკრებისათვის პერსპექტიული სპორტსმენების აღზრდა, ახალგაზრდების წახალისების ახალი მეთოდების დანერგვა და სპორტსმენთა სტიმულირების განვითარება.

4.1.2.4 ღონისძიება  -ბავშვთა ფეხბურთის განვითარება (პროგრამული კოდი  05010204)

ა(ა)იპ "საფეხბურთო კლუბ საჩხერის ჩიხურა-"ს სკოლაში ირიცხება 350 მოზარდი  6-წლიდან 17 წლის ჩათვლით. ეს ასაკები მოიცავს 6 საშეჯიბრო  და 8 არასაშეჯიბრო ჯგუფებს. სკოლაში არის 9 ლიცენზირებული მწვრთნელი 2 -UEFA PRO, 3- UEFA A. 3-UEFA B, 1  UEFA C. ქვეპროგრამით ხორციელდება ახალგაზრდა პერსპექტიული ფეხბურთელების აღმოჩენა და მათი შემდგომი განვითარება, საქართველოს ასაკობრივ საფეხბურთო ჩემპიონატებში საჩხერელი ფეხბურთელების მონაწილეობა, ფეხბურთით დაინტერესებული მოზარდების საწვრთნელ პროცესში შესაბამისი ლიცენზიის მქონე მწვრთნელების მონაწილეობა და პროფესიონალ ფეხბურთელად ჩამოყალიბება. კლუბის თითოეული გუნდი მიზნად ისახავს ჩემპიონობას ან საპრიზო ადგილების (I-II-III) მოსაპოვებას.

ღონისძიების მიზანია: სპორტის ყველაზე მასიური სახეობის ფეხბურთის განვითარება მუნიციპალიტეტში, ჯგუფებში ბავშვთა რაოდენობის გაზრდა.   

4.1.3 ქვეპროგრამა -სპორტული ობიექტების მშენებლობა რებილიტაცია (პროგრამული კოდი  050103)

ქვეპროგრამის ფარგლებში ხორციელდება მუნიციპალიტეტის ტერიტორიაზე არსებული სპორტული მოედნების რეაბილიტაცია, სავარჯიშო ტრენაჟორების მოწყობა და სხვადსხვა სპორტული ობიექტის რეკოსტრუქცია. დაგეგმილია: სოფელ ჭალოვანში ახალი სპორტული  მოედნის მშენებლობა;  ქალაქ საჩხერეში დავით აღმაშენებლის ქუჩაზე მრავაფუნქციური სპორტული დარბაზის დეტალური პროექტის მომზადებისა და მის საფუძველზე სამშენებლო სამუშაოები; ჭალოვანის  ადმინისტრაციულ ერთეულში სპორტული მოედნის მოწყობა; ქ. საჩხერეში სპორტული ინფრასტრუქტურის, ტრენაჟორების მოწყობა-რეაბილიტაცია.

ქვეპროგრამის მიზანია: განახლებული სპორტული მოედნები,  მოწესრიგებული სპორტული ინფრასტრუქტურა.

4.2 პროგრამა -კულტურის განვითარების ხელშეწყობა (პროგრამული კოდი  0502)

მუნიციპალიტეტის კულტურული ტრადიციების დაცვის მიზნით პროგრამის ფარგლებში გაგრძელდება კულტურული დაწესებულებების ფინანსური მხარდაჭერა, ასევე განხორციელდება და მოეწყობა სხვადასხვა  კულტურული ღონისძიებები, მათ შორის: სადღესასწაულო დღეებში სხვადასხვა გასართობი და სანახაობრივი ღონისძიებები.

პროგრამის მიზანია: ქართული   კულტურის  პოპულარიზაცია,  ბიბლიოთეკების,  მუზეუმების  და თეატრისადმი მოსახლეობის დაინტერესებისა და ჩართულობის გაზრდა, შემოქმედებითი ნიჭით დაჯილდოებული ახალგაზრდების ხელშეწყობა, კულტურის დაწესებულებების გამართულად ფუნქციონირება.

4.2.1 ქვეპროგრამა -კულტურული ღონისძიებების დაფინანსება (პროგრამული კოდი  050201)

კულტურული ღონისძიებების პროგრამის ფარგლებში წლის განმავლობაში დაგეგმილია სხვადასხვა სახის კულტურულ-საგანმანათლებლო, თეატრალურ-მუსიკალური, ფესტივალ-კონკურსები, გამოფენები, თეატრალური წარმოდგენები, მუსიკალურ-ლიტერატურული კომპიზიციები ემსახურება მუნიციპალიტეტის მოსახლეობის ფართო მასების კულტურულ ცხოვრებაში აქტიურ ჩართვას, ხელოვნების სხვადასხვა სფეროს პოპულარიზაციას. ცნობილი ადამიანების პატივგებას. ასაკობრივ თაობათა შორის კავშირის განმტკიცებას, გართობისა და დასვენების თვალსაზრისით თავისუფალი დროის გონივრულად გამოყენებას, მუნიციპალიტეტის პრესტიჟისა და ღირსების განმტკიცებას.  

ქვეპროგრამის მიზანია: ქართველი ერის იდენტობის დაცვა, ქართული პოეზიის, მეცნიერების, მწერლობის, ფოლკლორის, მართლმადიდებლური ქრისტიანობის, მუსიკალური და თეატრალური ტრადიციების პოპულარიზაცია. მუნიციპალიტეტის პრესტიჟისა და ღირსების ამაღლება. ყველა აქტივობა ხორციელდება გენდერეული თანასწორობის პრინციპით, ადაპტირებული შშმ და სსმ პირებისათვის.

4.2.2 ქვეპროგრამა -კულტურის ობიექტების მშენებლობა, რეაბილიტაცია (პროგრამული კოდი  050202)

ქვეპროგრამის ფარგლებში განხორციელდება მუნიციპალიტეტის ტერიტორიაზე არსებული კულტურული მემკვიდრეობის ძეგლების მშენებლობა და  ინფრასტრუტურის მოწესრიგება. 2025 წელს სრულდება ჯრუჭის მონასტრის მშენებლობა. იგეგემება სხვადასხვა კულტურულ ობიექტზე კეთილმოწყობის სამუშაოები; რგპფ-ს თანადაფინანსება.

ქვეპროგრამის მიზანია: მუნიციპალიტეტის ტერიტორიაზე არსებული კულტურული მემკვიდრეობის ძეგლების აღდგენა-რეაბილიტაცია.

4.2.3 ქვეპროგრამა -კულტურული დაწესებულებების ხელშეწყობა (პროგრამული კოდი  050203)

პროგრამის ფარგლებში გათვალისწინებულია მუნიციპალიტეტის მიერ ა(ა)იპ-ის ფორმით დაფუძნებული სახელოვნებო სკოლების, ბიბლიოთეკების, კულტურის სახლების და მუზეუმების, კულტურულ-საგანმანათლებლო დაწესებულების დაფინანსება. შრომის ანაზღაურებასთან ერთად პროგრამა ითვალისწინებს სხვა მიმდინარე ხარჯების დაფინანსებასაც.

ქვეპროგრამის მიზანია კულტურის სფეროში მომუშავე ა(ა)იპების ხელშეწყობა.

4.2.3.1 ღონისძიება -ბიბლიოთეკების ხელშეწყობა (პროგრამული კოდი  05020301)

ბიბლიოთეკის მნიშვნელოვანი და სოციალური  ფუნქციაა სრულად და ეფექტურად გამოიყენოს თავისი ფონდები და სხვა საბიბლიოთეკო რესურსები მომხმარებელთა მოთხოვნების დასაკმაყოფილებლად. ამ მიზნით  ბიბლიოთეკაში შეიქმნა და შენარჩუნდა თანმიმდევრული და დალაგებული კოლექცია მომხმარებელთათვის ცოდნის ხელმისაწვდომობის მიზნით. ქვეპროგრამა ითვალისწინებს პოლიტიკურ, რელიგიურ, ასაკობრივ და ეროვნულ ნეიტრალიტეტს, ინფორმაციის ხელმისაწვდომობას, ოპერატიულობას და შეუზღუდაობას. ბიბლიოთეკაში შექმნილია ინოვაციური გარემო მომხმარებელთა მოთხოვნილებების დაკმაყოფილებისათვის ელექტრონულ ტექნოლოგიებზე დაყრდნობით. გათვალისწინებულია ბიბლიოთეკართა კვალიფიკაციის ამაღლება მკითხველთათვის კვალიფიციურ მრჩევლებლად  ჩამოყალიბების მიზნით.  აქტიურად ტარდება მასობრივი ღონისძიებები მიმდინარე აქტუალურ საკითხებზე. სისტემატიურად ეწყობა ახალგამოცემული ლიტერატურის ინფორმირება და პრეზენტაცია მომხმარებელთათვის. აუცილებელია სამთავრობო და სამოქალაქო საზოგადოების ხელშეწყობა მასობრივი ბიბლიოთეკების ქსელის გაფართოებაზე. ადგილობრივი ისტორიისა და კულტურის განვითარების  ხელშეწყობით ხდება  მომხმარებელთა  ეროვნული თვითმყოფადობის გაძლიერება. ბიბლიოთეკის ბაზაზე არსებობს ადგილობრივი გაზეთი ,,მოდინახე'', რომელიც თვეში ერთხელ გამოდის. სწორედ ამ მიზნების განხორციელებას ემსახურება რაიონში არსებული 1 მთავარი, 1 საბავშვო და 15 სასოფლო ბიბლიოთეკა-განყოფილება 145490 ერთეული  წიგნადი ფონდითა და  ციფრული ტექნოლოგიებით.

ღონისძიების მიზანია: ბიბლიოთეკა გახდეს ერთ-ერთი ინიციატორი, მამოძრავებელი ძალა და სანდო პარტნიორი სხვადასხავა პროგრამებისა და მიზნების განხორციელებისათვის.

4.2.3.2 ღონისძიება -საჩხერის კულტურის ცენტრი (პროგრამული კოდი  05020302)

ქვეპროგრამის ფარგლებში ფინანსდება ა(ა)იპ  „საჩხერის ობოლა ციმაკურიძის სახელობის კულტურის ცენტრი“, სადაც გაერთიანებულია სხვადასხვა მიმართულებები: ქორეოგრაფიული, ფოლკლორული, სამეჯლისო სპორტული ცეკვების სტუდიები და ანსამბლები, სალოტბარო სკოლა, სახალხო თეატრი, თოჯინების თეატრი, ბავშვთა ვოკალურ ინსტრუმენტული ბენდი, მ. ხატელიშვილის სახელობის სამუსიკო სტუდია, სადაც შეისწავლება ფორტეპიანო, ვიოლინო, გიტარა, სოლო სიმღერები და ანსამბლი ,,განთიადი“. სტუდიებში და ანსამბლებში გაერთიანებულია 300 -მდე ბავშვი, მათ შორის 180 გოგონა, 120 ბიჭი. აქვეა თვითშემოქმედებითი ნიმუშების მოძიება და პოპულარიზაცია, ხალხური პოეზია, ხალხური სიმღერა და ხალხური ნიმუშების ჩართვა ფოლკლორულ ფესტივალებსა და სახალხო ზეიმებში, რაც მნიშვნელოვანია შემოქმედებითი ნიმუშების შენარჩუნებისა და ოჯახური ტრადიციების გაგრძელების თვალსაზრისით.

ღონისძიების მიზანია: ეროვნული კულტურული ღირებულებების შენარჩუნება და პოპულარიზაცია: მომავალ თაობებში ეროვნული კულტურისა და ხელოვნებისადმი ინტერესის გაღვივება, კულტურულ პროცესებში ადგილობრივი საზოგადოების აქტიურად ჩართვა და მისთვის ხარისხიანი პროდუქციის მიწოდება, ცენტრის მიერ შექმნილი კულტურული ღირებულებების გატანა რესპუბლიკურ და საერთაშორისო ასპარზზე. სახელმწიფოებრივად მოაზროვნე მომავალი თაობის მაღალ სულიერ და ზნეობრივ პრინციპებზე აღზრდის ხელშეწყობა.

4.2.3.3 ღონისძიება -სარეკის კულტურულ– საგანმანათლებლო ცენტრი (პროგრამული კოდი  05020303)

ქვეპროგრამა ითვალისწინებს სარეკის მოსახლეობის, განსაკუთრებით მოსწავლე-ახალგაზრდობის კულტურულ და საგანმანათლებლო საქმიანობაში ხელშეწყობას და აქტიურ მონაწილეობას  ფესტივალებსა და კონკურსებსში. კულტურის ცენტრში იგეგმება სხვადასხვა წრეების დამატება, დაინტერესება სხვადასხვა კულტურულ და საგანმანათლებლო  ღონისძიებებში, რაც გამოიწვევს  მოსწავლე-ახალგაზრდობის დაინტერესებას და გაზრდის მოსწავლეთა რაოდენობას. სარეკის  კულტურის სახლში გაერთიანებულია სხვადასხვა წრეები და სტუდიები:  ქორეოგრაფიული სტუდია, მუსიკალური სტუდია, ინგლისურის წრე, მხატვრული წრე. წრეებში მოსწავლეთა რაოდენობა შეადგენს 20-ს მათ შორის: 12 გოგო 8 ბიჭი.  სარეკის კულტურის სახლი აქტიურად თანამშრომლობს სარეკის საჯარო სკოლასთან და სასოფლო ბიბლიოთეკასთან. ეწყობა ერთობლივი ღონისძიებები.

ღონისძიების მიზანია: შემოქმედებითი ჯგუფის ხელშეწყობა.

4.2.3.4 ღონისძიება -მხარეთმცოდნეობის მუზეუმი (პროგრამული კოდი  05020304)

მუზეუმის კონცეფციით გათვალისწინებული საკითხების გადაჭრისათვის ქვეყნის სამუზეუმო და კულტურული მემკვიდრეობის დაცვის კანონებისა და მისი ქვემდებარე ინსტრუქციების საფუძველზე კოლეგიალობის განმტკიცება ხელისუფლების, ზემდგომი ორგანიზაციების და სხვადასხვა საზოგადოებრივ ინსტიტუციებთან ერთად და ქვეყნის კრიზისული სიტუაციების მართვაში ოპერატიული ჩართულობისათვის მუდმივი მზაობა. მდგრადი ტურიზმის განვითარებისთვის ინოვაციური და რელევანტური  მიდგომებით საკუთარი ადგილის დამკვიდრება სამუზეუმო პოლიტიკის უმთავრესი მიზნის-,,მუზეუმი ყველასია"-მისაღწევად.

ღონისძიების მიზანია: სამუზეუმო პოლიტიკის გატარება.

4.2.3.5 ღონისძიება -აკაკი წერეთლის სახელმწიფო მუზეუმი (პროგრამული კოდი  05020305)

მნიშვნელოვანი ღონისძიებები განხორციელდა მუზეუმის მატერიალურ-ტექნიკური ბაზის განმტკიცებისათვის.  ტურისტებისა და მნახველთა სათანადო დონეზე მომსახურებისათვის. 2025 წლის განმავლობაში კიდევ მეტი  ყურადღება  დაეთმობა  დამთვალიერებელთა და ტურისტთა ნაკადის სათანადო დონეზე მომსახურებას, დედისეული  ბაღის კარმიდამოს  შემოღობვა და კეთილმოწყობას, მნახველები დეტალურად  გაეცნობიან როსტომისეულ  სასახლეს,  საგამოფენო დარბაზსა და სავანის ძიძისეულ კარმიდამოს,  იქ  არსებული  აკაკის  დროინდელი  ავეჯისა  და  საოჯახო  ნივთების გამოფენას. კიდევ უფრო მრავალრიცხოვანი იქნება აკაკის  მედლისა და პრემია ,,სხვიტორი" -ს  მოპოვებისათვის  წარმოდგენილი  ავტორები. 

ღონისძიების მიზანია: თავისი მაღალპროფესიული საქმიანობით მუზეუმი აღწევს მთავარ მიზანს, რაც  ითვალისწინებს  მგოსნის ცხოვრების  და  შემოქმედების  პოპულარიზაციას.

4.2.3.6 ღონისძიება -აკადემიკოს კონსტანტინე და მხატვარ სოსო წერეთლების სახელობის მუზეუმი (პროგრამული კოდი  05020306)

დღეის მდგომარეობით მუზეუმში განთავსებულია 395 ექსპონანტი. წლის განმავლობაში ვიზიტორთა რაოდენობა საშუალოდ შეადგენს 385კაცს, მუზეუმის ინიციატივით იგეგმება სხვადასხვა საგანმანათლებლო ღონისძიებების ჩატარება.

ღონისძიების მიზანია:  კულტურულ-შემეცნებითი ღონისძიებებით,  ხელოვნების ნიმუშების გამოფენით, ფართო საზოგადოების კიდევ უფრო მეტად დაინტერესება.

4.2.3.7  ღონისძიება -სამუსიკო სკოლა (პროგრამული კოდი  05020307)

სამუსიკო სკოლაში მუსიკალურ განათლებას ღებულობს 310 მოსწავლე, (ბიჭი 80, გოგონა 230) მათ შორის საფორტეპიანო განყოფილებაზე სწავლობს 205 მოსწავლე, სავიოლინო განყოფილებაზე 7 მოსწავლე, ხალხურ საკრავებზე 38 მოსწავლე, საესტრადო განყოფილებაზე 30 მოსწავლე, ფოლკლორულ ანსამბლში ირიცხება 30 მოსწავლე.

ღონისძიების მიზანია: კლასიკური და ხალხური მუსიკის პოპულარიზაცია, პროპაგანდა, მოზარდი თაობის ინტელექტუალურ მსმენელად ჩამოყალიბება, მოსწავლეთა საშემსრულებლო ხელოვნების დახვეწა, განსაკუთრებული მუსაკალური ნიჭით დაჯილდოებული მოსწავლეების გამოვლენა, სიმღერის, ფოლკლორის და სხვადასხვა ინსტრუმენტების შესწავლა.

4.2.3.8 ღონისძიება -სამხატვრო სკოლა (პროგრამული კოდი  05020308)

საჩხერის მუნიციპალიტეტის მერიის დაქვემდებარებაში ფუნქციონირებს ბავშვთა დაწყებითი სამხატვრო სკოლა. მოსწავლეთა რაოდენობა შეადგენს 151 ბავშვს (101 გოგონა და 50 ბიჭი).   სკოლის   დაფინანსება   ხორციელდება   ქვეპროგრამის   შესაბამისად,   რომელიც ითვალისწინებს   სასწავლო   პროგრამის   განხორციელებას,   მხატვრისთვის საჭირო ჩვევების გამომუშავებას, დამოუკიდებლად აზროვნებას, კომპოზიციების შედგენას, პერსონალური და კოლექტიური გამოფენების მოწყობას.

ღონისძიების მიზანია:  ექვსწლიანი   სასწავლო   პროცესის   ვადაში   შეუქმნას   მოსწავლეებს   შესაბამისი   პირობები ინდივიდუალური შემოქმედების განვითარებისთვის, იზრუნოს მათი ესთეტიკური გემოვნების ჩამოყალიბებაზე   და   აზიაროს   ისინი   დაწყებით   სამხატვრო   საფუძვლებს,   სხვადასხვა მასალების გამოყენებით (ზეთი, გუაში, აკრილი, ტუში, ფანქარი), პლენერების მოწყობით, გემოვნებიანი   ნახატების   შექმნა,   აზიაროს   კომპოზიციის   საფუძვლებს.   მოსწავლეებს შეაძლებინოს   დიდი   მხატვრების   ნამუშევრებში   კონცეპტუალური   აზრის   წაკითხვა   და გამოყენებული   ტექნიკისა   და   მასალის   შესახებ   ინფორმაციის   მიღება,   მსოფლიოს   და ქართული   სამხატვრო   ხელოვნების   ისტორიის   შესწავლა,   სხვადასხვა   მიმდინარეობების (იმპრესიონიზმი,   კუბიზმი,   რეალიზმი   სურეალიზმი   და   ა.შ.)   სტილის   აღქმა,   სხვადასხვა სამხატვრო   დარგის   (ფერწერა,   დაზგური   გრაფიკა,   სამოდელო   დიზაინი,   არქიტექტურა) საფუძვლების   შესწავლა.

4.2.3.9 ღონისძიება -არგვეთის კულტურის სახლი (პროგრამული კოდი  05020309)

კულტურის სახლში გაერთიანებულია სხვადასხვა მიმართულებები: ქორეოგრაფიული სტუდია, ცეკვის მოყვარულთა  წრე, ქართულ-ხალხურ საკრავთა ანსამბლი ,,ციცინათელა", ფოლკლორული ანსამბლი  ,,არგვეთი",  ქართულ-ხალხური სიმღერების  შემსწავლელი  წრე,  ქართული საესტრადო სიმღერების შემსწავლელი წრე, ქართულ-ხალხურ  ინსტრუმენტებზე დაკვრის (ფანდური,  ჩონგური, დიპლიპიტო, ბასფანდური) შემსწავლელი წრე, გიტარის შემსწავლელი წრე, მხატვრული კითხვის წრე. წრეებში მონაწილეთა რაოდენობა შეადგენს 120, მათ შორის ქალი 70,  ბიჭი  50.

ღონისძიების მიზანია:  შემოქმედებითი პროცესებისა და ფოლკლორული ჯგუფების ხელშეწყობა,  მივიწყებული  ქართული ხალხური სიმღერების აღდგენა და შენარჩუნება, ლიტერატურული წარმოდგენების გამართვა, ახალგაზრდებში ეროვნული ფასეულობებისა და კულტურული  მემკვიდრეობისადმი  ინტერესის გაღვივება.    

4.3 პროგრამა -ტურიზმისა და ახალგაზრდულ ღონისძიებათა პროგრამა (პროგრამული კოდი  0503)

პროგრამის ფარგლებში მოხდება ახალგაზრდული ინიციატივების მხარდაჭერა, ცხოვრების ჯანსაღი წესის პოპულარიზაცია, გაიზრდება ახალგაზრდებისთვის არაფორმალური საგანმანათლებლო სერვისების ხელმისაწვდომობა, ხელი შეეწყობა ახალგაზრდების ჩართულობას მასობრივ ღონისძიებებში, წარმოჩინდება მათი ნიჭი და უნარები.  პროგრამის ფარგლებში განხორციელდება მასობრივი ტურისტული და  ახალგაზრდული ღონისძიებები, ფესტივალები, გასართობი, შემეცნებითი და არაფორმალური საგანმანათლებლო აქტივობები, ლაშქრობები.  ტურიზმის მიმართულებით დაგეგმილია ადგილობრივი მეწარმეების ხელშეწყობა, ტურისტულად საინტერესო ადგილების მარკირება, საინფორმაციო ბუკლეტების დამზადება. ყველა აქტივობა განხორციელებულდება გენდერეული თანასწორობის პრინციპით, მათ შორის ადაპტირებულია შშმ და სსმ პირებისათვის. პროგრამის ფარგლებში მოეწყობა  ახალგაზრდული ბანაკები. ტურისტულ ატრაქციებზე სტანდარტების შესაბამისი აბრების დამზადება, სხვადასხვა სახის კონკურს-ფესტივალებში მონაწილეობის მიღება.

პროგრამის მიზანია:  ტურიზმის განვითარება ადგილობრივ და საერთაშორისო  დონეზე, ღვინის ტურიზმის, საოჯახო მეურნეობების ხელშეწყობა, ახალგაზრდობის მხარდაჭერა, რომელიც გულისხმობს საზოგადოებრივ ცხოვრებაში ახალგაზრდების თვითრეალიზაციის შესაძლებლობას, მათი საქმიანობის სტიმულირებას. მუნიციპალიტეტის ახალგაზრდობის ინტელექტუალური, ფიზიკური და სულიერი პოტენციალის გამოვლენას, ინოვაციური იდეების მქონე საინიციატივო ჯგუფების ხელშეწყობას. 

პროგრამა კავშირშია მდგრადი განვითარების შემდეგ მიზანათან: SDG 11.

4.4 პროგრამა -რელიგიის ხელშეწყობა (პროგრამული კოდი  0504)

ადგილობრივ მოსახლეობაში ქრისტიანული, ტრადიციული ფასეულობების გავრცელება, ეროვნული და ზოგადსაკაცობრიო იდეალების განმტკიცება, კულტურულ-საგანმანათლებლო ღონისძიებების ორგანიზება. მოსახლეობის  ცნობიერების ამაღლება საკუთარი ეროვნული იდენტობის შესახებ. ქრისტიანულ-კულტურული მემკვიდრეობის გაცნობიერება და შესწავლა (ქართული საეკლესიო საგალობლები, მედავითნეობა). ქრისტიანული და ტრადიციული ფასეულობების განმტკიცება. ეროვნული სულისკვეთების გაძლიერება. ეპარქიის სახელით საეკლესიო ღონისძიებების ჩატარება.

პროგრამის მიზანია:  საეკლესიო მსახურების ხელშეწყობა. 

მუხლი 17. მოსახლეობის ჯანმრთელობის დაცვა და სოციალური უზრუნველყოფა

მოსახლეობის ჯანმრთელობის დაცვა და სოციალური უზრუნველყოფის პრიორიტეტის დაფინანსებისათვის განისაზღვროს 2114,9 ათასი ლარი. მოსახლეობის ჯანმრთელობის დაცვა და სოციალური უზრუნველყოფის პიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რდაქციით:

ათას ლარში

5.  პრიორიტეტი -მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი  0600)

მოსახლეობის ჯანმრთელობის დაცვის ხელშეწყობა და მოსახლეობის სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. არსებული რესურსების ფარგლებში გაგრძელდება სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფა. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის დაცვას სხვადასხვა გადამდები და ინფექციური დაავადებებისაგან.

5.1 პროგრამა -ჯანდაცვის პროგრამები (პროგრამული კოდი  0601)

ეპიდზედამხედველობის სახელმწიფო პროგრამა: (იმუნიზაცია, გადამდებ და არაგადამდებ დაავადებათა მართვა, პარაზიტოლოგიური დაავადებები, ანტირაბიული-ცოფის საწინააღმდეგო ღონისძიებები. C ჰეპატიტის ელიმინაციის პროგრამა,  COVID-19-ის ვირუსის გავრცელების ერთეული შემთხვევები და მისი მართვა.) პროგრამა ითვალისწინებს  მუნიციპალიტეტის ტერიტორიაზე მცხოვრები მოსახლეობის ჯანმრთელობის დაცვისათვის ღონისძიებების გატარებას, დელეგირებული  საზოგადოებრივი ჯანდაცვის  სახელმწიფო პროგრამების შესრულებას. საზოგადოებრივი ჯანდაცვის ინტეგრირებული პროგრამა ითვალისწინებს გადამდებ დაავადებათა გავრცელების პრევენციას, (ესენია: ,,C” ჰეპატიტი, შიდსი, ტუბერკულოზი,) აღნიშნული პროგრამა მრავალწლიანია,  გამოკვლევები და მკურნალობა  უფასოა ყველა მოქალაქისათვის. 2025 წლის წინასწარი პროგნოზით  ინტეგრირებული კვლევა ჩაუტარდება მოსახლეობის 95 %-ს. ყველა ვირუს დადასტურებულ პირის ბიოლოგიური მასალა (პლაზმა) გაიგზავნება კონფირმაციული (დამატებით) კვლევისათვის ლუგარის ლაბორატორიაში. დაინფიცირებულ პირს ჩაუტარდება შესაბამისი მკურნალობა. ჯანდაცვის პროგრამებში  მუშაობა სისტემატიურად აისახება ლოჯისტიკის ელ. მოდულში. ჩატარდება პარაზიტულ დაავადებათა  გადამტანი მწერების (კოღო, ტკიპები, მოსკიტები) საწინააღმდეგო  ღონისძიებები, ჩატარდება საბონიფიკაციო სამუშაოები (ჭაობების და წყალსატევების გაწმენდა, თევზი გამბუზიის მოშენება და   გავრცელება), სკოლამდელ და სასკოლო დაწესებულებებში დიდი ყურადღება დაეთმობა სანიტარულ - ჰიგიენური წესების დაცვას.( ხელსაბანები, გამდინარე ცივი და თბილი წყალი,).

პროგრამის მიზანია:  აცრებით მოცული იყოს 0-14 წლის ბავშვთა აბსულუტური უმრავლესობა 98%; ბავშვთა ორგანიზებულ დაწესებულებებში (სკოლები, ბაღები) ჰიგიენის ნორმების დაცვა, წყალმომარაგებით და  კანალიზაციით უზრუნველყოფა. ანტირაბიული ვაქცინისა და იმუნოგლობულინის შეუფერხებელი მიწოდება ამცრელ დაწესებულებაზე. შეტყობინების მიღებიდან მყისიერი რეაგირება, უკუკავშირი ვეტ. სამსახურთან. (ცხოველებზე ვეტ. კონტროლი); რაიონის მოსახლეობის 95% გამოკვლეული იყოს C ჰეპატიტის და შიდსის  ვირუსზე;   საგანმანათლებო შინაარსის შეხვედრები მოსახლეობასთან; საინფორმაციო ბუკლეტების დარიგება; სეზონური გრიპის საწინააღმდეგო ვაქცინის შემოტანა და  მოსახლეობის ვაქცინაციის ჩატარება გარკვეულ ასაკობრივ ჯგუფებში;  შშმ პირთა და მოხუცთა თავშესაფარში  ბინადართა ვაქცინაციის ჩატარება ადგილზე.

პროგრამა კავშირშია მდგრადი განვითარების შემდეგ მიზანათან: SDG 3.                                                                                               

5.2 პროგრამა -სოციალური პროგრამები (პროგრამული კოდი  0602)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის გარკვეული შეღავათებისა და სოციალური დახმარებებით  უზრუნველყოფას. მოხუცებულთა, მიუსაფართა და სოციალურად დაუცველთა კვებით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას, ავადმყოფთა დახმარებას, სხვადასხვა ორგანიზების და ღონისძიებების სუბსიდირებას და სხვა სოციალურ ღონისძიებებს. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო ხარჯების ანაზღაურებას, ბავშვთა მხარდაჭერის პროგრამას.

პროგრამის მიზანია:  მუნიციპალიტეტის მოსახლეობის სოციალური მდგომარეობის გაუმჯობესება.პროგრამა კავშირშია მდგრადი განვითარების შემდეგ მიზანათან: SDG 1, SDG 2,      SDG 3.

5.2.1 ქვეპროგრამა -ავადმყოფთა სოციალური დაცვა (პროგრამული კოდი  060201)

ავადმყოფთა სოციალური დაცვის მუხლიდან გათვალისწინებულია დახმარება საჩხერის მუნიციპალიტეტის  ტერიტორიაზე რეგიტრირებულ მოქალაქეებზე, რომელნიც საჭიროებენ დახმარებას, კერძოდ: ა)მოქალაქეს, რომელსაც ესაჭიროებათ გეგმიური  და გადაუდებელი სტაციონარულ-ქირურგიული ოპერაცია და სხვა სამედიცინო მომსახურება, მიეცემათ 2000 (ორიათასი) ლარამდე ერთჯერადად,  ხოლო მოქალაქეს, რომელიც რეგისტრირებულია სოციალურად დაუცველთა ერთიან ბაზაში (100001 ნაკლები ქულის მქონე პირი), ასევე შეზღუდული შესაძლებლობის სტატუსის და ვეტერანის სტატუსის მქონე მოქალაქეებს მიეცემათ დახმარება ერთჯერადად, არაუმეტეს 3000 (სამიათასი) ლარამდე თანხის ოდენობით;  ბ)მოქალაქეები, რომლებსაც ესაჭიროებათ სხვადასხვა  სახის კვლევა დაფინანსდებიან 500 (ხუთასი) ლარამდე, ხოლო  მოქალაქეს, რომელიც რეგისტრირებულია სოციალურად დაუცველთა ერთიან ბაზაში (100001 ნაკლები ქულის მქონე პირი), ასევე შეზღუდული შესაძლებლობის სტატუსის და ვეტერანის სტატუსის მქონე მოქალაქეებს მიეცემათ დახმარება ერთჯერადად, არაუმეტეს 1000 (ერთიათასი) ლარამდე თანხის ოდენობით;  გ)მოქალაქეები, რომლებიც თირკმლის უკმარისობის გამო, გადიან დიალიზით მკურნალობის კურსს სხვადასხვა ქალაქში მიეცემათ დახმარება ყოველთვიურად 100 (ასი) ლარის ოდენობით, ხოლო მაღალმთიან დასახლებაში მუდმივად მცხოვრები პირის სტატუსის მქონე მოქალაქეს 150 (ასორმოცდაათი) ლარის ოდენობით; დ) მერიის ბიუჯეტიდან ვერ დაფინანსდება მოქალაქე, რომელიც აპირებს სამედიცინო მომსახურება მიიღოს, ან უკვე მიიღო დაფინანსება იმ დაწესებულებაში, რომელიც გასულია საყოველთაო ჯანდაცვის სახელმწიფო პროგრამიდან, ასევე მოქალაქე, რომლის წლიური შემოსავალიც აღემატება 40000 (ორმოციათასი) ლარს, გარდა იმ მომსახურებისა, რომელიც არ ფინანსდება სახელმწიფოს მიერ, აღნიშნულ მომსახურებებს მერია დააფინანსებს  1000  (ერთიათასი)  ლარამდე  თანხის  ოდენობით.

ქვეპროგრამის მიზანია:  მოსახლეობის სამედიცინო სერვისებზე ხელმისაწვდომობის გაზრდა და პროგრამით მოსარგებლეთა ჯანმრთელობის მდგომარეობის გაუმჯობესების ხელშეწყობა.

5.2.2 ქვეპროგრამა -შეზღუდული შესაძლებლობების მქონე პირთა სოციალური დაცვის უზრუნველყოფა (პროგრამული კოდი  060202)

ქვეპროგრამა ითვალისწინებს მუნიციპალიტეტში მცხოვრები შეზღუდული შესაძლებლობის მქონე პირთა მათ შორის:  ქალების, მამაკაცების, გოგონების, ბიჭების სოციალურ დახმარებას.

ქვეპროგრამის მიზანია:  შეზღუდული შესაძლებლობის მქონე მოქალაქეების ფინანსური დახმარება.

5.2.2.1 ღონისძიება -შეზღუდული შესაძლებლობების მქონე პირთა სოციალური დაცვა (პროგრამული კოდი  06020201)

1. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის სტატუსის მქონე, 0-18 წალამდე არასრულწლოვან მოქალაქეებს წელიწადში ერთჯერადად მიეცემათ 200 (ორასი) ლარი.                                                                          2. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის მქონე პირს, რომელსაც ესაჭიროება ინდივიდუალური დამხმარე საშუალება და რომელიც არ ფინანსდება ან ნაწილობრივ ფინანსდება სახელმწიფო პროგრამის ფარგლებში, მიეცემა დახმარება ერთჯერადად, არაუმეტეს 500 (ხუთასი) ლარამდე ოდენობით.       

3. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის მქონე  /ეტლით მოსარგებლე, საწოლს მიჯაჭვული/ პირს ჰიგიენური საშუალებებით უზრუნველყოფისთვის მიეცემა დახმარება  წელიწადში ერთჯერადად, არაუმეტეს 500 (ხუთასი) ლარამდე ოდენობით.

ღონისძიების მიზანია: შეზღუდული შესაძლებლობის მქონე ბავშვთა (0-18 წალამდე არასრულწლოვანთა) ფინანსური დახმარება. შეზღუდული შესაძლებლობის მქონე პირთა მაქსიმალური ინტეგრაცია საზოგადოებაში, წვდომა საზოგადოებრივ სერვისებზე და მათთვის ადაპტირებული გარემოს ხელმისაწვდომობა.

5.2.2.2 ღონისძიება - საქართველოს ყრუთა კავშირის საჩხერის ფილიალის ხარჯების სუბსიდირება (პროგრამული კოდი  06020202)

საქართველოს ყრუთა კავშირის   საჩხერის ფილიალი ახორციელებს 6-18 წლამდე ბავშვებზე ზრუნვას, აღნიშნულ ფილიალში ამჟამად ირიცხება 17 ბენეფიციარი მათშორის  11 ბიჭი და 6 გოგო.  პროგრამა   ემსახურება  6 დან 18 წლამდე ასაკის ბენეფიციართა ფიზიკური, შემეცნებითი და ფსიქოლოგიური სერვისების მიწოდებას, რაც უზრუნველყოფს მათ ინტელექტუალურ და შემოქმედებით განვითარებას და სოციალურ ინკლუზიას. დღის ცენტრში ფუნქციონირებს მობილური ჯგუფი, რომელიც დაკომპლექტებულია მულტიდისციპლინალური ჯგუფით: სპეც პედაგოგები, ძიძა, ფსიქოლოგი, ექთანი,  სახელოვნებო მიმართულების სპეციალისტი და მუს თერაპევტი, რომლებიც მუშაობენ შშმ ბენეფიციარებთან. სპეც. პედაგოგი მუშაობს როგორც ბავშვებთან ასევე მათ მშობლებთან, იმ ინდივიდუალური გეგმის მიხედვით რომელიც შედგენილი გვაქვს მშობლების ჩართულობით. სწავლის პროცესი მიმდინარეობს, როგორც თეორიული ცოდნის ათვისების, ასევე შესაბამისი პრაქტიკული სავარჯიშოების განხორციელებით, ბენეფიციარების შესაბამისი უნარების შესაბამისად. დღის ცენტრში განხორციელებულია ინდივიდიალური და გუნდური მუშაობა თითოეულ ბენეფიციართან. ბენეფიციარების ტრიგერების შეფასება ქცევის მართვის პროგრამის დაგეგმვა-განხორციელება. ბენეფიციართა ფსიქოლოგიური შეფასება სენსორული და ფუნქციური უნარების განვითარება. აღნიშნული პროგრამის ამოცანაა სამიზნე ჯგუფის ოჯახების მხარდაჭერა, ყოველდღიური მომსახურება ცენტრის ტრანსპორტით, ორჯერადი კვებით მათ შორის სადილი სამ კომპონენტიანი.

ქვეპროგრამის მიზანია:  შშმ პირთა სოციალური ინკლუზიის და ცხოვრების ხარისხის გაზრდის ხელშეწყობა,

6-14 წლამდე ინკლუზიური განათლების ხელშეწყობა; 14-18 წლამდე პროფესიული მომზადება.  

5.2.3 ქვეპროგრამა -ომისა და შრომის ვეტერანებზე და მათ ოჯახებზე ფულადი ფორმით გასაცემი დახმარებები (პროგრამული კოდი  060203)

საჩხერის მუნიციპალიტეტის ტერიტორიაზე რეგისტრირებულ ომის მონაწილე  ვეტერანს, რომელიც ასევე არის შეზღუდული შესაძლებლობის სტატუსის მქონე მიეცემა დახმარება ერთჯერადად 200 (ორასი) ლარის ოდენობით.   

ქვეპროგრამის მიზანია:  ომის მონაწილე ვეტერანთა, ასევე შეზღუდული შესაძლებლობის სტატუსის მქონე ვეტერანების მხარდაჭერა.

5.2.4 ქვეპროგრამა -ოჯახებისა და ბავშვების სოციალური დაცვა (პროგრამული კოდი  060204)

1.საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც შეეძინება მეოთხე ან/და მეხუთე შვილი (0-18 წლის ჩათვლით) მიეცემა დახმარება ერთჯერადად 300 (სამასი) ლარის ოდენობით, ხოლო მეექვსე და მეტი შვილის შეძენის შემთხვევაში (0-18 წლის ჩათვლით), 1000 (ათასი) ლარის ოდენობით. 2.საჩხერის მუნიციპალიტეტის ტერიტორიაზე  რეგისტრირებულ  ხანდაზმულს (100 წელი და ზევით) მიეცემა დახმარება  ერთჯერადად  1000 (ათასი) ლარის ოდენობით. 3.აკრედიტირებულ უმაღლეს სასწავლებელში სწავლის საფასურის თანადაფინანსება ხდება 700 (შვიდასი) ლარამდე ოდენობით და ერთჯერადად გაეწევათ დახმარება: დედით ან მამით ობოლ, მარტოხელ მშობლის სტატუსის მქონე, მრავალშვილიან ოჯახში მცხოვრებ (4 და მეტი შვილი, 20 წლის ჩათვლით), სოციალურად დაუცველ ოჯახში მცხოვრებ (რომელთაც აქვთ მინიჭებული 100000 ჩათვლით სარეიტინგო ქულა), საქართველოს ოკუპირებული ტერიტორიიდან იძულებით გადაადგილებული მშობლის და  შეზღუდული შესაძლებლობის სტატუსის მქონე მშობლის სტუდენტებს, ხოლო  შეზღუდული შესაძლებლობის სტატუსის მქონე სტუდენტი დაფინანსდება 1000 (ათასი) ლარამდე ოდენობით. 4.საჩხერის მუნიციპალიტეტის ტერიტორიაზე რეგისტრირებულ და მუდმივად მცხოვრებ ოჯახებს, რომლებიც ცხოვრობენ სიცოცხლისათვის საფრთხის შემცველ მძიმე საცხოვრებელ პირობებში, იმყოფებიან სოციალურად დაუცველთა ერთიან ბაზაში (100001 ნაკლები ქულის მქონე ოჯახი), არ აქვთ ალტერნატიული საცხოვრებელი ფართი და საკუთარი სახსრებით ეწევიან საცხოვრებელი სახლის აღდგენა-გამაგრებით სამუშაოებს, საცხოვრებელი პირობების გაუმჯობესების მიზნით მიეცემათ დახმარება ერთჯერადად არაუმეტეს 5000 (ხუთი ათასი) ლარამდე ოდენობით.  5.საჩხერის მუნიციპალიტეტის ტერიტორიაზე რეგისტრირებულ მოქალაქეს განსაკუთრებულ  შემთხევაში, მიეცემა დახმარება ერთჯერადად, არაუმეტეს 5000 (ხუთი ათასი)  ლარამდე ოდენობით. 6.ჩერნობილის ატომური ელექტროსადგურის საერთაშორისო დღესთან დაკავშირებით, ჩერნობილის ატომური ელექტროსადგურის ავარიის მონაწილეზე, რომელიც რეგისტრირებულია საჩხერის სოციალური მომსახურების სააგენტოში გაიცემა დახმარება ერთჯერადად 200 (ორასი) ლარის ოდენობით. 

ქვეპროგრამის მიზანია:  მრავალშვილიან, ასწლოვან და გაჭირვებულ ოჯახთა დახმარება, ასევე სტუდენტთა თანადაფინანსება, ჩერნობილელთა დახმარება.

5.2.5 ქვეპროგრამა -მარჩენალდაკარგულ პირთა სოციალური დაცვა (პროგრამული კოდი  060205)

1. საჩხერის მუნიციპალიტეტის ტერიტორიაზე რეგისტრირებულ დედით ან მამით ობოლ არასრულწლოვან მოქალაქეს მიეცემა დახმარება ერთჯერადად თითოეულ ბავშვზე 200 (ორასი) ლარის ოდენობით. 2. საჩხერის მუნიციპალიტეტის ტერიტორიაზე რეგისტრირებულ მარტოხელა მშობლის სტატუსის მქონე მოქალაქეს მიეცემა დახმარება ერთჯერადად 200 (ორასი) ლარის ოდენობით. 

ქვეპროგრამის მიზანია:  მარჩენალგარდაცვლილი ოჯახების და მარტოხელა მშობლების ფინანსური დახმარება.

5.2.6 ქვეპროგრამა -  უფასო სასადილოს დაფინანსება (პროგრამული კოდი  060206)

საჩხერის მუნიციპალიტტეის ტერიტორიაზე რეგისტრირებულ სოციალურად შეჭირვებულ მოქალაქეს „უფასო  სადილით“ უზრუნველყოფის მიზნით გაეწევა დახმარება და დღეში ერთჯერადად მიეცემათ უფასო სადილი (მენიუს  შესაბამისად), საჭიროების შემთხვევაში ბინაზე მიტანით.

ქვეპროგრამის მიზანია:  სოციალურად შეჭირვებული ბენეფიციარების  ,,უფასო სადილით“ მომსახურება.                                   

5.2.7 ქვეპროგრამა -  სარიტუალო ხარჯები (პროგრამული კოდი  060207)

1. მუნიციპალიტეტის ბიუჯეტიდან ანაზღაურდება შემდეგი სახის სარიტუალო მომსახურება 500 ლარის ოდენობით:

ა) საქართველოს ტერიტორიული მთლიანობისათვის მებრძოლ ვეტერანთა სარიტუალო მომსახურება;

ბ) სხვა ქვეყნის ტერიტორიაზე მებრძოლ ვეტერანთა სარიტუალო მომსახურება;

გ) მეორე მსოფლიო ომის მონაწილე ვეტერანთა სარიტუალო მომსახურება.

2. მუნიციპალიტეტის ბიუჯეტიდან ანაზღაურება უპატრონო მიცვალებულთა სარიტუალო მომსახურება 500 (ხუთასი) ლარის ოდენობით.

ქვეპროგრამის მიზანია: პროგრამით მოსარგებლე ოჯახების მხარდაჭერა

5.2.8   ქვეპროგრამა -    საჩხერე-პერევის და პერევი-საჩხერის საავტობუსო რეისების სუბსიდირება (პროგრამული კოდი  060208)

საჩხერის მუნიციპალიტეტის საზღვრისპირა სოფლების მოსახლეობის საჩხერე-პერევი, პერევი-საჩერის მიმართულებით ხორციელდება სოფლების პერევის და ქარძმანის მცხოვრები მოქალაქეებისათვის უფასო ტრანსპორტით  მომსახურება. პერევის მიმართულებით ემსახურება 2 მძღოლი მიკრო ავტობუსთ კვირაში 4 მარშუტი. სოფელ ქარძმანის მიმართულებით ემსახურება 1 მძღოლი მიკრო ავტობუსით კვირაში 3 მარშუტი.

ქვეპროგრამის მიზანია:  საზღვრისპირა სოფლების მოსახლეობის  უფასო ტრანსპორტით  მომსახურება.

5.2.9 ქვეპროგრამა -სტიქიური უბედურების შედეგად დაზარალებული მოსახლეობის დახმარება (პროგრამული კოდი  060209)

საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც სტიქიური უბედურების/ხანძრის შედეგად დაეწვა საცხოვრებელი სახლი, მიეცემა დახმარება 6000 (ექვსიათასი) ლარამდე ოდენობით.

ქვეპროგრამის მიზანია:  ხანძრის შედეგად დაზარალებულთა მხარდაჭერა.

5.2.10 ქვეპროგრამა -საცხოვრებლით უზრუნველყოფა (პროგრამული კოდი  060210)

1. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც არ აქვს თავშესაფარი, საცხოვრებლით უზრუნველყოფის მიზნით, ბინის დაქირავებისათვის მიეცემა დახმარება  250 ლარამდე  ოდენობით. 2. სტიქიური მოვლენების შედეგად დაზარალებულ და გადაადგილებას დაქვემდებარებულ, საჩხერის მუნიციპალიტეტის ტერიტორიაზე რეგისტრირებულ ოჯახებს (ეკომიგრანტებს) ბინის დაქირავებისათვის მიეცემათ დახმარება ყოველთვიურად 600 ლარამდე თანხის ოდენობით (თანხის ოდენობა განისაზღვრება სამუშაო ჯგუფის მიერ ოჯახში ფაქტობრივად მცხოვრებ წევრთა რაოდენობის მიხედვით). ბინის დაქირავება მოქალაქემ უნდა უზრუნველყოს მუნიციპალიტეტის იმ ადმინისტრაციულ ერთეულში, სადაც თვითონ არის რეგისტრირებული, გარდა ისეთი გამონაკლისისა, როდესაც კონკრეტულ ადმინისტრა-ციულ ერთეულში ფიზიკურად არ მოიძებნება გასაქირავებელი ფართი. ეკომიგრანტ ოჯახებზე, მუნიციპალიტეტის მიერ ბინის დაქირავებისათვის დახმარების მიცემა განხორციელდება, დევნილთა, ეკომიგრანტთა და საარსებო წყაროებით უზრუნველყოფის სააგენტოს მიერ  დადებითი გადაწყვეტილების მიღებიდან 6 თვის განმავლობაში.

ქვეპროგრამის მიზანია:  გაჭირვებული და თავშესაფრის არმქონე ოჯახების და ეკომიგრანტთა დახმარება-ბინით უზრუნველყოფა.

5.2.11 ქვეპროგრამა  -ბავშვთა მხარდაჭერის პროგრამა (პროგრამული კოდი  060211)

საჩხერის მუნიციპალიტეტის ტერიტორიაზე რეგისტრირებულ და მუდმივად მცხოვრებ ბავშვიან ოჯახს, რომელიც ცხოვრობს სოციალური საფრთხის წინაშე და ესაჭიროება დაცვა, მხარდაჭერა და გაძლიერება, ბავშვისა და ოჯახის სოციალური მუშაკის შეფასების დოკუმენტის ინტერდისციპლინარული განხილვის საფუძველზე შედგენილი სამოქმედო გეგმის შესაბამისად განსაზღვრულ ოჯახს, მიეცემა დახმარება ერთჯერადად   არაუმეტეს 3000 (სამიათასი) ლარამდე  ოდენობით.

ქვეპროგრამის მიზანია:  გაჭირვებულ ოჯახთა, სოციალურად დაუცველთა (სარეიტინგო ქულა 120000-ის ჩათვლით) მარჩენალდაკარგულთა/მშობლის/მშობლების/მეურვის/მარტოხელა მშობლის/მარჩენალგარდაცვლილთა/,  ავადმყოფთა, მძიმე სოციალურ და ეკონომიკურ პირობებში მცხოვრებთა, შეზღუდული შესაძლებლობის სტატუსის მქონე ბავშვთა (0-18 წლის ჩათვლით), მრავალშვილიანთა (0-18 წლის ჩათვლით) და ძალადობის მსხვერპლთა  გაძლიერების მიზნით დახმარება

5.3 პროგრამა -ინტეგრირებული დღის ცენტრი (პროგრამული კოდი  0604)

საქართველოს წითელი ჯვრის საზოგადოება და მისი  ფილიალი საჩხერეში თავისი პრიორიტეტებიდან და განსაზღვრული მანდატიდან გამომდინარე ცდილობს წვლილი შეიტანოს მოსახლეობის სოციალური მდგომარეობის გაუმჯობესებაში ადგილობრივ ხელისუფლებასთან  მჭიდრო თანამშრომლობით, რისთვისაც ის თავის რესურსსა და გამოცდილებას იყენებს მოსახლეობის  კეთილდღეობისა და ღირსეული გარემოს შექმნისათვის.

საქართველოს წითელი ჯვრის საზოგადოების საჩხერის ფილიალი მრავალი წელია აქტიურად ახორციელებს მოწყვლადი ჯგუფების სოციალურ მხარდაჭერასა და კატასტროფების რისკის შემცირების შესაძლებლობების გაზრდაზე  ორიენტირებულ  საქმიანობებს. იგი ასევე მუშაობს ახალგაზრდების გაძლიერების და მოხალისეთა ინიციციატივების განვითარების მიმართულებით, კვალიფიციურ მოხალისეთა  ქსელის საშუალებით  აწვდის  სხვადასხვა სახის სერვისებს დაუცველ ჯგუფებს და აქტიურად და მჭიდროდ თანამშრომლობს ადგილობრივ ხელისუფლებასთან.  თვალსაჩინო და ხელშესახებია სარგებელი როგორც მიზნობრივი ჯგუფებისათვის, ასევე მთლიანად თემის წევრებისათვის. სასწავლო ტრენინგ მოდულებისა და კვალიფიციური ტრენერების არსებობა საქართველოს წითელი ჯვრის საზოგადოებას საერთაშორისო პარტნიორებთან ერთად საშუალებას აძლევს განახორციელოს როგორც თემის წევრების სწავლება, ასევე მოახდინოს სათანადო რეაგირება საჭიროებებზე და გამოწვევებზე დაყრდნობით. 

პროექტი საშუალებას მისცემს თემს შეისწავლოს და პრაქტიკაში გამოიყენოს  ის  ცოდნა და გამოცდილება, რომელსაც წითელი ჯვრის საზოგადოება გადასცემს თემის წევრებს  თავის პარტნიორებთან ერთად.   თემის წევრებს  მიღებული ცოდნა და გამომუშავებული უნარ-ჩვევები საშუალებას მისცემს უსაფრთხო და სტაბილური თემების ჩამოყალიბებაში, რომელსაც შესწევს უნარი ადგილობრივ ხელისუფლებასთან და საჩხერის წითელი ჯვრის გუნდთან კოორდინირებაში მოახდინონ  კატასტროფების მიმართ მოწყვლადობის რისკის შემცირება და გაუმკლავდნენ ადგილზე წარმოქმნილ სხვადასხვა ტიპის გამოწვევებს, მათ შორის ჯანდაცვაზე და სოციალურ კეთილდღეობაზე ხელმისაწვდომობის გაზრდით.  შეთავაზებული პროექტის განხორციელებით, საქართველოს წითელი ჯვრის საზოგადოებას და საჩხერის ფილიალს შეუძლია მნიშვნელოვანი როლი შეასრულოს კატასტროფებისადმი მოწყვლადი ჯგუფების, ახალგაზრდების, ხანდაზმულების და მთლიანად თემის  ჯანმრთელობისა და ცხოვრების პირობების გაუმჯობესებასა და შენარჩუნებაში, მათ გაძლიერებასა და მათივე  პრობლემების  ადვოკატირებაში. მობილიზებული პარტნიორები, თემის წევრები და სერვისების მიწოდებასა და განხორციელებაში გაწრთვნილი მოხალისეები კი არის შეთავაზებული პროექტის წარმატებით შესრულების გარანტი.

პროგრამის მიზანია:  უსაფრთხო თემების ჩამოყალიბების/განვითარების ხელშეწყობა კატასტროფებისთვის მზადებით, ჯანდაცვაზე ხელმისაწვდომობის გაზრდითა და სოციალური მხარდაჭერით. ჩამოყალიბებულია კარგად ფუნციონირებადი ინტერგრირებულ საქმიანობათა ცენტრი,რომელიც ემსახურება საზოგადოებაში ხანდაზმულთა ინტეგრაციასა და სოციალური იზოლაციის რღვევას  და ფუნქციონირებს პერსონალის, მოხალისეებისა და ბენეფიციარების თანამონაწილეობით. ახორციელებენ საკუთარი შესაძლებლობების რეალიზებას  და უნარ-ჩვევების განვითარებას; მათ ასევე რეგულარულად მიეწოდებათ ინფორმაცია თავიანთ უფლებებსა და შეღავათებზე.

ჩამოყალიბებულია საქმიანობათა ჯგუფები, რომელთა მართვა ხორციელდება  ჯგუფის ლიდერების მიერ. ტარდება რეგულარული ტრენინგები და წამახალისებელი ღონისძიებები  მოხალისეთათვის. შერჩეული,  გადამზადებული და აღჭურვილია მოხალისეთა  მობილური ჯგუფი კატასტროფებზე სწრაფი და ეფექტური რეაგირებისათვის კვალიფიციური  მოხალისეები ახორციელებენ  რეგულარულ ვიზიტებს ბინაზე უმწეო ხანდაზმულთათვის უსაფთხო გარემოსა და ცხოვრების ხარისხის შენარჩუნების მიზნით.

მუხლი 18. მმართველობა და საერთო დანიშნულების ხარჯი

პრიორიტეტი მოიცავს ისეთ ღონისძიებებს, რომლებიც ადმინისტრაციული ხასიათისაა და ხელს უწყობს სისტემის გამართულ ფუნქციონირებას, როგორიცაა მუნიციპალიტეტის მერიის სტრუქტურული ერთეულების, მუნიციპალიტეტის საკრებულოს აპარატის შენახვის ხარჯები, მათ შორის: შრომის ანაზღაურება, საქონელი და მომსახურება და სხვა. ასევე, მოიცავს ბიუჯეტის სარეზერვო ფონდს, წინა წლებში წარმოქმნილი ვალდებულებების დაფარვა და სასამართლო გადაწყვეტილებების აღსრულების ფინანსური უზრუნველყოფა, მუნიციპალიტეტის ვალდებულებების მომსახურება და დაფარვა. ქვეპროგრამის ფარგლებში დაგეგმილია მუნიციპალური განვითარების ფონდიდან მიღებული სესხის პროცენტისა და ძირი თანხების დაფარვა, კერძოდ "საქართველოს მყარი ნარჩენების მართვის პროექტის" ქონების გადაცემის ხელშეკრულების ფარგლებში გადასახდელი ძირი და  დარიცხული  საპროცენტო თანხის გადახდა საქართველოს ეროვნული ბანკის მიერ დადგენილი რეფინანსირების განაკვეთის ცვლილების შესაბამისად.

მმართველობა და საერთო დანიშნულების ხარჯის პრიორიტეტის დაფინანსებისათვის განისაზღვროს 7405,9 ათასი ლარი. მმართველობა და საერთო დანიშნულების ხარჯის  პრიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რედაქციით:

6. მმართველობა და საერთო დანიშნულების ხარჯი (პროგრამული კოდი  0100)

პრიორიტეტის ფარგლებში განხორციელდება საკანონმდებლო და აღმასრულებელი ხელისუფლების საქმიანობის უზრუნველყოფის დაფინანსება. ამავე პრიორიტეტიდან ფინანსდება საერთო დანიშნულების ხარჯები, როგორიცაა სარეზრვო ფონდი, წინა წლებში წარმოქმნილი ვალდებულებების დაფარვა და სასამართლოს გადაწყვეტილებების აღსრულების ფინანსური უზრუნველყოფა; მუნიციპალიტეტის ვალდებულბებების (სესხები) მომსახურება და დაფარვა; გენდერული თანასწორობის საბჭოს ხელშეწყობა.

პრიორიტეტი კავშირშია მდგრადი განვითარების შემდეგ მიზანათან: SDG 5, SDG 16.

მუხლი 19. პრიორიტეტების /პროგრამების/ ქვეპროგრამების მიღწეული შედეგის შეფასების ინდიკატორები

ბიუჯეტით განსაზღვრული პრიორიტეტებით/პროგრამებით/ქვეპროგრამებით მიღწეული შედეგის შეფასების ინდიკატორები ინფორმაციული სახით წარმოდგენილია ბიუჯეტზე თანდართულ ბიუჯეტის პროგრამულ დანართში.

თავი III. საჩხერის მუნიციპალიტეტის ბიუჯეტის ასიგნებები

მუხლი 20. მუნიციპალიტეტის ბიუჯეტის ასიგნებები

ბიუჯეტის ასიგნებები განისაზღვროს შემდეგი რედაქციით:

ათას ლარში